جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى
2017.08.02 16:49 كەلۋ قاينارى : حالىق تورابى
«حالىق گازەتى»، 1 – تامىز، بەيجيڭ (ءتىلشى شۇي جۇن). جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ جينالىسى 1 – تامىز تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، مىنالاردى دارىپتەدى: حالىق ارمياسىنىڭ شۇعىلالى تاريحى قىزىل قانمەن، قىرشىن جانمەن قالىپتاسقان، ءبىزدىڭ ەسىمىزدە ماڭگى ساقتالۋعا ءتيىس. حالىق ارمياسىنىڭ تاريحي تاجىريبەلەرىنە جاپالى ىزدەنىس ارقىلى قول جەتكەن، بۇل ءبىزدىڭ ماڭگى ارداقتاۋىمىزدى قاجەت ەتەدى. حالىق ارمياسىنىڭ تاريحي دامۋى ادالدىق پەن بورىشتىلىقتى قوزعاۋشى كۇش ەتكەن، بۇل ءبىزدى ماڭگى العا باسۋعا شابىتتاندىرادى. جۇڭحۋا ۇلتتارىنىڭ ۇلى گۇلدەنۋى، جۇڭگو حالقىنىڭ اناعۇرلىم باقىتتى تۇرمىسقا كەنەلۋى ءۇشىن، ءسوز جوق، حالىق ارمياسىن دۇنيە جۇزىندەگى الدىڭعى قاتارداعى ارميا ەتىپ قۇرىپ شىعۋدى جەدەلدەتۋ كەرەك، ءبىز اۋەلگى ماقساتتى ۇمىتپاي، ۇدىرە العا تارتىپ، ارميانى قۇدىرەتتەندىرۋدىڭ جۇڭگوشا جولىنان جازباي، ارميانى قۇدىرەتتەندىرۋ ءىسىن ۇزدىكسىز ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن قۇلشىنا ىسكە اسىرۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.
حالىق سارايى ايبىندى دا سالتاناتتى بەينەگە ەندى. ءتوراعالار مىنبەسىنىڭ جوعارعى جاعىنا «جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ جينالىسى» دەگەن كەرمە اسىلىپ، پەردەنىڭ قاق ورتاسىنا جۇڭگو حالىق ازاتتىق ارمياسىنىڭ گەربى ءىلىنىپ، «1927 – 2017» دەگەن جازۋ جاپسىرىلعان، ەكى جاعىنا 10 قىزىل تۋ ءبولىپ قويىلعان. زالدىڭ 2 – قاباتىنداعى تەكشەگە «شي جينپيڭ جولداس ۇيىتقى بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋەلگى ماقساتتى ۇمىتپاي، ۇدىرە العا تارتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىسكە اسىرىپ، حالىق ارمياسىن دۇنيە جۇزىندەگى الدىڭعى قاتارداعى ارميا ەتىپ قۇرىپ شىعۋ، ‹ەكى 100 جىلدىق› كۇرەس نىساناسىن ورىنداپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا قۇلشىنا كۇرەس جۇرگىزەيىك!» دەگەن ۇران كەرمەسى ىلىنگەن.
تۇستەن بۇرىن ساعات 10 دا لي كىچياڭ قۇتتىقتاۋ جينالىسىنىڭ باستالعانىن جاريالادى، كوپشىلىك ورىندارىنان تۇرىپ، مەملەكەت ءانىن اسقاقتاتا شىرقادى.
قىزۋ قول شاپالاق سوعىلىپ، شي جينپيڭ ماڭىزدى ءسوز سويلەدى. ول مىنالاردى دارىپتەدى: بۇگىن ءبىز وسى ارادا سالتاناتتى جينالىس وتكىزىپ، جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاپ، جۇڭگو كوممۋنيستىك پارتياسىنىڭ باسشىلىعىنداعى حالىق ارمياسىنىڭ شۇعىلالى تاريحي بارىسىن ەسكە الىپ، قورعانىس جانە ارميانى وسىزامانداندىرۋ قۇرىلىستارىنىڭ نۇرلى بولاشاعىنا كوز جىبەرىپ، بۇكىل پارتيانى، بۇكىل ارميانى جانە بۇكىل ەلدەگى ءار ۇلت حالقىن ۇزدىكسىز كۇرەس جۇرگىزىپ، مەملەكەتتى، ارميانى قۇدىرەتتەندىرۋگە مىعىم كۇش توپتاپ، «ەكى 100 جىلدىق» كۇرەس نىساناسى مەن جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا جۇمىلدىرىپ وتىرمىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
