- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز بيىل قيىنشىلىعى بار بۇقاراعا شار تاراپتاسقان قامتاماسىز ەتۋ تورىن كۇش سالا ورناتادى
2016.03.04 15:41 كەلۋ قاينارى : شينجياڭ گازەتى
بەتاشار
بيىل − اۆتونوميالى رايونىمىزدىڭ 7 - رەتكى حالىق تۇرمىسى قۇرىلىسى جىلى، اۆتونوميالى رايون 110 ميلليارد يۋان قارجى قوسىپ، 25 ءتۇر بويىنشا حالىق تۇرمىسىنا قاتىستى 100 ءتۇيىندى ينجەنەريانى اتقارۋدى ۇيعاردى.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم «بۇقارانى ماڭداي الدى ورىنعا قويۋ، حالىق تۇرمىسىن الدىمەن ويلاسۋ، نەگىزگى ساتىنى ماڭىزدى ساناۋعا» تاباندى بولىپ، ءار ۇلت بۇقاراسى جاپپاي كوڭىل ءبولىپ وتىرعان كەلەلى حالىق تۇرمىسى ماسەلەلەرىن قامال الۋ جانە كىرىسۋ ءتۇيىنى ەتىپ، «حالىق تۇرمىسى قۇرىلىسى جىلى» قيمىلىن ءۇرتىس ورىستەتىپ، كاسىپتەنۋدەگى ەڭ كورنەكتى قيىن ماسەلەلەردى شەشتى، بۇقارانىڭ تۇرارجايىندا تاريحي وزگەرىس تۋىلدى، وقۋ - اعارتۋ تىڭ ىلگەرىلەۋشىلىككە قول جەتكىزدى، قوعامدىق قامتاماسىزداندىرۋ دەڭگەيى بارىنشا جوعارىلادى، سۋ، ەلەكتر، جول، گاز جاعىندا جانە بۇقارانىڭ اڭىسى كۇشتى سالالاردا ءبىر توپ كورنەكتى حالىق تۇرمىسى ماسەلەسى شەشىلدى، كەدەيلەر سانىن ازايتۋ، كەدەيلىكتەن قۇتىلدىرۋ تەبىنى تاريحي تىڭ دەڭگەيگە كوتەرىلدى. ءار ۇلت بۇقاراسىنىڭ «حالىق تۇرمىسى قۇرىلىسى جىلىن» اتقارۋدى شىنايى قولداۋىنىڭ ارقاسىندا، حالىق تۇرمىسى قۇرىلىسى شينجياڭ قىزمەتىنىڭ كورنەكتى جارقىن تۇيىنىنە اينالدى.
حالىق تۇرمىسىن قامتاماسىز ەتۋ جانە جاقسارتۋ قىزمەتى جالعاسا بەرەدى، حالىق تۇرمىسى قۇرىلىسى جورىقتا. گازەتىمىز بۇگىننەن باستاپ «حالىق تۇرمىسى قۇرىلىسى جورىقتا − 7 - رەتكى حالىق تۇرمىسى قۇرىلىسى جىلىنا نازار» ايدارىن اشىپ، اۆتونوميالى رايونىمىزدىڭ حالىق تۇرمىسى قۇرىلىسى جىلىنا قاتىستى قىزمەت ورنالاستىرۋلارىنىڭ دايەكتى تياناقتانۋ جاعدايىن ءجىتى قاداعالاپ، 7 - رەتكى حالىق تۇرمىسى قۇرىلىسى جىلىنا جىگەر بەرىپ، ءۇن قوسادى.
ءتىلشىمىز ياڭ يىڭچۇن 3 - ناۋرىزدا ۇرىمجىدەن حابارلايدى. ءۇرىمجى قالاسى سايباق رايونى ەشكىلىك تاۋى ءمالىسى تيەدۇڭ الەۋمەتتىك اۋماعىنىڭ حۇيمين تۇرعىندار رايونىنداعى جاڭ جيانگو قاريا 3 - ناۋرىز تۇستەن كەيىن تىلشىگە: «80گە كەلدىم، ەڭ تومەنگى تۇرمىستى قامتاماسىزداندىرۋ قاراجاتىنا سۇيەنىپ كۇنەلتىپ كەلەمىن، سالماقتى ناۋقاسقا شالدىعىپ قالسام قايتەمىن دەگەننەن قاتتى ۋايىمداپ جۇرگەن بولاتىنمىن» دەي كەلە، «اۆتونوميالى رايونىمىزدىڭ بيىل قيىنشىلىعى بار بۇقاراعا <ەمدەۋدە ەڭ تومەنگى شەكتەن تۇسىرمەۋدى قامتاماسىز ەتۋ> ينجەنەرياسىن اتقارعانىن ەستىپ، كوڭىلىم جاي تاپقانداي بولدى»، - دەپ ءسوزىن جالعادى.
