- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ تۇركمەنستاننىڭ پرەزيدەنتى بەردىمۇحامەتوۆپەن كەڭەس وتكىزدى
2015.11.13 16:09 كەلۋ قاينارى : حالىق تورابى
«حالىق گازەتى»، 12 – قاراشا، بەيجيڭ (ءتىلشى جاۋ ميڭحاۋ). مەملەكەت ءتوراعاسى شي جينپيڭ 12 – قاراشادا حالىق سارايىندا جۇڭگوعا ساپارلاي كەلگەن تۇركمەنستاننىڭ پرەزيدەنتى بەردىمۇحامەتوۆپەن كەڭەس وتكىزدى. ەكى ەل باسشىلارى بىرگە قۇلشىنىپ، ەكى جاقتىڭ ءارقايسى سالاداعى سەلبەستىك دەڭگەيىن جوعارىلاتىپ، ەكى ەلدىڭ ستراتەگيالىق ارىپتەستىك قاتىناسىنىڭ مازمۇنىن تىنباي بايىتىپ، ەكى ەل حالقىنا باقىت جاراتۋعا ماقۇل بولدى.
شي جينپيڭ بەردىمۇحامەتوۆتىڭ جۇڭگوعا ارنايى كەلىپ جۇڭگو حالقىنىڭ جاپون باسقىنشىلارىنا قارسى سوعىسى جانە فاشيزمگە قارسى دۇنيە جۇزىلىك سوعىس جەڭىسىنىڭ 70 جىلدىعىن قۇتتىقتاعانىنا راقىمەت ايتتى. شي جينپيڭ بىلاي دەدى: جۇڭگو مەن تۇركمەنستان – ەتەنە دوستار جانە سەنىمدى سەلبەستىك ارىپتەستەرى، ەكى ەلدىڭ دوستىق – سەلبەستىك قاتىناسىنىڭ بەرىك ساياسي نەگىزى جانە جاقسى حالىقتىق نەگىزى بار. ەكى ەل باسشىلارىنىڭ تىعىز بارىس – كەلىستى جالعاستىرا بەرۋىن ءۇمىت ەتەمىن. جۇڭگونىڭ جىبەك جولى ەكونوميكالىق بەلدەۋىن بىرگە قۇرۋ دارىپتەمەسىن تۇركمەنستان بەلسەندىلىكپەن قولدادى. ءبىز «ءبىر بەلدەۋ، ءبىر جول» قۇرىلىسىن بىرگە ىلگەرىلەتۋ تىلەگى مەن ارەكەتىن رەسمي جاريالادىق، مۇنىڭ ىشىندە سالىناتىن جۇڭگو – ورتا ازيا – باتىس ازيا ەكونوميكالىق ءدالىزى تۇركمەنستاننان وتەدى. ءبىز اقىلداسۋ، بىرگە قۇرۋ، قاتار يگىلىكتەنۋ پرينسيبىنە بويسۇنىپ، تۇركمەنستانمەن بىرگە وسى قىزمەتتى جاقسى ىستەيمىز. جۇڭگو تۇركمەنستاندى ەنەرگيا ستراتەگياسىنداعى باياندى، ورنىقتى سەلبەستىك ارىپتەسى دەپ قارايدى، تۇركمەنستانمەن بىرگە ەكى ەلدىڭ ەنەرگيا سەلبەستىگىن ۇزدىكسىز تەرەڭدەتۋگە پەيىل. جۇڭگو تۇركمەنستانمەن بىرگە ساپالى ەنەرگيا ءوندىرۋ سەلبەستىگى جاعىندا ىزدەنىس جاساپ، تۇركمەنستاننان ءداستۇرلى ساپالى ونىمدەردى يمپورت ەتۋ مولشەرىن ۇزدىكسىز زورايتىپ، ەكى جاقتىڭ كاليلى تىڭايتقىش ءوندىرۋ، ەلەكتر قۋاتى، ينفورماتسيا تەحنيكاسى، اۋىل شارۋاشىلىعى، فينانس، قاتىناس سياقتى سالالارداعى سەلبەستىگىن ىلگەرىلەتۋگە پەيىل. ءبىز تۇركمەنستان جاقپەن جاستار، وقۋ – اعارتۋ، مادەنيەت، دەنەتاربيە سياقتى سالالارداعى اۋىس – كۇيىستى كۇشەيتىپ، ەكى ەل حالقىنىڭ ءبىر – ءبىرىن ءتۇسىنۋىن جانە دوستىعىن كۇشەيتۋدى قالايمىز. ەكى جاقتىڭ حاۋىپسىزدىك جاعىنداعى سەلبەستىكتى تەرەڭدەتۋىن القايمىز.
شي جينپيڭ بىلاي دەدى: قازىرگى كۇردەلى وڭىرلىك حاۋىپسىزدىك جاعدايىنا قاراتا ەكى ەل حاۋىپسىزدىك سەلبەستىگىن تەرەڭدەتۋى، «ءۇش ءتۇرلى كۇشكە» جانە شەكارا اتتاعان ۇيىمدىق قىلمىسقا بىرلەسىپ سوققى بەرۋى كەرەك. ەكى ەلدىڭ ءبىرقىدىرۋ كەلەلى حالىقارالىق جانە وڭىرلىك ماسەلەدەگى مايدانى ۇقساس، بۇل – ەكى ەلدىڭ جوعارى دەڭگەيدەگى ستراتەگيالىق ارىپتەستىك قاتىناسىنىڭ بەينەلەنۋى. جۇڭگو تۇركمەنستانمەن بىرگە حالىقارالىق ەنەرگيا سەلبەستىگى سياقتى ماسەلەلەردە تۇسىنىستىكتى كۇشەيتۋگە ىنتالى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
