باسقارۋدى كۇشەيتىپ، زارارسىزداندىرۋدى ويداعىداي ىستەپ، توپتاسپاۋ كەرەك
2020.08.31 15:02 كەلۋ قاينارى : حالىق تورابى
شينجياڭ گازەتىنىڭ جالپىلىق اقپارات قۇرالدارى ءتىلشىسى جيڭ بو 8 – ايدىڭ 30 – كۇنى ۇرىمجىدەن حابارلايدى: ءۇرىمجى قالاسىنداعى ءىشىنارا رايون – اۋداندارداعى ىندەتتىڭ حاۋىپسىزدىك دارەجەسىنىڭ جوعارى، ورتا دارەجەلى حاۋىپتى ورىننان حاۋىپ – قاتەرى تومەن دارەجەدەگى ورىن بولىپ تەڭشەلۋىنە بايلانىستى، ءوندىرىس پەن تۇرمىس تارتىپپەن قالپىنا كەلتىرىلۋدە. اۆتونوميالى رايوندىق ىندەتتەن ساقتانۋ – تىزگىندەۋ ورتالىعى جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ – تىزگىندەۋ ماماندار گرۋپپاسىنىڭ مۇشەسى، مەڭگەرۋشى شيپاگەر لي فان مىناداي ۇسىنىس بەردى: كاسىپورىندار، ساۋدا سارايلارى جانە ەرەنبازارلار نەگىزگى تۇلعالىق جاۋاپكەرشىلىگىن تياناقتاندىرىپ، باسقارۋدى كۇشەيتۋى، ورتانى زارارسىزداندىرۋدى جانە تازالىق قىزمەتىن ويداعىداي ىستەۋى، جەكەلەر توپتاسپاۋى، ساقتىقتى ويداعىداي ىستەۋى كەرەك.
8 – ايدىڭ 30 – كۇنى، لي فان سۇحباتتى قابىلداعان كەزدە بىلاي دەپ تانىستىردى: كاسىپورىندار جۇمىستى، ءوندىرىستى قالپىنا كەلتىرۋ بارىسىندا، قىزمەت مەحانيزمىن ورناتۋى، نەگىزگى تۇلعالىق جاۋاپكەرشىلىگىن تياناقتاندىرۋى، تۇيىقتاپ باسقارۋدى اتقارۋى قاجەت. جۇمىستى قالپىنا كەلتىرۋدەن بۇرىن قىزمەتكەرلەرگە نۋكلەين قىشقىلىن تەكسەرۋدى ورىستەتۋى، قىزمەتكەرلەردىڭ دەنساۋلىق ارحيۆىن تۇرعىزۋى، دەنساۋلىعىن ءبىرتۇتاس سارالاۋدان وتكىزۋى، قىزمەت ورنىن ءبىرتۇتاس باسقارۋى، تاماقتانۋدى ءبىرتۇتاس ۇيىمداستىرۋى، جۇمىسقا شىققاندا جانە جۇمىستان تۇسكەندە، قىزمەتكەرلەردى ءبىرتۇتاس جەتكىزۋى كەرەك. كۇن سايىن قىزمەتكەرلەردىڭ دەنە تەمپەراتۋراسىن تەكسەرىپ، ويداعىداي ەستەلىككە الىپ وتىرۋى قاجەت. جۇمىس ورىندارىن تازالاپ، زارارسىزداندىرىپ، اۋا الماستىرىپ وتىرۋى، ادامداردىڭ توپتاسۋىن ازايتۋى كەرەك. ۇگىت – تاربيەنى كۇشەيتىپ، جەكەلىك ساقتىقتى كۇشەيتۋ كەرەك، قىزمەتكەرلەر تاماشا تۇرمىس ادەتىن ساقتاعانى ءجون.
ساۋدا سارايلارى مەن ەرەنبازارلار ءتۇرلى ساقتانۋ – تىزگىندەۋ، توتەپ بەرۋ شارالارىن كەمەلدەندىرۋى، قاتىستى ادامداردىڭ قىزمەت جاۋاپكەرشىلىكتەرىن ايقىنداۋى، قىزمەتكەرلەردىڭ ينفورماتسياسىن جيناۋ، نۋكلەين قىشقىلىن تەكسەرۋ، دەنساۋلىق جاعدايىن ۇعىسۋ قاتارلى قىزمەتتەردى ويداعىداي ىستەۋى كەرەك. سونىمەن بىرگە، ساۋدا سارايلارىندا ادامداردىڭ دەنە تەمپەراتۋراسىن ولشەۋدى اتقارىپ، الەۋمەتتىك اۋماقتار مەن قاتىستى قۇرىلعىلاردىڭ تازالىعىن ساقتاۋ جانە زارارسىزداندىرۋ قىزمەتىن ويداعىداي ىستەۋ، جۇرتشىلىقتىڭ توپتاسۋدان جۇعىمدالۋىنان ساقتانۋ كەرەك. الارمانداردىڭ تارتىپپەن زات ساتىپ الۋىنا، ارالىق ساقتاۋىنا، توپتاسپاۋىنا، ايالداماۋىنا جەتەكشىلىك ەتىپ، ساۋدا قاۋىرت كەزدەگى الارمانداردىڭ سانىن تەجەپ وتىرۋ كەرەك.
ساۋدا سارايلارى مەن ەرەنبازارلار زات قاينارىن باسقارۋدى كۇشەيتۋى، وتە – موتە، توڭازىتىلعان ونىمدەردى، ءسوزسىز، نۋكلەين قىشقىلىن تەكسەرۋدەن وتكىزۋى قاجەت. سونىمەن بىرگە، قىزمەتكەرلەر قىزمەتكە شىعاردان بۇرىن ماسكى تاعۋى، بازارعا جاڭادان شىعارىلعان توڭازىتىلعان ونىمدەردى ۇستايتىن قىزمەتكەرلەر قولعاپ كيۋى كەرەك.
جەكەلىك ساقتانۋ – تىزگىندەۋ جاعىندا، لي فان مىناداي ۇسىنىس بەردى: ءۇيدىڭ اۋاسىن ۇنەمى الماستىرىپ تۇرۋ، تازالىقتى ساقتاۋ جانە زارارسىزداندىرىپ تۇرۋ، ماسكى تاعىپ، قولدى ۇنەمى جۋىپ تۇرۋ، توپتاسپاۋ كەرەك، ادام شوعىرلانعان جەرگە بارماۋ قاجەت. كۇز مەزگىلى — تىنىس جولى اۋرۋلارى كوپ تۋىلاتىن مەزگىل، بالالار مەن قارتتار، دەنساۋلىعى ناشار ادامدار جانە سوزىلمالى اۋرۋى بار ادامدار جونىنەن ايتقاندا، اۋا رايىنىڭ وزگەرىسىنە قاراي كيىم كيۋى، سۋىق تيۋدەن ساقتانۋى كەرەك، ۇيلەسىمدى تاماقتانىپ، دەمالىسقا كوڭىل ءبولۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
