مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى:
حاۋىپ – قاتەر دەڭگەيى تومەن جەرلەردە ءوندىرىس پەن تۇرمىس ءتارتىبى بۇكىلدەي قالپىنا كەلتىرىلەدى
جولدا قاتىناۋعا شەكتەمە قويۋ كۇشىنەن قالدىرىلادى
2020.02.26 15:37 كەلۋ قاينارى : حالىق تورابى
شينحۋا اگەنتتىگى، 2 – ايدىڭ 25 – كۇنى، بەيجيڭ (ءتىلشى: ۋاڭ بيڭياڭ، ليۋ يجان) پارىقتى تۇردە باسقارۋ شارالارىن قالاي اتقارىپ، جۇمىستى، ءوندىرىستى رايونعا، دارەجەگە ءبولىپ قالپىنا كەلتىرۋدە قايتكەندە شارالاردى دالمە – ءدال اتقارۋعا بولادى؟ 2 – ايدىڭ 25 – كۇنى مەملەكەتتىك دامۋ – رەفورما كوميتەتى قوعامدىق مەڭگەرمەسىنىڭ باستىعى وۋ شياۋلي مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە مىنانى ءبىلدىردى: رايونعا، كولەمگە ءبولىپ، جۇمىستى، ءوندىرىستى قالپىنا كەلتىرۋ دەگەنىمىز حۋبەي ولكەسى مەن بەيجيڭ قالاسىنان باسقا جەرلەردى ىندەت جاعدايىنا قاراي، اۋدان دارەجەسى بويىنشا حاۋىپ – قاتەر دەڭگەيى تومەن وڭىرلەر، حاۋىپ – قاتەر دەڭگەيى ورتاشا وڭىرلەر، حاۋىپ – قاتەر دەڭگەيى جوعارى وڭىرلەر دەپ ءۇش توپقا ءبولۋدى كورسەتەدى. حاۋىپ – قاتەر دەڭگەيى تومەن وڭىرلەردە ءوندىرىس پەن تۇرمىس ءتارتىبى جاپپاي قالپىنا كەلتىرىلىپ، جولداعى ءجۇرىس – تۇرىسقا شەكتەمە قويۋ كۇشىنەن قالدىرىلادى.
وۋ شياۋلي مىنانى ءبىلدىردى: حاۋىپ – قاتەر دەڭگەيى تومەن وڭىرلەردە ۆيروستىڭ سىرتتان كىرۋىنەن ساقتانۋ شارالارى اتقارىلىپ، ءوندىرىس پەن تۇرمىس ءتارتىبى جاپپاي قالپىنا كەلتىرىلەدى، جولداعى قاتىناس شەكتەمەسى كۇشىنەن قالدىرىلادى، كاسىپورىنداردىڭ جۇمىسكەر ىستەتۋ، شيكىزات، قارجى جانە جابدىق قاتارلى جاقتارداعى قيىنشىلىقتارى مەن ءدوپ كەلىپ وتىرعان ماسەلەلەرىن شەشۋگە كومەك كورسەتىلەدى، كاسىپورىنداردىڭ جۇمىستى، ءوندىرىستى قالپىنا كەلتىرۋىنە شارت قويۋعا، بەكىتۋ، تىزىمگە الدىرۋ سىندى فورمالاردى جەلەۋ ەتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋ ۋاقىتىن كەشەۋىلدەتۋگە بولمايدى.
حاۋىپ – قاتەر دەڭگەيى ورتاشا وڭىرلەردە ۆيروستىڭ سىرتتان كىرۋىنەن، ىشكى جاقتا تارالۋىنان ساقتانۋ شارالارى اتقارىلىپ، قالىپتى ءوندىرىس پەن تۇرمىس ءتارتىبى تەز ارادا تارتىپپەن قالپىنا كەلتىرىلەدى، جۇمىسشى – قىزمەتكەرلەردى قىزمەت ورىندارىنا قايتارۋ تارتىپپەن ۇيىمداستىرىلادى، كاسىپورىنداردىڭ ديزەنفەكسيالاۋ، اۋا الماستىرۋ، تەمپەراتۋرا ولشەۋ سىندى تالاپتاردى قاتاڭ اتقارۋىنا جەتەكشىلىك ەتىپ، ادامداردىڭ شوعىرلانۋىن، توپتاسۋىن ازايتىپ، قورعانۋ شارالارىن كۇشەيتىپ، كومەسكى حاۋىپ – قاتەر بار جەرلەردى ديزەنفەكسيالاۋ كەرەك، وسى ارقىلى ىندەتتەن ساقتانۋ – تىزگىندەۋ مەن كاسىپورىنداردىڭ جۇمىستى، ءوندىرىستى قالپىنا كەلتىرۋىن بىردەي ورىنداۋدى ويداعىداي ىستەۋگە بولادى.
