- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسى قايىر - ساحابات زاڭ جوباسىن قارادى
2016.03.14 11:21 كەلۋ قاينارى : ءتاڭىرتاۋ تورابى
جالپى حالىقتىڭ دامۋ تابىستارىنان بىردەي يگىلىكتەنۋىنە مۇمكىندىك جاسايىق
مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى 11 - ناۋرىز تۇستەن بۇرىن جانە تۇستەن كەيىن جالپى جيىن جانە گرۋپپالار تالقىسىن وتكىزىپ، قايىر - ساحابات زاڭ جوباسىن قاراپ، قاتىستى حۇجاتتاردى ۇزدىكسىز تالقىلادى.
قاراۋعا، تالقىلاۋعا ۋاكىل جاڭ چۇنشيان قاتىناستى.
رەفورما جاساپ، ەسىك اشقاننان بەرى، وتە - موتە، جاقىنعى 20 جىلدان بەرى ەلىمىزدىڭ قايىر - ساحابات ىستەرى نەداۋىر تەز دامىپ، قوعامنان جىلۋعا اتالعان قارجى مولشەرى 2006 - جىلعى 10 ميلليارد يۋانعا تولمايتىن دەڭگەيدەن ارتىپ بۇگىنگى كۇندە 100 ميلليارد يۋان مولشەرىنە جەتتى. قايىر - ساحابات ىستەرىنىڭ جەدەل دامۋىنا وراي، قايىر - ساحابات سالاسىندا دا ۇيىمنىڭ ىشكى بولىگىندەگى جۇمىسى جۇيەسىز ءجۇرىلۋ، كاسىپ سالاسىندا ءوزىن تارتىپكە شاقىرۋ مەحانيزمى قالىپتاسا قويماۋ، بۇكىل قوعامنىڭ قايىر - ساحابات اۋقىمى كوڭىلدەگىدەي بولماۋ سياقتى تىڭ جاعداي، سونى ماسەلەلەر جارىققا شىقتى، سونىمەن قاتىستى زاڭ شىعارۋ ارقىلى جەتەكشىلىك ەتۋ جانە ارناعا ءتۇسىرۋ قاجەت بولدى. 2008 - جىلدان بەرى مەملەكەتتىك حالىق قۇرىلتايى ۋاكىلدەرى (800 ادام - رەتتەن استام) قايىر - ساحابات تۋرالى زاڭ جاساۋ جونىندە 27 كەڭەس جوباسىن تاپسىرىپ، 29 ۇسىنىس قويدى، بۇل قوعامنىڭ وسى جاقتاعى شىنايى ءۇمىتىن اڭعارتادى.
ۋاكىلدەر: قايىر - ساحابات زاڭى قوعامدىق سالاداعى ماڭىزدى زاڭ، قايىر - ساحابات ءتۇزىمى قۇرىلىسىنداعى نەگىزدىك، ۋنيۆەرسال زاڭ، - دەپ قارادى. ولار مىناداي ۇسىنىس بەردى: قايىر - ساحابات زاڭىن جاساۋ بارىسىندا پارتيا ورتالىق كوميتەتىنىڭ ورنالاستىرۋىن، تالابىن مۇقيات تياناقتاندىرىپ، قايىر - ساحابات ىستەرىنىڭ كەدەيلەردى سۇيەمەلدەۋ، قيىنشىلىعى بارلارعا قول ۇشىن بەرۋدەگى رولىن كورنەكتىلەندىرۋ؛ ءتۇزىمنىڭ جوعارى دەڭگەيلى جوباسىن كۇش سالا نىعايتىپ، قايىر - ساحابات ىستەرىنىڭ ءتۇزىلىس مەحانيزمىن جاڭالاۋ؛ ەلىمىزدىڭ مەملەكەت جاعدايى مەن ءىس جۇزىندىگىن تياناق ەتىپ، دامۋ بارىسىندا ارناعا تۇسىرۋگە، ارناعا ءتۇسىرۋ بارىسىندا دامۋعا تاباندى بولۋ كەرەك. قايىر - ساحابات زاڭىنىڭ رەتكە سالۋ كولەمى، ۇيىمدىق ارناعا ءتۇسىرۋ، قايىر - ساحابات رەتىندە جىلۋ بەرۋ جانە تارتۋ ەتۋ، قايىر - ساحاباتتى اماناتتاۋ، قايىر - ساحابات قازىناسى، قايىر - ساحاباتتىق قىزمەت وتەۋى، قايىر - ساحابات ىستەرىنىڭ دامۋىن جەبەۋ شارالارى سياقتى جاقتاردا زاڭدىق تارماقتاردى بەلگىلەپ، زاڭعا قايشى جايتتەردىڭ زاڭدىق جاۋاپكەرشىلىگى جونىندە سايكەستى بەلگىلەمە جاساپ، اتالعان زاڭنىڭ اتقارىلۋىنىڭ اناعۇرلىم كوپ حالىق جۇرتشىلىعىنىڭ مۇددەسىن قامتاماسىزداندىرۋعا پايداسىن تيگىزۋىنە مۇمكىندىك جاساۋ كەرەك.
