- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اشىق ويلى، العاباسار بولىپ، شينجياڭ وبرازىن ورناتايىق
2016.03.14 13:18 كەلۋ قاينارى : ءتاڭىرتاۋ تورابى
− ۋاكىلدەر مەن مۇشەلەر شينجياڭ وبرازىن ورناتۋ تۋرالى توقتالدى
وتكەن بىرنەشە كۇندە، ادىلەت جولىندا ايانباعان شينجياڭدىق جاس جىگىتتىڭ اسەرلى اڭگىمەسى بۇكىل ەلگە تارالدى. حابار احىمەت − حۋنان ولكەسى چىنجوۋ قالاسىنىڭ گاۋ - ي كورىنىس رايونىندا قوي ەتىنەن شاشلىق جاساپ ساتاتىن شينجياڭدىق ازامات. 7 - ناۋرىز كۇنى بىرەۋدىڭ «قۇتقارىڭدار» دەپ ايعايلاعانىن قۇلاعى شالعان حابار 12 - ناۋرىزدا ورتالىق تەلەۆيزياسىنىڭ «مەملەكەتتىك جانە حالىقارالىق حابارلار» باعدارلاماسىندا ونىڭ ىزگى ءىسى حابارلانادى.
حابار احىمەت تۋرالى اڭگىمە بولعاندا، مەملەكەتتىك ەكى ماجىلىسكە قاتىسىپ جاتقان شينجياڭدىق ۋاكىلدەر مەن مۇشەلەر باس بارماعىن كوتەرىپ، «ءبىزدىڭ شينجياڭدىقتار جارايدى!» دەستى. ولار: جاعىمدى ەنەرگيا تاراتقان وسىنداي شينجياڭدىقتار شينجياڭنىڭ ۇنامدى وبرازىن كوپكە ايگىلەدى، - دەپ القاستى.
«جاقسى بالالاردىڭ» جارقىن ەسىمدەرى كوپكە ايگىلى
سوڭعى جىلدارى شينجياڭ مەن سىرتقى دۇنيەنىڭ بايلانىسى بارعان سايىن جيىلەپ، سوعان وراي، ىشكى ولكەدەگى حالىقتاردىڭ شينجياڭ تۋرالى تۇسىنىگى تەرەڭدەپ كەلەدى. ەڭ ماڭىزدىسى، شينجياڭدىق ىزگى جانداردىڭ يگىلىكتى ءىسى كوپتىڭ اۋزىنا ءىلىنىپ، شينجياڭنىڭ ۇنامدى وبرازىن ايگىلەيتىن تەرەزەگە اينالدى.
جۇڭگونى اسەرلەندىرگەن الىم، جوعارى جىلدامدىقتى تاس جولدا جارالى جانعا جاردەم قولىن سوزعان 4 اعايىندى، سوڭعى كۇندەرى ەل القاۋىنا بولەنگەن حابار احىمەت سەكىلدى شينجياڭدىق «جاقسى بالالار» قۇرىلتاي ۋاكىلدەرى مەن ساياسي كەڭەس مۇشەلەرىنىڭ ماقتانىش سەزىمىن تۋدىردى.
«بۇل جاڭا داۋىردەگى شينجياڭدىقتاردىڭ جاقسى وبرازى، شينجياڭنىڭ وزگەرىسى مەن دامۋىنىڭ ىقشام كورىنىسى»، - دەدى ۋاكىل رايحانگۇل يمىر، ونىڭ ءوزى دە سوڭعى جىلدارى ىشكى ولكەدەگى جۇرتتىڭ شينجياڭ جونىندەگى تۇسىنىگىن تەرەڭدەتكەن «تانىمال تۇلعالاردىڭ» ءبىرى. وڭتۇستىك شينجياڭنان شىققان اۋىل بويجەتكەنى ءوز قۇلشىنىسى ارقىلى از ۇلت ايەلدەرىن ادال ەڭبەكپەن اۋقاتتانۋعا باستاۋدىڭ ۇلگىسى رەتىندە تانىلىپ، مەملەكەتتىك حالىق قۇرىلتايىنا ۋاكىل بولىپ سايلانعان. ءسويتىپ، ءوز كەشىرمەسى ارقىلى سىرتقى دۇنيەگە شينجياڭ قىزدارىنىڭ قايسارلىعىن، اق كوڭىلدىگىن جانە ءوز - وزىنە سەنىمىن كورسەتكەن بولاتىن. جىل سايىنعى ەكى ءماجىلىس كەزىندە، تالايلاعان اقپارات قۇرالدارى وعان نازار اۋدارىپ، ارنايى سۇحبات جاساپ جاتادى.
«مەن <شينجياڭ وبرازى> قاشاندا كۇن شۋاعىنداي نۇرلى بولۋعا ءتيىس دەپ ويلاي بەرەمىن»، - دەدى مۇشە فاتيما ماحمۇت اسەرلى سەزىممەن.
