- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق ۇكىمەتى 32-رەتكى ۇنەمىلىك ىستەر ءماجىلىسىن اشتى
2016.03.07 16:53 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر كەشە تۇستەن بۇرىن اۆتونوميالى رايوندىق حالىق ۇكىمەتىنىڭ 32-رەتكى ۇنەمىلىك ىستەر ءماجىلىسىن باسقارىپ اشىپ، «شەتەلدەگى قارجى قوسۋ قىزمەتىن اناعۇرلىم جاقسى ىستەۋ جانە حالىقارالىق ءوندىرىس قۋاتى مەن جابدىق جاساۋ سەلبەستىگىن ىلگەرلەتۋ جونىندەگى اتقارۋ پىكىرىن»، «ءوندىرىس حاۋىپسىزدىگىن باقىلاۋ-باسقارۋ زاڭىن اتقارۋ قىزمەتىن كۇشەيتۋ جونىندەگى اتقارۋ پىكىرىن»، «اۆتونوميالى رايوننىڭ بيىك قاباتتى قۇرىلىستاردىڭ ورتتەن ساقتانۋ حاۋىپسىزدىگىن باسقارۋ بەلگىلەمەسىن» جانە «قيىنشىلىعى بار مۇگەدەكتەردىڭ تۇرمىس قوسىمشا قاراجاتى مەن ەرەكشە اۋىر مۇگەدەكتەردى كۇتىمدەۋ قوسىمشا قاراجاتى ءتۇزىمىن ورناتۋ جونىندەگى اتقارۋ پىكىرىن» زەرتتەدى.
ماجىلىستە بىلاي دەپ قارالدى:شينجياڭنىڭ ءىس جۇزىندىگىمەن ۇشتاستىرىپ، رايونىمىزدىڭ «شەتەلدەگى قارجى قوسۋ قىزمەتىن اناعۇرلىم جاقسى ىستەۋ جانە حالىقارالىق ءوندىرىس قۋاتى مەن جابدىق جاساۋ سەلبەستىگىن ىلگەرلەتۋ جونىندەگى اتقارۋ پىكىرىن» جاساپ شىعارۋ ەكونوميكانىڭ قۇلدىرۋىنا توتەپ بەرۋدىڭ ماڭىزدى شاراسى بولۋدان سىرت، تاعى مەملەكەتتىڭ «ءبىر بەلدەۋ، ءبىر جول» ستراتەگيالىق ورنالاستىرۋىن دايەكتى تياناقتاندىرىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، رايونىمىزدىڭ كاسىپ قۇرىلمىنا بۇرىلىس جاساۋ، ەكونوميكا مەن قوعام دامۋىن ىلگەرلەتۋدە ماڭىزدى مانگە يە.
ماجىلىستە مىنالار تۇراقتاندى:جىبەك جولى ەكونوميكالىق بەلدەۋى وزەكتى رايون قۇرىلىسىنىڭ كەلەلى تاريحي ورايىن مىقتى يگەرىپ، بازاردى بەتالىس ەتۋ مەن دەربەس شەشىم جاساۋ پرينسيبىنە تاباندى بولىپ، ورتا ازيا، باتىس ازيا، وڭتۇستىك ازيا سياقتى كورشىلەس ەلدەردى ءتۇيىن ەتىپ، شەتەلدەگى كەن بايلىعىمەن ءوزارا مۇددە جەتكىزىپ سەلبەسۋدى تەرەڭدەتۋ، شەتەلدەگى جوعارى، جاڭا تەحنيكا مەن وزىق جاساۋ كاسىبىنە قارجى قوسۋدى كۇشەيتۋ، شەتەلدەگى ەكونوميكا-ساۋدا سەلبەستىك رايون قۇرىلىسىن ىلگەرلەتۋ، شەتەلدەگى نەگىزگى قۇرىلىعىلارعا قارجى قوسۋعا قاتىناسۋدى قولداۋ، شەتەلدەگى اۋىل شارۋاشىلىعى سەلبەستىگىن بەلسەنە نىق قاداممەن ىلگەرلەتۋ، شەتەلدەگى قىزمەت وتەۋ كاسىبىنە قارجى قوسۋ تەبىنىن بەلسەنە ارتتىرۋ، حالىقارالىق ءوندىرىس قۋاتى مەن جابدىق جاساۋ سەلبەستىگىن ىلگەرلەتۋدى ارقاۋ ەتىپ، رايونىمىز كاسپورىندارىنىڭ قارجىلاندىرۋ، ءوندىرىس قۋاتى، جابدىق، تەحنيكا جانە قىزمەت وتەۋىنىڭ سىرتقا شىعۋ اياق الىسىن تەزدەتۋ كەرەك.
