- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زۇڭليمەن شينجياڭدا قايتا ءديدارلاسۋعا ۋادەلەسكەنىمىزگە ەرەكشە شاتتاندىق
2016.03.14 11:16 كەلۋ قاينارى : ءتاڭىرتاۋ تورابى
10 - ناۋرىزدا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە كەلگەن شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، ءار ۇلت ۋاكىلدەرىمەن بەتپە - بەت، ىشكەرىلەي، ىقىلاستى پىكىر اۋىستىردى ءارى «<ءدان ريزا بولارلىق جاۋاپپەن> شينجياڭعا تاعى دا باراتىندىعىن» ءبىلدىردى.
ارادا ءبىر كۇن وتە شىقسا دا مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن مەملەكەتتىك ساياسي كەڭەستىڭ شينجياڭداعى مۇشەلەرى تەبىرەنىستى كوڭىل كۇيلەرىن باسا الماي، وزگەشە شاتتاندى. زۇڭلي پارتيا ورتالىق كوميتەتى مەن مەملەكەتتىك كەڭەس اتىنان شينجياڭعا كوڭىل ءبولىپ، قولداۋ كورسەتتى، بۇعان كوپشىلىك ەرەكشە اسەرلەندى. بۇل سونىمەن بىرگە ولاردىڭ ءار ۇلت جۇرتشىلىعىن ىنتىماقتاستىرا باستاپ، ىرىقتىلىقپەن ىسكە كىرىسۋ بەكىمىن نىعايتىپ، جىگەرىن جانىدى.
«زۇڭلي بىزگە دامۋ جونىندە ءادىس - شارالار ۇيرەتىپ، قايسارلانا العا ۇمتىلۋىمىزعا دەم بەرۋگە كەلدى»
11 - ناۋرىزدا مەملەكەتتىك حالىق قۇرىلتايىنىڭ ۋاكىلى، شينجياڭ ءتۇستى مەتال ونەركاسىبى (توپ) شەكتى جاۋاپكەرشىلىك سەرىكتەستىگى شينشين كەن شارۋاشىلىعى جارنا سەرىكتەستىگى فۋكاڭ قورىتۋ زاۆودى تەكسەرۋ پۋنكتىنىڭ قىزمەتكەرى رىزگۇل قۇراحۇن زۇڭليمەن بىرگە بولعان اسەرلى ءساتتى ەسىنە الىپ: زۇڭليدىڭ ءاربىر اۋىز ءسوزى قازىرگە دەيىن كوكەيىمدە سايراپ تۇر، ول كىسىنىڭ ىقىلاستى سوزدەرى جۇرەگىمىزگە جىلۋ باعىشتادى، - دەيدى اسەرلى بەينەدە.
ۋاكىل رىزگۇل قۇراحۇن: زۇڭلي شينجياڭداعى ءار ۇلت جۇرتشىلىعىنىڭ ءوندىرىس، تۇرمىس جاعدايىنا ايرىقشا كوڭىل ءبولىپ، كاسىپتەندىرۋ، ەمدەۋ، وقۋ - اعارتۋ ماسەلەلەرىنە قايتا - قايتا توقتالدى. اسىرەسە، وقۋ - اعارتۋ ىستەرىنە نازار اۋدارىپ، وڭتۇستىك شينجياڭنىڭ وقۋ - اعارتۋىنىڭ دامۋ جاعدايىن ارنايى سۇراپ ۇعىستى. مەملەكەتتىڭ مينيسترلىك، كوميتەتتەرىندەگى جولداستاردان وسى بارىستاعى قيىنشىلىقتار مەن ماسەلەلەردى ويداعىداي شەشۋدى تالاپ ەتتى، سول كەزدە قۋانعانىمىزدان تىنباي شاپالاق سوعا بەرىپپىز، - دەدى.
مەملەكەتتىك ساياسي كەڭەستىڭ شينجياڭداعى مۇشەسى، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشىسى، شينجياڭ اۋىل شارۋاشىلىعى ۋنيۆەرسيتەتىنىڭ ورىنباسار باستىعى جياڭ پيڭ - ان لي كىچياڭ زۇڭليدىڭ شينجياڭ ۋاكىلدەر ۇيىرمەسىنە كەلەتىنىن ەستىگەندە ءوزى كوپپەن بىرگە بولاتىنداي تەبىرەندى. ول: زۇڭلي بىزگە دامۋ جونىندە ءادىس - شارالار ۇيرەتىپ، قايسارلانا العا ۇمتىلۋىمىزعا دەم بەرۋگە كەلدى، - دەدى.