سوڭعى جىلدارى شينجياڭنىڭ وبرازى ۇزبەي جاقسارىپ كەلەدى، اسىرەسە، شينجياڭدىق باسكەتبولشى قىزداردىڭ كۇرەسكەرلىك رۋحى فاتيما ماحمۇتتى قاتتى اسەرلەندىرگەن ەكەن. «ناعىز شينجياڭدىق مىنەز دەپ وسىنى ايت!»، - دەدى فاتيما ماحمۇت. وسىنداي جاعىمدى ەنەرگيا شاشقان جارقىن تۇلعالار شينجياڭنىڭ جاندى وبرازىن كوپكە ايگىلەپ، سىرتقى دۇنيەنىڭ شينجياڭدى تۇسىنۋىنە، ۇناتۋىنا، قولداۋىنا مۇمكىندىك تۋدىردى.
جۇدىرىقتاي جۇمىلىپ، شينجياڭ وبرازىن ورناتايىق
ۋاكىل ءادىل وشۇر دارۋاز ونەرىمەن الەمگە تانىلعان ەدى. ول ءوزىنىڭ ءار رەتكى كورسەتكەن ويىنى شينجياڭدىقتاردىڭ، شينجياڭنىڭ جارقىن كەلبەتىن ايگىلەيدى دەپ بىلەدى.
ءادىل وشۇر بيىل قاڭتار ايىندا شينجياڭدا وتكىزىلگەن مەملەكەتتىك 13 - كەزەكتى قىسقى سپورت جارىسىندا «دارۋاز» ارقىلى نەگىزگى الاۋدى تۇتاندىرىپ، شينجياڭنىڭ ءىشى - سىرتىنداعى، ءتىپتى، دۇنيە جۇزىندەگى كورەرمەندەردىڭ القاۋىن العان ەدى، شينجياڭعا قادامى جەتپەگەن تالاي ادام ونىڭ كەرەمەت ويىندارى ارقىلى شينجياڭدى ۇمىتپاستاي ەسكە ساقتاپ، وسى ولكەگە ىنتىعى ويانعان ەدى.
«قازىر شينجياڭ رەفورمانى تەرەڭدەتىپ، ەسىكتى ايقارا اشۋدىڭ ماڭىزدى كەزەڭىندە تۇرعاندىقتان، بىزگە تاماشا وبراز، وتە - موتە، كەرەك. سوندىقتان، ءاربىر شينجياڭدىق ءوزىن تۇزەپ، شينجياڭعا جارشى بولۋعا ءتيىس»، - دەدى ءادىل وشۇر. ول جىبەك جولى ەكونوميكالىق بەلدەۋىنىڭ بويىنداعى ەلدەر مەن رايونداردا ويىن كورسەتىپ، جۇڭحۋا ۇلتىنىڭ ءداستۇرلى مادەنيەتىن ۇلىقتاپ، سىرتقى دۇنيەگە شينجياڭدى ۇگىتتەۋ، تانىستىرۋ جوسپارىن جاساپ وتىر ەكەن.
ەسىمى ەلگە تانىس ءبيشى رەتىندە، ۋاكىل ءدىلنار ابدوللا تەرەڭ سەزىممەن: ءبىزدىڭ ءاربىر ءسوز - ارەكەتىمىز بىلايعى جۇرتتىڭ «شينجياڭدىقتار» تۋرالى اسەرىنە وزگەرىس اكەلە الادى. سوندىقتان، مەيلى قايدا جۇرسەم دە ءوز وبرازىما قاتتى كوڭىل بولەمىن، − دەدى. ءار جىلى ەكى ماجىلىسكە كەلگەندە، ول بويىنا قونىمدى ۇلتتىق كيىم كيىپ، جۇزىنەن ءتاتتى كۇلكىسىن ايىرماي، قاسىنداعى ءاربىر اداممەن تاتۋ - ءتاتتى سيلاسا بىلەدى.
«وتكەن بىرنەشە جىلدا شينجياڭنىڭ دامۋ جاعدايى كەرەمەتتەي جاقسارىپ، ىشكى ولكەدەگى جۇرتتىڭ <شينجياڭ −− مەشەۋ، شالعاي جەر> دەگەن تۇسىنىگى وزگەرە باستادى، وسىنىڭ ءوزى وڭاي ەمەس، وسىنداي كەزدە كەز كەلگەن شينجياڭدىقتىڭ ءمولت جىبەرۋىنە بولمايدى، شينجياڭداعى ءار ۇلت حالقى جۇدىرىقتاي جۇمىلىپ، شينجياڭنىڭ تاماشا وبرازىن ورناتىپ، شينجياڭنىڭ دامۋ ورتاسىن ونان سايىن جاقسارتا تۇسۋگە قۇلشىنۋى ءتيىس»، - دەدى ءدىلنار ابدوللا.
