شي جينپيڭ ورتالىق كوميتەت ساياسي بيۋروسىنىڭ 23 - رەتكى توپتىق ۇيرەنۋىندە مىنانى دارىپتەدى
جۇڭگوشا ەرەكشەلىككە، جۇڭگوشا ۇلگىگە، جۇڭگوشا ستيلگە يە ارحەولوگيا جۇيەسىن قۇرىپ، قاينارى تەرەڭ، قاتپارى قالىڭ جۇڭحۋا وركەنيەتىن ءتىپتى دە ويداعىداي تانۋ كەرەك
2020.09.30 15:36 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 29 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 9 - ايدىڭ 28 - كۇنى تۇستەن كەيىن ەلىمىزدىڭ ارحەولوگيالىق ەڭ جاڭا بايقاۋى جانە ونىڭ ماڭىزى جونىندە 23 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنانى دارىپتەدى: بۇگىنگى تاڭدا جۇڭگو كەڭ كولەمدى ءارى تەرەڭ قاتپارلى قوعامدىق وزگەرىستى باستان كەشىرۋدە، سونىمەن بىرگە، جۇڭگوشا سوتسياليزمدە تاباندى بولۋ جانە ونى دامىتۋ ۇلى امالياتىندا جاڭالىق جاراتۋدا. ءبىزدىڭ امالياتتىق جاسامپازدىعىمىز، ءسوز جوق، تاريحتىڭ دامۋ زاڭدىلىعى نەگىزىندە قۇرىلۋى، ءسوز جوق، تاريحتىڭ دۇرىس باعىتى بويىنشا جۇرگىزىلۋى كەرەك. ارحەولوگيا قىزمەتىنە ايرىقشا ءمان بەرىپ، جۇڭگوشا ەرەكشەلىككە، جۇڭگوشا ۇلگىگە، جۇڭگوشا ستيلگە يە ارحەولوگيا جۇيەسىن قۇرىپ، قاينارى تەرەڭ، قاتپارى قالىڭ جۇڭحۋا وركەنيەتىن ءتىپتى دە ويداعىداي تانىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋگە، مادەنيەت سەنىمىن كۇشەيتۋگە پارمەندى تىرەك ازىرلەۋىمىز كەرەك.
جۇڭگو قوعامدىق عىلىمدار اكادەمياسى ارحەولوگيالىق زەرتتەۋ ورنىنىڭ باستىعى، جۇڭحۋا وركەنيەت قاينارىن زەرتتەۋ ينجەنەرياسى جانە «ارحەولوگيالىق جۇڭگو» كەلەلى نىسانىنىڭ مامانى چىن شيڭسان وسى ماسەلە جونىندە تۇسىنىك جاساپ، پىكىر، ۇسىنىستارىن ورتاعا قويدى.
شي جينپيڭ ۇيرەنۋدى باسقارعاندا ءسوز سويلەدى. ول مىنالاردى اتاپ كورسەتتى: ارحەولوگيا قىزمەتى − ماڭىزدى مادەنيەت ءىسى ءارى كەلەلى قوعامدىق ساياسي مانگە يە قىزمەت. ارحەولوگيا قىزمەتى − جۇڭحۋا ۇلتىنىڭ تاريحىن، اسىل قازىناسىن ايگىلەۋ جانە قۇرۋداعى ماڭىزدى قىزمەت. تاريحتى تانۋ ارحەولوگيا عىلىمىنان قول ۇزە المايدى. تاريحي مادەني مۇرالار وتكەندى جاندى بايانداپ قانا قويماي، قازىرگى جاعداي مەن بولاشاققا دا تەرەڭ ىقپال جاساۋدا؛ ول بىزگە عانا ەمەس، ۇرپاقتارىمىزعا دا ءتان. تاريحي مادەني مۇرالاردى ويداعىداي قورعاۋ جانە وعان ويداعىداي مۇراگەرلىك ەتۋدىڭ ءوزى − تاريحقا، جاۋاپتى بولعاندىق، حالىققا جاۋاپتى بولعاندىق. ءبىز ارحەولوگيالىق قىزمەت پەن تاريحي زەرتتەۋدى كۇشەيتۋىمىز، مۇراجايدا ساقتالعان مادەني مۇرالاردى، كەڭ - بايتاق دالالاردا ساقتالعان مۇرالاردى، بايىرعى كىتاپتاردا جازىلعان مۇراعاتتاردى تۇگەلدەي جانداندىرىپ، تۇتاس قوعامنىڭ تاريحي مادەنيەت ءنارىن بايىتۋىمىز كەرەك.