مەملەكەتتىك ساياسي كەڭەستىڭ شينجياڭداعى مۇشەسى، ءدىن سالاسىنان شىققان باكىر مامۇت: زۇڭليدىڭ قامقورلىعى مەن قولداۋىنا راقىمەت، ءبىز ورتالىق پەن بۇكىل ەلدەگى ءار ۇلت حالقىنىڭ ءۇمىتىن، ءسوز جوق، اقتاپ، شينجياڭنىڭ قىزمەتتەرىن بار كۇشىمىزبەن تىڭعىلىقتى جاقسى ىستەيمىز. دىنگە سەنەتىن قالىڭ قاۋىمعا ۇگىت جۇرگىزىپ، ورتالىقتىڭ شينجياڭعا دەگەن قامقورلىعىن، شينجياڭنىڭ ۇلتتار ىنتىماعىنا كوڭىل بولەتىنىن، شينجياڭنىڭ بولاشاعىنان ۇلكەن ۇمىتتەر كۇتەتىنىن ءار ۇلت جۇرتشىلىعىنا جەتكىزىپ، كوپشىلىكتى ءبىر نيەت، ءبىر تىلەكپەن تىعىز سەلبەسىپ، شينجياڭدى ونان ارى كوركەيتۋگە ۇندەيمىز، - دەدى.
«ورتالىققا عانا قاراپ وتىرساق بولمايدى، ءبىز، ءسوز جوق، ءوز كۇشىمىزگە سۇيەنىپ بارىنشا قۇلشىنا ءتۇسۋىمىز كەرەك»
مەملەكەتتىك حالىق قۇرىلتايىنىڭ ۋاكىلى، ماناس يشين جەمىس ونىمدەر ارناۋلى سەلبەستىك كووپەراتيۆىنىڭ القا باستىعى ياڭ چين اتا مەكەنى ماناستى اۋىزعا العاندا اسا ماقتانىشپەن بىلاي دەدى: «وسى 5 جىلدا ماناس اۋدانىنىڭ اۋدان قالاشىعىنان تارتىپ اۋىل - قىستاقتارىنا دەيىن وراسان زور وزگەرىستەر تۋىلدى». ول بۇل وزگەرىستەر اۆتونوميالى رايوندىق پارتكومنىڭ باسشىلىعىنىڭ ارقاسىندا، سونداي - اق ورتالىقتىڭ شينجياڭنىڭ دامۋىنا بار كۇشپەن قولداۋ كورسەتۋىنىڭ ارقاسىندا ىسكە اسقاندىعىن ايتتى.
«ايتسە دە ورتالىقتىڭ قولداۋ كورسەتۋىنە عانا قاراپ وتىرساق بولمايدى، ودان دا ماڭىزدىسى، ءبىز اقىل - پاراساتىمىز مەن كۇش - قايراتىمىزدى شوعىرلاندىرىپ، بىلەك سىبانا ىستەۋىمىز كەرەك»، - دەدى ۋاكىل ياڭ چين. ول تاعى بىلاي دەدى: لي كىچياڭ زۇڭلي ورتالىقتىڭ شينجياڭعا قولداۋ كورسەتەتىندىگىن ايتتى، ءبىز العىسىمىزدى كۇش - قايراتقا اينالدىرىپ، قوس قولىمىز بەن قاجىرلى ەڭبەگىمىزگە سۇيەنىپ اۋقاتتانىپ، تۇرمىس شارت - جاعدايىمىزدى ءتىپتى دە جاقسارتۋعا قۇلشىنامىز.
مەملەكەتتىك حالىق قۇرىلتايىنىڭ ۋاكىلى، شينجياڭ مۇناي الابى قويۋ مۇناي اشۋ سەرىكتەستىگىنىڭ گەولوگيالىق زەرتتەۋ ورنىنىڭ جوعارى دارەجەلى ينجەنەرى حاليدا ابدۇقادىر بىلاي دەدى: جاقىنعى ءبىرقانشا جىلدان بەرى ورتالىقتىڭ شەكسىز قامقورلىعى جانە بار كۇشپەن قولداپ - قۋاتتاۋىنىڭ ارقاسىندا، شينجياڭنىڭ قارتتاردى كۇتىمگە الۋ، ەمدەۋ، وقۋ - اعارتۋ شارت - جاعدايى كورنەكتى جاقساردى، شينجياڭدا تۋىپ وسكەن بىزدەر ءوزىمىزدى بارعان سايىن باقىتتى سەزىنۋدەمىز.
لي كىچياڭ زۇڭلي ونىمەن قول الىسقان كەزدە، ول تەبىرەنگەنىنەن زۇڭليگە سەرىكتەستىكتىڭ بىلتىر قول جەتكىزگەن تابىستارىن بايانداپ بەردى، سونداي - اق پارتيا مەن مەملەكەتتىڭ شينجياڭداعى ءار ۇلت بۇقاراسىنا وسكەلەڭ كوڭىل ءبولىپ، كومەك كورسەتكەنىنە شەكسىز العىس جاۋدىراتىندىعىن ايتتى.
ۋاكىل حاليدا ابدۇقادىر: شينجياڭنىڭ دامۋى ءالى ءبىرشاما كەنجە بولعانىمەن، ءبىز قول قۋسىرىپ قاراپ وتىرماۋىمىز، يەك سۇيەمەۋىمىز، قايتا شينجياڭ رۋحىن ساۋلەلەندىرىپ، وزىندىك دامۋ قابىلەتىمىزدى جوعارىلاتۋىمىز كەرەك، - دەدى، «زۇڭلي شينجياڭ حالقىنا ۋادە بەرگەن ەكەن، ەندەشە ءبىز دە ءىس جۇزىندىك ارەكەتىمىزبەن زۇڭليگە ايتارلىقتاي جاۋاپ بەرۋىمىز كەرەك!»
