- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قيىنشىلىقتان قورىقپاي، ۇزدىكسىز شۇعىلالى ناتيجە جاراتايىق»
− لي كىچياڭ زۇڭليدىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقانى تۋرالى
ياۋ تۇڭ، جاڭ لەي
2016.03.12 11:11 كەلۋ قاينارى : شينجياڭ گازەتى
ءۇمىت وتى ۇشقىنداپ، كوكتەمنىڭ شۇلەن شۇعىلاسى بار الاپتى وپكەن وسى ءسات كىسىنى تەبىرەنتكەن ەستەن كەتپەس ەسىل شاق ىسپەتتى. 10 - ناۋرىز تۇستەن بۇرىن حالىق سارايىنىڭ شينجياڭ زالى قۋانىشپەن تەربەلىپ، اسەرلى سەزىمگە ماستانعان بارشا جاننىڭ جۇزىنەن شاتتىق كۇلكىسى ەستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ پارتيا ورتالىق كوميتەتى مەن مەملەكەتتىك كەڭەستىڭ شينجياڭداعى ءار ۇلت حالقىنا دەگەن ىستىق ىقىلاسىن الىپ، مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە كەلگەن شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، دامۋدىڭ ءىرى جوبا - جوسپارلارىن ۋاكىلدەرمەن بىرگە اقىلداسىپ، جارقىن بولاشاقتى تىلگە تيەك ەتىستى.
ساعات 9دا لي كىچياڭ زۇڭلي شينجياڭ زالىنا كىرىسىمەن زالدى دۋ قول شاپالاق ءۇنى كەرنەدى. ۋاكىل گۇلنۇر مامەت ۇيعۇرلاردىڭ سيلى قوناق قابىلداۋ سالتى بويىنشا لي كىچياڭعا دوپپا ۇسىندى، زۇڭلي دوپپانى قۋانىشپەن كيدى. زۇڭلي ۋاكىلدەرمەن ىقىلاستى قول الىسىپ جاتىپ: سىزدەر وتە الىستان كەلدىڭىزدەر عوي، مۇشەلەرمەن ءبىر - بىرلەپ قول الىسىپ امانداسىپ شىعايىن! - دەدى. سونىمەن زالدى ءبىر اينالىپ شىعىپ، ۋاكىلدەرمەن ءبىر - بىرلەپ قول الىسىپ شىقتى. زالدان قۋانىش لەبى ەسىپ، ۋاكىلدەردىڭ جۇزىنەن شاتتىق كۇلكىسى وينادى.
ۋاكىل ازەز مۇسا زۇڭليگە گۇما اۋدانىنداعى 6.5 بال جەر سىلكىنىسى اپاتىنان كەيىن ءار ۇلت جۇرتشىلىعىنىڭ جەر سىلكىنىسىنە ءتوزىمدى بەيقۇت ۇيگە كوشىپ كىرگەنى تۋرالى سۋرەتتى كورسەتىپ، زۇڭليگە حوتان جۇرتشىلىعىنىڭ پارتيا ورتالىق كوميتەتى مەن مەملەكەتتىك كەڭەسكە دەگەن شىنايى العىسىن جەتكىزدى. بىلتىر 3 - شىلدەدە گۇما اۋدانىندا جەر سىلكىنگەننەن كەيىن، پارتيا ورتالىق كوميتەتى مەن مەملەكەتتىك كەڭەس ايرىقشا نازار اۋدارىپ، ورتالىقتاعى باس شۋجي شي جينپيڭ، لي كىچياڭ زۇڭلي سياقتى باسشىلار تالاي رەت ماڭىزدى نۇسقاۋ بەرىپ، اپاتقا ۇشىراعان حالىقتىڭ تۇرعىن ءۇي ماسەلەسىن قىس كىرمەي تۇرىپ شەشىپ، بۇقارانىڭ قىس قىرىنان قىسىلماي وتۋىنە شىنايى كەپىلدىك ەتۋدى باسا دارىپتەگەن ەدى.
