ج ك پ ورتالىق كوميتەتىنىڭ ساياسي بيۋروسى ءماجىلىس اشىپ
«حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ جوبا باعدارلاماسىن» جانە «پارتيا 19 - كەزەكتى ورتالىق كوميتەتىنىڭ 5 - رەتكى شارلاۋ جاعدايى جونىندەگى جالپىلىق باياندامانى» قارادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2020.09.01 16:13 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 8 - ايدىڭ 31 - كۇنى ءماجىلىس اشىپ، «حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ جوبا باعدارلاماسىن» جانە «پارتيا 19 - كەزەكتى ورتالىق كوميتەتىنىڭ 5 - رەتكى شارلاۋ جاعدايى جونىندەگى جالپىلىق باياندامانى» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: حۋاڭحى وزەنى − جۇڭحۋا ۇلتىنىڭ انا وزەنى، حۋاڭحى وزەنى الابىنىڭ ەكولوگياسىن قورعاۋدى جانە ساپالى دامىتۋدى جۇڭحۋا ۇلتىنىڭ ۇلى گۇلدەنۋىنە ساياتىن بولاشاقتىق ۇلى جوسپار ەتىپ، جاڭا دامۋ ۇستانىمىن دايەكتىلەندىرىپ، تابيعاتتىڭ زاڭدىلىعى مەن وبيەكتيۆ زاڭدىلىققا بويسۇنىپ، تاۋ، سۋ، ورمان، اتىز، كول، جايىلىم، ءشولدى جونگە سالۋدى، جۇيەلى جونگە سالۋدى، تۋ باستان جونگە سالۋدى ءبىر تۇتاس ىلگەرىلەتىلىپ، حۋاڭحى وزەنى الابىنىڭ ەكولوگيالىق ورتاسى جاقسارتىلادى. سۋ بايلىعىن ورنالاستىرۋدى ساپالاندىرىپ، تۇتاس وزەن الابىنىڭ ساپالى دامۋىن جەبەپ، سۋ بايلىعىن ورنالاستىرۋدى ساپالىلاندىرىپ، تۇتاس الاپ بويىنشا ساپالى دامىتۋدى جەبەپ، حالىق بۇقاراسىنىڭ تۇرمىسىن جاقسارتىپ، حۋاڭحى مادەنيەتىن قورعاپ، جالعاستىرىپ، ساۋلەلەندىرىپ، حۋاڭحى وزەنىن حالىققا باقىت جاراتاتىن باقىت وزەنىنە اينالدىرۋ كەرەك.
ءماجىلىس مىنالاردى دارىپتەدى: جەرگىلىكتى جاعدايعا قاراي ءىس كورىپ، تۇرلەر بويىنشا شارا قولدانىپ، زاڭدىلىققا قۇرمەت ەتىپ، حۋاڭحى وزەنى الابىنىڭ ەكولوگيالىق ورتاسىن جاقسارتۋ كەرەك. حۋاڭحى وزەنى سۋ بايلىعىن شوعىرلى ۇنەمدەپ پايدالانۋدى كۇش سالا ىلگەرىلەتىپ، سۋ بايلىعىن ەڭ ۇلكەن بۇلجىماس شەكتەمە ەتىپ، سۋدى ۇنەمدەپ پايدالانۋ ارقىلى دامۋ كەڭىستىگىن كەڭەيتۋ كەرەك. حۋاڭحى وزەنى الابىنداعى سۋ اپاتى مەن قۋاڭشىلىق اپاتىن ۇزاق ۋاقىت ازايتىپ، عىلمي زەرتتەۋدى كۇشەيتىپ، اپاتتان ساقتانۋ، اپات زيانىن ازايتۋ جۇيەسىن كەمەلدەندىرىپ، ءتۇرلى اپاتتارعا توتەپ بەرۋ قۋاتىن جوعارىلاتۋ كەرەك. ۇتىمدى شارالار قولدانىپ، حۋاڭحى وزەنى الابىنىڭ ساپالى دامۋىن ىلگەرىلەتىپ، قوزعاۋشى كۇشتەردىڭ الماسۋىن جەدەلدەتىپ، ەرەكشە ابزالدىققا يە وسى زامانعى كاسىپ جۇيەسىن ورناتىپ، قالانىڭ دامۋ جاعدايىن ساپالىلاندىرىپ، اۋىل - قىستاقتى گۇلدەندىرۋدى ىلگەرىلەتۋ كەرەك. حۋاڭحى مادەنيەتىن زور كۇشپەن قورعاپ جانە ساۋلەلەندىرىپ، تاريحي مادەنيەت جۇيەسىن جالعاستىرىپ، داۋىرلىك قۇندى اشىپ، مادەنيەت سەنىمىن بەكەمدەۋ كەرەك. تايعا تاڭبا باسقانداي ناتيجە جاراتۋ ستيلىمەن ءتۇرلى قىزمەتتىڭ تياناقتانۋىن مىقتى يگەرىپ، ءبىر تۇتاس جوسپارلاپ سايكەستىرۋدى كۇشەيتىپ، حۋاڭحى جاعالاۋىنداعى ولكە، اۆتونوميالى رايوندار مەن قاتىستى تاراۋلاردىڭ تۇلعالىق جاۋاپكەرلىگىن تياناقتاندىرىپ، ناقتى جوسپاردى، اتقارۋ جوباسىن جانە ساياسات جۇيەسىن جاساۋدى، اتقارۋدى جەدەلدەتىپ، «14 - بەس جىلدىق» كەزىندە كورنەكتى ىلگەرىلەۋشىلىككە قول جەتكىزۋگە قۇلشىنۋ كەرەك.
ءماجىلىس مىنالاردى اتاپ كورسەتتى: پارتيانىڭ 19 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە عاسىردا بولماعان زور وزگەرىستەردى كوزدە ۇستاپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتتى، پارتيا مەن مەملەكەت قۇرىلىمدارى رەفورماسىن تەرەڭدەتىپ، ورتالىق پەن مەملەكەت ورگاندارىنىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، پارتيا ستيلى، پاكتىك قۇرىلىسىن ۇزدىكسىز كۇشەيتىپ، كورنەكتى ونىمدىلىككە قول جەتكىزدى. شارلاۋ احۋالىنان قاراعاندا، ورتالىق پەن مەملەكەت ورگاندارىنىڭ پارتيا باسشىلىق گرۋپپالارىنىڭ (پارتكوم) پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرۋ، تياناقتاندىرۋ پوزيتسياسى ءتىپتى دە بەلسەندى بولىپ، پارتيانى باسقارۋ، پارتيانى جونگە سالۋ جاۋاپكەرلىك تانىمى جالپى تۇلعالىق جاقتان جوعارىلاعان، پارتيانى جاپپاي قاتاڭ جونگە سالۋدا ۇزدىكسىز العا باسۋ، جاقسارۋ اۋقىمى جارىققا شىققان، ءتۇرلى قىزمەتتە تىڭ دا بەلسەندى ىلگەرىلەۋشىلىكتەرگە قول جەتكىزىلىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى مەن ەكونوميكانىڭ، قوعامنىڭ قالىپتى اينالىمىن قالپىنا كەلتىرۋ سياقتى جاقتاردا مىندەتىن بەلسەندىلىكپەن اتقارىلىپ، قىزمەت تىڭعىلىقتى ىستەلگەن. سونىمەن بىرگە، جاڭا ءداۋىر، جاڭا جاعداي، جاڭا تالاپ الدىندا ءالى دە كەيبىر كورنەكتى ماسەلەلەر ورىن تەۋىپ وتىر، بۇعان باسا ءمان بەرىپ، رەتتەۋ - تۇزەتۋدى تياناقتاندىرۋدا شىنداپ كىرىسىپ، رەتتەۋ - تۇزەتۋدىڭ تۇلعالىق جاۋاپكەرلىگىن مىقتاپ قۋزاپ، كۇندەلىكتى باقىلاۋدى كۇشەيتىپ، رەتتەۋ - تۇزەتۋدى كۇندەلىكتى قىزمەتپەن، رەفورمانى تەرەڭدەتۋمەن، پارتيانى جاپپاي قاتاڭ جونگە سالۋمەن، باسشىلىق القا قوسىنى قۇرىلىسىمەن توعىستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
