- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق كوميتەتتىڭ ساياسي - زاڭ كوميتەتى حابارلاندىرۋ شىعارىپ مامەتجان توحتىنيازدىڭ ىزگى ىستەرىن ۇگىتتەۋدى، ونان ۇيرەنۋدى تالاپ ەتتى
2016.05.10 14:36 كەلۋ قاينارى : شينجياڭ گازەتى
ج ك پ ورتالىق كوميتەتىنىڭ ساياسي - زاڭ كوميتەتى جۋىقتا حابارلاندىرۋ شىعارىپ، بۇكىل ەلدەگى ساياسي - زاڭ ورگاندارىندا مامەتجان توحتىنياز جولداستىڭ ىزگى ىستەرىن ۇگىتتەۋ، ونان ۇيرەنۋ قيمىلىن جەدەل ورىستەتىپ، ۇگىتتەۋ، ۇيرەنۋ قيمىلىن سوتسياليستىك وزەكتى قۇن كوزقاراسىن امالياتتا ايگىلەۋدىڭ، ساياسي - زاڭ قوسىنىنىڭ قۇرىلىسىن كۇشەيتۋدىڭ، «پارتيا ۋستاۆى مەن پارتيا قاعيدالارىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسىن جۇرگىزۋدىڭ ماڭىزدى مازمۇنى ەتۋدى، قالىڭ كادر - ساقشىلاردى مامەتجان توحتىنياز جولداستى ۇلگى ەتۋگە تاربيەلەپ جانە جەتەكتەپ، «ءتورتتى جاپپاي ورىنداۋدىڭ» جورىعىندا، ساياسي باعداردى بەكەمدەپ، ءوز قىزمەتىن مۇلتىكسىز ورىنداپ، الماس قىلىشتاي جارقىلداپ، جاۋاپكەرشىلىككە جۇرەكتىلىكپەن ارقا توسەپ، پارتيا مەن حالىقتىڭ ادال قورعاۋشىسى بولىپ، تىنىش جۇڭگو، زاڭمەن جونگە سالىناتىن جۇڭگو قۇرىلىستارىن ىلگەرىلەتۋگە ءتىپتى زور ۇلەس قوسۋدى تالاپ ەتتى.
مامەتجان توحتىنياز ءتىرى كۇنىندە شينجياڭ اقسۋ ايماقتىق قوعام حاۋىپسىزدىگى مەكەمەسى پارتكومىنىڭ مۇشەسى، مەكەمە باستىعىنىڭ ورىنباسارى، ءبىرىنشى دارەجەلى ساقشى ينسپەكتورى ەدى. بايداعى 18 - قىركۇيەك لاڭكەستىك دەلوسىن ءبىر جاقتى ەتۋ كەزىندە، مامەتجان توحتىنياز باستاعان ساقشىلار تاۋ ىشىندە سودىرلارعا ىزدەۋ سالادى، ول حاۋىپ - قاتەرمەن ساناسپاي، قاشاندا اتويلاپ العا شىعىپ، حالىقتى قورعاۋ جولىندا نە بارى 51 جاسىندا ەرلىكپەن قۇربان بولادى. ساقشى سابىنا قوسىلعان 30 نەشە جىلدان بەرى، ول مەملەكەتتىڭ حاۋىپسىزدىگى مەن ۇلتتار ىنتىماعىن قورعاۋدى قاشاندا باستى ورىنعا قويىپ، كۇشتى كاسىپكەرلىك جانە جاۋاپكەرشىلىك سەزىممەن زورلىقتى - لاڭكەستىك قىلمىستارعا قارسى مايداننىڭ وتىندە ءجۇردى. ول ىلگەرىندى - كەيىندى لاڭكەستىك ارەكەتتەرگە سوققى بەرۋدىڭ مەملەكەتتىك وزاتى، شينجياڭ بويىنشا ۇزدىك حالىق ساقشىسى، اقسۋ ايماعىنىڭ ساياسي - زاڭ جۇيەسىندەگى 10 وزاتتىڭ ءبىرى سياقتى داڭقتى اتاقتارعا يە بولعان، ءبىر رەت 2 - دارەجەلى، 2 رەت 3 - دارەجەلى ەڭبەك جازىلعان. بۇعان دەيىن، مامەتجان توحتىنياز جولداستى ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قوعام حاۋىپسىزدىگى مينيسترلىگى «بۇكىل ەلدىڭ قوعام حاۋىپسىزدىگى جۇيەسىندەگى 1 - دارەجەلى قاھارمان»، اۆتونوميالى رايوندىق پارتكوم «ۇزدىك كوممۋنيست»، اۆتونوميالى رايوندىق حالىق ۇكىمەتى «توڭكەرىستىك قۇربان» دەپ تانىدى.
حابارلاندىرۋدا بىلاي دەپ اتاپ كورسەتىلدى: مامەتجان توحتىنياز جولداس − بۇكىل ەلدەگى ساياسي - زاڭ شەبىنىڭ ۇزدىك ۋاكىلى، جاڭا داۋىردە شينجياڭنىڭ قوعام ورنىقتىلىعىن قورعاۋدىڭ تۇرلاۋلى تىرەگى. ول جانىن شۇپەرەككە ءتۇيىپ، باسىن ءباي تىككەن قاھارماندىق ارەكەتىمەن پارتيا مەن حالىققا شەكسىز ادال بولۋدىڭ، ساياسي - زاڭ ىستەرىن تەڭدەسسىز ءسۇيۋدىڭ قايتالانباس ۇلگىسىن كورسەتىپ، ساياسي - زاڭ كادر - ساقشىلارىنىڭ «ادالدىق، حالىقشىلدىق، جاۋاپكەرشىلىك، ادىلەتتىلىك، پاكتىك» دەگەن كاسىپتىك رۋحىن ىسكە اسىرۋ جولىندا جانىن قيدى.
