- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە وبلىسىنا توتە قاراستى ورىنداردا 2016 – جىلعى اۋىل – قىستاق تاس جولدارىن سالۋ نىساندارى شوعىرلى تۇردە باستالدى
2016.03.18 15:18 كەلۋ قاينارى : حالىق تورابى
حالىق تورابى، 18 – ناۋرىز، بەيجيڭ. 16 - ناۋرىزدا قۇلجا قالاسى ءپانجىم اۋىلىنداعى نەگىزگى تاس جولدىڭ شەتىنە كۇرەۋ ماشيناسى، قازۋ ماشيناسى قاتارلى مەحانيكالىق اسپاپتار توقتاتىلدى. ىلە وبلىسىنا توتە قاراستى ورىنداردىڭ 2016 – جىلعى ءبىرىنشى توپتاعى اۋىل – قىستاق تاس جولدارىن سالۋ نىسانى 16 – ناۋرىزدا قۇلجا قالاسى ءپانجىم اۋىلىندا شوعىرلى تۇردە باستالدى، بۇل ىلە اڭعارىندا تاس جول قۇرىلىسى «شايقاسىنىڭ» شىمىلدىعى اشىلعانىنان دەرەك بەرەدى.
وبلىستىق حالىق قۇرىلتايى تۇراقتى كوميتەتى مەڭگەرۋشىسىنىڭ ورىنباسارى ما يانلين، وبلىسقا توتە قاراستى اۋدان – قالالاردىڭ قاتىناس جۇيەسىنىڭ ۋاكىلدەرى، سونداي – اق، قۇرىلىس جۇرگىزۋشى جاقتىڭ ادامدارى قاتىناسقان جۇمىس باستاۋ سالتى وتكىزىلدى.
ۇعىسۋعا قاراعاندا، بيىل وبلىسقا توتە قاراستى ورىنداردا تۇڭعىش توپتا اۋىل – قىستاقتا تاس جول سالۋ نىساندارىنان 58 نىسان باستالىپ، سالىناتىن جولدىڭ ۇزىندىعى 720 كيلومەتر بولادى، جالپى 400 ميلليون يۋان قارجى ءبولىنىپ، جوسپار بويىنشا 400 ميلليون يۋان قارجى تۇگەل جۇمسالادى. سول كۇنى جۇمىس باستاۋ سالتىندا قۇلجا قالاسى ءپانجىم اۋىلى يىڭاۋات قىستاعى – قاراعاش قىستاعى اۋىلدىق تاس جولىن وزگەرتىپ سالۋ قۇرىلىسى باستالدى، بۇل وسى رەت شوعىرلى جۇمىس باستاعان تۇڭعىش اۋىل – قىستاق تاس جولىن سالۋ نىسانى بولىپ، قۇرىلىسقا جالپى 23 ميلليون يۋان قارجى بولىنەدى، تاس جولدىڭ ۇزىندىعى 14 كيلومەتر بولادى. مولشەرمەن بيىل 30 – قىركۇيەكتە قۇرىلىس اياقتاپ، پايدالانۋعا بەرىلىپ، جول بويىنداعى ون مىڭنان استام ءار ۇلت بۇقاراسىنىڭ ءجۇرىس – تۇرىسىنا قولايلىلىق جاراتادى.
2016 – جىلى وبلىسقا توتە قاراستى ورىندار قاتىناس – تاسىمال قىزمەتىندە ءىرى ءدالىز قۇرىلىسىن وزەك ەتىپ، نەگىزگى جەلى تاس جول قۇرىلىس نىساندارىن اتقارۋدى تەزدەتەدى، G218 جەلىسى ءدوڭمازار – نارات 223 كيلومەترلىك جوعارى قارقىندى تاس جولى، G577 جەلىسى توعىزتاراۋ – تەكەس 51 كيلومەترلىك 1 – دارەجەلى تاس جولى، G219 جەلىسى شاپشال – موڭعۇلكۇرە بولەگىندەگى ۇلكەن قوناقاي تۋنەلى قاتارلى ءىرى نەگىزگى جەلى تاس جول نىساندارىنىڭ ۇردىسىنە ويداعىداي قىزمەت وتەيدى. G30 جەلىسى ءۇرىمجى – كۇيتۇن جوعارى قارقىندى تاس جولىنىڭ كۇيتۇن بولەگىندەگى 40 كيلومەترلىك «ءتورتتى سەگىزگە وزگەرتۋ» قۇرىلىسى؛ S316 لەنياسى بال فەرما – زەكتى 30 كيلومەترلىك 2 – دارەجەلى تاس جولى؛ G30 سايرام بولەگى بۇرىنعى G312 جەلىسىن قالپىنا كەلتىرۋ قۇرىلىسى قاتارلىلاردىڭ ءساتتى اتقارىلۋىنا كەپىلدىك ەتىپ، مەملەكەتتىك، ولكەلىك 12 نەگىزگى تاس جول جەلىسىنەن جيىنى 170 كيلومەترلىك تاس جولدى ءىرى جانە ورتاشا دارەجەدە جوندەۋدەن وتكىزۋ – وزگەرتىپ سالۋ قۇرىلىسىن جالعاستى اتقارىپ، ىلە اڭعارىنداعى تاس جول قۇرىلىسى «شايقاسىنىڭ» شىمىلدىعىن اشادى.
وبلىستىق قاتىناس – تاسىمال مەكەمەسى پارتگرۋپپاسىنىڭ شۋجيى، مەكەمە باستىعىنىڭ ورىنباسارى مۇراتبەك نۇرعالي ۇلى: «بيىل وبلىسقا توتە قاراستى ورىندار اۋىل – قىستاقتاردا 1000 كيلومەتر تاس جول سالۋدى جوسپارلادى، بۇل قۇرىلىسقا ميلليارد يۋان قارجى قوسۋ جوسپارلانعان. اۋىل – قىستاقتاردا وسى تاس جولدار سالىنىپ بولعاننان كەيىن، تاس جول بويىنداعى 200 مىڭنان استام ديحان – مالشىلار يگىلىككە كەنەلەتىن بولادى»، - دەيدى. بيىل وبلىسقا توتە قاراستى ورىندار قاتىناس ارقىلى كەدەيلەردى سۇيەمەلدەۋدە قامال الۋ جوسپارىن جاپپاي جۇرگىزىپ، كەدەي قىستاقتارعا ماي جول جاتقىزىپ، جولاۋشىلار اۆتوبۋزىن سالۋدى قىزمەتتىڭ ەڭ ماڭىزدى ءتۇيىنى ەتىپ، حالىق تۇرمىسىنا كەپىلدىك ەتۋ مەن جاقسارتۋدى اناعۇرلىم كورنەكتى ورىنعا قويىپ، اۋىل – قىستاق تاس جولدارىن «ىركىلىسسىزدەندىرۋ ارقىلى حالىقتى اۋقاتتاندىرۋ» ينجەنەرياسىن ۇزدىكسىز اتقارىپ، اۋىل – قىستاقتاردا تاس جول سالۋ پارمەنىن ارتتىرىپ، اۋىل – قىستاقتارداعى تاس جول تورابىنىڭ قۇرىلىمىن كۇش سالا جاقسارتىپ، جالپى بەتتىك قىزمەت وتەۋ قۋاتىن ۇزدىكسىز جاقسارتادى جانە كۇشەيتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
