شي جينپيڭ ورتالىقتىڭ اۋىل - قىستاق قىزمەتى ماجىلىسىندە مىنانى دارىپتەدى
2020.12.30 16:41 كەلۋ قاينارى : حالىق تورابى
شي جينپيڭ ورتالىقتىڭ اۋىل - قىستاق قىزمەتى ماجىلىسىندە مىنانى دارىپتەدى
اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، اۋىل شارۋاشىلىعىنىڭ ساپالى، جوعارى ءونىمدى دامۋىن، اۋىل - قىستاقتىڭ قونىستانۋعا، كاسىپپەن شۇعىلدانۋعا قولايلى بولۋىن، شارۋالاردىڭ باياشات تۇرمىس كەشىرۋىن جەبەۋ كەرەك
لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى
شينحۋا اگەنتتىگى، 12 - ايدىڭ 29 - كۇنى، بەيجيڭ. ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 28 - كۇنىنەن 29 - كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ مىنالاردى دارىپتەدى: ەكىنشى 100 جىلدىق كۇرەس نىساناسىنا قاراي قادام تاستاعان تاريحي كەزەڭدە كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ − بۇكىل پارتيا ايرىقشا ءمان بەرۋگە ءتيىستى، جالپى جاعدايعا ساياتىن كەلەلى ماسەلە. بۇكىل پارتيا، ءسوز جوق، جاڭا دامۋ ساتىسىندا اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرىپ، اۋىل - قىستاقتىڭ گۇلدەنۋىن ىلگەرىلەتىپ، اۋىل شارۋاشىلىعىنىڭ ساپالى، جوعارى ءونىمدى دامۋىن، اۋىل - قىستاقتىڭ قونىستانۋعا، كاسىپپەن شۇعىلدانۋعا قولايلى بولۋىن، شارۋالاردىڭ باياشات تۇرمىس كەشىرۋىن جەبەۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ءماجىلىستى باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
شي جينپيڭ سوزىندە بىلاي دەپ اتاپ كورسەتتى: پارتيامىز قۇرىلعاننان كەيىن جۇڭگو توڭكەرىسىنىڭ نەگىزگى ماسەلەسى شارۋالار ماسەلەسى ەكەنىن تولىق تانىپ، قالىڭ شارۋالاردىڭ باقىتىن كوزدەۋدى ماڭىزدى بورىشى ەتتى. رەفورما جاساپ، ەسىك اشقاننان بەرى پارتيامىز شارۋالارعا باسشىلىق ەتىپ، رەفورمانىڭ شىمىلدىعىن الدىمەن اشىپ، اۋىل - قىستاقتىڭ قوعامدىق وندىرگىش كۇشتەرىن ۇزدىكسىز ازات ەتىپ جانە دامىتىپ، اۋىل - قىستاقتىڭ جاپپاي العا باسۋىن ىلگەرىلەتتى. پارتيانىڭ 18 - قۇرىلتايىنان بەرى پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام قۇرۋدىڭ بوگەنايلىق ينجەنەرياسى ەتىپ، ادامزات تاريحىنداعى كولەمى بۇرىن بولىپ كورمەگەن، سەرپىنى ەڭ زور، حالىققا ەڭ كوپ يگىلىك جەتكىزەتىن كەدەيلىكتەن ارىلتۋدان قامال الۋ شايقاسىن ۇيىمداستىرىپ، ىلگەرىلەتىپ، اۋىل - قىستاقتى گۇلدەندىرۋ ستراتەگياسىن باستاپ اتقارىپ، اۋىل شارۋاشىلىعىندا، اۋىل - قىستاقتا تاريحي تابىسقا قول جەتكىزۋدى، تاريحي وزگەرىس تۋدىرۋدى ىلگەرىلەتتى. اۋىل شارۋاشىلىعىنىڭ جالپىلىق ءوندىرىس قۋاتى جوعارى ساتىعا كوتەرىلىپ، شارۋالاردىڭ كىرىسى 2010 - جىلداعىدان ەكى ەسەلەنىپ، اۋىل - قىستاقتاعى حالىقتىڭ تۇرمىسى كورنەكتى جاقسارىپ، اۋىل - قىستاقتىڭ بەت - بەينەسى شىت جاڭا تۇسكە ەندى. كەدەي رايونداردا وراسان زور وزگەرىستەر تۋىلىپ، جۇڭحۋا ۇلتىن نەشە مىڭ جىل مازالاعان مۇلدەم كەدەيلىك ماسەلەسىن شەشۋدە تاريحي تابىستارعا قول جەتىپ، جاپپاي دوڭگەلەك داۋلەتتى قوعام قۇرۋعا كەلەلى ۇلەس قوسىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك نەگىز قالاندى.
