- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى ەكىنشى جالپى جيىنىن وتكىزدى
ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭدادى جانە قارادى، قايىر - ساحابات تۋرالى زاڭ جوباسى جونىندەگى تۇسىنىكتى تىڭدادى
2016.03.10 14:05 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 9 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى 9 - ناۋرىز تۇستەن كەيىن حالىق سارايىندا ەكىنشى جالپى جيىنىن وتكىزدى، مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن جاڭ دىجياڭ ماجىلىستە قىزمەتتەن بايانداما جاسادى. ءماجىلىس قايىر - ساحابات تۋرالى زاڭ جوباسى جونىندەگى تۇسىنىكتى تىڭدادى.
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.
جاڭ دىجياڭ بايانداماسىندا بىلاي دەدى: وتكەن ءبىر جىلدا شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى پارتيا 18 - قۇرىلتايىنىڭ جانە ج ك پ 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ءبىرسىپىرا ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ باسشىلىعىن، حالىقتىڭ ءوز - وزىنە قوجا بولۋىن، مەملەكەتتى زاڭمەن جونگە سالۋدى ۇتىمدى بىرلىككە كەلتىرۋدەن جازباي، «ءتورتتى جاپپاي ورىنداۋ» ستراتەگيالىق ورنالاستىرۋىنىڭ تالابى بويىنشا پارتيا مەن مەملەكەتتىڭ قىزمەت جالپى جاعدايىن مىقتاپ ارقاۋ ەتىپ، قىزمەت ۇقىعىن زاڭ بويىنشا اتقارىپ، قىزمەتتەردى بەلسەنە ورىستەتتى. ءبىر جىلدا تۇراقتى كوميتەت 5 زاڭ شىعاردى، 37 زاڭعا جانە زاڭ ماسەلەسىنە قاتىستى ءبىر قارارعا وزگەرىس ەنگىزدى، مەملەكەتتىك حالىق قۇرىلتايىنىڭ قاراۋىنا ءبىر زاڭ جوباسىن تاپسىرۋدى ۇيعاردى، زاڭ ماسەلەسىنە قاتىستى 8 قاراردى ماقۇلدادى؛ 6 ءتۇرلى زاڭنىڭ اتقارىلۋ جاعدايىن تەكسەردى، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ 17 قىزمەت بايانداماسىن تىڭدادى جانە قارادى، 3 رەت ارناۋلى پىكىر الىپ، 3 رەت ارناۋلى تەكسەرۋ - زەرتتەۋ جۇرگىزدى، 2 قاۋلىنى ماقۇلدادى؛ ارناۋلى كوميتەتتەردىڭ ۋاكىلدەرى ۇسىنعان كەڭەس جوبالاردى قاراۋ ناتيجەسى جونىندەگى 8 باياندامانى، ۋاكىلدەردىڭ تولىمدىلىعىن تەكسەرۋ كوميتەتىنىڭ كەيبىر ۋاكىلدەردىڭ تولىمدىلىعى جونىندەگى 6 باياندامانى قاراپ بەكىتتى، ەلىمىزدىڭ شەتەلمەن جاساسقان شارتتارىنان، كەلىسىمدەرىنەن جانە حالىقارالىق كەلىسىمدەرىنەن 11ىن ماقۇلداۋدى ۇيعاردى، مەملەكەت قۇرىلىمدارىنداعى كەيبىر قىزمەتكەرلەردى مىندەتكە تاعايىنداۋ جانە مىندەتتەن قالدىرۋدى ۇيعاردى جانە ماقۇلدادى، ت.ب. تۇراقتى كوميتەتتىڭ مەملەكەتتىك 12 - كەزەكتى حالىق قۇرىلتايىنىڭ 3 - ءماجىلىسى تۇراقتاندىرعان ءتۇرلى مىندەتتەرى ورىندالدى، تۇراقتى كوميتەتتىڭ ءتۇرلى قىزمەتتەرىنىڭ بارلىعى تىڭ ىلگەرىلەۋشىلىكتەرگە، جاڭا ونىمدىلىككە قول جەتكىزدى.
جاڭ دىجياڭ وتكەن ءبىر جىلداعى باستى قىزمەتتەردى مىناداي 8 جاقتان شولىپ ءوتتى. ءبىرىنشى، ءتۇيىندى سالالاردا زاڭ شىعارۋ تىڭ قادام تاستادى. مەملەكەتتىڭ حاۋىپسىزدىگى سالاسىنا قاتىستى زاڭ شىعارۋ كۇشەيتىلدى، حالىق تۇرمىسى سالالارىندا زاڭ شىعارۋ ىلگەرىلەتىلدى، قىلمىستىق ىستەر زاڭى ءتۇزىمى كەمەلدەندىرىلدى، ءتۇرلى جاقتارداعى زاڭ شىعارۋ قىزمەتتەرى ءبىر تۇتاس جوسپارلانىپ ويداعىداي ىستەلدى. ەكىنشى، نەگىزگى زاڭدى اتقارۋ جانە باقىلاۋ قىزمەتى كۇشەيتىلدى. نەگىزگى زاڭ الدىندا سەرت بەرۋ ءتۇزىمى ورناتىلدى، نەگىزگى زاڭدا بەلگىلەنگەن ەرەكشە كەشىرىم ەتۋ ءتۇزىمى اتقارىلدى، مەملەكەت وردەنى جانە مەملەكەتتىك اتاق تۋرالى زاڭ جاسالدى، ولشەمدى حۇجاتتاردى ەستەلىككە الىپ تەكسەرۋ ءتۇزىمى كەمەلدەندىرىلدى.ءۇشىنشى، رەفورمانى جاپپاي تەرەڭدەتۋ قىزمەتىن زاڭ بويىنشا قولدادى جانە ىلگەرىلەتتى. ۇقىق بەرىپ بەلگىلەۋ ءتاسىلى ارقىلى قاتىستى رەفورما سىناق ءتۇيىنى قىزمەتىن قولدادى، كەيبىر زاڭدارداعى ءبىر تۇردەگى نەمەسە قاتىستى بەلگىلەمەلەرگە وزگەرىس ەنگىزۋ ءبىر تۇتاس جوسپارلاندى، «حالىق ۇكىمەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ» قاتىستى رەفورما قىزمەتتەرىنىڭ جاعدايى جونىندەگى باياندامانى تىڭدادى جانە قارادى. ءتورتىنشى، باقىلاۋدىڭ ناقتى ونىمدىلىگىن كۇشەيتۋدە تىڭ ىلگەرىلەۋشىلىكتەرگە قول جەتكىزدى. زاڭ اتقارۋ، تەكسەرۋ سەرپىنىن كۇشەيتتى، مەجە ەسەپتى، سوڭعى ەسەپتى تەكسەرۋدى، باقىلاۋدى كۇشەيتتى، ەكونوميكانىڭ باياندى، اقاۋسىز دامۋىن جەبەدى، حالىق تۇرمىسىن قامتاماسىز ەتۋدى جانە جاقسارتۋدى ىلگەرىلەتتى، ءادىليا قىزمەتىن باقىلاۋدى ۇزدىكسىز كۇشەيتتى. بەسىنشى، جەرگىلىكتى حالىق قۇرىلتايلارى قىزمەتىنىڭ كەمەلدەنۋىن، دامۋىن ىلگەرىلەتتى. اۋدان، اۋىل حالىق قۇرىلتايلارىنىڭ قىزمەتىن جانە قۇرىلىسىن كۇشەيتتى، زاڭ شىعارۋ زاڭىنا وزگەرىس ەنگىزۋدى وراي ەتىپ، جەرگىلىكتى زاڭ شىعارۋ قىزمەتتەرىنىڭ كەمەلدەنۋىن، دامۋىن ىلگەرىلەتتى، اۋدان، اۋىل حالىق قۇرىلتايلارىنىڭ كەزەك اۋىستىرۋ سايلاۋىن تەكسەرۋ قىزمەتىن ويداعىداي ىستەدى، جەرگىلىكتى حالىق قۇرىلتايلارىمەن بايلانىستى نىعايتتى. التىنشى، ۋاكىل قىزمەتىن تەرەڭدەتتى جانە كەڭەيتتى. مەملەكەتتىك حالىق قۇرىلتايى ۋاكىلدەرىمەن اراداعى بايلانىستى اناعۇرلىم كۇشەيتتى، ۋاكىلدەر ۇسىنعان كەڭەس جوبالاردى دەن قويا قارادى، ۋاكىلدەردىڭ ۇسىنىسىن ءبىر جايلى ەتتى، مەملەكەتتىك حالىق قۇرىلتايى ۋاكىلدەرىنىڭ زاڭ بويىنشا مىندەت وتەۋىن قولدادى جانە بۇعان كەپىلدىك ەتتى. جەتىنشى، شەتەلمەن قارىم - قاتىناس قىزمەتىن بەلسەنە ورىستەتتى. پارلامەنتتىك مەحانيزم بويىنشا اۋىس - كۇيىستى بەكەمدەدى جانە كەڭەيتتى، شەتەل پارلامەنتتەرىمەن كوپ جاقتى ديپلوماتيانى تىڭعىلىقتى ىلگەرىلەتتى، ءار ساتىلى دوستىق بارىس - كەلىستى كۇشەيتتى. سەگىزىنشى، ءوز قۇرىلىسىن زور كۇشپەن نىعايتتى.
