- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سەلبەستىكتى كۇشەيتىپ، ءوزارا تيىمدىلىك جاساپ، تەڭ يگىلىككە كەنەلىپ، ەكونوميكانى دامىتاتىن ورتاق تۇلعا قالىپتاستىرايىق
حۋاڭ سانپيڭ شينجياڭ دامىتۋ _ ساۋدا قوعامىنىڭ باستىعى،گۋاڭحۇي توبىنىڭ باس القاسى، پارتكوم شۋجيى سۇن گۋاڭشينقاتارلىلارمەن اڭگىمە ءماجىلىسىن وتكىزگەندە مىنانى ءۇمىت ەتتى
2016.10.24 14:35
قازاننىڭ 19 - كۇنى تۇستەن كەيىن وبلىستىق پارتكومنىڭ شۋجيى حۋاڭ سانپيڭ ىلەنى كوزدەن كەشىرۋگە كەلگەن شينجياڭ دامىتۋ – ساۋدا قوعامىنىڭ باستىعى، گۋاڭحۇي توبىنىڭ باس القاسى، پارتكوم شۋجيى سۇن گۋاڭشين قاتارلىلارمەن كەزدەستى، ەكى جاق ىلەدە سەلبەستىك ىستەرىن ورىستەتۋ جونىندە اڭگىمە ءماجىلىسىن وتكىزدى.
ۇعىسۋعا قاراعاندا، شينجياڭ دامىتۋ - ساۋدا قوعامى 2015 - جىلى قۇرىلعان، قازىر بۇل قوعامنىڭ 17 قۇرمەتتى القا ورنى جانە 70 مۇشە كاسىپورنى بار، فينانس، جەر – سۋ، ەنەرگيا، حيميا ونەركاسىپ، وسى زامانعى قىزمەت وتەۋ، زات اينالىمى، سىرتقى ساۋدا سياقتى كاسىپتەرگە سايادى. ول ءار سالا، ءار كاسىپتىڭ باستاماشىسى سانالادى. شينجياڭ بويىنشا، ءتىپتى، مەملەكەت بويىنشا ءبىرشاما اتاعى، ىقپالى بار كاسىپورىن، شينجياڭنىڭ حالىقتىق كاسىپورىندارىنىڭ تىرەكتى كۇشى.
سۇن گۋاڭشين اڭگىمە ماجىلىسىندە بىلاي دەدى: شينجياڭ دامىتۋ - ساۋدا قوعامى _ شينجياڭدىقتاردىڭ ساۋدا قوعامى. قوعامعا مۇشە ءارقايسى كاسىپورىندار ءار سالا، ءار كاسىپتىڭ باستاماشىلارى، قوعامدى قۇرۋداعى ماقسات _ شينجياڭنىڭ دامۋىن جەدەلدەتۋ. قازىر بۇل قوعامنىڭ 4 ايماق، وبلىسقا قوسقان قارجىسى 20 ميلليارد يۋاننان اسادى. ىلەنىڭ ساياحات بايلىعى، ەگىن مال شارۋاشىلىق بايلىعى مول، يمپورت - ەكسپورت سالاسى، ساياحات كاسىبى سياقتى جاقتاردا تيىمدىلىگى زور. ءبىز وسى جولى ىلەنى كوزدەن كەشىرۋ ارقىلى ساياحات، زات اينالىمى، ماشينا يمپورت ەتۋ، ەگىن، مال شارۋاشىلىعى سياقتى جاقتاردا ىلەمەن سەلبەستىكتى تەرەڭدەتىپ، وزىندىك ابزالدىقتى ساۋلەلەندىرىپ، ىلە وبلىسىنىڭ دامۋىنا اتسالىسىپ، ىلە وبلىسىنىڭ دامۋ دەڭگەيىن جوعارىلاتىپ، ىلە وبلىسىنىڭ ەكونوميكاسى مەن قوعامىنىڭ دامۋىنا ۇلەس قوسامىز.
