- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىزدا وڭتۇستىك شينجياڭداعى 3 ايماق، وبلىستا ورىكتى جەلدەتىپ كەپتىرۋ ۇيلەرىن سالۋ قۇرىلىسى جاپپاي باستالدى
2014.02.21 13:30 كەلۋ قاينارى : ءتاڭىرتاۋ تورابى
20 - اقپاندا اۆتونوميالى رايون قاشقار قالاسىندا وڭتۇستىك شينجياڭداعى 3 ايماق، وبلىستا ورىكتى جەلدەتىپ كەپتىرۋ ءۇيىن سالۋ قۇرىلىسىنا اتتانىسقا كەلتىرۋ جينالىسىن اشىپ، بيىل وڭتۇستىك شينجياڭداعى 3 ايماق، وبلىستاعى 475 قىستاقتان ورىك كەپتىرەتىن 1500 ءۇي سالۋدى ورنالاستىردى، سول ارقىلى شينجياڭنىڭ ورىك كاسىبىنىڭ دامۋ دەڭگەيىن جوعارىلاتىپ، وڭتۇستىك شينجياڭداعى كەدەي رايوندارداعى ەگىنشى، مالشىلاردىڭ كاسىپ سالاسىنىڭ دامۋىنا سۇيەنىپ، كاسىپتەنۋ سالىستىرماسىن، كىرىسىن ارتتىرىپ، اۋقاتتانۋىن جەبەيدى. قازىر رايونىمىزدا ورىك اعاشى ەگىلگەن جەر اۋدانى 2 ميلليون مۋدان اسادى، نەگىزىنەن وڭتۇستىك شينجياڭ وڭىرىندە، مۇنىڭ ىشىندە وڭتۇستىك شينجياڭداعى 3 ايماق، وبلىستاعى ورىك اعاشى ەگىلگەن جەر اۋدانى ءبىر ميلليون 180 مىڭ مۋ، ءونىم مولشەرى 890 مىڭ توننا. شينجياڭنىڭ ورىگىنىڭ ساپاسى جاقسى، ءدامى وزگەشە، ءبىراق ۇزاق ۋاقىتتان بەرى ساقتاۋ قيىن، ءونىم جيۋ مەزگىلى قىسقا، مانەرلەۋدىڭ كەشەۋىلدەۋى سياقتى فاكتورلاردىڭ كەسىرىنەن، بازاردا از مولشەردە ساتىلعانى مەن شارۋالاردىڭ وزدەرى جەگەنىنەن باسقا باسىم كوپ ءبولىمىن شارۋالار سالقىن جەردە كەپتىرۋدەي قاراپايىم ادىسپەن كەپتىرەدى، مۇنداي ورىكتىڭ تازالىعى مەن ساپاسى دەرلىكتەي بولمايدى، شىعىن %15تە %30كە دەيىن جەتەدى.
اقپاننىڭ باسىندا اۆتونوميالى رايوننىڭ «قىسقا ۋاقىتتا ءونىم بەرەتىن» نىسانداردىڭ دامۋىن ىلگەرىلەتۋ جينالىسىندا، وڭتۇستىك شينجياڭداعى 3 ايماق، وبلىستان ورىكتى جەلدەتىپ كەپتىرەتىن ءۇي سالۋ نىسانى اۆتونوميالى رايوننىڭ «قىسقا ۋاقىتتا ءونىم بەرەتىن» نىساندارى قاتارىنا ەنگىزىلىپ، ءتۇيىندى قولداۋ كورسەتىلدى. مۇندا حوتان ايماعىنان حوتان، قاراقاش، لوپنۇر، شەريا، كەريا، گۋما اۋداندارى، قاشقار ايماعىنان قاشقار كونەشارى، يىڭسار، ياركەن، قاعىلىق، مارالباسى اۋداندارى، قىزىلسۋ قىرعىز اۆتونوميالى وبلىسىنان اتۇش قالاسى مەن اقتاۋ اۋدانى سياقتى ورىك كاسىبىن نەگىز ەتكەن 13 اۋدان (قالا) ءتۇيىن ەتىلىپ، وسى اۋدانداردان ورىكتى جەلدەتىپ كەپتىرەتىن 1500 ءۇي سالىپ، 8000 توننا ساپالى ورىك كەپتىرۋ نىسانى اتقارىلۋعا جولداما الدى، نىسان 71 اۋىل - قالاشىقتى، 475 قىستاقتى شارپيدى، بۇل وڭتۇستىك شينجياڭداعى 3 ايماق، وبلىستاعى شارۋالار ءۇشىن 200 ميلليون يۋان مانەرلەۋ ءونىم قۇنىن جاراتادى.
تانىستىرۋعا قاراعاندا، ورىكتى سالقىن جەردە تابيعي كەپتىرۋدەي ءداستۇرلى كەپتىرۋ ادىسىمەن سالىستىرعاندا، جەلدەتىپ كەپتىرۋدىڭ ۋاقىتى قىسقا، ونىڭ ۇستىنە ورىكتىڭ ساپاسى جاقسى، باعاسى جوعارى بولادى ەكەن. مۇنان سىرت، ورىكتى جەلدەتىپ كەپتىرۋ جابدىعى قاراپايىم، وزىندىك قۇنى تومەن، قۇرىلىستىڭ اينالىم ۋاقىتى قىسقا، يگەرۋ وڭاي، جالپىلاسۋى تەز بولعاندىقتان، كاسىپ سالاسى ءورىسىن كەڭەيتۋ، اۋىل شارۋاشىلىق ونىمدەرىنىڭ قوسىمشا قۇنىن جوعارىلاتۋ جانە شارۋالاردىڭ كىرىسىن ارتتىرۋ جونىنەن ماڭىزدى ءمان الادى، ول وڭتۇستىك شينجياڭداعى 3 ايماق، وبلىستىڭ دامۋ امالياتىنا ساي كەلەتىن، «قىسقا ۋاقىتتا ءونىم بەرەتىن» نىسان، سونىمەن قاتار باياندى دامىتۋعا، كىرىستى ورنىقتى ارتتىرۋعا بولاتىن، وزىندىك ەرەكشەلىكتەگى ابزالدىلىعى بولۋداي ەرەكشەلىكتەرگە يە.
وسى نىسانعا جاۋاپتى اۆتونوميالى رايوندىق پارتكومنىڭ تۇراقتى مۇشەسى، باس حاتشى باي جىجيە اتتانىسقا كەلتىرۋ جينالىسىندا بىلاي دەدى: قوعام ورنىقتىلىعىن قورعاۋعا، باياندى تىنىشتىقتى ساقتاۋعا، جۇرت كوڭىلىن ۇيىستىرۋعا ءتيىمدى بولۋ تۇرعىسىنان، وڭتۇستىك شينجياڭداعى 3 ايماق، وبلىستاعى ورىكتى جەلدەتىپ كەپتىرۋ، مانەرلەۋ نىسانى قۇرىلىسىنىڭ ءىرى كاسىپ سالاسىن دامىتۋداعى ماڭىزدى رولىن جەتە تانىپ، ورىكتى العاشقى باسقىشتا مانەرلەۋ نىسانىن شىعار ءتۇيىن ەتىپ، وڭتۇستىك شينجياڭداعى 3 ايماق، وبلىستاعى باسقا دا وزىندىك ەرەكشەلىكتەگى اