شي جينپيڭ مەن ارگەنتينانىڭ زۇڭتۇڭى فەرناندەس ءبىر - بىرىنە حات جولدادى
2021.01.05 16:29 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 4 - كۇنى، بەيجيڭ. بىرنەشە كۇننىڭ الدىندا مەملەكەت ءتوراعاسى شي جينپيڭ مەن ارگەنتينانىڭ زۇڭتۇڭى فەرناندەس ءبىر - بىرىنە حات جولدادى، ەكى جاق ەكى ەل قاتىناسى جانە ىندەتكە قارسى اتتانۋ سياقتى سالالارداعى سەلبەستىكتى اناعۇرلىم تەرەڭدەتۋ جونىندە پىكىر اۋىستىردى.
شي جينپيڭ بىلاي دەپ دارىپتەدى: زۇڭتۇڭ مىرزا مىندەتكە وتىرعاننان بەرى ءبىز تەلەفوندا سويلەستىك ءارى كوپ رەت ءوزارا حات جولداپ، جۇڭگو - ارگەنتينا قاتىناسىن تەرەڭدەتۋ، ىندەتكە قارسى اتتانۋ سياقتى سالالارداعى سەلبەستىكتى كۇشەيتۋ جونىندە ماڭىزدى ورتاق تانىمعا كەلدىك. جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزى ءۇشىن قاتاڭ سىناق بولدى. جۇڭگو - ارگەنتينا حالىقتارى ىندەت الدىندا ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاستى، ەكى ەلدىڭ ءداستۇرلى دوستىعى ىندەتكە قارسى اتتانۋ كۇرەسى بارىسىندا نىعايا ءتۇستى. جۇڭگو ارگەنتينامەن ۆاكسينا زەرتتەۋ - اشۋ جانە پايدالانۋ سەلبەستىگىن كۇشەيتىپ، ارگەنتينانىڭ ىندەتكە قارسى اتتانۋىنا شاماسىنىڭ كەلىسىنشە قولداۋ جانە كومەك كورسەتۋدى قالايدى. جۇڭگو جۇڭگو - ارگەنتينا قاتىناسىنىڭ دامۋىنا ايرىقشا ءمان بەرەدى، ارگەنتينامەن بىرگە قۇلشىنىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋ سەلبەستىگىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، جۇڭگو مەن ارگەنتينانىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز ىشكەرىلەي دامۋىنا بىرگە جەتەكشىلىك ەتۋدى قالايدى.
فەرناندەس ەكى ەل قاتىناسىنىڭ دامۋىنا جانە جۇڭگونىڭ ىندەتكە قارسى اتتانۋ تابىستارىنا جوعارى باعا بەردى، جۇڭگونىڭ ارگەنتينانىڭ ىندەتكە قارسى اتتانۋىنا قولداۋ كورسەتكەنىنە العىس ايتتى. فەرناندەس مىنانى ءبلىدىردى: ىندەتتىڭ سوققىسىنا قاراتا ءار ەل جۇدىرىقتاي جۇمىلىپ، ءوزارا قۇرمەت ەتىپ، ءبىرىن - ءبىرى قولداپ، ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋعا كۇش سالۋى كەرەك. جۇڭگو كەدەيلىكتەن ارىلتۋدان قامال الۋ نىساناسىن ۋاعىندا ورىنداپ، عىلىم - تەحنيكا سالاسىندا كورنەكتى تابىستارعا قول جەتكىزىپ، جۇڭگو حالقىنا باقىت جاراتۋمەن بىرگە، بۇكىل ادامزاتتى دا يگىلىككە كەنەلتتى. ارگەنتينا مەن جۇڭگو كوپ جاقتىلىقتى دارىپتەپ، مەملەكەتتەر ارا تىلدەسۋدى قولداپ، وڭىرلىك تىلدەسۋدى كۇشەيتىپ، جاراسىمدى دامۋدى جۇزەگە اسىردى. «ءبىر بەلدەۋ، ءبىر جول» باستاماسى ەكى ەلدىڭ ءوزارا بايلانىسىن جانە ءوزارا ءتۇسىنىسۋىن تەرەڭدەتۋگە ءتيىمدى، ارگەنتينا جۇڭگومەن ۆاكسينا سياقتى سالالارداعى سەلبەستىكتى كۇشەيتىپ، ارگەنتينا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
