- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ دىجياڭ، يۇي جىڭشىڭ مەملەكەتتىك «ەكى ماجىلىستەگى» ءىشىنارا ۇيىرمەنىڭ باياندامانى قاراۋىنا، تالقىسىنا جەكە – جەكە قاتىناستى
2016.03.07 14:32 كەلۋ قاينارى : حالىق تورابى
شينحۋا اگەنتتىگى، 6 – ناۋرىز، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ 6 – ناۋرىز تۇستەن بۇرىن مەملەكەتتىك 12 – كەزەكتى حالىق قۇرىلتايىنىڭ 4 – ءماجىلىسى مەن ساياسي كەڭەس مەملەكەتتىك 12 – كەزەكتى كوميتەتىنىڭ 4 – ماجىلىسىندەگى ءىشىنارا ۇيىرمەنىڭ باياندامانى قاراۋىنا جانە تالقىسىنا جەكە – جەكە قاتىناستى.
جاڭ دىجياڭ شياڭگاڭ ۋاكىلدەر ۇيىرمەسىنىڭ، اۋمىن ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى. جاڭ دىجياڭ شياڭگاڭ، اۋمىن رايوندارىنىڭ مەملەكەتتىك حالىق قۇرىلتايى ۋاكىلدەرىمەن ىقىلاسپەن پىكىر الماستىرعاندا بىلاي دەدى: وتكەن 5 جىلدا «12 – بەس جىلدىق» جوسپاردىڭ سىرگەسى ءساتتى جيىلدى، «ءبىر ەلدە ەكى ءتۇزىم» امالياتىندا جاڭا ىلگەرىلەۋشىلىك بولدى. «13 – بەس جىلدىق» مەزگىلى ــ مەملەكەتىمىزدىڭ جاپپاي دوڭگەلەك داۋلەتتى قوعام قۇرۋداعى شەشۋشى جەڭىسكە قول جەتكىزۋ مەزگىلى، سونداي – اق شياڭگاڭ مەن اۋمىننىڭ ءىرى ىستەردى تىندىراتىن ماڭىزدى مەزگىلى. ورتالىق «ءبىر ەلدە ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن ءۇرتىس بۇلجىماستان جانە جان – جاقتى دۇرىس دايەكتى تياناقتاندىرىپ، نەگىزگى زاڭ مەن ءتۇبىرلى زاڭدى قاتاڭ نەگىز ەتە وتىرىپ شياڭگاڭ مەن اۋمىننىڭ ۇزاق ۋاقىت گۇلدەنۋىن، ورنىقتى بولۋىن كەپىلدەندىرەدى. شياڭگاڭ، اۋمىن قوعامى دامۋ باعىتىن يگەرىپ، مەملەكەتتىڭ «13 – بەس جىلدىق» جوسپاردى اتقارۋى، «ءبىر بەلدەۋ، ءبىر جول» سياقتى كەلەلى ستراتەگيالىق ورايدى مىقتى يگەرىپ، دامۋ سەنىمىن بەكەمدەپ، دامۋ قوزعاۋشى كۇشىن نىعايتىپ، دامۋ دامۋ اياسىن كەڭەيتىپ، ءوزىنىڭ اناعۇرلىم زور دامۋىن ىسكە اسىرۋلارى كەرەك. اۋمىن ۋاكىلدەر ۇيىرمەسىندە جاڭ دىجياڭ مىنانى اتاپ كورسەتتى: قازىر اۋمىننىڭ دامۋى ءدوپ كەلىپ وتىرعان كورنەكتى ءبىر ماسەلە ەكونوميكانىڭ ۇيلەسىمدى، كوپ نەگىزدى دامۋىن قالاي ىلگەرىلەتۋ، اۋمىن مەملەكەتتىڭ «13 – بەس جىلدىق» جوسپارىنان جانە ورتالىقتىڭ اۋمىننىڭ دامۋىن قولداۋ جاعىنداعى ءتۇرلى ساياسات، شارالارىنان تولىق ءارى ويداعىداي پايدالانىپ، اۋمىننىڭ ەرەكشەلىگىنە ۇيلەسەتىن ەكونوميكانىڭ ۇيلەسىمدى، كوپ نەگىزدى باياندى دامۋ جولىن قاراستىرۋى كەرەك.