لي كىچياڭ شينجياڭنىڭ دامۋىنا بۇرىننان بەرى ايرىقشا كوڭىل ءبولىپ، شينجياڭ قىزمەتىنە جالپى جاعداي تۇرعىسىنان نازار اۋدارىپ، قولداۋ كورسەتىپ كەلدى. 2010 - جىلى شينجياڭعا ارنايى تەكسەرۋ جۇرگىزە كەلسە؛ 2011 - جىلى تۇڭعىش كەزەكتى جۇڭگو − ازيا - ەۆروپا كورمەسىنە قاتىناستى؛ 2013 - جىلى شينجياڭ قىزمەتى جونىندەگى مالىمەتتى ارنايى تىڭدادى؛ جۋىق جىلداردان بەرى شينجياڭ قىزمەتى جونىندە 40 نەشە رەت ماڭىزدى نۇسقاۋ بەردى...
لي كىچياڭ بىلاي دەدى: پارتيا ورتالىق كوميتەتى مەن مەملەكەتتىك كەڭەس شينجياڭ قىزمەتىنە باستان - اياق ايرىقشا ءمان بەرىپ، شينجياڭدى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىنعا قويدى. وتاننىڭ باتىس بولىگىنە ورنالاسقان شينجياڭ ءدوپ كەلگەن جاعداي، ماسەلە اناعۇرلىم كۇردەلى بولىپ وتىر. جۋىق جىلداردان بەرى شينجياڭ وزگە ولكە، رايوندارعا سالىستىرعاندا اناعۇرلىم زور قيىنشىلىقتى جەڭىپ، ەكونوميكالىق، قوعامدىق دامۋدا اسا زور ناتيجەگە قول جەتكىزدى، بۇل وڭاي - وسپاق ءىس ەمەس.
زۇڭليدىڭ سوزدەرى ءارى القاۋ، ءارى جەبەۋ، ءارى شابىتتاندىرۋ ەسەپتى، ونان دا ماڭىزدىسى، قوزعاۋشى كۇش ەدى. بىرگە بولعان ۋاكىلدەردىڭ قيالى قياندى شارلاپ، تەڭىزدەي تولقىپ، ايرىقشا تەبىرەندى. زۇڭليدىڭ سوزدەرى ۋاكىلدەردىڭ قۇلاعىندا جاڭعىرىپ، كوكەيىندە جاتتالدى ءارى جىگەرلەنە العا ۇمتىلۋ بەكىمى مەن كۇش - قۋاتىنا اينالدى.
2 ساعاتتىق تالقىدا ىلگەرىندى - كەيىندى 6 ۋاكىل لەبىز ءبىلدىرىپ، كاسىپورىنداردىڭ جاڭالىق اشۋىن، قۇرىلىمدى جاڭالاپ دامۋىن زور كۇشپەن العا ىلگەرىلەتۋ؛ مەملەكەتتىڭ مينيسترلىك، كوميتەتتەرىندەگى جاس كادرلار شينجياڭنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا ات سالىسۋ؛ شينجياڭنىڭ نەگىزدىك قۇرىلعى قۇرىلىسىن قولداۋ سەرپىنىن ارتتىرۋ؛ بيڭتۋاننىڭ وزگە جەرگە كوشىرىپ ورنالاستىرۋ بويىنشا كەدەيلەردى سۇيەمەلدەۋ ءىسىن مەملەكەتتىڭ كەدەيلەردى سۇيەمەلدەۋ جوسپارىنا ەنگىزۋ سياقتىلار جونىندە ۇسىنىستار بەردى.
«ەكونوميكالىق قۇرىلىمدا ءتۇبىرلى وزگەرىس جارىققا شىقتى، بۇل شينجياڭنىڭ دامۋىندا ءالى دە وراسان زور كومەسكى كۇش بار ەكەنىن تۇسىندىرەدى».
«قاتىناس، سۋ يگىلىگى، ەلەكتر قۋاتى سياقتى نىسانداردا، ساياساتتىق جاقتا شينجياڭعا بەيىمدەلىپ، وتاننىڭ وسى ءبىر ىرىستى توپىراعىن قاتىناسى ىركىلىسسىز، سۋى جەتەرلىك، تولىق جارىقتانعان وڭىرگە اينالدىرۋ كەرەك».
«الاڭسىز بولىڭىزدار، سالىق ءتۇزىمى رەفورماسىنان كەيىن شينجياڭ، ءسوز جوق، پايدا تابادى، بۇقارانىڭ يگىلىككە كەنەلۋ سەزىمى ارتا تۇسەدى، بۇل جاعىندا باس ارتىقشا الاڭ بولماڭىزدار!».
