ورتالىق ۇگىت ءبولىمى، جۇڭگو عىلىم - تەحنيكا قوعامى قاتارلى 6 تاراۋ 2020 - جىلعى «ەڭ تاڭداۋلى عىلىم - تەحنيكا قىزمەتكەرلەرىنىڭ» ىزگى ىستەرىن جاريالادى
2020.12.29 17:14 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 28 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، قالىڭ عىلىم - تەحنيكا قىزمەتكەرلەرىن «ەكى جالپى جاعدايدى» كوكەيدە ساقتاپ، «ءتورتتى بەتكە الۋدا» تاباندى بولىپ، دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ، مەملەكەتتىڭ وسىزاماندانۋىن، جاڭالىق اشۋىن ىلگەرىلەتۋ جولىندا الدا جۇرۋگە شابىتتاندىرۋ ءۇشىن، تاياۋدا ورتالىق ۇگىت ءبولىمى، جۇڭگو عىلىم - تەحنيكا قوعامى، عىلىم – تەحنيكا مينيسترلىگى، جۇڭگو عىلىم اكادەمياسى، جۇڭگو ينجەنەريا اكادەمياسى، مەملەكەت قورعانىسى عىلىم - تەحنيكا، ونەركاسىپ مەكەمەسى سىندى 6 تاراۋ بەيجيڭدە 2020 - جىلعى «ەڭ تاڭداۋلى عىلىم - تەحنيكا قىزمەتكەرلەرىنىڭ» ىزگى ىستەرىن جاريالادى.
ۋاڭ شيڭحۋان، لي يۇي، چىن حوۋچۇن، حۋ يۇي، لي دۇڭ، چىن لياڭ، تۇڭ شياۋلين، سەردەنياڭجى، چىڭ شياڭۋىن، حاۋ جيميڭ سىندى 10 ادام − تۇگەلدەي عىلمي زەرتتەۋ مەن ءوندىرىستىڭ ءبىرىنشى شەبىنەن كەلگەن عىلىم - تەحنيكا قىزمەتكەرلەرىنىڭ وزات تيپتەرى. ولاردىڭ كەيبىرەۋى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ ءبىرىنشى شەبىنە بەلسەنە ات سالىستى، ولىمنەن تايسالماي ۆيرۋسقا توسقاۋىلداپ سوققى بەرۋدىڭ قۇرىش قورعانىن سوقتى؛ كەيبىرەۋى كەدەيلىكتەن ارىلتۋدان قامال الۋدىڭ ءبىرىنشى شەبىنە تامىر تارتىپ، ديسسەرتاتسيانى وتانىمىزدىڭ بايتاق دالاسىنا جازدى؛ كەيبىرەۋى العان بەتتەن قايتپاي دەربەس جاڭالىق جاراتىپ، وزەكتى تەحنيكانى ءوز قولىمىزدا بەرىك ۇستاۋعا ۇلەس قوستى؛ كەيبىرەۋى عىلىم – تەحنيكا مەن ەكونوميكانىڭ تىعىز ۇشتاسۋىن بەلسەنە جەبەدى، عىلىم - تەحنيكا ارقىلى حالىق تۇرمىسىنا قىزمەت وتەدى... ولار − جۇڭگو عىلىم - تەحنيكا قىزمەتكەرلەرىنىڭ تاڭداۋلى ۋاكىلدەرى. ولار مەملەكەتتى قۇدىرەتتەندىرۋدى، ۇلتتى گۇلدەندىرۋدى، حالىقتى باقىتقا كەنەلتۋدى ءوز مىندەتى ەتتى، جاۋاپكەرلىك، قايسارلىق جانە مىندەت ارقالاۋ ارقىلى جاڭالىق جاراتۋ، ۇلەس قوسۋ حيكايالارىن ءبىر – بىرلەپ جازدى. ولار ءىس جۇزىندىك ارەكەتتەرى ارقىلى جۇڭحۋا ۇلتى ۇلى رۋحىنىڭ شىنايى ءمانىن جاندى ءتۇسىندىردى، جاڭا داۋىردەگى عالىمداردىڭ رۋحىن پارمەندى ساۋلەلەندىردى، جۇڭگو عىلىم - تەحنيكا قىزمەتكەرلەرىنىڭ تاماشا رۋحاني بەت - بەينەسىن ايگىلەدى.جاريالاۋ سالتى ورتالىق راديو - تەلەۆيزيا باس ستانسياسىندا وتكىزىلدى، ناق مايداندا «ەڭ تاڭداۋلى عىلىم - تەحنيكا قىزمەتكەرلەرىنىڭ» ىزگى ىستەرى جونىندەگى قىسقا كەسكىن فيلمى قويىلىپ، تۇرلىشە تۇرعىدان تىلشىلىك ىستەۋ ارقىلى ولاردىڭ قىزمەت، تۇرمىس اسەرى باياندالدى. ۇيىمداستىرۋشى ورىندارداعى جاۋاپتى جولداستار ولارعا «ەڭ تاڭداۋلى عىلىم - تەحنيكا قىزمەتكەرى» كۋالىگىن تاراتتى.
«ەڭ تاڭداۋلى عىلىم - تەحنيكا قىزمەتكەرلەرىنەن» ۇيرەنۋ، ۇگىتتەۋ قيمىلى 2018 - جىلدان بەرى ءۇرتىس 3 كەزەك وتكىزىلدى، ءار جىلى 10 وزات جەكە تاڭدالىپ، بۇكىل قوعامدا ەڭبەككە، بىلىمگە، دارىندىلارعا، جاسامپازدىققا قۇرمەت ەتەتىن قويۋ راي قالىپتاستىرىلدى، قالىڭ عىلىم - تەحنيكا قىزمەتكەرلەرى «ەڭ تاڭداۋلى عىلىم - تەحنيكا قىزمەتكەرلەرىن» ۇلگى ەتىپ، عىلىم - تەحنيكا ارقىلى وتان ءۇمىتىن اقتاۋ، حالىق ءۇشىن قىزمەت ىستەۋ اۋەلگى ماقساتىن ەستە بەرىك ساقتاپ، عالىمداردىڭ رۋحىن زور كۇشپەن ساۋلەلەندىرىپ، جاڭالىق اشۋ سەنىمىن بەكەمدەپ، رۋحاني الاۋدى كۇش جالعاپ الىپ ءجۇرىپ، جەكە مۇراتتى سانالى تۇردە مەملەكەتتىڭ دامۋ ۇلى ىسىمەن توعىستىرىپ، دۇنيە جۇزىندەگى عىلىم - تەحنيكادا قۇدىرەتتى ەل قۇرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قۇدىرەتتى كۇشىن ۇيىستىرۋعا شابىتتاندىرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