شي جينپيڭ مىنالاردى دارىپتەدى: جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدان قاراعاندا، ۇلتتى گۇلدەندىرۋ ءۇشىن، اۋىل - قىستاقتى، ءسوز جوق، گۇلدەندىرۋ كەرەك. دۇنيە جۇزىندە ءجۇز جىلدان بەرى بولماعان زور وزگەرىس جاعدايىنان قاراعاندا، اۋىل شارۋاشىلىعىنىڭ نەگىزگى جاعدايىن ورنىقتىرۋ، اۋىل شارۋاشىلىعى، اۋىل - قىستاق، شارۋالار نەگىزىن ويداعىداي ساقتاۋ وزگەرىسكە توتەپ بەرىپ، جاڭا جاعداي اشۋدىڭ «ورنىقتىرعىشى» بولىپ تابىلادى. جاڭا دامۋ جاعدايىن قالىپتاستىرىپ، ستراتەگيالىق نەگىزگى ءتۇيىندى ىشكى سۇرانىمدى ۇلعايتۋعا اۋدارساق، اۋىل - قىستاقتا وراسان زور كەڭىستىك قالىپتاسادى، ءىرى ىستەردى تىندىرۋعا بولادى.
شي جينپيڭ بىلاي دەپ اتاپ كورسەتتى: تاريح پەن رەالدىق بىزگە اۋىل شارۋاشىلىعى مەملەكەتتىڭ نەگىزى ەكەنىن، نەگىز بەكەم بولسا، مەملەكەتتىڭ تىنىش، ورنىقتى بولاتىنىن ۇعىندىردى. ءبىز اۋىل شارۋاشىلىعى، اۋىل - قىستاق، شارۋالار ماسەلەسىنە زور تاريحي كوزقاراسپەن قاراۋدا تاباندى بولۋىمىز كەرەك، اۋىل شارۋاشىلىعى، اۋىل - قىستاق، شارۋالار ماسەلەسىن تەرەڭ تۇسىنگەندە عانا، پارتيامىزدى، مەملەكەتىمىزدى، ۇلتىمىزدى اناعۇرلىم جاقسى تۇسىنۋگە بولادى. جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا ەكەنىن، ەڭ كەڭ كولەمدى، ەڭ تەرەڭ نەگىزى ءالى دە اۋىل - قىستاقتا ەكەنىن كورە ءبىلۋىمىز كەرەك.
