لي كىچياڭ الجيريانىڭ زۇڭليى دجەرادپەن تەلەفوندا سويلەستى
2020.12.29 17:09 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 28 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 28 - كۇنى تۇستەن كەيىن ۋادە بويىنشا الجيريانىڭ زۇڭليى دجەرادپەن تەلەفوندا سويلەستى.
لي كىچياڭ مىنالاردى ءبلدىردى: قازىر جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە جۇزىندە ءالى دە كەڭىنەن تارالۋدا. ادامزات ءدوپ كەلىپ وتىرعان ورتاق سايىس الدىندا ەشكىم قاعىس قالمايدى، حالىقتىڭ دەنساۋلىعى مەن باس اماندىعىن قامتاماسىزداندىرۋدان ماڭىزدى ەشتەڭە دە جوق. ءار ەلدىڭ شىنايى ىنتىماقتاسىپ، تار جول، تايعاق كەشۋلەردەن بىرگە ءوتۋى − سىن - سايىسقا توتەپ بەرۋدىڭ نەگىزگى شارتى، ۆاكسينا − ىندەتتى جەڭۋدىڭ «التىن كىلتى». جۇڭگو ۆاكسينا سالاسىندا ءار ەلمەن سەلبەستىكتى كۇشەيتىپ، ۆاكسينانىڭ دۇنيە جۇزىندەگى ەلدەرگە تولىق جەتۋىن جانە قول جەتىمدى بولۋىن جۇزەگە اسىرۋعا، حالىقتىڭ باس اماندىعى مەن دەنساۋلىعىن قامتاماسىز ەتۋگە ۇلەس قوسۋعا پەيىل.
لي كىچياڭ مىنانى دارىپتەدى: جۇڭگو الجيريامەن جالپى بەتتىك ستراتەگيالىق سەرىكتەستىك قاتىناستى دامىتۋعا ايرىقشا ءمان بەرەدى، الجيريامەن ستراتەگيالىق ءوزارا سەنىمدىلىكتى كۇشەيتىپ، ناقتى سەلبەستىكتى تەرەڭدەتىپ، جوبالانعان ءىرى نىساندار قۇرىلىسىن ىلگەرىلەتىپ، ءوزارا پايدا جەتكىزىپ، تەڭ يگىلىككە كەنەلۋدى اناعۇرلىم ويداعىداي جۇزەگە اسىرىپ، ەكى ەل حالىقتارىنا باقىت جاراتۋدى قالايدى.
دجەراد مىنالاردى ءبىلدىردى: جۇڭگو − الجيريانىڭ ۇلى دوسى. الجيريا الجيريا - جۇڭگو قاتىناسىنىڭ قارىشتاپ دامىپ وتىرعانىنا توتەنشە رازى. الجيريا جۇڭگومەن 2 – رەتكى 5 جىلدىق جالپى بەتتىك سەلبەستىك جوسپارىن جاساپ، ءىرى نىساندار سەلبەستىگىن ىلگەرىلەتىپ، ەكى ەلدىڭ جان - جاقتى ستراتەگيالىق سەرىكتەستىك قاتىناسىنىڭ ىشكەرىلەي دامۋىن ىلگەرىلەتۋدى قالايدى. جۇڭگونىڭ الجيريانىڭ ىندەتكە قارسى اتتانۋىنا قولداۋ كورسەتكەنىنە جانە كومەكتەسكەنىنە العىس ايتادى، جۇڭگومەن ۆاكسينا سەلبەستىگىن كۇشەيتۋدى قالايدى.
مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ سويلەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
