- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسىنىڭ جالپى جيىنى ەل ءىشى - سىرتىنداعى اقپارات قۇرالدارىنا اشىق ۇستالدى
شينجياڭنىڭ جاعدايى جاقسارىپ كەلەدى، دامۋ بولاشاعى نۇرلى
جۇڭگولىق، شەتەلدىك 200گە جۋىق ءتىلشى شينجياڭنىڭ ورنىقتىلىق جاعدايى، وڭتۇستىك شينجياڭدى دامىتۋ، لاڭكەستىككە قارسى تۇرۋ، ۇلتتار ىنتىماعى سياقتى تولعاقتى ماسەلەلەرگە نازار اۋداردى
ياۋ تۇڭ، جاڭ لەي، لي ياڭ
2016.03.09 16:51 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، جاڭ لەي، لي ياڭ 8 - ناۋرىزدا بەيجيڭنەن حابارلايدى. مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى 8 - ناۋرىزدا جالپى جيىن اشىپ، ءماجىلىستىڭ كەڭەستىك ءتارتىبى بويىنشا قاتىستى باياندامالاردى ۇزدىكسىز قاراپ تەكسەردى. ماجىلىستەگى ورنالاستىرۋعا ساي، تۇستەن كەيىنگى جالپى جيىن حالىق سارايىنىڭ شىعىس زالىندا اشىلىپ، جۇڭگولىق، شەتەلدىك اقپارات قۇرالدارىنا اشىق ۇستالدى.
تىلشىلەر سۇراۋ قويۋعا «ءتيىمدى ورىن» يەلەۋ ءۇشىن، جيىن زالىنا جيىن اشىلۋدان 2 ساعاتتىڭ ۇستىندە بۇرىن كەلىپ جايعاستى. حالىق گازەتى، شينحۋا اگەنتتىگى، ورتالىق تەلەۆيزياسى، جۇڭگو حالىقارالىق راديو ستانسياسى، جۇڭگو گازەتى، شينجيڭ گازەتى، شياڭگاڭ ادىلەت گازەتى، سامۇرىق تەلەۆيزياسى، رەيتتەر اگەنتتىگى، CNN، BBC، بىرلەسكەن تاڭعى گازەت سياقتى ەل ءىشى - سىرتىنداعى 130 نەشە اقپارات قۇرالىنان 200گە جۋىق ءتىلشى جينالدى، ەل ءىشى - سىرتىنداعى اقپارات قۇرالدارىنىڭ مەكروفونى مەن اپپارات كوزى تاعى ءبىر رەت جاپپاي شينجياڭعا تۋرالاندى.
تالقىلاۋ، قاراۋ بارىسىندا شوكىرات زاكىر، حى حۇيشيڭ، شى جيانيۇڭ، فۋ چۇنلي، سارقىت اقان ۇلى، ازەز مۇسا قاتارلى ۋاكىلدەر بىرىنەن سوڭ ءبىرى ءسوز كەزەگىن الدى.
تالقىلاۋ، قاراۋ اياقتاعاننان كەيىن، ۋاكىلدەر ەل ءىشى - سىرتىنداعى اقپارات قۇرالدارىنىڭ تىلشىلىگىن قابىلدادى.
شينجياڭنىڭ ورنىقتىلىق جاعدايى جاقسارىپ كەلەدى
شينجياڭنىڭ ورنىقتىلىق جاعدايى − ەل ءىشى - سىرتىنداعى اقپارات قۇرالدارى ەجەلدەن بەرى نازار اۋدارىپ كەلە جاتقان ماڭىزدى ءتۇيىن، بۇگىن العاشقى سۇراۋدى سامۇرىق تورى مەن سامۇرىق تەلەۆيزياسىنىڭ تىلشىلەرى قويدى.
