- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ، لي كىچياڭ، جاڭ دىجياڭ، ۋاڭ چيشان، جاڭ گاۋلي مەملەكەتتىك حالىق قۇرىلتايىنىڭ ماجىلىسىنە كەلگەن ءىشىنارا ۋاكىلدەر ۇيىرمەسىنىڭ تالقىسىنا جەكە – جەكە قاتىناستى
2016.03.11 15:54
شينحۋا اگەنتتىگى، 10 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي 10 - ناۋرىز تۇستەن بۇرىن مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 4 - ماجىلىسىنە كەلگەن ءىشىنارا ۋاكىلدەر ۇيىرمەسىنىڭ تالقىسىنا جەكە - جەكە قاتىناستى.
شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناستى. شي جينپيڭ تالقى زالىنا كەلگەندە زاڭزۋ، موڭعۇل، تۋزۋ سىندى 3 ۇلت ۋاكىلى باس شۋجيگە اپپاق حادا ۇسىنىپ، چيڭحايداعى ءار ۇلت حالقىنىڭ پارتيا ورتالىق كوميتەتىنە جانە باس شۋجيگە بولعان ىززەت - قۇرمەتىن ءبىلدىردى. باس شۋجي شي جينپيڭ ولارعا ءار ۇلت حالقىنا دەگەن تىلەگىن جەتكىزىپ قويۋدى قاداعالاپ تاپسىردى. تالقىدا لۋو حۇينيڭ، چى پىڭ، نياڭ ماۋشيان، بي شىڭجۇڭ، باي شيۋحۋا، نيماجوما، حان يۇڭدۇڭ، ۋاڭ شياۋ سىندى 8 ۋاكىل ىلگەرىندى - كەيىندى سانجياڭيۋان مەملەكەتتىك باقشاسىن قۇرۋ، جاسىل، سايكەستى دامۋدا تاباندى بولۋ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ، قالا، اۋىلداردىڭ وقۋ - اعارتۋداعى بىركەلكىلىگىن جەبەۋ، ۇلتتار ىنتىماعىن، العاباسارلىعىن كۇشەيتۋ، كەدەيلەردى دالمە - ءدال سۇيەمەلدەۋدە، كەدەيلىكتەن دالمە - ءدال ارىلتۋدا تاباندى بولۋ، قاجىرلىلىقپەن كۇرەس جاساۋ رۋحىن ساۋلەلەندىرۋ سياقتى ماسەلەلەردى ارقاۋ ەتە وتىرىپ، پىكىر بەردى. شي جينپيڭ الدىمەن مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرگى قىزمەتىن تولىق تۇراقتاندىردى. چيڭحايدىڭ قىزمەتىنە قاراتا شي جينپيڭ مىنالاردى دارىپتەپ اتاپ كورسەتتى: مەملەكەتتىڭ تۇلعالىق يقۋاتى رايونى جوباسىن ىشكەرىلەي تياناقتاندىرىپ، ەكولوگيالىق وركەنيەتتەگى باستاماشى رايون، اينالمالى ەكونوميكالىق دامۋداعى باستاماشى رايون، ۇلتتار ىنتىماعىنداعى، العاباسارلىعىنداعى وزات رايون قۇرىلىسىن كۇش سالا ىلگەرىلەتۋ، ەكولوگيالىق ورتانى قورعاۋدى، كەدەيلىكتەن قۇتىلدىرۋدان قامال الۋدى، ۇلتتىق ءوڭىردىڭ دامۋىن تىڭعىلىقتى جەبەۋ كەرەك. ول مىنالاردى دارىپتەدى: ەكولوگيالىق ورتانى قورعاۋ قۇرىلىسىندا، ءسوزسىز، جالپى جاعداي كوزقاراسىن، ۇزاق مەزگىلدىك كوزقاراس، جالپى تۇلعالىق كوزقاراس ورناتىپ، قورعاۋدى الدىمەن ەسكەرۋ، بايلىقتى ۇنەمدەۋ جانە ورتانى قورعاۋ سىندى نەگىزگى مەملەكەت ساياساتىندا تاباندى بولىپ، جاسىل دامۋ ءتاسىلى مەن تۇرمىس ءتاسىلىنىڭ قالىپتاسۋىن جەبەۋ كەرەك. جۇڭگو سانجياڭيۋان مەملەكەت باقشاسى ءتۇزىلىسىن