مۇشە فاتيما ماحمۇت بىلاي دەدى: شينجياڭنىڭ تۋماسى رەتىندە، ءبىز شينجياڭداعى ءار ۇلتتىڭ رۋحاني كۇيىن كورسەتۋگە ءتيىسپىز. ەكى ءماجىلىس بۇعان تاپتىرماس وراي تۋدىردى، موينىمىزداعى جاۋاپكەرشىلىكتى مۇقيات اتقارىپ، اقپارات قۇرالدارىنا سۇحبات بەرۋدىڭ بارلىق ورايىن ۇتىمدى پايدالانىپ، شينجياڭ وبرازىن بەلسەندى تۇردە ايگىلەۋىمىز كەرەك.
تاماشا وبراز شينجياڭنىڭ اناعۇرلىم جاقسى دامۋىنا دەم بەرەدى
ءار جىلعى ەكى ماجىلىستە، شينجياڭ ۋاكىلدەر ۇيىرمەسىنىڭ اقپارات قۇرالدارىنا اشىق ۇستالعان كۇنى ەل ءىشى - سىرتىنداعى كوپتەگەن تىلشىلەردى وزىنە باۋراي تۇسەدى. اقپارات قۇرالدارىنا اشىق ۇستالعان كۇن − شينجياڭ وبرازىن ايگىلەيتىن تاماشا وراي ەكەندىگى ءشۇباسىز.
بيىل 8 - ناۋرىز − شينجياڭ ۋاكىلدەر ۇيىرمەسىنىڭ اقپارات قۇرالدارىنا اشىق ۇستالعان كۇنى. ءدال وسى كۇنى سىبە ۇلتىنىڭ قىزىل ءتۇستى ۇلتتىق كيىمىن كيگەن ۋاكىل فۋ چۇنلي ەرەكشە قىزۋ ىنتامەن تالقىعا قاتىناستى. ونىڭ سەنىمدى دە بايىپتى ءارى يلانىمدى ءسوزىن تىڭداعان الاڭداعى جۇڭگولىق، شەتەلدىك تىلشىلەر وسى ءبىر نەگىزگى ساتىدان كەلگەن ۋاكىلدىڭ ءون - بويىنان اشىق ءارى سەنىمدى شينجياڭدى كورگەندەي بولدى.
«مۇنداي ورىندا اۋزىمىزدان شىققان ءاربىر ءسوزىمىز جۇڭگولىق، شەتەلدىك تىلشىلەردىڭ شينجياڭدى ءتۇسىنۋىنىڭ، شينجياڭدى تانۋىنىڭ، ءتىپتى، شينجياڭعا باعا بەرۋىنىڭ نەگىزى بولادى، سوندىقتان شەشۋشى ساتتە سوزدەن جاڭىلۋعا بولمايدى». فۋ چۇنلي وسى ىستەن كەيىن بىلاي دەدى: ۋاكىلدەردىڭ مۇنداي كەزدەگى بەلسەندى بەينەسى جۇرتتىڭ الدىندا وزدەرىن كورسەتۋ ءۇشىن ەمەس. شينجياڭنىڭ تاماشا وبرازىن سومداعاندا عانا، شينجياڭنىڭ اناعۇرلىم جاقسى دامي تۇسەتىندىگىن ابدەن بىلەمىز.
امالياتتىڭ ءوزى وسىنداي. بىرنەشە جىلدان بەرى ۇزدىكسىز وتكىزىلىپ كەلگەن جۇڭگو − ازيا - ەۆروپا كورمەسى، شينجياڭ حالىقارالىق ۇلتتىق ءبي فەستيۆالى سىندى ماڭىزدى قيمىلدار، سونداي - اق شينجياڭنىڭ ىشكى ولكەلەرمەن، كورشى ەلدەرمەن، وڭىرلەرمەن ساياسي، ەكونوميكا، مادەنيەت اۋىس - كۇيىسى قيمىلىن ۇزدىكسىز تەرەڭدەتۋى شينجياڭنىڭ تاماشا وبرازىن سومداۋمەن بىرگە، شينجياڭعا اناعۇرلىم تاماشا دامۋ ورتاسىن ازىرلەپ بەردى.
«اسىرەسە، جىبەك جولى ەكونوميكالىق بەلدەۋى وزەك رايونىن قۇرۋ ورايىنان ۇتىمدى پايدالانعان شينجياڭ بۇرىن بولماعان سەنىممەن جانە اسقاق سەزىممەن حالىقارالىق ۇلكەن ساحناعا قادام تاستاۋدا. تاماشا وبرازدى ورناتقاندا عانا، وتان ۇلى شاڭىراعىنداعى ءار ۇلت باۋىرلاستاردىڭ قولداۋىنا، حالىقارالىق قوعامنىڭ قۇرمەتىنە قول جەتكىزىپ، شينجياڭنىڭ دامۋىن جەبەۋگە بولادى»، - دەدى مۇشە فاتيما ماحمۇت.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