شي جينپيڭ مىنالاردى دارىپتەدى: كەدەيلىكتەن ارىلتۋدان قامال الۋدا جەڭىسكە جەتكەننەن كەيىن اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك، بۇل − اۋىل شارۋاشىلىعى، اۋىل - قىستاق، شارۋالار قىزمەتىن ماڭىزدى ءتۇيىن ساناۋداعى تاريحي بۇرىلىس. كەدەيلىكتەن ارىلتۋدان قامال الۋدىڭ جەتىستىكتەرىن باتىل ساقتاپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، قىزمەتتە بوس ورىن قالدىرماۋ، ساياساتتا اقتاڭداق قالدىرماۋ كەرەك. قايتا كەدەيلەسۋدىڭ اۋقىمدىق باقىلاۋ - تەكسەرۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرىپ، وڭاي قايتا كەدەيلەسەتىن كەدەيلەرگە ۇنەمىلىك باقىلاۋ - تەكسەرۋ جۇرگىزىپ، كىرىس دەڭگەيىندەگى وزگەرىستەردى جانە «ەكىدەن تارىقتىرماۋ، ءۇشتى قامتاماسىز ەتۋدىڭ» بەكەمدەلۋ جاعدايىن ءتۇيىندى تۇردە باقىلاپ - تەكسەرىپ، ۇزدىكسىز دالمە - ءدال شارا قولدانۋ كەرەك. كەدەيلىكتەن ارىلعان وڭىرلەردە كاسىپ سالاسى بويىنشا كومەكتەسۋدى ۇزدىكسىز جالعاستىرىپ، تەحنيكا، قۇرىلعى، تيجارات سياقتى ولقىلىقتاردى تولىقتاپ، كاسىپ سالاسى دەڭگەيىنىڭ، دارەجەسىنىڭ جوعارىلاۋىن جەبەۋ كەرەك. قونىس جاڭالاۋدان كەيىنگى سۇيەمەلدەۋدى كۇشەيتىپ، جۇمىسقا ورنالاستىرۋدى كوپ ارنامەن جەبەپ، سايكەستى نەگىزدىك قۇرىلعىلار مەن الەۋمەتتىك قىزمەت كورسەتۋدى كۇشەيتىپ، قوعامدىق باسقارۋدى ويداعىداي جۇرگىزىپ، كوشىرىلگەن بۇقارانىڭ تۇراقتاپ تۇرۋىنا، جۇمىسقا ورنالاسۋىنا، بىرتىندەپ اۋقاتتانۋىنا كەپىلدىك ەتۋ كەرەك. پارتيا ورتالىق كوميتەتى كەدەيلىكتەن ارىلتۋدان قامال الۋدىڭ نىسانالىق مىندەتتەرى ورىندالعاننان كەيىن كەدەيلىكتەن ارىلعان اۋداندارعا قاراتا كەدەيلىكتەن ارىلعان كۇننەن باستاپ 5 جىلدىق وتپەلى كەزەڭ بەلگىلەۋدى ۇيعاردى. وتپەلى مەزگىلدە نەگىزگى سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاۋ كەرەك. قازىرگى كەدەيلەردى سۇيەمەلدەۋ ساياساتتارىنا تۇرلەر بويىنشا رەتتەۋ جۇرگىزىپ، رەتتەۋ ريتىمىن، تەبىنىن، ۋاقىت شەگىن ۇيلەسىمدى يگەرىپ، بايلىقتى شوعىرلاندىرىپ كەدەيلىكتەن ارىلتۋدان قامال الۋدى قولداۋدان اۋىل - قىستاقتى گۇلدەندىرۋدى جاپپاي ىلگەرىلەتۋگە قاراي ورنىقتى ءوتۋدى بىرتىندەپ جۇزەگە اسىرۋ كەرەك.
