شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى
2020.12.29 17:07 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 28 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 28 - كۇنى كەشتە رەسەيدىڭ زۇڭتۇڭى پۋتينمەن تەلەفوندا سويلەستى.
ەكى ەل باسشىلارى ءبىر - بىرىنە جاڭا جىل قۇتتى بولسىن ايتتى ءارى جۇڭگو، رەسەي حالىقتارىنىڭ جاڭا جىلدارىنىڭ كوڭىلدى بولۋىن تىلەدى.
شي جينپيڭ بىلاي دەپ اتاپ كورسەتتى: 2020 - جىل جۇڭگو مەن رەسەي جانە بۇكىل دۇنيە ءجۇزى جونىنەن ەرەكشە ءبىر جىل بولدى. جاڭا تيپتى ايدارشا ۆيرۋس وكپە قابىنۋ ىندەتىنىڭ كەڭ كولەمدە تارالۋى ادامزاتتىڭ باس اماندىعىنا بۇرىن بولىپ كورمەگەن سايىس تۋدىرىپ، دۇنيە ءجۇزى ەكونوميكاسىنا اۋىر سوققى بەردى، دۇنيە ءجۇزى اۋمالى – توكپەلى وزگەرىس كەزەڭىنە ءوتتى. ناعىز التىن وتتان قايتپايدى. قيىن - قىستاۋ ساتتە جۇڭگو - رەسەي قاتىناسىنىڭ وزگەشە ابزالدىعى مەن باعالى قۇنى بارعان سايىن كورنەكتىلەندى. ەكى جاق ءبىر - بىرىنە قارايلاسىپ، قيىنشىلىقتاردى بىرگە جەڭىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى ۇزدىكسىز باتىل قولداپ، ەكى ەلدىڭ جوعارى دەڭگەيدەگى ءوزارا سەنىمدىلىگى مەن دوستىعىن ايگىلەدى. ەكى ەل حالىقارالىق ىندەتكە قارسى اتتانۋ سەلبەستىگىنە بەلسەنە جەتەكشىلىك ەتىپ، «ءبىر بەلدەۋ، ءبىر جولدى» بىرگە قۇرۋدى ەۆروپا - ازيا ەكونوميكالىق وداعىمەن ۇشتاستىرۋدى ءساتتى ىلگەرىلەتىپ، دۇنيە جۇزىلىك فاشيزمگە قارسى سوعىستىڭ جەڭىسىن جانە ب م ۇ قۇرىلعانىنىڭ 75 جىلدىعىن بىرگە قۇتتىقتاپ، 20 ەل توبى، شاڭحاي سەلبەستىك ۇيىمى، تەبىندى ەلدەر سياقتى كوپ جاقتى جۇلگەدە ماڭىزدى جەتەكشىلىك رول اتقارىپ، حالىقارالىق ادىلدىك پەن ادىلەتتىلىكتى قورعاۋدىڭ، كوپ جاقتىلىقتى امالياتتا ايگىلەۋدىڭ تىرەگىنە اينالدى.
