- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ جۇڭگو تىلشىلەر قوعامىنىڭ 9 - كەزەكتى القالار كەڭەسىنىڭ بارلىق ۋاكىلدەرىمەن جانە جۇڭگو اقپارات سيلىعىنا، چاڭجياڭ، تاۋفىن سيلىعىنا يە بولعانداردىڭ ۋاكىلدەرىمەن كەزدەسكەندە
پارتيا مەن حالىق سەنىم ارتاتىن اقپارات قىزمەتكەرى بولۋدى باسا دارىپتەدى
ليۋ يۇنشان كەزدەسۋدە بىرگە بولدى ءارى ماجىلىستە پارتيا ورتالىق كوميتەتى اتىنان ءسوز سويلەدى
2016.11.09 09:29 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - قاراشادا بەيجيڭنەن بەرگەن حابارى. 17 - رەتكى جۇڭگو تىلشىلەر مەرەكەسى قارساڭىندا، جۇڭحۋا مەملەكەتتىك اقپارات قىزمەتكەرلەرى قوعامىنىڭ 9 - كەزەكتى القالار كەڭەسىنىڭ 1 - ءماجىلىسى جانە جۇڭگو اقپارات سيلىعىن، چاڭجياڭ، تاۋفىن سيلىعىن تاراتۋ جينالىسى 7 - قاراشادا بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ القالار كەڭەسىنىڭ بارلىق ۋاكىلدەرىمەن جانە سيلىق يەگەرلەرىنىڭ ۋاكىلدەرىمەن ىقىلاسپەن كەزدەستى ءارى ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ اقپاراتتىق جاماعات پىكىرى قىزمەتىن جاقسى ىستەپ، تاماشا جاماعات پىكىرى ورتاسىن قالىپتاستىرۋ −مەملەكەتتى باسقارىپ، اكىمشىلىكتى جونگە سالۋداعى، مەملەكەتتى بەكەمدەۋدەگى، ورنىقتىرۋداعى ءىرى ءىس. پارتيا ورتالىق كوميتەتى اقپاراتتىق جاماعات پىكىرى قىزمەتىنە بارىنشا ءمان بەرىپ، پارتيانىڭ اقپاراتتىق جاماعات پىكىرى قىزمەتىن جاقسى ىستەۋ جونىندە ايقىن تالاپ قويدى، كوپشىلىك تياناقتاندىرۋدى مىقتى يگەرىپ، ورتالىقتىڭ نەگىزگى اقپارات قۇرالدارى مەن ءار دارەجەلى اقپارات قۇرالدارىن بارعان سايىن جاقسى باسقارىپ، پارتيا مەن حالىققا ءتىپتى زور ۇلەس قوسىپ، پارتيا مەن حالىق سەنىم ارتاتىن اقپارات قىزمەتكەرى بولۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان كەزدەسۋدە بىرگە بولدى.
تۇستەن بۇرىن ساعات 9دان 30 مينۋت وتكەندە، شي جينپيڭ قاتارلىلار حالىق سارايىنىڭ جينسى زالىنا كەلىپ، ۋاكىلدەرمەن ىقىلاسپەن قول الىسىپ امانداستى ءارى ەستەلىك سۋرەتكە ءتۇستى.
شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەدى. ول پارتيا ورتالىق كوميتەتى اتىنان القالار كەڭەسى ءماجىلىسىنىڭ اشىلعاندىعىن قىزۋ قۇتتىقتاپ، ۋاكىلدەرگە جانە بۇكىل ەلدەگى قالىڭ اقپارات قىزمەتكەرلەرىنە شىنايى سالەم جولدادى، وسى رەتكى ءماجىلىستى ىنتىماقتاسا العا باساتىن ءماجىلىس، بۇرىنعىعا مۇراگەر بولىپ، بولاشاققا جول اشاتىن ءماجىلىس ەتىپ اشىپ، يدەيانى اناعۇرلىم بىرلىككە كەلتىرىپ، تانىمدى جوعارىلاتىپ، قىزمەتتەردى ىلگەرىلەتۋدى ءۇمىت ەتتى.