ۋاكىل شاۋكەت يمىن بىلاي دەدى: ءارقايسى جاقتاردىڭ تىنباي قۇلشىنۋىندا ەلىمىز الەۋمەتتىك يگىلىك ىستەرى قايىرىمدىلىق كومەك زاڭى، قىزىل كرەست قوعامى زاڭى سياقتى قايىر - ساحابات قيمىلىنا قاتىستى ءىشىنارا زاڭداردى ىركەس - تىركەس جاسادى. مەملەكەتتىك كەڭەس سايكەستى اكىمشىلىك زاڭ بەلگىلەمەسىن جاساپ، ءىشىنارا جەرگىلىكتى ورىندارعا قاتىستى جەرگىلىكتى زاڭ بەلگىلەمەلەرىن العا قويدى. ءبىراق قورىتا كەلگەندە، قازىر اتقارىلىپ وتىرعان قايىر - ساحابات زاڭ - ءتۇزىم قۇرىلىسى سالىستىرمالى ارتتا قالعان، تۇلعالىق جانە جۇيەلىلىك سيپاتى كەمشىن. قايىر - ساحابات زاڭى جاريالانىپ اتقارىلعاننان كەيىن ۇگىت سەرپىنىن ارتتىرىپ، اناعۇرلىم جاي ادامنىڭ، زاڭدىق ۋاكىل مەن وزگە دە ۇيىمداردىڭ كەدەيلەردى سۇيەمەلدەۋ، قيىنشىلىق قىسپاعىنداعىلارعا قول ۇشىن بەرۋىن ءتۇيىن ەتكەن قايىر - ساحابات قيمىلىن ورىستەتۋىنە مۇمكىندىك جاساپ، قوعامداعى كومەكتەسۋ، سۇيەمەلدەۋ بايلىعىن كەڭ كولەمدى ۇيىستىرۋ كەرەك.
ۋاكىل گو ليانشان مىناداي ۇسىنىس بەردى: قايىر - ساحابات زاڭىندا جۇڭحۋا ۇلتىنىڭ تاڭداۋلى ءمورالىنا مۇراگەرلىك ەتۋدى، سوتسياليستىك وزەكتى قۇن كوزقاراسىن ساۋلەلەندىرۋدى ونان ارى كۇشەيتۋ كەرەك. اتالعان زاڭ العا قويىلىپ اتقارىلعاننان كەيىن ۇگىت سەرپىنىن ءتىپتى دە ارتتىرىپ، بۇكىل قوعامدا وزگەلەرگە كومەكتەسۋدى قۋانىش سانايتىن، بەرەكە - بىرلىكتى، دوستىقتى دارىپتەيتىن، قالتقىسىز ۇلەس قوسۋ سىندى ىزگىلىك رۋحتى دارىپتەپ، وعان قولداۋ كورسەتىپ جانە جىگەرلەندىرىپ، قوعام مۇشەلەرىنىڭ قايىرىمدى ارەكەتتەرى بارىسىندا ءمورال كۇشىن توپتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى باياندى رۋحاني كۇشپەن قامداۋ كەرەك.