يۇي جىڭشىڭ ەرەكشە ۇسىنىس ەتىلگەن سالالاردان كەلگەن مۇشەلەردىڭ بىرلەسكەن گرۋپپا جيىنىنا قاتىناستى. لۋ جۇڭيۋان، شا حايلين، ۋاڭ شۋجيان قاتارلى مۇشەلەر كوسىلە سويلەدى. يۇي جىڭشىڭ كوپشىلىكتىڭ ءسوزىن مۇقيات تىڭداعاننان كەيىن بىلاي دەدى: تالاي جىلدان بەرى ەرەكشە ۇسىنىس ەتىلگەن سالالاردان كەلگەن مۇشەلەر وزەكتى توڭىرەكتەپ، جالپى جاعدايعا قىزمەت وتەپ، قىزمەت مىندەتتەرىن مۇقيات اتقارىپ، پارتيا مەن مەملەكەت ىستەرىنىڭ دامۋىن جەبەۋدە ءتيىستى ۇلەستەرىن قوستى. يۇي جىڭشىڭ مىنانى دارىپتەدى: ج ك پ ورتالىق كوميتەتىنىڭ 18 – قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى بىرلىكساپ، ساياسي كەڭەس قىزمەتتەرىنە بارىنشا ءمان بەرىپ، ءبىرقىدىرۋ كەلەلى ستراتەگيالىق ورنالاستىرۋ جاسادى. 4 – ناۋرىز تۇستەن كەيىن باس شۋجي شي جينپيڭ ساياسي كەڭەستىڭ ماجىلىسىنە قاتىناسىپ جاتقان جۇڭگو دەموكراتيالىق مەملەكەت قۇرۋ قوعامىنان، ساۋداگەرلەر – ونەركاسىپشىلەر بىرلەستىگىنەن كەلگەن مۇشەلەرگە امانداسا بارعاندا ماڭىزدى ءسوز سويلەپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى، جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋى جونىندە ايقىن تالاپ قويدى. ءبىز باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جالپىلىق مەنشىككە جاتپايتىن شارۋاشىلىقتى بۇلجىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىق تاباندىلىقپەن شابىتتاندىرىپ، قولداپ، جەتەكتەپ، ءتۇرلى شارانى تياناقتاندىرىپ، ورتا، شاعىن كاسىپورىنداردىڭ قارجى قۇراۋى قيىن بولۋ، بازارعا كىرۋ رۇقساتىن الۋ، الەۋمەتتىك قىزمەت وتەۋ جۇيە قۇرىلىسى سياقتى ماسەلەلەرىن تۇيىندەپ شەشىپ، «جاقىندىق»، «پاكتىك» تالابىنا ساي، بيلىك پەن ساۋدا سالاسىنىڭ جاڭاشا قاتىناسىن ورناتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا ازىرلەپ، ءتىپتى دە كوپ وراي جاراتۋىمىز كەرەك. ورتالىقتىڭ بىرلىكساپ قىزمەتى ءماجىلىسىنىڭ رۋحىن جانە «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن (سىناق نۇسقا)» دايەكتى تياناقتاندىرىپ، ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن كۇشەيتىپ، جۇڭگو كوممۋنيستىك پارتياسىنىڭ باسشىلىعىنان اۋىتقىماي، ورتاق يدەيالىق، ساياسي نەگىزدى بەكەمدەۋگە كۇش سالىپ، ءبىرىڭعايلىق پەن الۋان تۇرلىلىكتىڭ قاتىناسىن دۇرىس ءبىر جاقتى ەتۋىمىز؛ «13 – بەس جىلدىق» دامۋعا قىزمەت وتەۋ جاعىنان كۇش سالىپ، ەكونوميكانى، قوعامدى دامىتۋداعى كەلەلى ماسەلەلەردى تىعىز توڭىرەكتەي وتىرىپ تەكسەرىپ – زەرتتەۋ جۇرگىزىپ، ۇكىمەت ىسىنە كەڭەس بەرىپ، پارتيا مەن ۇكىمەتتىڭ شەشىم جاساۋىن پايدالانۋ ماتەريالىمەن قامداۋىمىز، وزىندىك قۇرىلىستى كۇشەيتۋگە كۇش سالىپ، نەگىزگى زاڭعا، زاڭدارعا جانە ساياسي كەڭەستىڭ ۋستاۆىنا قاتاڭ بويسۇنىپ، «ۇشتە قاتاڭ، ۇشتە شىنايى بولۋ» تالابىن سانالىلىقپەن ورىنداپ، ساياسي كەڭەس مۇشەلەرىنىڭ وبرازىن ناقتى ارەكەتىمىزبەن قورعاۋىمىز كەرەك.
سۇن چۇنلان، دۋ چيڭلين قاتارلىلار باياندامانى قاراۋعا، تالقىعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
