- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەتتىك كەدەيلىكتەن قۇتىلدىرۋدان قامال الۋ سيلىعىن تاراتۋ، ماداقتاۋ - سيلاۋ قيمىلى جونىندە ماڭىزدى نۇسقاۋ بەرىپ ءبىر نيەت، ءبىر تىلەكتە بولا وتىرىپ، بارىن سالا كىرىسىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى شىنايى تياناقتاندىرۋ كەرەك دەپ باسا دارىپتەدى
2016.10.19 14:02 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - قازاندا بەيجيڭنەن بەرگەن حابارى. مەملەكەتتىك 3 - رەتكى كەدەيلەردى سۇيەمەلدەۋ كۇنى كەلۋ بايلانىسىمەن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك كەدەيلىكتەن قۇتىلدىرۋدان قامال الۋ سيلىعىن تاراتۋ، ماداقتاۋ - سيلاۋ قيمىلى جونىندە ماڭىزدى نۇسقاۋ بەرىپ: «مەملەكەتتىك كەدەيلىكتەن قۇتىلدىرۋ سيلىعىن بەلگىلەپ، كەدەيلەردى سۇيەمەلدەۋ، وركەندەتۋ قىزمەتىندە ەسەلى ۇلەس قوسقان ۇيىمدار مەن جەكەلەردى ماداقتاپ - سيلاپ، كەدەيلىكتەن قۇتىلدىرۋدان قامال الۋداعى وزات تيپتەردى ورناتۋ − بۇكىل پارتيانى، بۇكىل قوعامدى بىرگە قۇلشىنىپ، كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزۋدە كەلەلى ءمان الادى»، - دەپ باسا دارىپتەدى.
شي جينپيڭ مەملەكەتتىك كەدەيلىكتەن قۇتىلدىرۋدان قامال الۋ سيلىعىنىڭ العاشقى توپتاعى يەگەرلەرىن جانە مەملەكەتتىك كەدەيلەردى سۇيەمەلدەۋ جۇيەسىندەگى وزات كوللەكتيۆتەردى، وزات قىزمەتكەرلەردى قىزۋ قۇتتىقتادى. ول مىنانى باسا دارىپتەدى: جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن ىسكە اسىرۋدىڭ نىشاندىق كورسەتكىشى − اۋىل - قىستاقتاعى كەدەيلەردى تۇگەلدەي كەدەيلىكتەن قۇتىلدىرۋ. وسى مىندەتتى ورىنداۋ كەدەي وڭىرلەردەگى جالپى كادرلار مەن بۇقارانىڭ جاپالى كۇرەس جۇرگىزۋىن، كەدەيلەردى سۇيەمەلدەيتىن ءار دارەجەلى تۇلعالاردىڭ ۇيىمداستىرىپ ىلگەرىلەتۋىن، قوعامداعى ءار جاقتىڭ شىنايى سۇيەمەلدەۋىن، كەدەيلەردى سۇيەمەلدەۋ مەحانيزمى مەن كەدەيلەردى سۇيەمەلدەۋ تاسىلىنە ۇزبەي رەفورما جاساپ، جاڭالىق ەنگىزۋدى قاجەت ەتەدى. وزات تيپتەردى كەڭىنەن ۇگىتتەپ، ولاردان ۇيرەنىپ، بۇكىل پارتيانى، جالپى قوعامدى اناعۇرلىم اتتانىسقا كەلۋگە شابىتتاندىرىپ، كەدەي وڭىرلەردەگى جالپى كادرلار مەن بۇقارانى ونان ارى ىسكە كىرىسۋگە ىنتالاندىرىپ، كەدەيلەردى سۇيەمەلدەۋ، وركەندەتۋ قىزمەتىنىڭ مىعىم بىرىككەن كۇشىن قالىپتاستىرىپ، ءبىر نيەت، ءبىر تىلەكتە بولا وتىرىپ، بارىن سالا كىرىسىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى شىنايى تياناقتاندىرىپ، كەدەيلىكتەن قۇتىلدىرۋدان قامال الۋ شايقاسىنىڭ تىڭ جەڭىستەرىنە ۇزبەي قول جەتكىزە بەرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتپە جازىپ، بىلاي دەپ كورسەتتى: كەدەيلىكتەن قۇتىلدىرۋدان قامال الۋدى ۋاعىندا ورىنداۋ − جاپپاي دوڭگەلەك داۋلەتتى قوعام قۇرۋدىڭ ماڭىزدى مىندەتى، قوعامداعى ءار جاقتىڭ ورتاق قۇلشىنۋىن قاجەت ەتەدى. كوپ جىلدان بەرى، كەدەيلەردى سۇيەمەلدەگەن جاندى دا اسەرلى وزات تيپتەر توپ - توبىمەن جارىققا شىعىپ، بۇقارانى كەدەيلىكتەن قۇتىلدىرىپ، اۋقاتتانۋعا جەتەكشىلىك ەتۋ، كومەكتەسۋ جاعىندا ماڭىزدى رول اتقارىپ، كورنەكتى ۇلەستەر قوستى. وسى ورايدا «مەملەكەتتىك كەدەيلەردى سۇيەمەلدەۋدەن قامال الۋ سيلىعىنىڭ» يەگەرلەرى مەن كەدەيلەردى سۇيەمەلدەۋ جۇيەسىندەگى وزات كوللەكتيۆتەردى، وزات قىزمەتكەرلەردى قىزۋ قۇتتىقتايمىن! جالپى قىزمەتكەرلەردىڭ كەدەيلىكتەن قۇتىلدىرۋدان قامال الۋ ءبىرىنشى شەبىندەگى جولداستاردى ۇلگى تۇتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋىنا ساي، جاڭا دامۋ يدەياسىن دايەكتى تياناقتاندىرىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى نەگىزگى جالپى جوبا ەتىپ، مەملەكەتتىڭ، كوللەكتيۆتىڭ، جەكەنىڭ كۇشىن ۇيىستىرىپ، ساۋلەلەندىرىپ، ءتىپتى دە زور بەكىممەن، ءتىپتى دە ۇتىمدى شارالارمەن، ءتىپتى دە تىڭعىلىقتى قىزمەتپەن كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزۋگە بارىنشا كۇش سالىپ، قيىنشىلىعى بار بۇقارانىڭ جاپپاي دوڭگەلەك داۋلەتتى قوعامعا بىرگە قادام تاستاۋىنا كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس كەدەيلەردى سۇيەمەلدەۋ، وركەندەتۋ قىزمەتىنە باسشىلىق ەتۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى.
ماجىلىستە شي جينپيڭنىڭ ماڭىزدى نۇسقاۋى مەن لي كىچياڭنىڭ بەكىتپەسى وقىلدى، مەملەكەتتىك كەدەيلەردى سۇيەمەلدەۋدەن قامال الۋ سيلىعىنىڭ يەگەرلەرى، مەملەكەتتىك كەدەيلەردى سۇيەمەلدەۋ جۇيەسىندەگى وزات كوللەكتيۆتەر مەن وزات قىزمەتكەرلەر سيلاندى.
مەملەكەتتىك كەڭەس كەدەيلەردى سۇيەمەلدەۋ، وركەندەتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ، ءارقايسى ولكە، اۆتونوميالى رايون، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ كەدەيلەردى سۇيەمەلدەۋ كەڭسەسىنىڭ جاۋاپتى جولداستارى ماداقتاۋ - سيلاۋ ماجىلىسىنە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