الداعى ءبىر جىلداعى باستى مىندەتتەر جونىندە جاڭ دىجياڭ بىلاي دەپ اتاپ كورسەتتى: 2016 - جىل − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭى باستالاتىن جىل. مەملەكەتتىك حالىق قۇرىلتايى تۇراقتى كوميتەتى قىزمەتىنىڭ جالپىلىق تالابى مىنالار: جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا يدەيانى بەرىك ورناتىپ جانە دايەكتى تياناقتاندىرىپ، پارتيا باسشىلىعىنىڭ، حالىقتىڭ ءوز - وزىنە قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالىق تۇتاستىعىنان جازباي، قىزمەت بيلىگىن زاڭ بويىنشا جۇرگىزىپ، زاڭ شىعارۋ، باقىلاۋدى ءتۇيىن ەتىپ، قىزمەتتەردى بەلسەنە ورىستەتىپ، «13 - بەسجىلدىقتاعى» ەكونوميكالىق، قوعامدىق دامۋدا جاڭا باستاما كوتەرۋ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى ۇلى جەڭىسكە قول جەتكىزۋ ءۇشىن تىڭ ۇلەس قوسۋ.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي جيانگو قايىر - ساحابات تۋرالى زاڭ جوباسىنان تۇسىنىك جاسادى.
لي جيانگو بىلاي دەدى: قايىر - ساحابات تۋرالى زاڭ جوباسىن مەملەكەتتىك حالىق قۇرىلتايىنىڭ قاراۋى عىلمي زاڭ شىعارۋدى، دەموكراتيالى زاڭ شىعارۋدى، حالىقتىڭ پاراساتىن كەڭىنەن شوعىرلاندىرۋدى، ورتاق تانىمعا ۇيىسۋدى ىلگەرىلەتۋگە پايدالى، ول جۇڭگو كوممۋنيستىك پارتياسىنىڭ قايىر - ساحابات ىستەرىن دامىتۋ جونىندەگى ماڭىزدى دارىپتەمەلەرىن جانە حالىقتىڭ تىلەگىن مەملەكەت ەركى دەڭگەيىنە كوتەرىپ، بۇكىل قوعامدا قايىر - ساحابات ىستەرىن دامىتۋعا ءتيىمدى تاماشا اۋقىم قالىپتاستىرىپ، قايىر - ساحابات تۋرالى زاڭنىڭ دايەكتى اتقارىلۋىنا ءتىپتى دە بەرىك نەگىز قالايدى.
لي جيانگو بىلاي دەدى: قايىر - ساحابات تۋرالى زاڭدى دايىنداعان كەزدە، مىنا بىرنەشە تۇيىنگە كوڭىل بولگەن ءجون: ءبىرىنشى، پارتيا ورتالىق كوميتەتىنىڭ ورنالاستىرۋلارى مەن تالاپتارىن مۇقيات تياناقتاندىرىپ، قايىر - ساحابات ىستەرىنىڭ كەدەيلەردى سۇيەمەلدەۋ، قيىنشىلىقتان قۇتقارۋ رولىن كورنەكتىلەندىرۋ؛ ەكىنشى، ءتۇزىمدى جوعارى دەڭگەيدە جوبالاۋدى كۇش سالا كۇشەيتىپ، قايىر - ساحابات ىستەرىنىڭ ءتۇزىلىس مەحانيزمىندە جاڭالىق اشۋ؛ ەلىمىزدىڭ مەملەكەت جاعدايىن جانە ءىس جۇزىندىك جاعدايىن تياناق ەتىپ، دامۋ بارىسىندا ارناعا ءتۇسىرۋ، ارناعا ءتۇسىرۋ بارىسىندا دامۋعا تاباندى بولۋ كەرەك.
قايىر - ساحابات تۋرالى زاڭدى دايىنداۋدىڭ قىزمەت بارىسىن تۇسىندىرگەن سوڭ، لي جيانگو قايىر - ساحابات تۋرالى زاڭنىڭ رەتتەۋ كولەمى، قايىر - ساحابات قۇرىلىمدارىنىڭ ولشەمى، قايىر - ساحابات ءۇشىن جىلۋ جيناۋ جانە قايىر - ساحابات ءۇشىن جىلۋ اتاۋ، قايىر - ساحابات اماناتى، قايىر - ساحابات مال - مۇلكى، قايىر - ساحابات قىزمەتى، قايىر - ساحابات ىستەرىنىڭ دامۋىن جەبەۋ شارالارى سياقتى 7 جاقتان قايىر - ساحابات تۋرالى زاڭ جوباسىنىڭ باستى مازمۇندارىن تانىستىردى.
جيىندى ءماجىلىس ءتوراعالار القاسىنىڭ ۇنەمىلىك ىستەرگە جاۋاپتى ءتوراعاسى، اتقارۋشى ءتوراعا جاڭ پيڭ باسقاردى.
بۇگىنگى جالپى جيىنعا قاتىناسۋعا ءتيىستى 2943 ادامنان 2856 ادام قاتىسىپ، 87 ادام جيىنعا كەلە المادى، جيىنعا قاتىسۋشىلار سانى زاڭدا بەلگىلەنگەن ادام سانىنا ۇيلەسەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