شي جينپيڭ مىنالاردى اتاپ كورسەتتى: استىق حاۋىپسىزدىگىنىڭ ىرىقتىلىق ۇقىعىن مىقتاپ مەڭگەرۋ، استىق ءوندىرىسىن جىل سايىن مىقتى يگەرۋ كەرەك. ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاپ، ەڭ قاتاڭ شارالاردى قولدانىپ، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرۋ كەرەك. جوعارى ولشەمدى ەگىس اتىزدارىن قۇرىپ، قۋاڭشىلىق پەن سەل اپاتىنا توتەپ بەرۋدى، جوعارى ءونىمدى، ورنىقتى ءونىم الۋدى شىن مانىندە جۇزەگە اسىرۋ كەرەك. قارا توپىراقتى قورعاۋدى ءىرى ءىس رەتىندە يگەرىپ، قارا توپىراقتان ويداعىداي پايدالانۋ كەرەك. اۋىل شارۋاشىلىق عىلىم - تەحنيكاسىندا ءوز كۇشىنە سۇيەنىپ الۋەتتەنۋدە تاباندى بولىپ، اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى جەدەل ىلگەرىلەتۋ كەرەك. شارۋالاردىڭ استىق ەگۋ بەلسەندىلىگىن جۇمىلدىرىپ، استىق ەگەتىن ەگىنشىلەرگە بەرىلەتىن قوسىمشا قاراجاتتى ورنىقتىرىپ جانە نىعايتىپ، ساتىپ الۋ، ساقتاۋ، تىزگىندەۋ قابىلەتىن جوعارىلاتىپ، ەڭ تومەنگى ساتىپ الۋ باعاسى ساياساتىن كەمەلدەندىرۋدە تاباندى بولىپ، تولىق وزىندىك قۇن مەن كىرىستى قامسىزداندىرۋ كولەمىن كەڭەيتۋ كەرەك. جەرگىلىكتى ءار دارەجەلى پارتكومدار مەن ۇكىمەتتەر استىق حاۋىپسىزدىگىنىڭ ساياسي جاۋاپكەرلىگىن ارقالاپ، پارتيا مەن ۇكىمەت بىردەي جاۋاپكەرلىك ارقالاۋى، «استىق داعارىنا» ولكە باستىعى جاۋاپتى بولۋى، شۋجي دە جاۋاپتى بولۋى كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، ءونىم ءتۇرىن ساپالىلاندىرۋدى، ساپاسىن جوعارىلاتۋدى، ايگىلى ماركا جاراتۋدى جانە ولشەمدەندىرىپ ءوندىرۋدى ىلگەرىلەتۋ كەرەك. شوشقا ءوندىرىسىن قالپىنا كەلتىرۋدى ۇزدىكسىز ويداعىداي يگەرىپ، كاسىپ سالاسىنىڭ ورنىقتى دامۋىن جەبەۋ كەرەك. كاسىپورىنداردىڭ شەتەلگە بەت الۋىن قولداۋ كەرەك. اس - سۋ ىسىراپشىلدىعىنا تاباندىلىقپەن تيىم سالۋ كەرەك.
شي جينپيڭ مىنالاردى دارىپتەدى: اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ءسوز جوق، جوعارى دەڭگەيدە جوبالاۋدى كۇشەيتىپ، اناعۇرلىم پارمەندى شارالار ارقىلى، اناعۇرلىم قۇدىرەتتى كۇش توپتاۋ ارقىلى ىلگەرىلەتۋ كەرەك. ءبىرىنشى، اۋىل - قىستاق كاسىپ سالاسىن جەدەل دامىتىپ، كاسىپ سالاسىنىڭ دامۋ زاڭدىلىعىنا سايكەسىپ، جەرگىلىكتى ورىننىڭ ەرەكشە بايلىعىن تياناق ەتىپ، اۋىل - قىستاقتىڭ كاسىپ سالاسىنىڭ دامۋىن، زورايۋىن ىلگەرىلەتىپ، كاسىپ سالاسىنىڭ ورنالاسۋىن