اۋىل – قىستاقتاعى قونىستانۋ ورتاسىن جونگە سالۋداعى ءۇش جىلدىق قيمىل مىندەتى نەگىزىنەن ورىندالدى
2020.12.30 16:34 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى يۇي ۋىنجيڭ، چىن چۇنيۋاندار 12 – ايدىڭ 28 – كۇنى بەيجيڭنەن حابارلايدى. قىس تۇسكەننەن بەرى، جياڭشي ولكەسى شينفىڭ اۋدانى دا – ا قالاشىعى ليانتاڭ قىستاعىنداعى جولدىڭ ەكى جاعىنداعى ۇيلەر، اۋلالار تازا دا رەتتى بولىپ، جاڭارتىلعان باقشا ەرەكشە تۇسكە ەندى، كوكونىس قالتقىلارى جاسىل جەلەك جامىلدى، بۇل ارانىڭ قوقسىق ءۇيىلىپ، ارام شوپتەر قاپتاعان بۇرىنعى بەينەسىن ەلەستەتۋ قيىن.
جۋىرداعى جىلداردان بەرى، ليانتاڭ قىستاعى كونەرگەن «بوس ۇيلەردى» شاعىپ، سۋ جولىن، دارەتحانالاردى، جولداردى وزگەرتۋدى جاپپاي اتقارىپ، ءداستۇرلى تۇرعىندار تۇراعىن قايتادان اقتاپ، بۇرىن بار اعاش، كوكونىس باعى جانە سۋ كولشىگى قاتارلىلاردى ساقتاۋ نەگىزىندە مۇقيات جوبالاپ جانە قۇرىلىس جۇرگىزىپ، قىستاقتىڭ بەت – بەينەسىن بۇكىلدەي جاڭارتتى.
ليانتاڭ قىستاعىنداعى وزگەرىستەر ەلىمىزدىڭ اۋىل – قىستاقتارىنداعى قونىستانۋ ورتاسىنىڭ جاقسارعاندىعىنىڭ جيناقتى كورىنىسى. اۋىل شارۋاشىلىعى جانە اۋىل – قىستاق مينيسترلىگىنىڭ مالىمەتىنە قاراعاندا، جەر – جەردىڭ قۇلشىنۋىنىڭ ارقاسىندا، اۋىل – قىستاقتارداعى قونىستانۋ ورتاسىن جونگە سالۋ جاعىنداعى ءۇش جىلدىق قيمىل جوباسىنداعى نىسانالىق مىندەتتەر نەگىزىنەن ورىندالعان. بۇكىل ەلىمىزدەگى اۋىل – قىستاقتاردا دارەتحانالاردىڭ جالپىلاسۋ مولشەرى %65 تەن استى، 2018 – جىلدان بەرى اۋىل – قىستاقتاردا جيىنى 35 ميلليوننان استام وتباسىنىڭ دارەتحاناسى جاڭالاندى نەمەسە وزگەرتىلدى، اۋىل – قىستاقتارداعى تۇرمىستىق قوقسىقتاردى جيناۋ، جوتكەۋ، ءبىرجاقتى ەتۋ جۇيەسى %90 تەن استام اكىمشىلىك قىستاقتى قامتىدى، اۋىل – قىستاقتارداعى لاس سۋدى جونگە سالۋ ىستەرىندە جاڭا ىلگەرىلەۋشىلىكتەر بولدى، %95 تەن استام اۋىل – قىستاقتا تازالىق ارەكەتى ورىستەتىلدى.
اۋىل شارۋاشىلىعى جانە اۋىل – قىستاق مينيسترلىگىنىڭ قاتىستى جاۋاپتىسىنىڭ تانىستىرۋىنشا، بيىل ەلىمىز ىندەتتەن ساقتانۋدى تياناق ەتىپ، اۋىل – قىستاقتارداعى قونىستانۋ ورتاسىن جونگە سالۋدى ۇزدىكسىز كۇشەيتكەن، ناق مايدان ءماجىلىسىن اشۋ، كۋرس ۇيىمداستىرۋ قاتارلىلار ارقىلى ورنالاستىرۋ جاساۋ مەن ىلگەرىلەتۋدى كۇشەيتكەن ءارى ناق مايداندا تەحنيكالىق قىزمەت وتەۋ، ينتەرنەت ارقىلى تەحنيكالىق كەڭەس بەرۋ قاتارلى تاسىلدەرمەن تەحنيكالىق جاقتا تىرەك بولۋدى كۇشەيتكەن.
ۇعىسۋعا قاراعاندا، ورتالىق قازىنا اۋىل – قىستاقتاعى دارەتحانا وزگەرىسىن تۇتاس قىستاق بويىنشا ىلگەرىلەتۋ قىزمەتىنە قولداۋ كورسەتۋگە 7 ميلليارد 400 ميلليون يۋان ورنالاستىرعان، ورتالىق قازىنانىڭ مەجە ەسەبى كولەمىندە باتىس بولىك پەن ورتا بولىكتەگى ولكەلەردىڭ اۋىل – قىستاقتارداعى قونىستانۋ ورتاسىن جونگە سالۋىنا قولداۋ كورسەتۋ ءۇشىن 3 ميلليارد يۋان قارجى ورنالاستىرىلعان، ورتالىق قازىنا جونگە سالۋ ونىمدىلىگى كورنەكتى بولعان 20 اۋدانعا (قالا، رايون) شابىتتاندىرۋ سيپاتىندىق قولداۋ كورسەتكەن. سونىمەن بىرگە، اۋىل شارۋاشىلىعى جانە اۋىل – قىستاق تاراۋلارى جەر – جەردىڭ اۋداندى بىرلىك ەتىپ تەكسەرىپ وتكىزىپ الۋدى ورىستەتۋىنە جەتەكشىلىك ەتىپ، اۋىل – قىستاقتاعى قونىستانۋ ورتاسىن جونگە سالۋدى تەكسەرۋگە ۇيىمداستىرىپ، دوڭگەلەك داۋلەتتى قوعامدى پاك بەينەمەن قارسى الۋعا كەپىلدىك ەتتى. ءۇش جىلدىق قيمىل جوباسىنداعى نىسانالىق مىندەتتەر نەگىزىنەن ورىندالىپ، اۋىل – قىستاقتاردا ۇزاق ۋاقىتتان بەرى ساقتالىپ وتىرعان لاس، بىلىققان، ناشار جاعدايدا بۇرىلىس جاساپ، اۋىل – قىستاقتاردىڭ بەت – بەينەسى كورنەكتى جاقساردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
