- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى بەيجيڭدە جابىلدى
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى، جيىندى جاڭ دىجياڭ باسقاردى ۇكىمەت قىزمەتىنەن باياندامانى، «13 - بەسجىلدىق» جوبا پروگرامماسىن، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، ت.ب بەكىتتى قايىر - ساحابات زاڭىن ماقۇلداپ، شي جينپيڭ ءتوراعا بۇيرىعىنا قول قويىپ جاريالادى
2016.03.17 13:25 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى ءتۇرلى كەڭەستىك تارتىپتەرىن تولىق ورىنداپ، 16 - ناۋرىز كۇنى ءتۇستىڭ الدىندا حالىق سارايىندا جابىلدى. قۇرىلتاي ۇكىمەت قىزمەتىنەن باياندامانى، «13 - بەسجىلدىق» جوبا پروگرامماسىن، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، ت.ب بەكىتتى؛ قايىر - ساحابات زاڭىن ماقۇلداپ، مەملەكەت ءتوراعاسى شي جينپيڭ 43 - ءنومىرلى ءتوراعا بۇيرىعىنا قول قويىپ جاريالادى.
بۇگىنگى جيىنعا قاتىناسۋعا ءتيىستى 2943 ۋاكىلدىڭ 2859ى قاتىناستى، 84 ۋاكىل قاتىناسا المادى، بۇل زاڭدا بەلگىلەنگەن ادام سانىنا ۇيلەسەدى.
جابىلۋ جيىنىن قۇرىلتاي ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ باسقاردى.
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە قۇرىلتاي ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
قۇرىلتاي ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
تۇستەن بۇرىن ساعات 9دا جاڭ دىجياڭ جيىننىڭ باستالعانىن جاريالادى.
جيىن ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلدادى. قاۋلىدا: جيىن ەلىمىزدىڭ «12 - بەسجىلدىق» مەزگىلىندەگى ەكونوميكالىق، قوعامدىق دامۋدا قول جەتكىزگەن كەسەك تابىستارىنا جوعارى باعا بەرىپ، مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىردى، باياندامادا العا قويىلعان «13 - بەسجىلدىق» مەزگىلىندەگى باستى نىسانا مەن مىندەتتەرىنە، كەلەلى شارالارىنا جانە 2016 - جىلعى قىزمەت ورنالاستىرۋىنا قوسىلىپ، وسى باياندامانى بەكىتۋدى ۇيعاردى، − دەپ اتاپ كورسەتىلدى.
جيىن حالىق شارۋاشىلىعى مەن قوعامدىق دامۋدىڭ «13 - بەسجىلدىق» جوبا پروگرامماسى جونىندەگى قاۋلىنى داۋىسقا سالىپ ماقۇلدادى. قاۋلىدا: جيىن مەملەكەتتىك حالىق قۇرىلتايى قازىنا - ەكونوميكا كوميتەتىنىڭ تەكسەرۋ ناتيجەسى جونىندەگى بايانداماسىنا قوسىلىپ، وسى جوبا پروگرامماسىن بەكىتۋدى ۇيعاردى، − دەپ اتاپ كورسەتىلدى. جيىن بىلاي دەپ ەسەپتەدى: «13 - بەسجىلدىق» جوبا پروگرامماسىندا «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ <13 - بەسجىلدىق> جوباسىن جاساۋ جونىندەگى ۇسىنىسىنىڭ» رۋحى جاپپاي دايەكتىلەندىرىلگەن، وندا ورتاعا قويىلعان «13 - بەسجىلدىق» مەزگىلىندەگى ەكونوميكالىق، قوعامدىق دامۋدىڭ باستى نىسانالارى، ءتۇيىندى مىندەتتەرى جانە كەلەلى شارالارى ەلىمىزدىڭ مەملەكەت جاعدايىنا جانە ءىس جۇزىندىگىنە ۇيلەسەدى، بۇكىل ەلدەگى ءار ۇلت حالقىنىڭ ورتاق ارمان - تىلەگىن ايگىلەگەن، ءداۋىر دامۋىنىڭ وبيەكتيۆ تالابىن بەينەلەگەن، قۇلشىنۋ ارقىلى ونى بۇكىلدەي جۇزەگە اسىرۋعا بولادى.