ساپالىلاندىرىپ، مۇددەنى بايلانىستىرۋ مەحانيزمىن كەمەلدەندىرىپ، شارۋالاردىڭ كاسىپ سالاسىنىڭ ارتقان قۇن پايداسىنان اناعۇرلىم كوپتەپ يگىلىكتەنۋىنە مۇمكىندىك جاساۋ كەرەك. ەكىنشى، سوتسياليستىك رۋحاني وركەنيەت قۇرىلىسىن كۇشەيتىپ، اۋىل - قىستاقتىڭ يدەيا - ءمورال قۇرىلىسىن كۇشەيتىپ، سوتسياليستىك وزەكتى قۇن كوزقاراسىن ساۋلەلەندىرىپ جانە امالياتتا ايگىلەپ، عىلمي بىلىمدەردى جالپىلاستىرىپ، اۋىل - قىستاقتىڭ سالت - ساناسىن وزگەرتۋدى ىلگەرىلەتىپ، وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن قالىپتاستىرۋدى ىلگەرىلەتۋ كەرەك. ءۇشىنشى، اۋىل - قىستاقتىڭ ەكولوگيالىق وركەنيەت قۇرىلىسىن كۇشەيتىپ، ستراتەگيالىق تۇراقتىلىقتى ساقتاپ، شەگە قاعۋ رۋحىمەن اۋىل شارۋاشىلىعىنىڭ بەتتىك لاستانۋىنان ساقتانۋدى جانە ونى جونگە سالۋدى ىلگەرىلەتىپ، توپىراقتىڭ لاستانۋى، جەر استى سۋىنىڭ قالىپتان تىس جينالۋى، توپىراقتىڭ شايىلۋى سياقتىلاردى جونگە سالۋدى جانە قالپىنا كەلتىرۋدى كۇشەيتۋ كەرەك. ءتورتىنشى، اۋىل - قىستاق رەفورماسىن تەرەڭدەتىپ، اۋىل - قىستاقتاعى ءتۇيىندى سالالار مەن شەشۋشى بۋىندار رەفورماسىن جەدەل ىلگەرىلەتىپ، اۋىل - قىستاق بايلىق فاكتورلارىنىڭ ومىرشەڭدىك كۇشىن تاسقىنداتىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، نەگىزگى ساتى مەن بۇقارانىڭ جاسامپازدىعىنا قۇرمەت ەتىپ، رەفورمادا ۇزدىكسىز تىڭ تابىستارعا قول جەتكىزۋدى ىلگەرىلەتۋ كەرەك. بەسىنشى، اۋىل - قىستاق قۇرىلىسى ارەكەتىن اتقارىپ، الەۋمەتتىك نەگىزدىك قۇرىلعىلار قۇرىلىسىنىڭ ءتۇيىنىن اۋىل - قىستاققا ۇزدىكسىز اۋدارىپ، قالا مەن اۋىلدىڭ نەگىزگى الەۋمەتتىك قىزمەت وتەۋىن بىركەلكىلەندىرۋدى ىلگەرىلەتۋگە ۇزدىكسىز كۇش سالىپ، جالپىعا ءتيىمدى، ەڭ تومەنگى شەكتەن تۇسىرمەيتىن، نەگىزدىك حالىق تۇرمىسى قۇرىلىسىن كۇشەيتۋگە ءمان بەرۋ كەرەك. اۋىل - قىستاقتىڭ قونىس ورتاسىن رەتتەۋ - وڭاۋ، دەڭگەيىن جوعارىلاتۋ ارەكەتىن ۇزدىكسىز ىلگەرىلەتىپ، دارەتحانانى جاڭالاۋ مەن لاس سۋدى، قوقىر - قوقسىقتى ءبىر جاقتى ەتۋدى ءتۇيىندى تۇردە ويداعىداي يگەرۋ كەرەك. قىستاقتاردىڭ ورنالاسۋىن تۇرگە ايىرۋدى ۇيلەسىمدى تۇراقتاندىرىپ، ءداستۇرلى قىستاقتار مەن اۋىل - قىستاقتىڭ ەرەكشە بەت - بەينەسىن قورعاۋعا ءمان بەرىپ، تۇرلەر بويىنشا جەتەكشىلىك ەتۋدى كۇشەيتۋ كەرەك. التىنشى، قالا مەن اۋىلدىڭ توعىسپالى دامۋىندا ناقتى ونىمدىلىككە قول جەتكىزۋدى