ۋاكىل جاڭ چۇنشيان بىلاي دەدى: سوڭعى جىلداردان بەرى، پارتيا ورتالىق كوميتەتىنىڭ پارمەندى باسشىلىعىندا، بۇكىل ەلىمىزدەگى ءار جاقتىڭ قولداپ - قۋاتتاۋىندا شينجياڭ باس شۋجي شي جينپيڭنىڭ شينجياڭ قىزمەتى جونىندەگى ءبىرسىپىرا ماڭىزدى سوزدەرىنىڭ رۋحى مەن ورتالىقتىڭ 5 - ءنومىرلى حۇجاتىنىڭ، ورتالىقتىڭ ۇلت قىزمەتى ءماجىلىسىنىڭ، ورتالىقتىڭ بىرلىكساپ قىزمەتى ءماجىلىسىنىڭ رۋحىن باتىل، مۇقيات دايەكتىلەندىرىپ، شينجياڭ رۋحىن ساۋلەلەندىرىپ، ىرىقتىلىقپەن وزگەرىس، رەفورما جاساپ، مىندەتتى باتىلدىقپەن ارقالاپ، ەكونوميكانى دامىتۋ، ءدىني ىستەردى باسقارۋ، ۇلتتار ىنتىماعى سياقتى قوعامنىڭ ءارقايسى جاعىندا بەلسەندى، جاقسى، قۋانارلىق وزگەرىستەرگە قول جەتكىزدى.
ول بىلاي دەدى: شينجياڭنىڭ جاعدايى ورنىقتى بەتالىسپەن دامىپ كەلەدى، زورلىقتى كۇش لاڭكەستىك دەلولارى دا بارىنشا ازايدى، زورلىقتى كۇش لاڭكەستەرىنەن ساقتانۋ، ولارعا سوققى بەرۋ، ءبىر جايلى ەتۋ قۋاتى ۇزدىكسىز ارتىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى نەگىزگى ساتىنىڭ نەگىزىن اناعۇرلىم بەكەمدەپ، «ۇشقارىلىقتى الاستاۋ» قيمىلى ىشكەرىلەي ورىستەتىلىپ، ءدىني ۇشقارىلىق جاعداي كورنەكتى باسەيدى.
جاڭ چۇنشيان بىلاي دەدى: شينجياڭ لاڭكەستىككە قارسى تۇرۋدا ءدوپ كەلگەن حالىقارالىق جاعداي بارعان سايىن كۇردەلىلەسىپ كەلەدى، لاڭكەستىككە، بولشەكتەۋشىلىككە قارسى تۇرۋدا ءدوپ كەلگەن مىندەتى دە توتەنشە اۋىر، الايدا شينجياڭداعى ءار دارەجەلى كادرلار مەن ءار ۇلت بۇقاراسىنىڭ رۋحاني بەينەسى توتەنشە جاقسى، لاڭكەستىككە قارسى تۇرىپ ورنىقتىلىقتى قورعاۋدا ءار ۇلت حالقىنىڭ بەلسەندىلىگى تولىق جۇمىلدىرىلدى. ول بىلاي دەدى: باي اۋدانىنداعى «18 - قىركۇيەك» دەلوسىن ءبىر جايلى ەتۋ بارىسىندا كليمات شارت - جاعدايى توتەنشە ناشار بولاتىن، ءبىراق 10 مىڭنان استام بۇقارا وزدىكتەرىنەن اتتانىسقا كەلىپ، 100 كيلومەتردەن استام ارالىقتا لاڭكەستەردى قورشاۋعا الدى، سول كەزدەگى جاعداي توتەنشە اسەرلى بولدى.
جاڭ چۇنشيان: تاريح، اماليات جانە حالىقارا، ەل ءىشى سياقتى كوپ ءتۇرلى كۇردەلى فاكتورلاردىڭ سەبەبىنەن شينجياڭدا لاڭكەستىككە قارسى تۇرىپ، ورنىقتىلىقتى قورعاۋ جاعدايى ءالى دە قاتاڭ بولىپ وتىر، شينجياڭدا وسى سياقتى ۇزاق ۋاقىتقا جالعاساتىن، كۇردەلى، قيان - كەسكى كۇرەس ۇزاق ۋاقىتقا دەيىن ورىن تەبەدى، - دەدى بۇكپەسىز. ول مىنانى باسا دارىپتەدى: شينجياڭ ورتالىقتىڭ ورنالاستىرۋى بويىنشا قوعام ورنىقتىلىعى مەن باياندى تىنىشتىقتى كوزدەۋ ءتۇيىنى جانە تابان تىرەر تياناعى ەتۋدەن باستان - اياق جازباي، لاڭكەستىك ارەكەتىنە قاتاڭ سوققى بەرۋدىڭ تەگەۋىرىندى كۇيىن ساقتاپ، تاربيە بەرۋ مەن ءجون كورسەتۋدى بىردەي مىقتى يگەرىپ، ءار ۇلت حالقىنىڭ ورتاق مۇددەسىن باتىل قورعاپ، بۇكىل ەلىمىزدىڭ ورنىقتىلىق جالپى جاعدايىن قورعاۋعا تيەسىلى ۇلەس قوسۋى كەرەك.
