- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگونىڭ نانحاي تەڭىزى ۇزىك سىزىق لەنياسى ىشىندەگى تاريحي ۇقىعىن جازعىرۋعا جانە تەرىستەۋگە بولمايدى (ساقتىق دابىلى)
2016.05.24 11:14 كەلۋ قاينارى : حالىق تورابى
نانحاي تەڭىزى تورەلىك دەلوسىندا فيلليپپين جاقتىڭ ارىزىندا ون نەشە تارماقتى تورەلىك تالابى ورتاعا قويىلعان. مۇنىڭ ىشىندە 1 – تارماق پەن 2 – تارماقتى تالاپ ەتۋدەگى ماقساتى تورەلىك سوتىنان جۇڭگونىڭ نانحاي تەڭىزى ۇزىك سىزىق لەنياسى ىشىندەگى تاريحي ۇقىعىن توقتاتۋدى تالاپ ەتۋ، بۇل 1982 – جىلعى «بىرلەسكەن مەملەكەتتەر ۇيىمىنىڭ تەڭىز – مۇحيت زاڭى جونىندەگى شارتىنا» (تومەندە قىسقاشا «شارت» دەلىنەدى) قايشى كەلىپ، جۇڭگونىڭ نانحاي تەڭىزى ۇقىعىنىڭ زاڭدىلىعىن تەرىستەگەندىك. جالپى تورەلىك ءتارتىبى بارىسىندا فيلليپپين وسى ءۇشىن امالياتتى بۇرمالاپ، جۇڭگونىڭ تاريحي ۇقىعىنا ءوز بەتىمەن ۇكىم شىعاردى ءارى «شارتقا» قاتە تۇسىنىك جاسادى.
فيلليپپين نەگىزگى تاريحي فاكتىلەردى بۇرمالاپ، جۇڭگو حالقى تاريحتا نانحاي تەڭىزىندە قيمىل جاساماعان، نانحاي تەڭىزىمەن تاريحي بايلانىسى جوق دەپ سوقتى. ءىس جۇزىندە تاريحتى جوققا شىعارۋعا بولمايدى. جۇڭگونىڭ نانحاي تەڭىزىندەگى قيمىلىنىڭ 2000 جىلدان استام تاريحى بار. نانحاي تەڭىزى ارالدارىن جۇڭگو ەڭ الدىمەن بايقاپ، ات قويىپ، ودان يگىلىكتەنگەن. جۇڭگونىڭ تاريحتاعى ۇكىمەتتەرى اكىمشىلىك ءوڭىردى ورنالاستىرۋ، اسكەري شارلاۋ، تەڭىز اپاتىنان قۇتقارۋ سياقتى فورمالارمەن نانحاي تەڭىزى ارالدارىن جانە ونىڭ ماڭىنداعى تەڭىز ايدىنىن باسقارعان. جاپونيا دۇنيە جۇزىلىك 2 – سوعىستا جۇڭگونىڭ شيشا، نانشا توپ ارالدارىن باسىپ العان. دۇنيە جۇزىلىك 2 – سوعىس اياقتالعاننان كەيىن «قاھيرا جارناماسى» مەن «پوتسدام جارناماسىندا» جاپونيانىڭ باسىپ العان جۇڭگو تەرريتوريالارىن قايتارىپ بەرۋى ايقىن تالاپ ەتىلگەن. جۇڭگو وسىعان وراي ارميا، ۇكىمەت ءمانساپتىلارىن جىبەرىپ شيشا، نانشا توپ ارالدارىن قايتارىپ العان ءارى وندا اسكەر تۇرعىزىپ، نانحاي تەڭىزى ارالدارىنداعى جانە ونىڭ ماڭىنداعى تەڭىز ايدىنىنداعى يەلىك ۇقىعىن قالپىنا كەلتىرگەن.
فيلليپپين جۇڭگونىڭ نانحاي تەڭىزى ارالدارىنداعى جانە نانحاي تەڭىزى ۇزىك سىزىق لەنياسى ىشىندەگى تاريحي ۇقىعىن ءبولىپ تاستاپ، جۇڭگونىڭ تەڭىز الابىنداعى تاريحي ۇقىعىنا سۇعاناقتىق جاساماق بولۋى «شارت» جاسالىپ 27 جىل وتكەننەن كەيىنگى 2009 – جىلى جاڭادان ورتاعا قويىلعان دارىپتەمە سانالادى. بۇل ــ جۇڭگونىڭ نانحاي تەڭىزىندەگى تاريحي ۇقىعىن جات نيەتپەن بۇرمالاعاندىق. جۇڭگو ۇكىمەتى سانسىز رەت بىلاي دەپ دارىپتەگەن بولاتىن: جۇڭگونىڭ نانحاي تەڭىزى ارالدارىنداعى جانە ونىڭ ماڭىنداعى تەڭىز ايدىنىنداعى يەلىك ۇقىعى مەن قاتىستى ۇقىق – مۇددەسى ۇزاق تاريحي بارىستا قالىپتاسقان، ءار كەزەكتى جۇڭگو ۇكىمەتى بۇل تۇيىندە ۇزاق ۋاقىتتان بەرى تاباندى بولىپ كەلگەن. 1947 – جىلى جۇڭگو ۇكىمەتى جاعراپيالق ولشەۋ ارقىلى نانحاي تەڭىزى ارالدارىنا قايتالاي ات قويعان. 1948 – جىلى جۇڭگو ۇكىمەتى اشىق تاراتقان رەسمي كارتادا نانحاي تەڭىزى ۇزىك سىزىق لەنياسىن تاڭبالاپ، نانحاي تەڭىزىندەگى يەلىك ۇقىعى مەن قاتىستى ۇقىق – مۇددەسىن قايتالاي دارىپتەگەن جانە تۇراقتاندىرعان. 1949 – جىلى 1 – قازاننان بەرى جۇڭگو ۇكىمەتى نانحاي تەڭىزىندەگى تاريحي ۇقىعىندا تاباندى بولىپ جانە ونى ناقتى ارەكەتپەن بەلسەندى قورعاپ كەلگەن.
جۇڭگو ۇكىمەتىنىڭ نانحاي تەڭىزىندەگى تاريحي ۇقىعى فيلليپپيننىڭ شىندىقتى بۇرمالاۋىمەن تەرىستەلە قويمايدى. جۇڭگونىڭ نانحاي تەڭىزىندەگى تاريحي ۇقىعى فيلليپپيننىڭ «شارتتا» بەلگىلەنگەن تورەلىك تارتىبىنەن الباتى پايدالانۋىنان كەمي قويمايدى. جۇڭگونىڭ نانحاي تەڭىزىندەگى تاريحي ۇقىعى ادەتتەگى حالىقارالىق زاڭداردىڭ رەتتەۋىنە ۇشىراپ وتىرادى، ونىڭ ۇستىنە «شارتتىڭ» قۇرمەتىنە كەنەلە بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