ماجىلىستە مىنالار تالاپ ەتىلدى:جەر-جەر، قاتىستى تاراۋلار ەكونوميكا دامۋىنىڭ جاڭا اۋقىمىنا بەلسەنە ۇيلەسىپ، ۇكىمەت فۋنكتسياسىن جوعارى ونىمدىلىكتە اتقارىپ، ۇكىمەت قۇرىلىمدارىن ىقشامداپ ۇقىقتى تومەنگە بەرۋ تەبىنىن ونان ارى ارتتىرىپ، ساياساتتى ۇزبەي كەمەلدەندىرىپ جۇيەنى جەبەۋ، قىزمەت وتەۋ قامتاماسىزداندىرۋ جۇيەسىن تولىقتاۋ، قاتەردەن ساقتانۋ، مەڭگەرۋ جۇيەسىن كۇشەيتۋ ارقىلى رايونىمىزدىڭ شەتەلدە قارجى قوسۋ كولەمىنىڭ ۇزدىكسىز كەڭەيۋىن، ونىمدىلىگىنىڭ بارىنشا كورنەكتىلەنۋىن جەبەپ، سىرتقا ەسىك اشۋدىڭ جاڭا جاعدايىن جاراتۋ كەرەك.
ماجىلىستە بىلاي دەپ اتاپ كورسەتىلدى:مەملەكەتتىك كەڭەستىڭ تالابىنا ساي، رايونىمىزدىڭ مۇگەدەكتەرگە ەكى ءتۇرلى كومەك قاراجات بەرۋ ءتۇزىمىن ورناتۋى مۇگەدەكتەردىڭ تىكەلەي، ءارى ەڭ رەال، ەڭ كوكەيتەستى مۇددە ماسەلەسىن شەشۋدە ماڭىزدى ءمان الادى. جەر-جەر جانە تاراۋلار ەكى ءتۇرلى كومەك قاراجاتتى بەكىتۋ، تاراتۋ قىزمەتىن مۇقيات ىستەپ، كومەك قاراجاتتى تاراتۋ قىزمەتىن اشىق، جاريا، ناقتى ىستەپ، پارتيا مەن مەملەكەتتىڭ مۇدەگەكتەرگە دەگەن قامقورلىعىن، سۇيىسپەنشىلىگىن ناقتى ورىنعا تياناقتاندىرۋ كەرەك.
اۆتونوميالى رايوننىڭ «قيىنشىلىعى بار مۇگەدەكتەردىڭ تۇرمىس قوسىمشا قاراجاتى مەن ەرەكشە اۋىر مۇگەدەكتەردى كۇتۋ قوسىمشا قاراجاتى ءتۇزىمىن ورناتۋ جونىندەگى اتقارۋ پىكىرىندە» مىنالار بەلگىلەنگەن:بيىل 1-قاڭتاردان باستاپ، اۆتونوميالى رايون قالا-اۋىلدارداعى ەڭ تومەنگى تۇرمىسى قامتاماسىزداندىرىلاتىن وتباستارىنداعى مۇگەدەكتەرگە قيىنشىلىعى بار مۇگەدەكتەردىڭ تۇرمىستىق كومەك قاراجاتىن تاراتادى، 1-، 2-دارەجەلى مۇگەدەك دەلىنگەن بارلىق مۇگەدەككە ەرەكشە اۋىر مۇگەدەكتەردى كۇتىمدەۋ كومەك قاراجاتىن تاراتادى، ەكى ءتۇرلى كومەك قاراجات ەرىكتى ءوتىنىش ەتۋ، دارەجە بويىنشا انىقتاۋ، مەرزىم سايىن قايتالاي انىقتاۋ ءتارتىبى بويىنشا بەرىلەدى، ماۋسىم سايىن ناق اقشا بويىنشا تاراتىلادى.ماجىلىستە تاعى باسقا دا ىستەر تالقىلاندى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