جيىن 2015 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2016 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، 2015 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2016 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2016 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 2015 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2016 - جىلعى ورتالىق پەن جەرگىلىكتى ورىنداردىڭ مەجە ەسەبى جونىندەگى قاۋلىنى داۋىسقا سالىپ ماقۇلداپ، 2015 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2016 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى بەكىتۋدى ۇيعاردى، 2016 - جىلعى ورتالىقتىڭ مەجە ەسەبىن بەكىتتى.
جيىن قايىر - ساحابات زاڭىن داۋىسقا سالىپ ماقۇلدادى، بۇل زاڭ 2016 - جىلى 1 - قىركۇيەكتەن باستاپ اتقارىلادى.
جيىن مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلدادى. قاۋلىدا: جيىن مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان الداعى ءبىر جىلداعى باستى مىندەتتەر مەن قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى، − دەپ اتاپ كورسەتىلدى.
جيىن ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلىنى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلداپ، وسى ەكى باياندامانى بەكىتۋدى ۇيعاردى.
جيىن تاعى مەملەكەتتىك حالىق قۇرىلتايى تۇراقتى كوميتەتىنىڭ حۋاڭ رۇنچيۋدىڭ مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەلىك مىندەتىنەن شەگىنۋ تۋرالى ءوتىنىشىن قابىلداعاندىعىن تۇراقتاندىرۋ جونىندەگى قاراردى داۋىسقا سالىپ
ماقۇلدادى.
ءماجىلىستىڭ ءتۇرلى كەڭەستىك تارتىپتەرى ورىندالىپ بولعان سوڭ، جاڭ دىجياڭ ءسوز سويلەدى. ول بىلاي دەدى: مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى بارلىق ۋاكىلدىڭ بىرگە قۇلشىنۋىنىڭ ناتيجەسىندە بەلگىلەنگەن مىندەتتەردى ءساتتى ورىندادى. ءماجىلىس دەموكراتيانى تولىق ساۋلەلەندىرىپ، زاڭدى قاتاڭ نەگىزگە الا وتىرىپ ىستەپ، تاماشا ءماجىلىس ستيلىن ساقتاپ، وتە ءساتتى اشىلدى، دەموكراتيالى، بەرەكەلى، شىنايى، العا ۇمتىلعان ءماجىلىس بولدى. ءماجىلىس كەزىندە ۋاكىلدەر بۇكىل ەلدەگى ءار ۇلت حالقىنىڭ ماڭىزدى تاپسىرماسىن ارقالاپ، نەگىزگى زاڭ مەن زاڭداردا بەرىلگەن بورىشتارىن مۇقيات وتەپ، جالپى جاعدايدى دارىپتەپ، كەلەلى ىستەردى كەڭەسىپ، شىنايى بولمىسقا ءمان بەرىپ، ناقتى ونىمدىلىككە ۇمتىلىپ، كوپ بولىپ اقىل قوسىپ، ورتاق تانىمدى شوعىرلاندىرىپ، ءماجىلىستىڭ ءتۇرلى جەتىستىكتەرى ارقىلى پارتيانىڭ دارىپتەمەسى مەن پارتيا ەركىنىڭ بىرلىگىن ايگىلەدى.
جاڭ دىجياڭ بىلاي دەدى: بۇل جولعى ءماجىلىستىڭ ماڭىزدى ءبىر جەتىستىگى: حالىق شارۋاشىلىعى مەن قوعامدىق دامۋدىڭ «13 - بەسجىلدىق» جوباسى پروگرامماسى تەكسەرىپ − بەكىتىلدى. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا «13 - بەسجىلدىق» جوبا پروگرامماسىن جاپپاي اتقارىپ، دامۋدى ءبىرىنشى ماڭىزدى مىندەت ەتۋدەن جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن مىقتاپ ورناتىپ جانە دايەكتى تياناقتاندىرىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جانە پارتيا قۇرىلىسىن ءبىر تۇتاس ىلگەرىلەتىپ، جاپپاي دوڭگەلەك داۋلەتتى قوعام قۇرۋ نىساناسىنىڭ ۋاعىندا ىسكە اسۋىن قامتاماسىز ەتىپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ءتىپتى مىعىم نەگىز قالاۋىمىز كەرەك.