«ەمدەۋدە ەڭ تومەنگى شەكتەن تۇسىرمەۋدى قامتاماسىز ەتۋ» ينجەنەرياسى عانا ەمەس، اۆتونوميالى رايونىمىزداعى ءار دارەجەلى حالىق ىستەرى تاراۋلارى بيىل «حالىق ىستەرىندە ەڭ تومەنگى شەكتەن تۇسىرمەۋدى قامتاماسىز ەتۋدى تياناقتاندىرۋ جىلىن» ماقۇلداۋدان وتكىزبەكشى، قالا، اۋىلداردىڭ ەڭ تومەنگى تۇرمىستى قامتاماسىزداندىرۋ دەڭگەيىن كوتەرۋدى، ەمدەۋدە ەڭ تومەنگى شەكتەن تۇسىرمەۋدى قامتاماسىز ەتۋ، ەرەكشە قاۋىمعا قامقورلىق جاساۋ، شۇعىل قۇتقارۋ، قيىنشىلىق قىسپاعىنان قۇتقارۋ سىندى حالىق تۇرمىسى ينجەنەرياسىن جاپپاي تياناقتاندىرىپ، قيىنشىلىعى بار بۇقارانىڭ ەندىكتىڭ شەتىنە شىعۋ، بويلىقتىڭ تەرەڭىنە بويلاۋ، شارالاردى مەكەمە - ورىندارعا تياناقتاندىرۋ، جاۋاپكەرلىكتى ادامدارعا تياناقتاندىرۋ سىندى شار تاراپتاسقان قامتاماسىز ەتۋ تورىن ورناتىپ، قيىنشىلىعى بار ءاربىر قاۋىمنىڭ قامقورشىسى بولۋىنا، سۇيەمەلدەيتىن ادامى بولۋىنا مۇمكىندىك جاسالادى.
اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسىنىڭ شۋجيى لي نيڭپيڭ بىلاي دەدى: بيىل حالىق ىستەرى مەڭگەرمەسى اۋىل - قىستاقتارداعى ەڭ تومەنگى تۇرمىسى قامتاماسىز ەتىلەتىن وبيەكتىلەر اراسىنداعى «ءتورت تۇردەگى» ادامداردىڭ (قارتتار، ازامات جاسىنا تولماعاندار، اۋىر دارەجەدەگى مۇگەدەكتەر جانە سالماقتى اۋرۋعا شالدىققاندار) ەڭ تومەنگى تۇرمىسىن ۇزبەي ويداعىداي قامتاماسىز ەتەدى؛ اۋىل - قىستاقتارداعى ەڭبەك قابىلەتى بار، ەڭ تومەنگى تۇرمىسى قامتاماسىز ەتىلەتىن وبيەكتىلەردى اۆتونوميالى رايوننىڭ كەدەيلەردى سۇيەمەلدەۋ جوباسىنا ەنگىزىپ، كاسىپ سالاسى جانە كاسىپتەندىرۋ ارقىلى سۇيەمەلدەۋ، باسقا جەرلەرگە كوشىرىپ ورنالاستىرۋ، ەكولوگيانى قورعاۋ، وقۋ - اعارتۋدى كۇشەيتۋ تاسىلدەرى ارقىلى كەدەيلىكتەن قۇتىلدىرادى؛ حالىق ىستەرى مەڭگەرمەسى ەڭبەك قابىلەتىنەن بۇكىلدەي نەمەسە جارتىلاي ايرىلعان 870 مىڭ ادامدى، «ءتورت ءتۇرلى» تاسىلمەن كەدەيلىكتەن قۇتىلدىرۋعا مۇمكىن بولماعانداردى ارحيۆ تۇرعىزۋ، كارتچكا ورناتۋ ارقىلى اۋىل - قىستاقتاردىڭ ەڭ تومەنگى تۇرمىسىن قامتاماسىز ەتۋ جىلدىق ولشەمىنە ساي، تۇرمىسىن قامتاماسىز ەتۋدى ەڭ تومەنگى شەكتەن تۇسىرمەۋ اۋماعىنا بىرتىندەپ ەنگىزەدى، اۋىل - قىستاق وتباسىلارىنىڭ كىرىسىن انىقتاۋ مەحانيزمى مەن ەڭ تومەنگى تۇرمىسىن قامتاماسىز ەتۋ ولشەمىنىڭ تابيعي ارتۋ مەحانيزمى قۇرىلىسىن اناعۇرلىم جەدەلدەتىپ، رايونىمىز بويىنشا ارتۋ مولشەرى جىلىنا ورتا ەسەپپەن %12تەن تومەن بولماۋ نەگىزىندە اۋىل - قىستاقتاردىڭ ەڭ تومەنگى تۇرمىسىن قامتاماسىز ەتۋ ولشەمىن بىرتىندەپ جوعارىلاتىپ، 2020 - جىلى مەملەكەتتىڭ كەدەيلىكتەن قۇتىلدىرۋ ولشەمىنە جەتكىزەدى.