شي جينپيڭ بىلاي دەپ كورسەتتى: پارتيانىڭ اقپاراتتىق جاماعات پىكىرى قىزمەتى −پارتيا قىزمەتىنىڭ ەرەكشە ماڭىزدى قۇرامداس ءبولىمى. توڭكەرىس، قۇرىلىس، رەفورمانىڭ ءارقايسى تاريحي كەزەڭدەرىندە اقپاراتتىق جاماعات پىكىرى شەبى پارتيامەن، حالىقپەن تىنىستاس بولىپ، داۋىرمەن بىرگە العا باسىپ، پارتيانىڭ دارىپتەمەسىن بەلسەنە ۇگىتتەپ، بۇقارانىڭ ءۇنىن ىشكەرىلەي اڭىس ەتىپ، شەشىم جاساۋعا قاتىستى تەكسەرۋ - زەرتتەۋدى ىرىقتىلىقپەن ورىستەتىپ، ەرەكشە ماڭىزدى رولىن ساۋلەلەندىردى.
شي جينپيڭ مىنالاردى باسا دارىپتەدى: پارتيانىڭ 18 - قۇرىلتايىنان بەرى اقپاراتتىق جاماعات پىكىرى شەبى پارتيا ورتالىق كوميتەتىنىڭ شەشىم - ورنالاستىرۋلارىن جانە قىزمەت تالاپتارىن تىڭعىلىقتى دايەكتىلەندىرىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن كورنەكتى تۇردە ۇگىتتەپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنىڭ ىلگەرىلەتىلۋ جەتىستىكتەرىن جاپپاي اڭىس ەتىپ، قالىڭ كادرلار مەن بۇقارانىڭ ىنتىماقتاسا كۇرەس جاسايتىن رۋحاني بەت - بەينەسىن ىشكەرىلەي ۇگىتتەپ، نەگىزگى اۋەندى اسقاقتاتىپ، وڭ ەنەرگيا تاراتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋ سەنىمى مەن كۇش - قۋاتىنا پارمەندى دەم بەردى. قالىڭ اقپارات قىزمەتكەرلەرى بورىشتارىن ەستە بەرىك ساقتاپ، قايراتتانا ۇمتىلىپ، اقىل - پاراساتى، ماڭداي تەرى، ءتىپتى، ىستىق قانى ارقىلى پارتيانىڭ اقپاراتتىق جاماعات پىكىرى قىزمەتىنە ەلەۋلى ۇلەس قوستى. اماليات اقپارات قىزمەتكەرلەرى قوسىنىمىزدىڭ سەنىمدى، جوعارى ساپالى، قيىن شايقاستار جۇرگىزە الاتىن قوسىن ەكەنىن، جولداستاردىڭ وتە جاپالى قىزمەت ەتىپ، اسا زور ناتيجەلەرگە قول جەتكىزگەندىگىن دالەلدەدى، پارتيا مەن حالىق سىزدەرگە العىس ايتادى.