جاڭ دىجياڭ بىلاي دەدى: بۇل جولعى ماجىلىستە ۇكىمەت قىزمەتى بايانداماسى مەن باسقا باياندامالار تەكسەرىلىپ − بەكىتىلىپ، مەملەكەتتىڭ 2016 - جىلعى ءار جاقتاعى قىزمەتتەرى جونىندە ورنالاستىرۋ جاسالدى. وسى جولعى ءماجىلىستىڭ رۋحىن دەن قويا دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، جاڭا دامۋ يدەياسى ارقىلى دامۋعا جەتەكشىلىك ەتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، ەلىمىزدىڭ قوعامدىق وندىرگىش كۇشتەرىنىڭ ورەسىنىڭ جالپى جاقتان جاقسارۋىن جەبەپ، وسى جولعى ماجىلىستە بەلگىلەنگەن قىزمەت ورنالاستىرۋلارىن، نىسانالىق مىندەتتەردى جانە ساياسات - شارالاردى ويداعىداي دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنىڭ تاماشا باستاماسىن ىسكە اسىرۋعا قۇلشىنۋىمىز كەرەك.
جاڭ دىجياڭ بىلاي دەدى: ماجىلىستە قارالىپ ماقۇلدانعان قايىر - ساحابات زاڭى − ەلىمىزدىڭ قايىر - ساحابات ءتۇزىمى قۇرىلىسىنىڭ نەگىزدىك، كەشەندى زاڭى، ول سوتسياليستىك وزەكتى قۇن كوزقاراسى مەن جۇڭحۋا ۇلتىنىڭ ءداستۇرلى كوركەم احىلاعىن ساۋلەلەندىرۋگە، ەلىمىزدىڭ قايىر - ساحابات ىستەرىنىڭ اقاۋسىز دامۋىن جەبەۋگە ماڭىزدى زاڭدىق كەپىل ازىرلەدى. قايىر - ساحابات زاڭىن مۇقيات ۇيرەنىپ، جان - جاقتى ۇگىتتەپ، زاڭ جولعا قويىلۋدىڭ الدىندا دايىندىق جۇمىستاردى ويداعىداي ىستەپ، قايىر - ساحابات زاڭىن جاساۋ، اتقارۋدى ۇتىمدى وراي ەتىپ، ەلىمىزدىڭ قايىر - ساحابات ىستەرىنىڭ دامۋىن جانە قايىر - ساحابات زاڭى قۇرىلىسىن تىڭ ورەگە كوتەرۋىمىز كەرەك.
جاڭ دىجياڭ بىلاي دەپ باسا دارىپتەدى: پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى جۇڭگوشا سوتسياليزمگە بۇلجىماي تاباندى بولىپ جانە ونى دامىتىپ، امالياتتا ايگىلەۋگە باتىل، جاڭالىق اشۋعا شەبەر بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتىپ، ەل بيلەۋ جونىندە ءبىر قىدىرۋ جاڭا يدەيا، جاڭا وي، جاڭا ستراتەگيا قالىپتاستىرىپ، جاڭا تاريحي شارت - جاعدايدا رەفورمانى تەرەڭدەتۋگە، ەسىكتى ايقارا اشۋعا، سوتسياليستىك وسىزامانداندىرۋدى جەدەل ىلگەرىلەتۋگە عىلمي نازاريالىق باعىت جانە ارەكەت قىبلاناماسىن ازىرلەدى. جاڭا كۇرەس جورىعىندا ءبىز ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن شىن مانىندە ارتتىرىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ ەل بيلەۋ جونىندەگى جاڭا يدەياسىن، جاڭا ويىن، جاڭا ستراتەگياسىن جاپپاي دايەكتى تياناقتاندىرىپ، دامۋدىڭ جاڭا ءورىسىن ۇزدىكسىز اشۋىمىز كەرەك.