وڭتۇستىك شينجياڭنىڭ بۇكىل ەلمەن بىرگە دوڭگەلەك داۋلەتتى قوعامعا جەتۋىنە كەپىلدىك ەتەمىز
شينحۋا اگەنتتىگىنىڭ ءتىلشىسى: بىلتىر جىل سوڭىندا شينجياڭ تۇڭعىش رەت وڭتۇستىك شينجياڭ قىزمەتى ءماجىلىسىن اشىپ، 2020 - جىلى بۇكىل ەلمەن بىرگە وڭتۇستىك شينجياڭ اۋىل - قىستاقتارىنداعى 2 ميلليون 610 مىڭ كەدەي حالىقتى كەدەيلىكتەن جاپپاي قۇتىلدىرۋدى ورتاعا قويدى، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە شينجياڭ قالاي قول جەتكىزبەك؟
ۋاكىل شوكىرات زاكىر بىلاي دەدى: تاريحي، جاعراپيالىق، جاراتىلىستىق جاعدايلار سياقتى فاكتورلاردىڭ شەكتەمەسى سالدارىنان وڭتۇستىك شينجياڭدا سۋ بايلىعى تاپشى، ادام باسىندىق ورتاشا ەگىستىك جەر كولەمى از، تابىس دەڭگەيى ءبىرشاما تومەن، دامۋ دەڭگەيى مەملەكەتتىڭ، شينجياڭنىڭ دەڭگەيىنەن نەداۋىر پارىقتى بولىپ كەلدى، بۇل ءوڭىر مەملەكەت بويىنشا شوعىرلى، اۋماقتى 14 كەدەي ءوڭىردىڭ ءبىرى، مۇندا كەدەي حالىق ءبىرشاما شوعىرلى ورنالاسقان، ول شينجياڭنىڭ جاپپاي دوڭگەلەك داۋلەتتى قوعام قۇرۋىنداعى ماڭىزدى ءتۇيىن جانە قيىن ءتۇيىن. اۆتونوميالى رايوندىق پارتكومنىڭ وڭتۇستىك شينجياڭ قىزمەتى جونىندەگى ءماجىلىسى وڭتۇستىك شينجياڭعا باعىتتاي وتىرىپ ماسەلەلەردى شەشۋگە ارناپ 100دەن استام ءادىس - شارالار ورتاعا قويدى، بۇل قۇندى ءادىس - شارالاردىڭ ساياساتتىق، باعىتتامالىلىق سيپاتى وتە كۇشتى. بۇدان تىس، اۆتونوميالى رايون حوتان ايماعىنىڭ كەدەيلىكتەن قۇتىلدىرۋدان قامال الىپ جەدەل دامۋىن ىلگەرىلەتۋ جونىندە اڭگىمە ءماجىلىس اشىپ، نەگىزدىك قۇرىلعى، كاسىپ سالاسى بويىنشا جۇمىسقا ورنالاستىرۋ، قورشاعان ورتانى قورعاۋ سياقتى ولقى تۇستاردى كۇش سالا تولىقتاپ، قازىنا، فينانس ساياساتىندىق كەپىلدەردى كۇشەيتەدى. ءبىز تىڭعىلىقتى، ءونىمدى قىزمەتتەر ارقىلى وڭتۇستىك شينجياڭدى بۇكىل ەلمەن بىرگە مەجەلى ۋاقىتتا دوڭگەلەك داۋلەتتى قوعامعا جەتكىزۋگە سەنىمدىمىز.