تۇيىندە سىناق ەتۋ قىزمەتىن جاقسى ىستەپ، ەكولوگيالىق ينجەنەريانى، ەنەرگيا ۇنەمدەۋ، جاراقسىز زاتتاردىڭ شىعارىلۋىن ازايتۋ، قورشاعان ورتانى رەتتەۋ - وڭاۋ، كورىكتى قالا، اۋىل قۇرىلىسىن ءبىر تۇتاس ىلگەرىلەتىپ، مەملەكەتتىك ەكولوگيالىق حاۋىپسىز قالتقى ورناتىپ، چيڭحايدى كورىكتى جۇڭگونىڭ جارقىن ۇلگىسىنە اينالۋعا مۇمكىندىك جاساۋ كەرەك. شي جينپيڭ مىنالاردى اتاپ كورسەتتى: «13 - بەسجىلدىق» مەزگىلى − كەدەيلىكتەن قۇتىلدىرۋدان قامال الۋدىڭ، قۇرىش قامال قۇرۋدىڭ شەشۋشى مەزگىلى، سوندىقتان، ءسوز جوق، تىلەكتەردى توعىستىرىپ، تەبىندى ارتتىرىپ، قارقىندى كۇشەيتىپ، اياق الىستى تەزدەتىپ، ءبىر جاعادان باس، ءبىر جەڭنەن قول شىعارا وتىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزىپ، 2020 - جىلى قازىرگى اتقارىلىپ وتىرعان ولشەم نەگىزىندە اۋىل - قىستاق، مال شارۋاشىلىق رايوندارىنداعى ادامداردى تۇگەلدەي كەدەيلىكتەن قۇتىلدىرۋعا، كەدەي اۋدانداردىڭ كەدەيلىك قالپاعىن تۇگەلدەي الۋىنا شىنايى كەپىلدىك ەتۋ كەرەك. كەدەيلىكتەن قۇتىلدىرۋدان قامال الۋدا، ءسوزسىز، دالمە - دالدىككە ءمان بەرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ، وتباسىلارىنا دالمە - ءدال تياناقتاندىرۋ، «كەدەيلىكتىڭ توركىنىن» دۇرىس تابۋ، نىسانانى ايقىنداۋ كەرەك. وقۋ - اعارتۋ بويىنشا كەدەيلىكتەن قۇتىلدىرۋعا باسا ءمان بەرىپ، كەدەيلىكتىڭ ۇرپاقتان - ۇرپاققا جالعاسا بەرۋىنە جول بەرمەۋ كەرەك. كەدەيلىكتەن قۇتىلدىرۋ ونىمدىلىگىنىڭ باياندىلىعىنا باسا ءمان بەرۋ قاجەت. شي جينپيڭ مىنالارى دارىپتەدى: كوپ ۇلت − ەلىمىزدىڭ ەرەكشەلىگى ءارى ەلىمىزدىڭ دامۋداعى پايدالى فاكتورى. ۇلتتىق وڭىرلەردىڭ نەگىزدىك قۇرىلعى قۇرىلىسىن كۇش سالا كۇشەيتىپ، ۇلتتىق وڭىرلەردىڭ ەرەكشە ابزال كاسىپتەرىن كۇش سالا جەتىلدىرىپ، ۇلتتىق وڭىرلەردىڭ ەرەكشە ابزال بايلىقتارىن رەتىمەن اشىپ، ۇلتتىق وڭىرلەردىڭ كاسىپ سالاسى قۇرىلىمىنىڭ دەڭگەيىن جوعارىلاتىپ، ۇلتتىق وڭىرلەردىڭ ءوزىن - ءوزى دامىتۋ قابىلەتى مەن باياندى دامۋ قابىلەتىن كۇشەيتۋ كەرەك. قوعامدىق ىستەردى دامىتۋ مەن حالىق تۇرمىسى قۇرىلىسى قارجىسىن ۇلتتىق وڭىرلەرگە بەيىمدەپ، ۇلتتىق وڭىرلەردەگى بۇقارانىڭ رەفورما، دامۋ جەتىستىكتەرىنەن ورتاق يگىلىكتەنۋىنە مۇمكىندىك جاساۋ كەرەك. ۇلتتار ىنتىماعى − ءار ۇلت حالقىنىڭ جان تامىرى. ۇلتتىق ايىرماشىلىققا قۇرمەت ەتىپ، مادەنيەتتىڭ الۋان تۇرلىلىگىن قادىرلەپ، جاسامپازدىقپەن جۇمىس ىستەۋ قيمىلىن تەرەڭدەتىپ، ءار ۇلتتىڭ جۇڭحۋا ۇلتتارىنىڭ ۇلى شاڭىراعىندا ەتەنە وتۋىنە، بىرىنە - ءبىرى قول ۇشىن بەرۋىنە، ىنتىماقتى، جاراسىمدى بولۋىنا، ورتاق دامۋىنا مۇمكىندىك جاساۋ كەرەك.
لي كىچياڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. شوكىرات زاكىر، ليۋ شينچي، مامەتيبىرايىم مامەتيمىن قاتارلى ۋاكىلدەردىڭ ءسوزىن تىڭداعاننان كەيىن لي كىچياڭ بىلاي دەدى: كوميتەت باستىعى جاڭ دىجياڭ جاساعان مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تولىق قۇپتايمىن، بىلتىر مەملەكەتتىك حالىق قۇرىلتايىنىڭ تۇراقتى كوميتەتى قىزمەتتى ناتيجەلى ورىستەتتى. ول بىلاي دەدى: شينجياڭ مەملەكەت قىزمەتىنىڭ جالپى جاعدايىندا ايرىقشا ماڭىزدى ستراتەگيالىق ورىنعا يە. پارتيانىڭ 18 - قۇرىلتايىنان بەرگى شي جينپيڭ جولداس باس شۋجي بولعان پارتيا ورتالىق كوميتەتىنىڭ جاڭا جاعدايعا نەگىزدەلە وتىرىپ، شينجياڭ قىزمەتىنە جاساعان جالپىلىق ورنالاستىرۋى بويىنشا، ءۇرتىس دامۋدى جەبەۋ ارقىلى باياندى تىنىشتىقتىڭ نەگىزىن بەكەمدەۋ كەرەك. كاسىپ قۇرىلىمىن ونان ارى ساپالىلاندىرىپ، اۋىل شارۋاشىلىعى، توقىماشىلىق، ساياحات سياقتى ەرەكشە كاسىپتەردى كۇش سالا دامىتىپ، ەكولوگيالىق ورتا تالابىنا ۇيلەسەتىن كاسىپتەردى ىرگە تەبۋگە بەلسەندىلىكپەن جەتەلەپ، بايلىق اشۋ تۇرىنە جاتپايتىن كاسىپتەردىڭ ارا سالماعىن جوعارىلاتىپ، ءىش پەن سىرتقا بىردەي قاقپا اشقان تەكشە قالىپتاستىرۋ كەرەك. حالىق تۇرمىسىن جاقسارتۋدى ۇكىمەت قىزمەتىنىڭ وزەكتى مىندەتى ەتە بەرۋ كەرەك. سۋ يگىلىگى، ەلەكتر تورابى، قاتىناس سياقتى نەگىزدىك قۇرىلعى قۇرىلىسىن كۇشەيتۋ كەرەك، مەملەكەت بۇل جاعىندا قولداۋ تەبىنىن ارتتىرادى. الەۋمەتتىك يگىلىك، جاڭالىق جاراتۋ تەكشەسىن قۇرىپ، كاسىپتەندىرۋ، وقۋ – اعارتۋ، قوعامدىق قامتاماسىزداندىرۋ سياقتى حالىق تۇرمىسى ماسەلەلەرىن كۇش سالا شەشۋ كەرەك. ۇلتتار ىنتىماعى سىندى باياندى تىنىشتىقتىڭ «جان تامىرىن» ۇزدىكسىز كۇش سالا قورعاۋ كەرەك. نەگىزگى ساتىنىڭ نەگىزىن كۇشەيتىپ، ءدىننىڭ جاراسىمدىلىعن جەبەپ، شينجياڭ ءوندىرىس – قۇرىلىس بيڭتۋانىنىڭ ماڭىزدى رولىن ءتىپتى دە ويداعىداي ساۋلەلەندىرىپ، ءارقايسى ۇلتتىڭ ىنتىماقتاسا كۇرەس جۇرگىزىپ، بىرگە دامىپ – گۇلدەنۋىن جەبەۋ كەرەك.