جاڭ دىجياڭ بىلاي دەپ اتاپ كورسەتتى: «13 - بەسجىلدىق» كەزىندەگى دامۋدىڭ نىسانالىق مىندەتتەرىن ىسكە اسىرۋ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى ۇلى جەڭىسكە قول جەتكىزۋ ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرىنىڭ بەلسەندى رول اتقارۋىنان جانە جاۋاپكەرشىلىكتى باتىل ۇستىنە الۋىنان ايرىلا المايدى. ءبىز پارتيا باسشىلىعىنىڭ، حالىق قوجايىندىعىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە باتىل تاباندى بولىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە قىزمەت جاۋاپكەرشىلىگىن بەلسەنە اتقارىپ، قىزمەتتەردى تىڭعىلىقتى ورىستەتىپ، تاماشا زاڭ ارقىلى دامۋدى ىلگەرىلەتىپ، ۇتىمدى تۇردە جونگە سالۋعا كەپىلدىك ەتىپ، دۇرىس باقىلاۋ، ءونىمدى باقىلاۋ جۇرگىزىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ، مەملەكەتتىڭ زاڭدارى مەن زاڭ - ەرەجەلەرىنىڭ جانە «13 - بەسجىلدىق» كەزىندەگى دامۋدىڭ نىسانالىق مىندەتتەرىنىڭ جاپپاي دايەكتى تياناقتاندىرىلۋىنا كەپىلدىك ەتۋىمىز كەرەك.
جاڭ دىجياڭ مىنالاردى اتاپ كورسەتتى: ءار دارەجەلى حالىق قۇرىلتايى ۋاكىلدەرى جاۋاپكەرشىلىك سەزىم مەن بورىشتىلىق سەزىمدى شىن مانىندە كۇشەيتىپ، حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، مەملەكەت بيلىگىنە زاڭ بويىنشا قاتىناسىپ جانە ونى جۇرگىزىپ، حالىق بۇقاراسىمەن ەتەنە بايلانىستا بولىپ، باقىلاۋدى سانالى تۇردە قابىلداپ، كەڭ كولەمدە وڭ ەنەرگيا توپتاپ، «13 - بەسجىلدىق» كەزىندەگى دامۋدىڭ نىسانالىق مىندەتتەرىنىڭ ىسكە اسۋىنا اقىل - پاراسات پەن كۇش - قۋاتىن ارناۋعا قۇلشىنۋى كەرەك.
جاڭ دىجياڭ سوڭىندا بىلاي دەدى: دامۋ جوباسى جاسالىپ، العا باسۋ دابىلى قاعىلدى. شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ءبىر نيەت، ءبىر تىلەكتە بولىپ، ءورىس اشا العا ۇمتىلىپ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنىڭ ۇلى جەڭىسىنە قول جەتكىزۋ جولىندا قۇلشىنا كۇرەس جۇرگىزەيىك.
ساعات 9دان 48 مينۋت وتكەندە، جاڭ دىجياڭ جۇڭحۋا حالىق رەسپۋبليكاسى 12 - كەزەكتى حالىق قۇرىلتايىنىڭ 4 - ءماجىلىسىنىڭ جابىلعاندىعىن جاريالادى. ءماجىلىس ايبىندى گيمىن ءۇنى ىشىندە اياقتالدى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ ورگاندارىنىڭ جاۋاپتىلارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى بۇگىنگى جيىنعا قاتىناستى.
ءار ەلدىڭ جۇڭگوداعى ەلشىلەرى جيىندى سىرتتاي تىڭدادى.
مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى 16 - ناۋرىز كۇنى بەيجيڭدەگى حالىق سارايىندا جابىلدى. شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي باستاعان پارتيا مەن مەملەكەت باسشىلارى ءتوراعالار مىنبەسىنەن ورىن الدى. (شينحۋا اگەنتتىگى)
مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى 16 - ناۋرىز كۇنى بەيجيڭدەگى حالىق سارايىندا جابىلۋ جيىنىن اشتى. جاڭ دىجياڭ جيىندى باسقاردى ءارى ءسوز سويلەدى. (شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