شي جينپيڭ مىنالاردى دارىپتەدى: بىرنەشە ۇرپاق ارحەولوگتاردىڭ كۇش جالعاپ كۇرەس جاساۋى ارقىلى ەلىمىزدىڭ ارحەولوگيالىق قىزمەتىندە كەلەلى تابىستارعا قولعا جەتىپ، تاريح سىلەمى جالعاستى، تاريح سەنىمى كۇشەيدى، تاريحي مازمۇنى بايىدى، تاريح مۇراسى مايەكتەندى. ارحەولوگيالىق زەرتتەۋلەر ارقىلى جۇڭحۋا وركەنيەتىنىڭ توركىنى مەن دامۋىنىڭ تاريحي سىلەمى ايگىلەندى، جۇڭحۋا وركەنيەتىنىڭ شۇعىلالى تابىستارى ايگىلەندى، جۇڭحۋا وركەنيەتىنىڭ دۇنيە ءجۇزى وركەنيەتىنە قوسقان ۇلەسى ايگىلەندى. جۇڭحۋا وركەنيەتى ۇزاق ۋاقىتتان بەرى دۇنيە جۇزىندەگى باسقا وركەنيەتتەرمەن قويۋ قارىم - قاتىناستا بولىپ، ءوزارا اۋىس - كۇيىس جاساپ، ۇلگى الىپ كەلدى، دۇنيە جۇزىنە شالقار ءماندى يدەيالىق جۇيە، مول مازمۇندى عىلىم - تەحنيكالىق، مادەنيەتتىك، كوركەمونەرلىك تابىس، بوگەنايى بولەك تۇزىمدىك جاسامپازدىق سيلاپ، دۇنيە ءجۇزى وركەنيەتىنىڭ دامۋ بارىسىنا تەرەڭ ىقپال جاسادى.
شي جينپيڭ ارحەولوگيالىق جانە تاريح زەرتتەۋ قىزمەتىن ويداعىداي ىستەۋ جونىندە 4 ءتۇرلى تالاپ قويدى. ءبىرىنشى، اشىلماعان سىرلاردى اشۋعا ۇزدىكسىز ىزدەنىس جاساۋ، ءتۇپ توركىنىن تابۋ كەرەك. ەلىمىزدىڭ ەرتە زامانعى تاريحىندا ءالى دە كوپتەگەن اشىلماعان قۇپيا دۇنيەلەر بار، ارحەولوگيالىق زەرتتەۋ قىزمەتىنىڭ مىندەتى اۋىر، جولى ۇزاق. «جۇڭحۋا وركەنيەتىنىڭ توركىنى جانە ەرتە كەزدەگى دامۋ جاعدايىن جالپىلىق زەرتتەۋ»، «ارحەلوگيالىق جۇڭگو» قاتارلى كەلەلى نىسانداردى ويداعىداي جۇرگىزۋ، ارحەولوگيا قاينارىن تەكسەرۋ جانە ساياساتتىق سۇرانىستى تەكسەرۋ - زەرتتەۋ قىزمەتىن كۇشەيتۋ، ارحەولوگيالىق زەرتتەۋ قىزمەتىن جوسپارلاۋ دەڭگەيىن جوعارىلاتۋ كەرەك. كەيبىر كەلەلى تاريحي ماسەلەلەردى ارقاۋ ەتە وتىرىپ جالپى تۇلعالىق ورنالاستىرۋ جاساۋ، كۇشتى شوعىرلاندىرا وتىرىپ قامال الۋ، ۇزدىكسىز تىڭ تابىستارعا قول جەتكىزۋ كەرەك. ەكىنشى، ارحەولوگيالىق تابىستاردى اشۋ، رەتتەۋ، ءتۇسىندىرۋ قىزمەتىن ويداعىداي ىستەۋ كەرەك. ارحەولوگيالىق زەرتتەۋ سالاسى ەكونوميكا، زاڭ، ساياسي، مادەنيەت، قوعام، ەكولوگيا، عىلىم - تەحنيكا، مەديتسينا قاتارلى سالالارداعى زەرتتەۋشىلەرمەن بىرگە قازبا مادەني مۇرالار مەن جۇرتتاردى زەرتتەۋ، ءتۇسىندىرۋ قىزمەتىن ويداعىداي ىستەۋى، ەلىمىزدىڭ وركەنيەت توركىنى مەن دامۋىن، سونداي - اق ونىڭ ادامزاتقا قوسقان كەلەلى ۇلەسىن اناعۇرلىم انىق، اناعۇرلىم جان - جاقتى ايگىلەپ، تاريح ارقىلى تاربيە بەرۋ رولىن اناعۇرلىم ويداعىداي ساۋلەلەندىرۋى كەرەك. ءۇشىنشى، تاريحي، مادەني مۇرالاردى قورعاۋ قىزمەتىن ويداعىداي ىستەۋ كەرەك. ارحەولوگيالىق جۇرتتار مەن تاريحي مادەني مۇرالار − تاريحتىڭ ايعاعى، ونى، ءسوز جوق، ويداعىداي قورعاۋ، ودان ويداعىداي پايدالانۋ كەرەك. تاريحي مادەني مۇرالارى بايلىعىن، مال - مۇلكىن باسقارۋ ءتۇزىمىن ورناتۋ جانە كەمەلدەندىرۋ، كوشىرىپ قوزعاۋعا بولمايتىن مادەني مۇرالاردى قورعاۋ مەحانيزمىن اقاۋسىزداندىرۋ كەرەك. تاريحي مادەني مۇرالاردىڭ بۇلىنۋىنەن ساقتانۋ جانە ولاردى قورعاۋ قۋاتىن ارتتىرۋ، مادەني مۇرالارعا قاتىستى قىلمىستارعا قاتاڭ سوققى بەرۋ كەرەك. ءتورتىنشى، ارحەولوگيالىق زەرتتەۋ قۋاتى قۇرىلىسى مەن عىلىم قۇرىلىسىن كۇشەيتۋ كەرەك. ديالەكتيكالىق ماتەرياليزم مەن تاريحي ماتەرياليزمدە تاباندى بولۋ، نازاريالىق ىزدەنىستەردى ىشكەرىلەي جۇرگىزۋ، جۇڭگونىڭ ارحەولوگيالىق زەرتتەۋىنىڭ دۇنيە ءجۇزىنىڭ ارحەولوگيالىق زەرتتەۋ سالاسىنداعى ىقپال كۇشىن، ءسوز سويلەۋ ۇقىعىن كۇشەيتۋ كەرەك. ارحەولوگيالىق زەرتتەۋ قوسىنىن بەلسەنە جەتىلدىرۋ، زورايتۋ، ءتىپتى دە كوپتەگەن جاستاردى ارحەولوگيا كاسبىمەن شۇعىلدانۋعا شابىتتاندىرۋ، ارحەولوگيالىق زەرتتەۋدەگى جالعاستىرۋشىلاردى، دارىندىلاردى كوپتەپ باۋلۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