حاۋىپ – قاتەر دەڭگەيى جوعارى جەرلەردە ىشكى جاقتا تارالۋدان، سىرتقا قاراي تاراتۋدان ساقتانۋ، قاتاڭ باسقارۋ شارالارى اتقارىلادى. بۇل جەرلەردە جالعاستى نازاردى شوعىرلاندىرىپ، ىندەتتەن ساقتانۋ – تىزگىندەۋ قىزمەتىن ويداعىداي ىستەۋ كەرەك. ىندەت جاعدايى ءونىمدى تۇردە تىزگىندەلگەن سوڭ، جۇمىستى. ءوندىرىستى قالپىنا كەلتىرۋ كولەمىن تارتىپپەن كەڭەيتۋ كەرەك. ارينە، بۇل جونىندەگى العى شارت، حاۋىپ – قاتەر دەڭگەيى جوعارى جەرلەر ىندەتتەن ساقتانۋ – تىزگىندەۋگە، الەۋمەتتىك ىستەردى ورىستەتۋگە، جۇرتشىلىقتىڭ تۇرمىس قاجەتىن قاناعاتتاندىرۋعا جانە مەملەكەت جوسپارىنا، حالىق تۇرمىسىنا ساياتىن كاسىپورىنداردىڭ جۇمىستى قالىپتى ىستەۋىنە ويداعىداي كەپىلدىك ەتۋ كەرەك.
ۋ شياۋلي مىنانى ءبىلدىردى: مەملەكەتتىك دامۋ – رەفورما كوميتەتى ساقتانۋ – تىزگىندەۋ قىزمەتىن ويداعىداي ىستەۋدى العى شارت ەتە وتىرىپ، وندىرىستىك كاسىپورىنداردىڭ جۇمىستى، ءوندىرىستى قالپىنا كەلتىرۋىن كۇش سالا ىلگەرىلەتەدى، قاتىستى قىزمەتتەر تارتىپپەن ورىستەتىلۋدە. ناقتىلاپ ايتساق، زەرتتەۋ ارقىلى «ىندەتتەن عىلىمي جولمەن ساقتانۋ – تىزگىندەۋدى شىنايى كۇشەيتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋ قىزمەتىن تارتىپپەن ويداعىداي ىستەۋ جونىندەگى ۇقتىرۋدى» دايىندادى؛ قازىنا مينيسترلىگى، حالىق بانكەسى قاتارلى تاراۋلار كاسىپ سالالارىنا، قازىنا – باجى سالاسىنا، فينانس سالاسىنا قاتىستى ءبىرقىدىرۋ ساياساتتاردى بەلگىلەپ، ءتۇيىندى تۇردە قامتاماسىزداندىراتىن كاسىپورىندارعا ءتيىمدى بانكە قارىزى مەن ساياساتتىق قوسىمشا قاراجات بەرۋ ساياساتىن اتقاردى؛ جۇمىس ورنىنا توپقا ءبولىپ، شوعىرلى مەزگىلدەن اۋاشالاپ، تارتىپپەن قايتارۋدى سايكەستى ىلگەرىلەتىپ، قاتىناس – تاسىمال جاعىندا كەپىلدىك ەتۋ ويداعىداي ىستەلدى؛ ءتۇيىندى نىسانداردى بەلسەندى ىلگەرىلەتىپ، ءىرى ينجەنەريالار مەن باسقا دا شارت – جاعدايى بار سالالاردا جۇمىس تەز ارادا قالپىنا كەلتىرىلدى؛ بۇكىل ەلىمىز بويىنشا جۇمىستى، ءوندىرىستى قالپىنا كەلتىرۋ كۇنىن رەتكە سالۋ ءتۇزىمىن ورناتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