ىلگەرىلەتىپ، قالا مەن اۋىلدىڭ توعىسپالى دامۋ ءتۇزىلىس، مەحانيزمىن اقاۋسىزداندىرىپ، اۋىل شارۋاشىلىعىنان اۋىسقان حالىقتىڭ قالا تۇرعىنىنا اينالۋىن جەبەۋ كەرەك. اۋداندى قالا مەن اۋىلدىڭ توعىسپالى دامۋىنىڭ ماڭىزدى كىرىسۋ ءتۇيىنى ەتىپ، اۋدان دارەجەلى ءتىپتى دە كوپ بايلىقتى بىرىكتىرىپ ىستەتۋدە ءوزىن - ءوزى باسقارۋ ۇقىعىن بەرىپ، اۋدان ورتالىعىنىڭ جالپىلىق قىزمەت وتەۋ قۋاتىن كۇشەيتۋ كەرەك. جەتىنشى، اۋىل - قىستاقتى جونگە سالۋدى كۇشەيتىپ جانە جاقسارتىپ، پارتيا ۇيىمى باسشىلىق ەتەتىن اۋىل - قىستاقتى جونگە سالۋ جۇيەسىن جەدەل ورناتىپ، تىنىش اۋىل - قىستاق قۇرىلىسىن ىشكەرىلەي ىلگەرىلەتىپ، اۋىل - قىستاقتى جونگە سالۋ تاسىلىندە جاڭالىق اشىپ، اۋىل - قىستاقتى ويداعىداي جونگە سالۋ دەڭگەيىن جوعارىلاتۋ كەرەك.
شي جينپيڭ مىنالاردى اتاپ كورسەتتى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىق ەتۋىن كۇشەيتۋ كەرەك. ءار دارەجەلى پارتكومدار ساياسي جاۋاپكەرلىكتى ارقالاپ، اۋىل شارۋاشىلىعىن، اۋىل - قىستاقتى الدىمەن دامىتۋ باعىتىن تياناقتاندىرىپ، اۋىل - قىستاقتى گۇلدەندىرۋدى اناعۇرلىم زور تەبىنمەن ىلگەرىلەتۋى كەرەك. اۋداندىق پارتكومنىڭ شۋجيى نەگىزگى زەيىن - زەردەسىن اۋىل شارۋاشىلىعى، اۋىل - قىستاق، شارۋالار قىزمەتىنە اۋدارىپ، اۋىل - قىستاقتى كوركەيتۋدىڭ «ءبىرىنشى شەبىندەگى باس قولباسشىسى» بولۋى كەرەك. اۋىل - قالاشىق باسشىلىق القاسىنىڭ، قىستاق «ەكى كوميتەتىنىڭ» مۇشەلەرىن، اسىرەسە، قىستاق پارتيا ياچەيكاسىنىڭ شۋجيىن تاڭداۋلىلاردان، مىقتىلاردان ىرىكتەپ قويۋ كەرەك. نەگىزگى ساتىنى يگەرۋ، نەگىزدى كۇشەيتۋ، نەگىزدى بەكەمدەۋ قىزمەت بەتالىسىن كورنەكتىلەندىرىپ، ءتۇرلى بايلىقتىڭ نەگىزگى ساتىعا قاراي ويىسۋىن ىلگەرىلەتىپ، نەگىزگى ساتىنىڭ ءىس تىندىرىپ، يگىلىك جاراتۋىنا ءتىپتى دە جاقسى شارت - جاعداي ازىرلەۋ كەرەك. اۋىل - قىستاقتى كوركەيتۋدە ساياسيدا تاباندى، قابىلەتى مىعىم، ستيلدە ىسىلعان كادرلار قوسىنىن قۇرىپ، ءبىر توپ تاڭداۋلى كادردى اۋىل - قىستاقتى كوركەيتۋدىڭ ءبىرىنشى شەبىندەگى قىزمەت ورىندارىنا تاڭداپ جىبەرىپ، اۋىل - قىستاقتى گۇلدەندىرۋدى كادرلاردى باۋلۋدىڭ، شىنىقتىرۋدىڭ كەڭ ساحناسى ەتۋ كەرەك. ءتۇرلى دارىندىلاردى اۋىل - قىستاقتى گۇلدەندىرۋ بارىسىندا ۇلەس قوسۋعا، يگىلىك جاراتۋعا باۋراپ، قالىڭ شارۋالار بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋ كەرەك.
لي كىچياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيانىڭ 18 - قۇرىلتايىنان بەرى ەلىمىزدىڭ اۋىل شارۋاشىلىعى مەن اۋىل - قىستاعىنىڭ دامۋىندا قول جەتكەن تاريحي تابىستار، تۋىلعان تاريحي وزگەرىستەر جاپپاي قورىتىندىلانىپ، جاپپاي سوتسياليستىك وسىزاماندانعان مەملەكەت قۇرۋ جالپى جاعدايى شىعار ءتۇيىن ەتىلىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ كەلەلى ماڭىزى، جەتەكشى يدەياسى، جالپى تۇلعالىق تالابى تەرەڭ پايىمدالىپ، جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ءبىرقىدىرۋ كەلەلى نازاريالىق جانە امالياتتىق ماسەلەسىنە عىلمي جاۋاپ بەرىلدى. بۇل يدەيانى ونان ارى بىرلىككە كەلتىرىپ، كۇش - قۋاتتى شوعىرلاندىرىپ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدە توتەنشە ماڭىزدى جەتەكشىلىك مانگە يە. مۇقيات ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، قىزمەت ءىس جۇزىندىگىمەن ۇشتاستىرىپ، اۋىل شارۋاشىلىعىن، اۋىل - قىستاقتى الدىمەن دامىتۋدى ارقاۋ ەتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتىپ، كەلەر جىلعى جانە «14 – بەسجىلدىق» مەزگىلىندەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، پارتيا ورتالىق كوميتەتىنىڭ شەشىم، ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حۋ چۇنحۋا قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى − جاڭا دامۋ كەزەڭىندەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ارەكەت باعدارناماسى جانە ءتۇبىرلى تياناعى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋدى جەدەل جوسپارلاپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، استىق پەن ماڭىزدى اۋىل شارۋاشىلىق قوسالقى ونىمدەرى وندىرىسىمەن قامداۋدى مىقتى يگەرىپ، اۋىل - قىستاق كاسىپ سالاسىن جەدەل دامىتىپ، وسى زامانعى اۋىل شارۋاشىلىعىن دامىتۋدىڭ نەگىزدىك تىرەگىن بەكەمدەپ، ەگىمشىلىك كاسىبىن ەڭسە كوتەرتۋ شايقاسىن باتىل ويداعىداي جۇرگىزىپ، اۋىل - قىستاق قۇرىلىسى ارەكەتىن جاپپاي باستاپ، اۋدان كولەمىندەگى قالا مەن اۋىلدىڭ توعىسپالى دامۋىن ىلگەرىلەتىپ، اۋىل - قىستاقتى جونگە سالۋدى كۇشەيتىپ جانە جاقسارتىپ، ۇيىمدىق باسشىلىقتى كۇشەيتىپ، «14 – بەسجىلدىقتىڭ» تاماشا باستاماسىن جۇزەگە اسىرۋعا كەپىلدىك ەتۋ كەرەك.
ءماجىلىس «ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ جونىندەگى پىكىرىن (تالقى نۇسقاسى)» تالقىلادى.
ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى قاتىستى باسشى جولداستار، ت. ب. ماجىلىسكە قاتىناستى.
ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ مۇشەلەرى، ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە اۋىل شارۋاشىلىعى، اۋىل - قىستاق قىزمەتىنە جاۋاپتى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتىلار، ت. ب. ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكە، اۆتونوميالى رايون، توتە قاراستى قالالار مەن شينجياڭ ءوندىرىس - قۇرىلىس بيڭتۋانىندا بولىمشە ءماجىلىس الاڭى ورنالاستىرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
