لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2017.04.13 16:05 كەلۋ قاينارى : حالىق تورابى
«حالىق گازەتى»، 12 – ءساۋىر، بەيجيڭ (ءتىلشى لي ۋەيحۇڭ). مەملەكەتتىك كەڭەستىڭ زۇڭليى لي كىچياڭ 12 – ساۋىردە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ەمدەۋ تۇلعالارىن بىرىكتىرۋ قۇرىلىسىن جەبەۋ جونىندە ورنالاسترۋ جاسالىپ، ءتۇزىلىس، مەحانيزم رەفورماسىن تەرەڭدەتۋ نەگىزىندە بۇقاراعا ەمدەۋ جاعىنان ساپالى، قولايلى قىزمەت وتەۋ بەلگىلەندى؛ ورتا، باستاۋىش مەكتەپتەردىڭ، بالالار باقشاسىنىڭ حاۋىپسىزدىك قاتەرىن مەڭگەرۋ جۇيە قۇرىلىسىن كۇشەيتىپ، حاۋىپسىز مەكتەپ ورتاسىن قۇرۋ ىستەرىنە ورنالاستىرۋ جاسالدى؛ «جۇڭحۋا حالىق رەسپۋبليكاسىنىڭ ساناق زاڭىن اتقارۋ ەرەجەسى (جوبا نۇسقاسى)» ماقۇلداندى.
ماجىلىستە مىنالار اتاپ كورسەتىلدى: ەمدەۋ تۇلعالارىن بىرىكتىرۋدى دامىتۋ دەگەنىمىز حالىقتى وزەك ەتكەن دامۋ يدەياسىن دايەكتىلەندىرىپ، «ۇكىمەت قىزمەتىنەن باياندامادا» ورنالاستىرۋ جاسالعان ماڭىزدى مىندەتتەردى تياناقتاندىرىپ، ەمدەۋ رەفورماسىن تەرەڭدەتىپ، بايلىقتى لايىقتى بولىسكە سالىپ، نەگىزگى ساتىداعى بۇقارانى ەمدەۋ جاعىنداعى ساپالى دا قولايلى قىزمەت وتەۋدەن يگىلىكتەندىرۋدەگى ماڭىزدى شارا. بىرىنشىدەن، اكىمشىلىك رايوندارعا ءبولىنۋ، قازىنا ۇسىنىلىمى، ەمدەلۋ قامسىزداندىرۋى بويىنشا تولەۋ، كادرلاردى باسقارۋ جاقتارىنداعى قامالدى الاستاپ، ءتۇرلى فورماداعى ەمدەۋ تۇلعالارىن بىرىكتىرۋ قۇرىلىسىن تۇيىندە سىناق ەتۋدى جالپى بەتتىك ىسكە قوسىپ، ۇكىمەت قاراماعىنداعى 3 – دارەجەلى شيپاحانالاردىڭ نەمەسە كاسىپتىك قۋاتى ءبىرشاما كۇشتى شيپاحانالاردىڭ، اۋدان دارەجەلى شيپاحانالاردىڭ جەر جاعدايىنا قاراي باستاماشى بولۋى جاعىندا ىزدەنىس جاساپ، تۇرلىشە دارەجەلى، ءار تۇردەگى قالا، اۋىل ەمدەۋ قۇرىلىمدارى نەمەسە كاسىپتەرى اراسىنداعى ابزالدىقتى تولىقتايتىن، جۇمىس ءبولىسىپ سەلبەستىك جاسايتىن ەمدەۋ بىرىككەن تۇلعاسىن قۇرىپ، نەگىزگى ساتى مەن شەكارا، شالعاي، كەدەي وڭىرلەردەگى الىس ارالىقتى ەمدەۋ تورابىن زور كۇشپەن دامىتۋ كەرەك. ەكىنشىدەن، ساپالى ەمدەۋ بايلىعىنان بىرگە يگىلىكتەنۋدى جانە ونى نەگىزگى ساتىعا بەيىمدەۋدى جەبەپ، مامان جىبەرۋ، ارناۋلى كاسىپتەردى بىرگە قۇرۋ، كاسىپتىك جاقتان جەتەكشىلىك ەتۋ سياقتى جولدارمەن نەگىزگى ساتىنىڭ ەمدەۋ ورەسىن جوعارىلاتۋ كەرەك. دارەجەگە ءبولىپ ەمدەۋ مەحانيزمىن جەدەل تياناقتاندىرۋ كەرەك. قاجەت بويىنشا وتباسى شيپاگەرلەرىنىڭ كەلىسىمدى قىزمەت وتەۋىن تىڭعىلىقتى ىستەۋ، جىل سوڭىنا دەيىن بارلىق كەدەيدى قىزمەت وتەۋ كولەمىنە ەنگىزۋ كەرەك. تۇرعىنداردىڭ العاش نەگىزگى ساتىدا ەمدەلۋىنە شابىت بەرۋ، جەتەكشىلىك ەتۋ، جوعارى دارەجەلى شيپاحانالار الدىن الا كەلىسىپ، ەمدەلۋ قاعازىنا قول قويعان ناۋقاستاردى الدىمەن دياگنوز قويۋ، تەكسەرۋ، بالنيتساعا جاتقىزۋ سياقتى قىزمەت وتەۋمەن قامداۋ، وپەراتسيادان كەيىنگى قالپىنا كەلۋ مەزگىلىندەگى، سالماقتى اۋرۋى ورنىعۋ مەزگىلىندەگى، ت. ب. ناۋقاستاردى تومەن دارەجەلى شيپاحانالارعا الماستىرۋ جولىن ىركىلىسسىزدەندىرۋ كەرەك. كۇتىمدەۋ ورنى، ارناۋلى ساۋىقتىرۋ ورنى سياقتى قۇرىلىمداردى بىرىككەن ەمدەۋ تۇلعاسىنا قاتىناسۋعا شابىتتاندىرۋ كەرەك. تورتىنشىدەن، ساياساتتىق قولداۋدى كۇشەيتۋ كەرەك. ەمدەۋ بايلىعىن جوعارى – تومەن ىركىلىسسىز بولۋگە قولايلى مەحانيزم ورناتۋ جاعىندا ىزدەنىس جاساۋ كەرەك. كەڭ اۋقىمدى سەلبەستىك جاسالعان بىرىككەن ەمدەۋ تۇلعاسىندا ەمدەۋ قامسىزداندىرۋى جالپى سوماسى بويىنشا اقى تولەۋ سياقتى كوپ ءتۇرلى اقى تولەۋ ءادىسىن اتقارۋ كەرەك. نەگىزگى ساتىداعى ەمدەۋ مولشەرىنىڭ سالىستىرماسى، قوس باعىتتا الماستىرىپ ەمدەۋ سالىستىرماسى، تۇرعىنداردىڭ دەنساۋلىعىنىڭ جاقسارۋى سياقتى كورسەتكىشتەردى ناتيجەنى باعالاۋعا ەنگىزۋ كەرەك. ەمدەۋ قىزمەتكەرلەرى بىرىككەن ەمدەۋ تۇلعاسىندا جىلجىمالى قىزمەت وتەگەندە ادەتتە رەسميات وتەۋدىڭ قاجەتى جوق. رەفورما جۇرگىزۋ، جاڭالىق جاراتۋ ارقىلى بۇقارانىڭ اۋرۋدان ساقتانۋ، ەمدەلۋگە قولايلى بولۋ جانە كۇتىمدەلۋ قاجەتتەرىن ءتىپتى دە ويداعىداي قاناعاتتاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