«وقۋ - اعارتۋ − دامۋ مەن ورنىقتىلىقتىڭ نەگىزى، سونداي - اق شينجياڭ مەن مەملەكەتتىڭ ءۇمىتى جانە بولاشاعى. وقۋ - اعارتۋ مينيسترلىگى وڭتۇستىك شينجياڭنىڭ وقىتۋشىلارىنا شتات جەتىسپەۋ ماسەلەسىن دەن قويا اقىلداسۋى كەرەك».
«شينجياڭداعى ءار ۇلت حالقى اقىل - پاراساتتى، كوپتەگەن جاڭا ادىستەر مەن جاڭالىقتاردى ويلاپ تابا الادى، بۇل ارا جاڭا شارۋاشىلىق اشۋعا لايىقتى قۇنارلى القاپ. شينجياڭ كوپ بولىپ شارۋاشىلىق قۇرۋى، جالپى قاۋىمدىق جاڭالىق اشۋدى بارىنشا ىلگەرىلەتۋى، ءار دارەجەلى ۇكىمەتتەر ءار ۇلت بۇقاراسىنىڭ شارۋاشىلىق قۇرۋىنا، جاڭالىق اشۋىنا تەكشە ازىرلەپ، جۇمىسقا ورنالاستىرۋ سىندى حالىق تۇرمىسىنا قاتىستى ەڭ ءىرى ماسەلەنى امالدىڭ بارىنشا جەبەۋى كەرەك».
لي كىچياڭ ۋاكىلدەردىڭ ءسوزىن دەن قويا تىڭداپ، ءالسىن - ءالى باس يزەپ وتىردى، ءبىر - بىرلەپ سۇراپ ۇعىسىپ، ءبىر - بىرلەپ جاۋاپ قايتارىپ، پوزيتسيا ءبىلدىردى.
ۋاكىل مامەتيبىرايىم مامەتيمىننىڭ سوزىنەن شەريا اۋدانى شەريا اۋىلى باش ۇجمە قىستاعىنىڭ تۇرعىندارى تازا قۇبىر سۋىن ىشە العاندىعىن، توپىراق جولداردىڭ اسفالت جولدارعا اينالعانىن، قىستاق تۇرعىندارى ەسەك اربا ايداۋدان ەلەكترلى موتوتسيكل، موتوتسيكل مىنۋگە كوشكەنىن، اۋەلى، ءىشىنارا قىستاق تۇرعىندارىنىڭ اۆتوموبيل ساتىپ العاندىعىن، جەڭىل - جەلپى ناۋقاستاردى قىستاقتىڭ وزىندە ەمدەتە الاتىنىن، اۋىلداستاردىڭ كىرىسىنىڭ بارىنشا ارتىپ، تۇرمىستارىنىڭ جاقسارعانىن ەستىگەندە زۇڭليدىڭ كوڭىلى جايلانىپ، جۇزىنەن كۇلكى ءۇيىرىلدى.
«حانزۋشانى ونشا جاتىق سويلەي المايمىن، قىزمەتىم دە جەتەرسىز بولۋدا، زۇڭليدىڭ ايتقان تالابىمەن سالىستىرعاندا ءالى دە زور پارىق بار»، - دەدى مامەتيبىرايىم مامەتيمىن. 37 جاستاعى مامەتيبىرايىم مامەتيمىننىڭ 4 جىلدىڭ الدىندا مەملەكەتتىك حالىق قۇرىلتايىنىڭ ۋاكىلى بولعاننان كەيىن عانا حانزۋ ءتىلىن نولدەن باستاپ ۇيرەنگەنىن بىلگەن زۇڭلي وعان: حانزۋشاعا جاقسى جەتىلىپسىڭ، ءسوز ساپتاۋىڭ كەرەمەت ەكەن، - دەپ ماقتاپ، سەن ايتقان «ءتىپتى كوپ اۋىلداستاردىڭ ىستەۋگە شارۋا تاۋىپ، قالتالارىن قامپيتۋىن تىلەيمىن» دەگەن جاي عانا سوزىڭدە حالىق تۇرمىسىنا قاتىستى زور اقيقات جاتىر، - دەدى.
«مۇنان بىلاي بيڭتۋان <ورنىقتىرعىش، دومنا پەش، ۇلگى كورسەتۋ رايونى> سىندى رولىن ويداعىداي ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن اناعۇرلىم پارمەندى قورعاۋى كەرەك. عىلىم - تەحنيكادا جاڭالىق اشۋ، جاڭالىق اشۋدا جەتەكشى بولۋ سىندى باسىمدىعىن ساۋلەلەندىرىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتىپ، ۇلتتاردىڭ بىرگە قۇلشىنىپ، ورتاق دامۋىن جەبەۋى كەرەك»، - دەدى لي كىچياڭ ۋاكىل ليۋ شينچيدىڭ ءسوزىن تىڭداعاننان كەيىن.