تۇرمىسىندا قيىنشىلىعى بار بۇقارانىڭ شيپاگەرگە قارالۋىنا مۇمكىندىك جاساۋ ءۇشىن، قالا مەن اۋىلداعى ەڭ تومەنگى تۇرمىسى قامتاماسىز ەتىلەتىندەردى ەمدەۋدە تومەنگى شەكتى ساقتاۋدان سىرت، اۆتونوميالى رايون بيىل سۇيەمەلدەنەتىن وبيەكتىلەرگە ەمدەۋدەن كومەك بەرۋ سەرپىنىن ارتتىرىپ، سۇيەمەلدەنەتىن وبيەكتىلەرگە ەڭ تومەنگى تۇرمىسى قامتاماسىز ەتىلەتىن وبيەكتىلەرگە ەمدەۋدەن كومەك بەرۋ ءتاسىلى بويىنشا نەگىزگى ەمدەۋ، ساۋدالىق ەمدەۋ قامسىزداندىرۋىن ەسەپتەن كوتەرۋدەن سىرت، ەمدەۋدەن كومەك بەرىپ، كەدەي وبيەكتىلەرگە ەمدەۋدەن كومەك بەرۋ بويىنشا ءبىر ورىندا ەسەپ جاساۋ مەحانيزمىن ورناتادى، كەمەلدەندىرەدى، سونىمەن بىرگە حالىق ىستەرى مەڭگەرمەسى ءار دارەجەلى يگىلىك لاتارياسى الەۋمەتتىك يگىلىك قورىنىڭ كەدەيلەردى سۇيەمەلدەۋدە ەڭ تومەنگى شەكتى ساقتاۋعا پايدالانىلاتىن ۇلەس سالىسىتىرماسىن ءبىر تۇتاس ورنالاستىرىپ، ەڭ تومەنگى تۇرمىسىن قامتاماسىز ەتۋ قارجىسىن، ەمدەۋدەن كومەك بەرۋ قارجىسىن، كەدەيلەردى سۇيەمەلدەۋ قارجىسىن، ۋاقىتشا كومەك بەرۋ قارجىسىن، زەينەتكەرلىكتى قامتاماسىز ەتۋ قارجىسىن، الەۋمەتتىك قىزمەت وتەۋدى قامتاماسىز ەتۋ قارجىسىن بىرىكتىرىپ پايدالانىپ، مەملەكەت پەن اۆتونوميالى رايون بەلگىلەگەن 35 كەدەي اۋدانعا، كەدەي اۋىل - قىستاققا، كەدەي قاۋىمعا ءتۇيىندى بەيىمدەيدى.
قالا مەن اۋىل تۇرعىندارىنىڭ توسىننان تۋىلعان ۋاقىتشا تۇرمىس قيىنشىلىعىن ءونىمدى شەشۋ ءۇشىن، حالىق ىستەرى مەڭگەرمەسى شۇعىل قۇتقارۋ، قيىنشىلىق قىسپاعىنان قۇتىلدىرۋ ينجەنەرياسىن كۇش سالا اتقارىپ، ۋاقىتشا كومەك بەرۋ سەرپىنىن اناعۇرلىم ارتتىرادى.
ۇعىسۋعا قاراعاندا، حالىق ىستەرى مەڭگەرمەسى بىلتىر 628 ميلليارد 400 ميلليون يۋان قارجى دايىنداپ، قالا مەن اۋىلدىڭ ەڭ تومەنگى تۇرمىسىن قامتاماسىز ەتۋ دەڭگەيىن كوتەرۋ، ەمدەۋدە ەڭ تومەنگى شەكتى ساقتاۋ، نۇرلى بولاشاق سياقتى اۆتونوميالى رايوننىڭ حالىق تۇرمىسىنا قاتىستى 10 تۇردەگى ءتۇيىندى ينجەنەريانى كۇش سالا اتقارىپ، اۆتونوميالى رايون تۇسىرگەن مىندەتتى اسىرا ورىنداپ، رايونىمىزدىڭ قوعامدىق كومەك بەرۋ جۇيەسىن كەمەلدەندىرىپ، تۇرمىسىندا قيىنشىلىعى بار بۇقارانىڭ تۇرمىسىن ءونىمدى قامتاماسىز ەتكەن.
كەلۋ قاينارى: «شينجياڭ گازەتى»
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
