- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەتتىك ساياسي كەڭەس ماجىلىسىنە قاتىناسقان دەموكراتيالىق مەملەكەت قۇرۋ قوعامىنىڭ، ساۋداگەرلەر – ونەركاسىپشىلەر بىرلەستىگىنىڭ مۇشەلەرىمەن امانداسقاندا مىنانى دارىپتەدى
ەلىمىزدىڭ نەگىزگى شارۋاشىلىق تۇزىمىنەن اۋىتقىماي، ءتۇرلى مەنشىكتەگى شارۋاشىلىقتىڭ اقاۋسىز دامۋىن جەبەۋ كەرەك
يۇي جىڭشىڭ امانداسىپ، تالقى وتكىزۋدە بىرگە بولدى
2016.03.05 14:02 كەلۋ قاينارى : حالىق تورابى
شينحۋا اگەنتتىگى، 4 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 – ناۋرىز تۇستەن كەيىن ساياسي كەڭەس مەملەكەتتىك 12 – كەزەكتى كوميتەتىنىڭ 4 – ماجىلىسىنە قاتىناسقان دەموكراتيالىق مەملەكەت قۇرۋ قوعامىنىڭ، ساۋداگەرلەر – ونەركاسىپشىلەر بىرلەستىگىنىڭ مۇشەلەرىمەن امانداستى ءارى بىرىككەن گرۋپپا جيىنىنا قاتىناسىپ، مۇشەلەردىڭ پىكىر، ۇسىنىسىن تىڭدادى. ول مىنانى دارىپتەدى: جالپىلىق مەنشىكتى نەگىز ەتكەن، كوپ ءتۇرلى مەنشىك بىرگە داميتىن نەگىزگى شارۋاشىلىق ءتۇزىمى ــ جۇڭگو كوممۋنيستىك پارتياسى تۇراقتاندىرعان كەلەلى ساياسي باعىت، جالپىلىق مەنشىكتى اۋىتقىماستان بەكەمدەۋ جانە دامىتۋ، جالپىلىق مەنشىككە جاتپايتىن شارۋاشىلىقتىڭ دامۋىنا بۇلجىماستان شابىت بەرۋ، قولداۋ كورسەتۋ جانە جەتەكشىلىك ەتۋ كەرەك. جالپىلىق مەنشىككە جاتپايتىن شارۋاشىلىقتىڭ ەلىمىزدىڭ ەكونوميكاسىنىڭ، قوعامىنىڭ دامۋىنداعى ورنى مەن رولى وزگەرگەن جوق، ءبىزدىڭ جالپىلىق مەنشىككە جاتپايتىن شارۋاشىلىقتىڭ دامۋىنا شابىت بەرۋ، قولداۋ كورسەتۋ جانە جەتەكشىلىك ەتۋ باعىت – ساياساتىمىز وزگەرگەن جوق، ءبىزدىڭ جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا جاراتۋعا جانە كوپ وراي بەرۋگە قۇلشىنۋ باعىت – ساياساتىمىز وزگەرگەن جوق.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ امانداسىپ، تالقى وتكىزۋدە بىرگە بولدى.
بىرىككەن گرۋپپا جيىنىندا مۇشەلەردەن باي جۇڭ – ىن، نان سۇنحۇي، حۋ كى – ي، لي يانحۇڭ، لي يۇيگۋاڭ، شۇي گۋانجۇي، گو يۋەجين، ۋاڭ ۋىنبياۋ، جاڭ ميڭحۋا، چىن جىليە قامداۋ تۇرىندەگى قۇرىلىمدىق رەفورمانى ىلگەرىلەتۋ، جاساۋ كاسىبىن دامىتۋ سەنىمىن بەكەمدەۋ، توراپ شارۋاشىلىعىنىڭ دامۋ اياسىن كەڭەيتۋ، ءبىلىم مەنشىك ۇقىعىن قورعاۋدى كۇشەيتۋ، ناقتى شارۋاشىلىقتىڭ وزىندىك قۇنىن تومەندەتۋ، كاسىپورىنداردىڭ تەحنيكالىق جاڭالىق جاراتۋىن جەبەۋ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جەبەۋ سياقتى ماسەلەلەردى توڭىرەكتەي وتىرىپ ءسوز سويلەدى.
شي جينپيڭ كوپشىلىكتىڭ ءسوزىن مۇقيات تىڭداعاننان كەيىن ماڭىزدى ءسوز سويلەپ بىلاي دەدى: كوپشىلىك سوزدەرىندە وتە جاقسى پىكىر، ۇسىنىستاردى ورتاعا قويدى، قاتىستى تاراۋلار بۇعان ايرىقشا ءمان بەرىپ، مۇقيات زەرتتەۋ جۇرگىزۋى كەرەك. ول پارتيا ورتالىق كوميتەتى اتىنان سونداعى ساياسي كەڭەس مۇشەلەرىنە، دەموكراتيالىق مەملەكەت قۇرۋ قوعامىنىڭ، ساۋداگەرلەر – ونەركاسىپشىلەر بىرلەستىگىنىڭ مۇشەلەرىنە جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەرگە، جالپى ساياسي كەڭەس مۇشەلەرىنە ىقىلاستى سالەم جولدادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