حابارلاندىرۋدا مىنالار تالاپ ەتىلدى: مامەتجان توحتىنياز جولداستىڭ حاۋىپتەن قايمىقپايتىن، قاتەردەن تايسالمايتىن جاۋاپكەرشىلىك رۋحىنان ۇيرەنۋ كەرەك. بارلىق ساياسي - زاڭ كادر - ساقشىلارى مامەتجان توحتىنياز جولداستى ۇلگى تۇتىپ، حاۋىپ - قاتەر كەز كەلسە كەۋدە كەرىپ العا شىعىپ، باتىرلىقپەن كۇرەس جۇرگىزىپ، ەلىكتىرۋ مەن ورالعىلارعا ەڭسەسىن بەرمەي، زاڭدى بۇلجىتپاي اتقارىپ، قوعام ورنىقتىلىعىنىڭ ساقتاۋشىسى، الەۋمەتتىك ادىلەتتىلىكتىڭ ىلگەرىلەتۋشىسى، حالىقتىڭ بەيقۇت تىرلىگىنىڭ قورعاۋشىسى بولۋى كەرەك.
حابارلاندىرۋدا مىنالار تالاپ ەتىلدى: مامەتجان توحتىنياز جولداستىڭ بەرىلە ۇيرەنىپ، بەل شەشە جۇمىس جۇرگىزىپ، ەرەن ناتيجەگە قول سوزعان كاسىپقويلىق قاسيەتىنەن ۇيرەنۋ قاجەت. مامەتجان توحتىنياز جولداس ءوز جۇمىسىن جان - تانىمەن ءسۇيىپ جانە ونى ماماندىق دەڭگەيدە يگەرىپ، ىسىلعان كاسىپتىك قابىلەت پەن وسكەلەڭ جاۋىنگەرلىك قابىلەت ازىرلەدى. ول حانزۋ ءتىلىن پينيىننەن باستاپ ۇيرەنىپ، حانزۋ جولداستارمەن بەلسەندى تۇردە دوس بولىپ، ءوز اقشاسىمەن ساياسي - نازاريا جانە زاڭ - ەرەجەلەر، ت.ب كىتاپتاردى ساتىپ الىپ، قۇنتتىلىقپەن ىزدەنىپ، قۇلشىنا ۇيرەنىپ، زاڭ بىلىمدەرى مەن وپەراتسيالىق تەحنيكالاردى جاتىق يگەرىپ، قىلمىستىڭ بولماشى دەرەگىن دە كوزدەن تاسا جىبەرمەيتىن شىنايى ونەرگە توسەلىپ، ورنىقتىلىقتى قورعاپ، توتەنشە جاعدايلاردى ءبىر جاقتى ەتۋدىڭ مامانى، تەرگەۋ - تەكسەرۋ جۇرگىزىپ، دەلونى اشۋدىڭ حاس شەبەرى بولىپ جەتىلەدى. بارلىق ساياسي - زاڭ كادر - ساقشىلارى مامەتجان توحتىنياز جولداستان ۇلگى الىپ، جۇمىستى قادىرلەپ، كاسىپتى ءسۇيىپ، اۋىر جۇككە ارقا توسەپ، نورمالانۋ، ماماندانۋ، ارنايىلانۋ قۇرىلىسىنىڭ جاڭا تالاپتارىنا ىرىقتى تۇردە سايكەسىپ، مىندەتتى ساباقتاردى سانالى ۇيرەنىپ، نەگىزگى قابىلەتتەردى شىڭاپ، قاراپايىم جۇمىس ورنىندا كەرەمەت جۇمىس ناتيجەسىنە جەتۋى كەرەك.
حابارلاندىرۋدا مىنالار تالاپ ەتىلدى: مامەتجان توحتىنياز جولداستىڭ تۋراشىلدىقتان جازبايتىن، جەكە مۇددەسىن ويلامايتىن قالتقىسىزدىق رۋحىنان ۇيرەنۋ كەرەك. مامەتجان توحتىنياز جولداس اتاق - ابىرويمەن ساناسپاي، وزىنە قاتاڭ تالاپ قويىپ، تۇرمىستا قاراپايىم، ۇنەمشىل بولىپ، مۇقتاج جاندارعا قولىنان كەلگەنشە كومەكتەسىپ وتىردى. بارلىق ساياسي - زاڭ كادر - ساقشىلارى مامەتجان توحتىنياز جولداستان ۇلگى الىپ، ومىرگە، قۇنعا، بيلىككە دۇرىس قاراپ، رياسىز نيەت، كەڭ پەيىل ۇستانىپ، ساياسي - زاڭ كادر - ساقشىلارىنىڭ كاسىپتىك ەتيكاسىن ساقتاپ، بۇقاراعا ناقتى، جاقسى ىستەر ىستەپ، ولاردىڭ مۇڭ - مۇقتاجىن شەشىپ، ناقتى ءىس - ارەكەتتەرىمەن حالىق ءۇشىن زاڭ اتقارۋ ءتۇبىرلى ماقساتىن جۇزەگە اسىرۋى كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
