جۇڭگو مەن لاوستىڭ ىندەتكە قارسى اتتانۋدا سەلبەسۋىنە بايلانىستى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭ ءبىر - بىرىنە سالەم جولدادى
2020.06.16 15:22 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 15 - كۇنى، بەيجيڭ. 6 – ايدىڭ 15 – كۇنى جۇڭگو مەن لاوستىڭ ىندەتكە قارسى اتتانۋدا سەلبەسۋىنە بايلانىستى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭ ءبىر – بىرىنە اۋىز ەكى سالەم جولدادى.
شي جينپيڭ مىنانى ءبىلدىردى: باس شۋجي جولداستىڭ ىقىلاستى، دوستىق حاتىن تاپسىرىپ العانىما وتە قۋانىشتىمىن. جۇڭگونىڭ لاوستىڭ ىندەتكە قارسى اتتانۋىنا كورسەتكەن كومەگىنىڭ بەلسەندى رول اتقارعانىن ءبىلىپ ايرىقشا قۋاندىم. وسى ورايدا مەن جۇڭگو پارتياسى، ۇكىمەتى، حالقى اتىنان لاوستىڭ باس شۋجي جولداس باستاعان پارتيا ورتالىق كوميتەتىنىڭ پارمەندى باسشىلىعىندا ىندەتتەن ساقتانۋ - تىزگىندەۋ قىزمەتىنىڭ كەزەڭدىك جەڭىسىنە قول جەتكىزگەنىن شىن جۇرەكتەن قۇتتىقتايمىن. جۇڭگو لاوسپەن ىندەتكە قارسى اتتانۋ سەلبەستىگىن كۇشەيتۋدى قالايدى، جۇڭگو مەن لاوس ەكى جاقتىڭ جانە حالىقارالىق قوعامنىڭ بىرگە قۇلشىنۋىندا، وسى رەتكى ىندەتكە قارسى اتتانۋ كۇرەسىنىڭ ەڭ سوڭعى جەڭىسىنە، ءسوزسىز، قول جەتكىزەتىنىمىزگە سەنەمىن.
مەن جۇڭگو مەن لاوستىڭ ەكى پارتيا، ەكى مەملەكەت بايلانىسىن دامىتۋعا باسا ءمان بەرەمىن، سىزبەن بىرگە قۇلشىنىپ، ەكى جاقتىڭ ماڭىزدى ورتاق تانىمىن ويداعىداي تياناقتاندىرۋدى، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىن ورنىقتى ىلگەرىلەتىپ، ەكى ەلگە جانە ەكى ەل حالىقتارىنا اناعۇرلىم جاقسى باقىت جاراتۋدى قالايمىن.
وسىدان بۇرىن بىنياڭ جۇڭگونىڭ لاوستىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ كورسەتۋىنە بايلانىستى باس شۋجي شي جينپيڭگە العىس حات جولداعان بولاتىن. بىنياڭ العىس حاتىندا مىنانى بىلدىرگەن ەدى: لاوستىڭ تالابى بويىنشا، جۇڭگو پارتياسى مەن ۇكىمەتى باس شۋجي جولداستىڭ نۇسقاۋىنىڭ رۋحى بويىنشا، ىندەتكە قارسى اتتانۋ ەمدەۋ ماماندار گرۋپپاسىن دەرەۋ جىبەرىپ ءارى قىرۋار ىندەتتەن ساقتانۋ زاتتىق ماتەريالىمەن جانە ءدارى - دارمەگىمەن قامداپ، لاوستىڭ ىندەتتەن ساقتانۋ - تىزگىندەۋ قىزمەتىن ورىستەتۋىنە كومەكتەستى. جۇڭگونىڭ لاوسقا ىندەتكە قارسى اتتانۋ جاعىنان كومەك بەرۋى لاوس پەن جۇڭگو ەكى پارتيانىڭ، ەكى ەلدىڭ، ەكى ەل حالىقتارىنىڭ ۇزاقتان بەرى جالعاسىپ كەلە جاتقان قويۋ دوستىق سۇيىسپەنشىلىگى مەن اعا - ىنىدەي سەلبەسىپ، قارايلاسۋ قاتىناسىن تولىق ايگىلەپ، لاوس پەن جۇڭگونىڭ تاعدىرلاس ورتاق تۇلعاسىنىڭ رۋحىن جاندى ايگىلەپ، جاڭا تيپتى ايدارشا ۆيرۋس وكپە قابىنۋ ىندەتىنە ايتارلىقتاي توتەپ بەرىپ، حالىقتىڭ باس اماندىعى مەن دەنساۋلىعىن قورعاۋعا ماڭىزدى ۇلەس قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
