- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ رەيتەر اگەنتتىگىنىڭ تىلشىلىگىن قابىلداعاندا مىنانى دارىپتەدى
جۇڭگو مەن ۇلى بريتانيانىڭ جالپى بەتتىك ستراتەگيالىق ارىپتەستىك قاتىناسىنىڭ «التىن ءداۋىرىن» بىرگە جاراتىپ، جۇڭگو – ەۆروپا قاتىناسىنىڭ جاپپاي ىلگەرىلەتىلۋىنە تىڭ كۇش قوسۋىمىز كەرەك
2015.10.19 15:25 كەلۋ قاينارى : حالىق تورابى
شينحۋا اگەنتتىگى، 18 – قازان، بەيجيڭ. مەملەكەت ءتوراعاسى شي جينپيڭ ۇلى بريتانياعا مەملەكەتتىك ساپاردا بولۋ قارساڭىندا، ياعني 18 – قازاندا رەيتەر اگەنتتىگىنىڭ تىلشىلىگىن قابىلدادى.
سۇراۋ: ءسىز الداعى جەردە ۇلى بريتانيادا مەملەكەتتىك ساپاردا بولاسىز. ۇعىسۋىمىزشا، ۇلى بريتانيانىڭ پاتشا سارايى مەن ۇكىمەتى ءسىزدىڭ وسى رەتكى ماڭىزدى ساپارىڭىزعا ايرىقشا ءمان بەرىپ، دەن قويا ورنالاستىرۋ جاساپ وتىر ەكەن. وتكەن عاسىردىڭ 90 – جىلدارىندا ءسىز ۇلى بريتانيادا ساپاردا بولعانسىز، ۇلى بريتانيا جونىندەگى اسەرىڭىز قانداي؟ 20 جىلدان سوڭ ۇلى بريتانياعا تاعى دا ساپارلاي بارۋدا نەندەي ءۇمىت ارقالاپ وتىرسىز؟ وسى رەتكى ساپار جۇڭگو مەن ۇلى بريتانيانىڭ قاتىناسىنا جانە جۇڭگو مەن ەۆروپانىڭ قاتىناسىنا قانداي ىقپال تۋدىرادى؟ ۇلى بريتانيانىڭ كەيبىر ادامدارى جۇڭگوعا ءالى دە كۇدىكپەن قارايدى، ۇلى بريتانيا ۇكىمەتى جۇڭگوعا اسىعىستىقپەن جاعاتسىپ وتىر دەپ ويلايدى، ۇلى بريتانيا مەن جۇڭگونىڭ ءبىر – بىرىنە پايدا جەتكىزۋ قاتىناسىن قالاي جالعاستىرۋعا بولادى؟
جاۋاپ: 1994 – جىلى مەن لوندون، وكسفورت، گلازگو، ەدينبۋرگ قاتارلى جەرلەردە ساپاردا بولعانمىن. سول جولعى ساپار ماعان تەرەڭ اسەر بەردى، اسىرەسە، ۇلى بريتانيانىڭ ۇزاق تاريحى، وزگەشە مادەنيەتى، اشىق – جارقىن حالقى، كوركەم ورتاسى ەستەن كوتەرىلمەيدى.
وسى رەت مەن ۇلى بريتانيانىڭ پاتشايىمى ەليزابەتاⅡ– نىڭ ۇسىنىسىمەن ۇلى بريتانيادا مەملەكەتتىك ساپاردا بولامىن، ۇلى بريتانيانىڭ باسشىلارىمەن جانە ءار سالاسىنداعى دوستارمەن ەكى ەل قاتىناسى دامۋىنىڭ ۇلى جوسپارىن اقىلداسىپ، كەيىنگى ءبىر مەزگىلدەگى جۇڭگو مەن ۇلى بريتانيانىڭ قاتىناسىنا جوبا جاساپ، ەكى ەلدىڭ ءار سالاداعى ناقتى سەلبەستىگىنە تىڭ كۇش قوسىپ، جۇڭگو مەن ۇلى بريتانيانىڭ جالپى بەتتىك ستراتەگيالىق ارىپتەستىك قاتىناسىنىڭ «التىن ءداۋىرىن» بىرگە جاراتۋدى تىلەك ەتىپ وتىرمىن.
بيىلعى جىل – جۇڭگو مەن ۇلى بريتانيانىڭ جالپى بەتتىك ستراتەگيالىق ارىپتەستىك قاتىناسىنىڭ ەكىنشى 10 جىلىنىڭ باستاما جىلى، سونداي – اق جۇڭگو مەن ەۆروپانىڭ ديپلوماتيالىق قاتىناس ورناتقانىنىڭ 40 جىلدىعى. جۇڭگو مەن ۇلى بريتانيانىڭ جانە جۇڭگو مەن ەۆروپانىڭ قاتىناسىنىڭ دامۋى بولاشاققا جول اشۋدىڭ ماڭىزدى وراي كەزەڭىندە تۇر. ۇلى بريتانيا – ەۆروپا وداعىنىڭ ماڭىزدى مۇشە ەلى، جۇڭگو – ۇلى بريتانيا قاتىناسى مەن جۇڭگو – ەۆروپا قاتىناسى ساباقتاسىپ جاتادى. وتكەن جىلى مەن ەۆروپا وداعىنىڭ باس شتابىندا ساپاردا بولىپ، ەۆروپا وداعى باسشىلارىمەن جۇڭگو جانە ەۆروپا اراسىندا بەيبىتشىلىك، ەكونوميكانى دامىتۋ، رەفورما جۇرگىزۋ، وركەنيەت سىندى 4 ۇلكەن جاقتان ارىپتەستىك قاتىناس ورناتۋ جاعىنان ورتاق تانىمعا كەلدىم. جۇڭگو – ۇلى بريتانيا قاتىناسىنىڭ جاڭا دامۋى جۇڭگو – ەۆروپا قاتىناسىنىڭ جاپپاي ىلگەرىلەتىلۋىنە تىڭ كۇش قوساتىنىنا، جۇڭگو مەن ەۆروپا اراسىنداعى 4 ۇلكەن ارىپتەستىك قاتىناستى جەبەۋگە تىڭ ۇلەس قوساتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