جاڭ دىجياڭ سانشي ۋاكىلدەر ۇيىرمەسىنىڭ تالقىسىنا قاتىستى. ۋاڭ رولين، لي شياۋپىڭ، شىن جيلان سياقتى ۋاكىلدەردىڭ لەبىزىن تىڭداعاننان كەيىن، جاڭ دىجياڭ ۋاكىلدەردىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىن قولداعانىنا جانە باقىلاعانىنا العىس ايتتى. ول بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتى حالىق قۇرىلتايى قىزمەتىنە ايرىقشا ءمان بەرىپ، ءبىرقىدىرۋ ماڭىزدى نۇسقاۋ جاسادى. حالىق قۇرىلتايى پارتيانىڭ باسشىلىعىندا بۇلجىماستان تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن وزەك، زاڭ شىعارۋ، باقىلاۋ سياقتى قىزمەتتەردى كۇشەيتۋدى ءتۇيىن ەتىپ، قىزمەت مىندەتىن، جاۋاپكەرشىلىكتى ادا ەتىپ، تىڭعىلىقتى تۇردە جىگەرلەنە العا باسىپ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى ۇلى جەڭىسكە قول جەتكىزۋگە زاڭدىق كەپىل ازىرلەۋ كەرەك. زاڭ شىعارۋدىڭ جەتەكشىلىك جانە جەبەۋشىلىك رولىن كورنەكتىلەندىرىپ، زاڭ شىعارۋ زاڭدىلىقتارىنا بويسۇنىپ جانە ونى يگەرىپ، زاڭ شىعارۋ ساپاسىن ۇزدىكسىز جوعارىلاتىپ، ءادىل زاڭدارمەن دامۋدى جەبەۋگە، دۇرىس جونگە سالۋعا كەپىلدىك ەتۋ كەرەك. نەگىزگى زاڭنىڭ، زاڭداردىڭ اتقارىلۋىنداعى جانە ۇكىمەتتىڭ، سوتتىڭ، پروكۋراتۋرانىڭ قىزمەتىن باقىلاۋ تەبىنىن ارتتىرۋ، كەلەلى ىستەردى زاڭ بويىنشا تالقىلاۋ جانە ۇيعارىم جاساۋ، حالىق قۇرىلتايى ۋاكىلدەرىنىڭ بورىشتارىن زاڭ بويىنشا اتقارىن قولداۋ جانە ونى قامتاماسىزداندىرۋ، حالىق قۇرىلتايى ۋاكىدلەرىمەن، حالىق بۇقاراسىمەن قاتىناستى قويۋلاتۋ، حالىق قۇرىلتايى ءتۇزىمىن جانە حالىق قۇرىلتايى قىزمەتىنىڭ كەمەلدەنۋىن، دامۋىن جەبەۋ كەرەك. جاڭ دىجياڭ سانشي ولكەسىنىڭ قىزمەتىن تۇراقتاندىردى، سانشيدەگى كادرلاردىڭ، بۇقارانىڭ ىنتىماقتاسا كۇرەس جۇرگىزىپ، قيىندىقتان قامال الىپ، «13 – بەس جىلدىق» جوسپاردا تاماشا باستاما جاراتۋىن ءۇمىت ەتتى.
ۋاڭ چيشان جياڭسۋ ۋاكىلدەر ۇيىرمەسىنىڭ تالقىسىنا قاتىستى. شى تايفىڭ، شيڭ ديڭيۇن، جۋ كىجياڭ سياقتى ۋاكىلدەردىڭ لەبىزىن تىڭداعان سوڭ، ۋاڭ چيشان كوميتەت باستىعى جاڭ دىجياڭنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن جاساعان بايانداماسىن تولىق قۇپتايتىندىعىن ءبىلدىردى. ول بىلاي دەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، ءتۇسىنىپ، 5 ءىرى دامۋ يدەياسىن دايەكتى تياناقتاندىرۋدا، ءسوز جوق، عىلمي رۋح قالىپتاستىرىپ، ديالەكتيكالىق ماتەرياليزم مەن تاريحي ماتەرياليزمگە بويسۇنۋ كەرەك. تاريح عىلىمعا قۇرمەت ەتكەندە، ىستەرىمىزدىڭ دامۋى ءساتتى بولاتىنىن، كەرىسىنشە بولسا، اۋىر بوداۋ بەرەتىنىمىزدى دالەلدەگەن. ورتالىقتىڭ تالابىن سول جەردىڭ، سول تاراۋدىڭ ءىس جۇزىندىك جاعدايىمەن بىرلەستىرىپ، ءتۇزىلىس مەحانيزمىندە جاڭالىق اشىپ، ومىرشەڭدىك قۋاتتى بۇعاۋدان بوساتىپ جانە تىڭنان قالىپتاستىرىپ، ىستەگەن جۇمىستان بەلگىلى ناتيجە شىعارۋ، بەلگىلى جاڭالىق اشۋ، بەلگىلى ىلگەرىلەۋشىلىككە قول جەتكىزۋ كەرەك.