«ءبىز ءىس جۇزىندىك ارەكەتىمىزبەن زۇڭليدى قارسى الىپ، ءبىر جاعادان باس، ءبىر جەڭنەن قول شىعارا وتىرىپ، شينجياڭدى بارىنشا جاقسى كوركەيتۋگە تىرىسامىز»
«زۇڭلي شينجياڭعا تاعى كەلەتىندىگى جونىندە ۋادە بەردى، سول كۇندى شينجياڭداعى ءار ۇلت حالقى اسىعا كۇتەدى»، − دەدى ۋاكىل جياڭ پيڭ − ان. ول تاعى: ءبىز ءىس جۇزىندىك ارەكەتىمىزبەن زۇڭليدى قارسى الۋىمىز كەرەك. سول ءۇشىن ءبىر نيەت، ءبىر ماقساتپەن ىنتىماقتاسىپ، شينجياڭدى بارعان سايىن كوركەيتە ءتۇسۋىمىز كەرەك، - دەدى.
ۋاكىل جياڭ پيڭ - ان بىلاي دەدى: شينجياڭ قازىر بۇرىندى - سوڭدى بولىپ كورىلمەگەن دامۋ ورايىنا ءدوپ كەلىپ وتىر، سونىمەن بىرگە ساقتالعان ولقىلىقتار دا از ەمەس، بيىل ءبىز ولقىلىقتاردى تولىقتاۋعا كۇش سالۋىمىز، دامۋدىڭ نەگىزىن اناعۇرلىم بەكەمدەي ءتۇسۋىمىز، تاماشا ناتيجە جاراتۋعا قۇلشىنۋىمىز كەرەك. «اۋىل شارۋاشىلىعى − شينجياڭداعى ءار ۇلت ەگىنشى - مالشىلارىنىڭ كىرىسىن ارتتىرىپ، ولاردى اۋقاتتانۋ جولىنا باستاۋدىڭ نەگىزى، سوندىقتان ءوندىرىس تاسىلىنە بۇرىلىس جاساپ، قۇرىلىمدى رەتتەۋدى اناعۇرلىم ىلگەرىلەتۋىمىز، وسى زامانعى اۋىل شارۋاشىلىعىن بار كۇشپەن دامىتۋىمىز كەرەك؛ كاسىپ سالاسىن دامىتۋدا مۇناي، تابيعي گاز، كەن بايلىقتارىنا يەك سۇيەۋدى ازايتىپ، كۇن ەنەرگياسىنان، جەل ەنەرگياسىنان پايدالانۋدى كۇشەيتۋىمىز، ءتۇرلى ساياحات بايلىعى مەن تاماشا ەكولوگيا بايلىعىن اشۋدىڭ جانە ودان پايدالانۋدىڭ ءورىسىن كەڭەيتۋىمىز كەرەك؛ وڭتۇستىك شينجياڭ كەدەيلىكتەن قۇتىلدىرۋدان قامال الۋدا ولقىلىق ءبىرشاما كوپ وڭىر، سوندىقتان وسى جاعىنداعى ولقىلىقتى، ءسوز جوق، تولىقتاۋىمىز كەرەك...».
شينجياڭداعى مەملەكەتتىك ساياسي كەڭەستىڭ مۇشەسى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ ورىنباسار مەڭگەرۋشىسى ەرزات زادا بىلاي دەدى: زۇڭلي شينجياڭداعى ءار ۇلت حالقىنىڭ ەمدەۋ، دەنساۋلىق شارت - جاعدايىنا ايرىقشا كوڭىل ءبولدى، بۇل دا اۆتونوميالى رايوننىڭ جاقىنعى جىلداردان بەرگى قۇلشىنا ىلگەرىلەتكەن حالىق تۇرمىسىنا قاتىستى ينجەنەريالىق قىزمەتتەردىڭ ءبىرى. ول تاعى بىلاي دەدى: بيىل دەنساۋلىق ساقتاۋ جانە جوسپارلى تۋىت كوميتەتى كەدەيلىكتەن قۇتىلدىرۋدان قامال الۋ قىزمەتىمەن ۇشتاستىرا وتىرىپ، ءار ۇلت حالقىنىڭ، وتە - موتە، ەگىنشى − مالشى قاۋىمىنىڭ ناۋقاس ەمدەتۋ جاعىنداعى اۋىرتپالىعىن اناعۇرلىم جەڭىلدەتۋگە كۇش سالادى، ەمدەۋ جاعىندا ساپالى قىزمەت وتەۋمەن بىرگە، حالىق بۇقاراسىنىڭ ناۋقاسىن ەمدەتۋدەن كەدەيلەسەتىن، ناۋقاس ەمدەتۋدەن قايتا كەدەيلەسەتىن جايتتىڭ الدىن الادى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