ۋاكىل ءمۇتالىپ وبىل بىلاي دەدى: وسى جىلداردا مەملەكەت زاڭ، زاڭ - بەلگىلەمەلەردى ىركەس - تىركەس العا قويىپ، زاڭنىڭ ادىلدىگى، ورنىقتىلىقتى قورعاۋ، كەدەيلەردى سۇيەمەلدەپ، قيىنشىلىق قىسپاعىندا قالعاندارعا كومەكتەسۋ سياقتى سالالارداعى ىستەردىڭ دامۋىن جەبەدى. قورىتىندى شىعارۋ اتقارۋ قىزمەتى پارمەندى زاڭدىق تىرەككە ءزارۋ، ءماجبۇري اتقارىلاتىن زاڭدى تەزىرەك جاساپ العا قويىپ، زاڭدى، ءسوز جوق، قاتاڭ اتقارۋداعى «ەڭ سوڭعى ءبىر شاقىرىمدى» تولىق باسۋدى؛ زاڭ - بەلگىلەمە سيپاتتى ءتۇزىمدى جاساپ العا قويىپ، حالىقتىق كەڭەسشىنىڭ ءتۇرلى ۇقىق - مىندەتتەرىن قامتاماسىزداندىرىپ، حالىق سوتى ىستەرىنىڭ جاريا بولۋىن، حالىقتىڭ ءادىليا قيمىلىنا ات سالىسۋىن مۇمكىندىك بارىنشا جەبەۋدى ۇسىنىس ەتەمىن.
ۋاكىل ءماردان مۇعايت بىلاي دەدى: قايىر - ساحابات، جىلۋ اتاۋ ىستەرىندە ينفورماتسيا اشىق بولماۋ، جاريا بولماۋ سالدارىنان تۋىلعان ءبىرسىپىرا ىستەر قايىر - ساحاباتتىڭ الەۋمەتتىك بەدەلى مەن قۇپتاۋعا يە بولۋىنا ىقپال جەتكىزدى. قايىر - ساحابات زاڭى جاريالانىپ اتقارىلعاننان كەيىن ەلىمىزدىڭ قايىر - ساحابات ىستەرىنىڭ دامۋىندا نەداۋىر كۇشتى جەتەلەۋ، جەبەۋ جانە ارناعا ءتۇسىرۋ رولىن اتقارادى. قوعامنىڭ ءارقايسى جاقتارىنىڭ كۇشىن جۇمىلدىرۋ ارقىلى بىرگە باقىلاپ - باسقارىپ، قايىر - ساحابات ىستەرىنىڭ اشىق - اشكەرە بولۋىنا، الەۋمەتتىڭ الاڭسىز جىلۋ اتاۋىنا مۇمكىندىك جاساۋدى ۇسىنىس ەتەمىن.
كەي ۋاكىلدەر ۇكىمەت قىزمەتىنەن باياندامانى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، «13 - بەسجىلدىق» جوبا پروگرامماسىن، جوسپار بايانداماسى مەن مەجە ەسەپ بايانداماسىن ارقاۋ ەتە وتىرىپ ۇسىنىستار بەردى.
قاراۋ، تالقىلاۋ بارىسىندا شوكىرات زاكىر، نايىم ياسىن، چى جۇن، حۋاڭ ۋي، دۇڭ شينگۋاڭ، جاروللا يسامدىن، نيشان يبىرايىم، لي جيانگو، شىن يان، ازەز مۇسا، شى جيانيۇڭ، ليۋ شينشىڭ، حۋاڭ رۇڭ، حى حۇيشيڭ، حاليدا ابدۇقادىر، فۋ چۇنلي، شي ۋىنحاي، مۇقتاباي سادىق قاتارلى ۋاكىلدەر ىلگەرىندى - كەيىندى ءسوز سويلەدى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