ءارقانداي فورماداعى لاڭكەستىككە زاڭ بويىنشا سوققى بەرەمىز
شينجيڭ گازەتىنىڭ ءتىلشىسى: بىلتىر ەلىمىز لاڭكەستىككە قارسى تۇرۋ تۋرالى تۇڭعىش زاڭ قابىلدادى، شينجياڭ قاتىستى ءادىس ورتاعا قويىپ، لاڭكەستىككە سوققى بەرۋدى زاڭ بويىنشا كۇشەيتە مە، جوق پا؟
ۋاكىل نايىم ياسىن بىلاي دەدى: «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ تۋرالى زاڭى» بيىل قاڭتاردان باستاپ اتقارىلدى، بۇل زاڭنىڭ جاسالۋى لاڭكەستىككە قارسى كۇرەستىڭ كەزەكتەگى ءىس جۇزىندىك قاجەتىنە ۇيلەسەدى، ول ناقتى وڭىرگە نەمەسە ۇلتقا قاراتىلماعان. لاڭكەستىككە قارسى تۇرۋ شارالارىن كۇشەيتىپ، لاڭكەستىك قيمىلداردان ءونىمدى تۇردە ساقتانۋ جانە وعان سوققى بەرۋدىڭ ءوزى ادامدىق ۇقىققا كەپىلدىك ەتۋدىڭ ماڭىزدى جاعى، لاڭكەستىككە قارسى تۇرۋ تۋرالى زاڭدا حالىق بۇقاراسىنىڭ زاڭدى مۇددەسىن قورعاۋعا ارنالعان زاڭ تارماقتارى از ەمەس. شينجياڭنىڭ زورلىقتى كۇش لاڭكەستىككە قارسى تۇرۋىنا زاڭدىق دايەك دايىنداۋ ءۇشىن، شينجياڭ قاتىستى ەرەجە دايىنداۋ ءىسىن مىقتى ۇستاۋدا. شينجياڭنىڭ زاڭمەن جونگە سالۋ ويى جانە زاڭمەن جونگە سالۋ ءتاسىلى ارقىلى ماسەلەلەردى شەشۋ تۇرعىسى وزگەرمەيدى، بۇقارانىڭ زاڭدى مۇددەسىن زاڭ بويىنشا قورعاۋ ۇستانىمى وزگەرمەيدى، كوپ ءتۇرلى امالدى قاتار قولدانىپ، كەشەندى شارالار بەلگىلەپ، وڭاۋ جۇيەسى مەن وڭاۋ قابىلەتىن وسىزامانداندىرۋ نىساناسىن ورىنداۋدا كىدىرىس بولمايدى، ءارقانداي فورماداعى لاڭكەستىككە زاڭ بويىنشا سوققى بەرۋ بەكىمى استە بوساڭسىمايدى.
ماڭگى تاپجىلمايتىن قىزمەت اترەتىن جاساقتايمىز
شينجياڭنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ءۇرتىس 3 جىل جۇرگىزۋىنە جۇڭگو مەن شەتەل تىلشىلەرى ايرىقشا نازار اۋدارىپ، ۋاكىل شوكىرات زاكىرگە قاتىستى جاعدايلار جونىندە سۇراۋ تاستادى.