شي جينپيڭ قالىڭ تىلشىلەرگە 4 ءتۇرلى ءۇمىت ارتتى. ءبىرىنشى، دۇرىس ساياسي بەتالىسقا تاباندى بولىپ، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، ماركسيزمدىك اقپارات كوزقاراسىنا تاباندى بولىپ، پارتيا مەن حالىق مايدانىنان مىزعىماۋ، جۇڭگوشا سوتسياليزمنەن جازباي، ساياسيدا تاباندى اقپارات قىزمەتكەرى بولۋ كەرەك. ەكىنشى، دۇرىس جاماعات پىكىرى بەتالىسىنا تاباندى بولىپ، پارتيانىڭ نازارياسى مەن لۋشيان، باعىت - ساياساتىن ىشكەرىلەي ۇگىتتەپ، بۇكىل ەلىمىزدەگى ءار ۇلت حالقىنىڭ «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جۇرگىزگەن كۇرەسى مەن قول جەتكىزگەن ناتيجەلەرىن ىشكەرىلەي ۇگىتتەپ، نەگىزگى اۋەندى اسقاقتاتىپ، وڭ ەنەرگيا تاراتىپ، داۋىرگە جەتەكشىلىك ەتەتىن اقپارات قىزمەتكەرى بولۋ كەرەك. ءۇشىنشى، دۇرىس اقپاراتتىق مۇراتقا تاباندى بولىپ، كاسىپتىك ورەسىن جوعارىلاتىپ، باتىلدىقپەن وزگەرىس ەنگىزىپ، جاڭالىق اشىپ، ءوزىن ۇزدىكسىز سومداپ، كەمەلدەندىرىپ، كاسىپتە ىسىلعان اقپارات قىزمەتكەرى بولۋ كەرەك. ءتورتىنشى، دۇرىس قىزمەت بەتالىسىنا تاباندى بولىپ، حالىقتى وزەك ەتىپ، حالىقتى ويلاپ، حالىقتى جىرلاپ، كاسىپتىك رۋحتى ساۋلەلەندىرىپ، كاسىپتىك ءمورالدى ساقتاپ، قۇلشىنا قىزمەت ىستەپ، ۇلەس قوسۋعا پەيىل بولىپ، ستيلى تاڭداۋلى اقپارات قىزمەتكەرى بولۋ كەرەك. ءبىر سوزبەن ايتقاندا، پارتيا مەن حالىق سەنىم ارتقان اقپارات قىزمەتكەرى بولۋ كەرەك.
شي جينپيڭ مىنالاردى اتاپ كورسەتتى: جۇڭگو تىلشىلەر قوعامى −پارتيانىڭ باسشىلىعىنداعى حالىقتىق ۇيىم، پارتيا مەن ۇكىمەتتىڭ اقپارات سالاسىمەن بايلانىس جاسايتىن كوپىرى جانە دانەكەرى. جۇڭگو تىلشىلەر قوعامىنىڭ كۇش ۇستىنە كۇش قوسىپ، ساياسيلىق، العاباسارلىق، بۇقارالىق سيپاتىن ساقتاپ جانە كۇشەيتىپ، قالىڭ اقپارات قىزمەتكەرلەرىن ونان ارى ۇيىستىرىپ، شىن مانىندە «تىلشىلەر شاڭىراعىنا» اينالۋىن ءۇمىت ەتەمىن.
ليۋ يۇنشان ماجىلىسكە قاتىناستى ءارى پارتيا ورتالىق كوميتەتى اتىنان ءسوز سويلەدى.
ماجىلىستە جۇڭگو تىلشىلەر قوعامىنىڭ ءتوراعاسى تيان سۇڭميڭ باستالۋ ءسوزىن سويلەدى، جۇڭگو ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى جاۋ شى حالىقتىق توپتار اتىنان قۇتتىقتاۋ ءسوزىن سويلەدى. ماجىلىستە 26 - كەزەكتى جۇڭگو اقپارات سيلىعىنا، 14 - كەزەكتى چاڭجياڭ، تاۋفىن سيلىعىنا يە بولعانداردىڭ ۋاكىلدەرىنە سيلىق تاراتىلدى.
سۋرەتتە: پارتيا مەن مەملەكەت باسشىلارىنان شي جينپيڭ، ليۋ يۇنشان قاتارلىلار 7 - قاراشا كۇنى بەيجيڭدەگى حالىق سارايىندا جۇڭحۋا مەملەكەتتىك اقپارات قىزمەتكەرلەرى قوعامىنىڭ 9 - كەزەكتى القالار كەڭەسىنىڭ بارلىق ۋاكىلدەرىمەن جانە جۇڭگو اقپارات سيلىعىنا، چاڭجياڭ، تاۋفىن سيلىعىنا يە بولعانداردىڭ ۋاكىلدەرىمەن كەزدەستى. (شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