پىكىر بىلدىرگەن ۋاكىلدەر شينجياڭنىڭ جەر - جەرىنەن بارعان، ءاربىر ۋاكىل سوزدەرىنىڭ سوڭىندا تۇگەلدەي لي كىچياڭ زۇڭليدى اۋىلدارىن كورۋگە ۇسىنىس ەتتى. «شينجياڭعا بارعان سايىن وڭتۇستىك شينجياڭعا بارماي قايتپادىم، ەندى بارعاندا وڭتۇستىك شينجياڭعا تاعى بارامىن»، - دەدى لي كىچياڭ قاشقار ايماعىنان كەلگەن ۋاكىلدىڭ ۇسىنىسىنا جاۋاپ قايتارىپ. زۇڭليدىڭ ءسوزى اقىرلاسىمەن تارباعاتايدان كەلگەن ۋاكىلدەر: بولمايدى، زۇڭلي سولتۇستىك شينجياڭعا دا بارىڭىز، تارباعاتايعا بارىڭىز!، - دەپ جۇرەك جاردى تىلەكتەرىن ءبىلدىردى. زۇڭلي اۋزىنان: بيىل شينجياڭعا تاعى ءبىر رەت بارۋ ورايىن قاراستىرامىن، - دەگەن ءسوز شىعىسىمەن زالدا ۇزاققا سوزىلعان قىزۋ قول شاپالاق ءۇنى كوتەرىلدى.
«مەن قايتا بارعانىمدا مەملەكەتتىك كەڭەستىڭ قاتىستى تاراۋلارى جاڭاعى بىرنەشە ۋاكىل ورتاعا قويعان ۇسىنىس - پىكىرلەردى شەشۋ ادىستەرىن، ءسوز جوق، الىپ شىعىپ، شينجياڭداعى ءار ۇلت بۇقاراسىنا رازى بولارلىقتاي جاۋاپ بەرەدى»، - دەپ ۇسىنىس - پىكىر تىڭداۋعا كەلگەن مەملەكەتتىك دامۋ - رەفورما كوميتەتى، وقۋ - اعارتۋ مينيسترلىگى سياقتى كوميتەت، مينيسترلىكتەردىڭ جاۋاپتى جولداستارىنا قارادى. زۇڭليدىڭ ءسوزى اقىرلاسىمەن زالدىڭ ءىشىن تولاسسىز شاپالاق ءۇنى تاعى كەرنەدى.
«اۆتونوميالى رايوندىق پارتكوم مەن ۇكىمەتتىڭ بۇكىل شينجياڭ حالقىن باستاپ، ورتاق قۇلشىنۋ ارقىلى قول جەتكىزگەن تابىستارىن تاعى ءبىر رەت تولىق تۇراقتاندىرامىن، سونداي - اق شينجياڭداعى 23 ميلليون ءار ۇلت بۇقاراسىنا ىستىق ىقىلاستى سالەمىمدى ايتا بارىڭىزدار. شينجياڭداعى ءار ۇلت كادرلارى مەن بۇقاراسىنىڭ سايىس بارىسىندا العا ىلگەرىلەپ، قيىنشىلىقتاردان تايسالماي، شۇعىلالى ناتيجەلەرگە قول جەتكىزە بەرۋىن ءۇمىت ەتەمىن». لي كىچياڭ زۇڭليدىڭ ىقىلاستى تىلەگىندە شينجياڭ حالقىنا دەگەن تەرەڭ سۇيىسپەنشىلىك، شينجياڭداعى ءار ۇلت كادرلارى مەن بۇقاراسىنا ارتقان زور ءۇمىت جاتىر. ىزگى نيەتتەن تۋىنداعان ءاربىر ءسوز ۋاكىلدەردىڭ كوڭىلىن جەلپىندىردى. قىزۋ قول شاپالاق ءۇنى تاعى ءبىر رەت كوتەرىلدى.
كوكتەمنىڭ كەلىسىمەن جاڭا جورىققا قادام تاستادىق، تاماشا بولاشاق الدىمىزدان قول بۇلعاۋدا...
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