شوكىرات زاكىر بىلاي دەدى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى − اۆتونوميالى رايوندىق پارتكومنىڭ ورتالىقتىڭ تالابى بويىنشا شينجياڭنىڭ ءىس جۇزىندىك جاعدايىمەن بىرلەستىرىپ ورتاعا قويعان ماڭىزدى ستراتەگيالىق شەشىمى، سوڭعى 3 جىلدا 210 مىڭنان استام كادردى نەگىزگى ساتىلارعا بارۋعا، قىستاقتا تۇرىپ قىزمەت ىستەۋگە جىبەردى. بۇل 3 جىلدا شينجياڭنىڭ نەگىزگى ساتى قىزمەتىنە ءمان بەرۋ بارعان سايىن كۇشەيىپ، نەگىزگى ساتى بيلىگى ونان ارى بەكەمدەلىپ، نەگىزگى ساتىدان حالىق بۇقاراسىن بايۋعا، دوڭگەلەك داۋلەتتى قوعام قۇرۋعا باستايتىن، قوعام ورنىقتىلىعىن قورعايتىن ءبىر توپ جەتەكشى تاربيەلەپ شىقتى، بۇكىل شينجياڭداعى ءار دارەجەلى كادرلار نەگىزگى ساتىداعى بايتاق دالادا شىنىعىپ، كادرلار مەن بۇقارانىڭ قاتىناسى بۇرىنعىدان دا ەتەنە بولا ءتۇستى، نەگىزگى ساتىنىڭ كەلبەتىندە، بۇقارانىڭ رۋحاني بەينەسىندە ۇلكەن وزگەرىستەر جارىققا شىعىپ، حالىق بۇقاراسىنىڭ جارقىن ومىرگە دەگەن تالپىنىسى مەن تىلەگى كۇشەيتە ءتۇستى.
بيىل جىل سوڭىندا «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى 1 - ساتىداعى ءتۇرلى مىندەتتەردى ورىندايدى. اۆتونوميالى رايون «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ تاجىريبەلەرىن مۇقيات قورىتىندىلاپ، ءار دارەجەلى كادرلاردىڭ بۇقاراعا قىزمەت كورسەتۋ قابىلەتىن ونان ارى جوعارىلاتىپ، نەگىزگى ساتىدا ماڭگى تاپجىلمايتىن قىزمەت اترەتىن جاساقتايدى.
شينجياڭ ەكونوميكا دامۋىنىڭ تاماشا جاعدايىن ساقتادى
ەكونوميكالىق باسەڭدەۋ قىسىمى زورايعان جاعدايدا، شينجياڭ ەكونوميكاسى ءبىرشاما جوعارى ارتۋ قارقىنىن ساقتاپ، اقپارات قۇرالدارىنىڭ نازارىن اۋداردى. جۇڭگو اقپارات اگەنتتىگىنىڭ ءتىلشىسى وسى ماسەلە جونىندە ۋاكىل حۋاڭ ۋيدەن سۇراۋ سۇرادى.
حۋاڭ ۋي بىلاي دەدى: قوس بىردەي «ءۇش مەزگىل قاباتتاسقان» جاعدايدا، اۆتونوميالى رايوندىق پارتكوم مەن حالىق ۇكىمەتى ءبىر جاعىنان، قوعام ورنىقتىلىعىن كۇش سالا قورعاسا، ەندى ءبىر جاعىنان، ەكونوميكالىق باسەڭدەۋ قىسىمىنا بەلسەنە، ىرىقتى تۇردە توتەپ بەرىپ، ەرتە باستان جوسپارلاپ، 20 جاقتان 50 ءتۇرلى ناقتى شارانى العا قويىپ، اكىمشىلىك تەكسەرىپ بەكىتۋ ىستەرىن ىقشامدادى، اۆتونوميالى رايون دەڭگەيىندەگى اكىمشىلىك تەكسەرىپ بەكىتۋ ىستەرى %40 ازايدى؛ بازاردىڭ ومىرشەڭدىگىن جانداندىرۋعا ءمان بەرىپ، توك باعاسىن ارزانداتۋ، تەمىر جول قاتىناۋ اقىسىن ارزانداتۋ سياقتى ءبىرسىپىرا شارالار ارقىلى كاسىپورىننىڭ جۇمىس جۇرگىزۋدەگى وزىندىك قۇنىن تومەندەتتى، وسى ەكى ءتۇردىڭ وزىنەن كاسىپورىنداردىڭ 4 ميلليارد يۋاننان استام شىعىنى ازايدى؛ ساۋدا ىستەرى تۇزىمىنە بارىنشا رەفورما جۇرگىزىپ، وتكەن ءبىر جىلدا جاڭادان 240 مىڭ بازار تۇلعاسى قوسىلدى؛ كاسىپ سالاسى قۇرىلىمىن ساپالىلاندىرىپ، حالىقتىق شارۋاشىلىقتى بارىنشا دامىتىپ، ورتالىق كاسىپورىندارىمەن سەلبەسۋدى كۇشەيتىپ، حالىق تۇرمىسىن جاقسارتۋعا كۇش سالدى، سونىمەن ەكونوميكا، قوعام اقاۋسىز، باياندى دامۋ بەتالىسىن ساقتادى. بيىل اۆتونوميالى رايون ءونىمدى قارجى قوسۋ اياسىن ۇزبەي كەڭەيتىپ، قاجەتتەن اسىپ قالعان ءوندىرىس قۋاتىن جويىپ، كاسىپورىنداردىڭ اۋىرتپالىعىن جەڭىلدەتىپ، ءداستۇرلى كاسىپ سالالارىنىڭ ورنىقتى ارتۋىن جەبەپ، حالىق تۇرمىسىن جاقسارتىپ، تۇتىنۋدى جەبەپ، ەكونوميكالىق دامۋدىڭ مەجەلى نىساناسىن ىسكە اسىرۋعا كەپىلدىك ەتەدى.