جاڭ گاۋلي شيزاڭ ۋاكىلدەر ۇيىرمەسىنىڭ تالقىسىنا قاتىستى. چىن چۋانگو، لوساڭ جياڭسۇن، سىۋاڭ رىنزىڭ سياقتى ۋاكىلدەردىڭ لەبىزىن مۇقيات تىڭداعان سوڭ، جاڭ گاۋلي كوميتەت باستىعى جاڭ دىجياڭنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن جاساعان بايانداماسىن تولىق قۇپتايتىنىن ءبىلدىردى. جاڭ گاۋلي شيزاڭنىڭ ەكونوميكالىق، قوعامدىق دامۋىنداعى تابىستاردى تولىق تۇراقتاندىرىپ، شيزاڭنان مىنالاردى ءۇمىت ەتتى: باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا پارتيانىڭ باسشىلىعىندا تاباندى بولىپ، ەل بيلەۋ ءۇشىن، ءسوز جوق، شەكارانى جونگە سالۋدان، شەكارانى جونگە سالۋدا الدىمەن شيزاڭدى ورنىقتىرۋداي ستراتەگيالىق ويدان جازباي، شيزاڭدى زاڭمەن جونگە سالۋ، حالىقتى اۋقاتتاندىرۋ، شيزاڭدى گۇلدەندىرۋ، شيزاڭدى باياندى كوركەيتۋ، جۇرت تىلەگىن توعىستىرۋ، نەگىزدى بەكەمدەۋ سىندى ماڭىزدى پرينسيپتە تاباندى بولىپ، جۇڭگوشا ەرەكشەلىككە، شيزاڭدىق وزگەشەلىككە يە دامۋ جولىندا تاباندى بولىپ، بۇكىل مەملەكەتپەن بىرگە دوڭگەلەك داۋلەتتى قوعامدى مەجەلى ۋاقىتتا جاپپاي قۇرۋعا كەپىلدىك ەتۋ كەرەك. ۇلتتار ىنتىماعىن كۇشەيتىپ، ورنىقتىلىقتى قورعاۋدىڭ ءتۇرلى قىزمەتتەرىن شىنايى جاقسى ىستەۋ؛ ەرەكشەلىك پەن مۇمكىندىكتەردى بەلسەنە كورنەكتىلەندىرىپ، ەكونوميكانىڭ ۇزدىكسىز اقاۋسىز دامۋىن جەبەۋ؛ حالىق تۇرمىسىن جاقسارتىپ، جۇرت تىلەگىن توعىستىرۋدا تاباندى بولىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىن باتىلدىقپەن قولعا كەلتىرۋ؛ كوركەم شيزاڭ قۇرىپ، مەملەكەتتىڭ ەكولوگيالىق حاۋىپسىزدىك كەپىلىن بەكەمدەۋ؛ «كونە شيزاڭ رۋحىن»، «ەكى جول رۋحىن» بارىنشا اسقاقتاتىپ، شيزاڭداعى بۇقارا ءۇشىن بۇكىل ىنتا - پەيىلمەن قىزمەت ەتىپ، شيزاڭنىڭ ەكونوميكالىق، قوعامدىق دامۋى مەن باياندى تىنىشتىعىن جەدەل ىلگەرىلەتۋ كەرەك.
ما كاي، لي يۋانچاۋ، جاڭ چۇنشيان قاتارلىلار جەكە - جەكە تالقىعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
