شي جينپيڭ ا ق ش شتاپ باستىقتارى بىرىككەن كەڭەسىنىڭ ءتوراعاسى دونفوردپەن كەزدەستى
2017.08.18 14:12 كەلۋ قاينارى : حالىق تورابى
شينحۋا اگەنتتىگى، 17 – تامىز، بەيجيڭ (تىلشىلەر لي جۇڭفا، ۋاڭ جيڭگو). مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 17 - تامىزدا حالىق سارايىندا جۇڭگوعا ساپارلاي كەلگەن ا ق ش شتاپ باستىقتارى بىرىككەن كەڭەسىنىڭ ءتوراعاسى دونفوردپەن جانە ونىڭ ساپارلاستارىمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن ا ق ش ــ دۇنيە جۇزىلىك ىقپالى اسا ماڭىزدى ءىرى ەلدەر، دۇنيە جۇزىندەگى ەكى ءىرى ەكونوميكالىق تۇلعا. دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدا، دۇنيە ءجۇزىنىڭ دامۋى مەن گۇلدەنىپ - كوركەيۋىن جەبەۋدە ماڭىزدى جاۋاپكەرلىك ارقالاپ وتىر. جۇڭگو - ا ق ش قاتىناسىنىڭ جالپى دامۋ بەتالىسىن ويداعىداي مەڭگەرۋ ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە سايىپ قالماستان، حالىقارالىق ستراتەگيالىق جالپى جاعدايعا دا تەرەڭ ىقپال جاسايدى. پرەزيدەنت ترامپ ەكەۋىمىز جۇڭگو - ا ق ش قاتىناسىنا ايرىقشا كوڭىل ءبولىپ وتىرمىز، ەكەۋىمىز دە جۇڭگو - ا ق ش قاتىناسىنىڭ دامۋىن بەلسەندىلىكپەن ىلگەرىلەتۋگە پەيىلمىز. ا ق ش جاقسى دامىسا جۇڭگوعا پايدالى؛ جۇڭگو جاقسى دامىسا ا ق ش - قا دا پايدالى. ەكى ەل قاتىناسىن دامىتۋدا كەي كەزدەرى تار جول، تايعاق كەشۋلەر مەن بوران - شاشىنعا تاپ بولساق تا، جاۋىن باسىلىپ، كۇننىڭ كوزى شايداي اشىلاتىن كەز بولادى، مەن ەكى جاقتىڭ ءبىر - بىرىنە شىن پەيىلمەن، ىزگى نيەتپەن مامىلە جاساۋىن، ءجيى تىلدەسىپ، الاۋىزدىقتى ورىندى ءبىر جاقتى ەتىپ، اناعۇرلىم كوركەم بولاشاققا جول اشۋىن ءۇمىت ەتەمىن.
شي جينپيڭ مىنالاردى دارىپتەدى: جۇڭگو - ا ق ش ەلدەرى ارميالارىنىڭ قاتىناسى ــ ەكى ەل قاتىناسىنىڭ ماڭىزدى قۇرامداس بولەگى، ول سونداي - اق ەكى ەل قاتىناسىن ورنىقتىراتىن ماڭىزدى فاكتورعا اينالۋعا ءتيىس. تاياۋ جىلداردان بەرى ەكى ەل ارمياسى ءار دارەجەدەگىلەردىڭ قارىم - قاتىناسى مەن تىلدەسۋىن كۇشەيتۋ، اسكەري ىستەردەگى سەنىم مەحانيزمى قۇرىلىسىن ىلگەرىلەتۋ، ناقتى ىستەر جونىندە سەلبەسۋ جاقتارىندا ۇزدىكسىز تىڭ ىلگەرىلەۋشىلىككە قول جەتكىزدى. بۇل جولى تاعى «جۇڭگو - ا ق ش ارميالارىنىڭ بىرىككەن شتابىنىڭ تىلدەسۋ مەحانيزمى جۇلگەلىك قۇجاتىنا» قول قويىلدى. وسىلار ەكى ەل قاتىناسىن دامىتۋدا بەلسەندى رول اتقارادى، مەن ەكى جاقتىڭ ءبىر بەتالىستى بويلاي العا تارتىپ، قازىر اتقارىلىپ وتىرعان سەلبەستىك مەحانيزمدەرى مەن تەكشەلەرىنەن ۇتىمدى پايدالانىپ، ەكى ەل ارمياسىنىڭ قاتىناسىن دامىتۋعا وڭ قۋات توپتاۋىن ءۇمىت ەتەمىن. ءبىز ا ق ش - پەن تىزە قوسا قۇلشىنىپ، ءوزارا قۇرمەت ەتىپ، نازاردى سەلبەستىككە شوعىرلاندىرىپ، مۇنان دا قوماقتى تابىسقا قول جەتكىزىپ، ەكى ەل حالىقتارى مەن ءار ەل حالىقتارىن يگىلىككە كەنەلتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
