- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وتباسىلىق قىزمەت وتەۋ كاسىبى كىرىس تابۋ جولىنا اينالدى
2015.11.16 14:14
گۇليا قاسىمقان قىزى حابارلايدى. ءتۇرلى وتباسى جۇمىستارىنا قىزمەت وتەۋ كاسىبىنىڭ جەدەل دامۋىنا ىلەسىپ، قالاداعى وتباسى جۇمىستارىنا قىزمەت وتەۋ كاسىبى اۋىل-قىستاققا بەت الدى. وسى ورايدا ۇستەگى جىلى كۇنەس اۋدانى ارالتوبە قالاشىعى تۇڭعىش رەت وتباسىلىق قىزمەت وتەۋ سەرىكتىگىن قۇرىپ، قالاشىقتاعى بوس ەڭبەككۇشتەردى كاسىپتەندىرىپ وتباسى كىرىسىن ارتتىرۋعا جەبەۋ بولۋمەن بىرگە، جۇرتشىلىقتىڭ القاۋىنا بولەندى.
ۇستەگى جىلى وسى قالاشىق تۇرعىندارى امانتاي مەن گۇلبانۋ اۋىلدىق پارتكوم مەن ۇكىمەتتىڭ قولداۋىندا وتباسىلىق قىزمەت وتەۋ سەرىكتىگىن قۇرعان بولاتىن. قازىر ونداعى قازاق، حانزۋ، ۇيعۇر، حۇيزۋ، تاتار قاتارلى ۇلتتاردان قۇرالعان 200 جۇمىسشى وتباسى جۇمىستارىنا قارايلاسۋ،ءۇي تازالاۋ، ءۇي كوشىرۋ، ءۇي اشەكەيلەۋ جۇمىستارىمەن اينالىسىپ كەلەدى ەكەن. وسى سەرىكتىكتى قۇرۋشىلار امانتاي مەن گۇلبانۋ تىلشىگە: سەرىكتىكتى قۇرعاننان قازىرگە دەيىنگى كىرىسىمىز 2 ميلليون يۋاننان استى، وسىلايشا ءار ادامنىڭ جىلدىق كىرىسىن 20 - 30 مىڭ يۋان اينالاسىندا دەپ مولشەرلەپ وتىرمىز، جۇمىستىڭ قاۋىرت كەزىندە وسى ارالتوبە قالاشىعىنان تىس نارات، المالى، تۇرگەن سياقتى اۋىل - قالاشىقتاردان دا تاپسىرىس قابىلدايمىز. ەندى ءتۇرلى جۇمىس ارنالارىن ءتىپتى دە كەڭەيتىپ، جۇمىسشىلاردىڭ كىرىس قاينارىن مولايتۋعا جوسپار جاساپ وتىرمىز، - دەدى.
سەرىكتىك جاۋاپتىسى گۇلبانۋ تىلشىگە: ەرلەر عانا جۇمىس ىستەپ اقشا تاپسا بولدى، ايەلدەر ۇيدە وتىرادى دەگەن ويدان ارىلۋىمىز كەرەك، مەن ءوزىم باستاپ جۇمىس ىستەيىن دەگەن ويعا كەلىپ، ايەلدەردى ۇيىستىردىم، العاش جۇمىس باستاعاندا ەرلەردىڭ كوبى ايەلدەرىنىڭ جۇمىس ىستەپ اقشا تابۋىن قولدامادى، ولار مەنىڭ جۇمىس ىستەپ اقشا تابا باستاعانىمدى بىلگەن سوڭ، قوسىنىمىزعا كىرە باستادى، وسىلايشا ۇلكەن ءبىر سەرىكتىكتىڭ باسىن قۇرادىق، جەرگە سۇيەنىپ قانا قالماي، ءبىر ۇيدەگى ەرلى - زايىپتىلار ءبىر بىرىنە قولداۋ كورسەتىپ بىرگە قۇلشىنسا، كوز اياسىن كەڭەيتىپ تۇرمىس تاسىلىنە بۇرىلىس جاساپ، اۋقاتتانۋ جولىنا تۇسۋگە بولادى، - دەدى.
وسى سەرىكتىكتە جۇمىس ىستەيتىن پاتىگۇل ــ ارالتوبە قالاشىعى قاراسۋ قىستاعىنىڭ تۇرعىنى. ول تىلشىگە: گۇلبانۋ اپەكەمىزدىڭ ءناسيحاتتاۋىندا وسىندا جۇمىس ىستەۋگە كەلدىم، قازىر بەلگىلى مولشەردە ەكونوميكالىق كىرىس تاۋىپ قۋانىپ قالدىم، مەن ءساۋىر ايىنان قازان ايىنا دەيىن 15 مىڭ يۋان كىرىس تاپتىم، بۇل مەنىڭ ۇيدە قاراپ وتىرماي قوس قولىما سۇيەنىپ اقشا تابۋ سەنىمىمدى بەكەمدەدى، - دەدى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