ۇلتتار ىنتىماعى، العاباسارلىعى ىستەرىن تەرەڭدەتەدى
حالىق گازەتىنىڭ ءتىلشىسى ۋاكىلدەردەن شينجياڭنىڭ ۇلتتار ىنتىماعى جاعدايىن تانىستىرۋدى ءوتىندى.
شاۋكەت يمىن بىلاي دەدى: ۇلتتار ىنتىماعى − ءار ۇلت حالقىنىڭ جان تامىرى. ۇلتتار ىنتىماعى قىزمەتىن زاڭمەن باسقارۋدى ونان ارى جەبەۋ ءۇشىن، بيىل 1 - قاڭتاردان باستاپ «اۆتونوميالى رايون ۇلتتار ىنتىماعى، العاباسارلىعى قىزمەتى ەرەجەسىن» شىعارىپ اتقاردى. ءبىز پارتيانىڭ ۇلت، ءدىن ساياساتى مەن ۇلتتىق تەرريتوريالىق اۆتونوميا ءتۇزىمىن دايەكتى تياناقتاندىرىپ، ۇلت ماسەلەسىن جۇڭگوشا شەشۋ سىندى تۋرا جولدان اۋىتقىماي، ءار ۇلتتىڭ ىنتىماقتاسىپ العا باسۋىنان، ورتاق گۇلدەنىپ - كوركەيۋىنەن جازباي، ۇلتتار ىنتىماعى، العاباسارلىعى ىستەرىن ۇزبەي ىشكەرىلەتەدى. بيىل شينجياڭ ۇلتتار ىنتىماعى، العاباسارلىعى جىلى قيمىلىن ورىستەتىپ، ۇلتتار ىنتىماعى، العاباسارلىعى ىستەرىنە قاتىستى تاماشا تاجىريبەلەردى، جاقسى ادىستەردى قورىتىندىلاپ، جالپىلاستىرىپ، قىزمەتتەگى ولقىلىقتاردى تولىقتاپ، فورما دانەكەرىنە جاڭالىق ەنگىزىپ، ۇلتتاردىڭ اناعۇرلىم قويۋ ارالاسۋىن، ىشتەسۋىن، توعىسۋىن جەبەپ، شينجياڭنىڭ ۇلتتار ىنتىماعى، العاباسارلىعى ىستەرىن تىڭ دەڭگەيگە كوتەرەدى.
چى جۇن، ابدىراقىپ تۇمىنياز سىندى ۋاكىلدەر تاعى شينجياڭنىڭ ادەتتەگى پاسپورت تاراتۋ ىستەرىن باسقارۋ ءتۇزىمى رەفورماسىن تەزدەتۋ، «ۇشقارىلىقتى الاستاۋ» قىزمەتى سياقتى ماسەلەلەر جونىندە شياڭگاڭ ۋىنحۇي گازەتى، سينگاپۋر بىرىككەن تاڭ گازەتى سىندى اقپارات قۇرالدارى تىلشىلەرىنىڭ سۇراۋىنا جاۋاپ بەردى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