شي جينپيڭ مىنالاردى دارىپتەدى: «جۇڭگو - رەسەي تاتۋ كورشىلىك، دوستىق سەلبەستىك شارتىندا» بەلگىلەنگەن ۇرپاقتان - ۇرپاققا جالعاسقان دوستىق ۇستانىمى مەن جاڭاشا حالىقارالىق قاتىناس پرينسيبى − حالىقارالىق قاتىناس تاريحىنداعى ءبىر ۇلكەن باستاما، ونىڭ قۇدىرەتتى ومىرشەڭدىك كۇشى مەن ۇلگىلىك اسەرى قازىرگى حالىقارالىق جاعدايدا ۇزدىكسىز كورنەكتىلەنەدى. ەكى جاق كەلەر جىلى شارتقا قول قويىلعانىنىڭ 20 جىلدىعىن قۇتتىقتاۋدى وراي ەتىپ، ەكى جاقتىڭ سەلبەستىگىن اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا ىلگەرىلەتۋى كەرەك. جۇڭگو جاڭا دامۋ جاعدايىن بەلسەنە قالىپتاستىرىپ، رەفورما جاساپ، ەسىك اشۋدى اناعۇرلىم جوعارى باستامادا ىلگەرىلەتىپ، جۇڭگو مەن رەسەيدىڭ سەلبەستىگىنە اناعۇرلىم كەڭ دامۋ ورايىن ازىرلەيدى. ەكى جاق دامۋ ستراتەگياسىن ۇشتاستىرۋدى كۇشەيتىپ، سەلبەستىكتىڭ جاڭا قالىبىن، جاڭا قوزعاۋشى كۇشىن زورايتىپ، جۇڭگو مەن رەسەيدىڭ عىلىم - تەحنيكادا جاڭالىق اشۋ جىلىن ۇزدىكسىز ويداعىداي وتكىزىپ، ەكى ەلدىڭ عىلىم - تەحنيكا سالاسىنىڭ، كاسىپ سالاسىنىڭ جان - جاقتى اۋىس - كۇيىس سەلبەستىگىن ىلگەرىلەتىپ، ەكى ەل ەكونوميكاسىنىڭ ساپالى دامۋىنا اناعۇرلىم ويداعىداي دەم بەرۋى كەرەك.شي جينپيڭ مىنانى دارىپتەدى: جۇڭگو - رەسەي قاتىناسى قۇدىرەتتى ىشكى قوزعاۋشى كۇشكە جانە دەربەس قۇنعا يە، حالىقارالىق اۋمالى - توكپەلى جاعدايدىڭ ىقپالىنا ۇشىرامايدى، باسقا ءارقانداي فاكتوردىڭ كەدەرگىسىنە ۇشىرامايدى. جۇڭگو مەن رەسەي ستراتەگيالىق سەلبەستىكتى كۇشەيتىپ، ەكى ەلدى قىسىممەن بولشەكتەۋگە ءونىمدى توتەپ بەرە الادى ءارى حالىقارالىق ادىلدىك پەن ادىلەتتىلىكتى قورعاۋعا بەرىك قالىتقى قالىپتاستىرادى. جۇڭگو رەسەيمەن بىرگە جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قاتىناسىن تاباندىلىقپەن دامىتىپ، ءوز ەلدەرىنىڭ دامۋىن، گۇلدەنۋىن جۇزەگە اسىرىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايدى.
پۋتين مىنالاردى ءبىلدىردى: بيىل جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعانىمەن، رەسەي - جۇڭگو قاتىناسى ورنىقتى دامىدى، ەكى جاق ىندەتكە قارسى اتتانۋ جاعىندا ءبىر – بىرىنە قولداۋ كورسەتتى، ەكونوميكا - ساۋدا، ەنەرگيا، عىلىم - تەحنيكا سياقتى سالالارداعى سەلبەستىك ۇزدىكسىز ىلگەرىلەتىلدى. كەلەر جىلى ەكى جاق «رەسەي - جۇڭگو تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعىن بىرگە قۇتتىقتايدى، بۇل − رەسەي - جۇڭگو قاتىناسى تاريحىنداعى ماڭىزدى بەلەس. رەسەي رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ جوعارى دەڭگەيدە دامۋىن ىلگەرىلەتۋگە بۇلجىماي كۇش سالادى. مەن سىزبەن بىرگە ستراتەگيالىق جەتەكشىلىك رولىمدى ۇزدىكسىز ساۋلەلەندىرىپ، رەسەي - جۇڭگو قاتىناسىنىڭ جاڭا جىلدا تىڭ دامۋعا قول جەتكىزۋىنە كەپىلدىك ەتۋدى قالايمىن. رەسەي جۇڭگومەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى ۇزدىكسىز باتىل قولداپ، حالىقارالىق ىستەردەگى ستراتەگيالىق سايكەسۋ مەن سەلبەستىكتى نىعايتىپ، دۇنيە ءجۇزىنىڭ ستراتەگيالىق ورنىقتىلىعىن قورعاۋعا ۇلەس قوسۋدى قالايدى.ەكى ەلدىڭ مەملەكەت باسشىلارى ءتۇرلى تاسىلدەرمەن ۇنەمىلىك قاتىناس جاساپ وتىرۋعا ماقۇل بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