حۋاڭ سانپيڭ شينجياڭ دامىتۋ - ساۋدا قوعامىنداعىلاردىڭ ىلەگە كەلگەنىن قارسى الاتىندىعىن ءبىلدىردى. ول بىلاي دەدى: شينجياڭدىقتار شينجياڭنىڭ ءىسىن ىستەيدى، نەگىزى مىقتى، بولاشاعى دا زور. شينجياڭ دامىتۋ _ ساۋدا قوعامىنىڭ ىلەدە تاماشا سەلبەستىك نەگىزى بار. اۆتونوميالى وبلىستىڭ تاماشا ساياحات ابزالدىعى، مال شارۋاشىلىق بايلىعى بار، قازىر وزىق تانىم ەنگىزۋدى ءتىپتى دە قاجەت ەتەدى، بۇل جوعارى ورەلى، جوعارى ساتىلى دامۋدى جەبەيدى. اۆتونوميالى وبلىس ناقتى ءىستى الدىمەن ىستەۋ، ورتانى قورعاۋدى الدىمەن ەسكەرۋ، جوعارى، جاڭا تەحنيكانى باستى ورىنعا قويۋ، حالىققا تيىمدىلىك جاساۋدى الدىڭعى ورىنعا قويۋ پرينسيبىنە ساي، ءىرى كاسىپورىنداردى، جاڭالىق جاراتقىش كاسىپورىنداردى بەلسەنە ەنگىزىپ، ىلەنىڭ دامۋىن جەبەيدى.
حۋاڭ سانپيڭ بىلاي دەدى: اۆتونوميالى وبلىس ءىرى توپتار مەن سەرىكتىكتەردىڭ ىلەنى كوزدەن كەشىرۋىن قارسى الادى. وسى جولعى شينجياڭ دامىتۋ - ساۋدا قوعامىنىڭ ىلەنى قارجى قوسۋدىڭ تاماشا ورتاسى ەتىپ، كوپ ارنالى سەلبەستىك ورىستەتىپ، بايلانىس جاساپ، ساياحات كاسىبى، مال شارۋاشىلىعى، قورعاس وتكەلى، فينانس تەكشەسى قۇرىلىسى، لاشىق رايونىن وزگەرتىپ سالۋ سياقتى جاقتاردا بەلسەنە سەلبەستىك ناتيجەسىن جاراتۋىن ءۇمىت ەتەمىن.
حۋاڭ سانپيڭ بىلاي دەپ اتاپ كورسەتتى: وسى جولعى شينجياڭ دامىتۋ - ساۋدا ساۋدا قوعامىنىڭ ىلەگە كەلۋى سەلبەستىك، اۋىس - كۇيىس جاساۋ ساپارى ءارى وبلىسقا توتە قاراستى اۋدان - قالالاردىڭ تاپتىرماس ۇيرەنۋ ورايى ەسەپتەلەدى. اۋدان - قالالار وسى جولعى كوزدەن كەشىرۋدى ءوزارا ۇيرەنۋ، ءوزارا جەبەۋ ورايى ەتىپ، ءتىپتى دە كوپ سەلبەستىك ونىمدىلىگىنە يە بولۋ كەرەك. اۋدان - قالالار بەلسەنە ازىرلىك كورىپ، مۇقيات جوبا جاساپ، كاسىپورىنداردىڭ ىلەدە ىرگە تەبۋىنە ويداعىداي قىزمەت وتەۋ كەرەك.
ماجىلىستە وبلىسقا توتە قاراستى ورىنداردىڭ، اۋدان - قالالاردىڭ جاۋاپتىلارى ءوزارا پىكىر اۋىستىردى.
وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى اڭگىمە ءماجىلىسىن باسقاردى.
وبلىس باسشىلارىنان لۋ شۋجياڭ، لي شينجۇن، زاكىر زوردۇن، فەي ليميڭ جانە جۇڭگو وڭتۇستىك اۆياتسيا شەكتى سەرىكتىگى شينجياڭ بولىمشە سەرىكتىگىنىڭ باس القاسى، شينجياڭ دامىتۋ – ساۋدا قوعامىنىڭ قۇرمەتتى باستىعى فۋ پۋيان، ءۇرىمجى كەشى گازەتى مەكەمەسىنىڭ باستىعى، شينجياڭ دامىتۋ – ساۋدا قوعامىنىڭ قۇرمەتتى باستىعى ياڭ داميڭ، شينجياڭ دوستىق (توبى) جارنالىق شەكتى سەرىكتىگىنىڭ باس القاسى، شينجياڭ دامىتۋ - ساۋدا قوعامىنىڭ قۇرمەتتى باستىعى نيە رۋشۋان، قۇمىل قالالىق ساۋدا بانكەسى جارنالىق شەكتى سەرىكتىگى پارتكومىنىڭ شۋجيى، باس القاسى، شينجياڭ دامىتۋ - ساۋدا قوعامىنىڭ قۇرمەتتى باستىعى ۋاڭ ليچۇن قاتارلىلار اڭگىمە ماجىلىسىنە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
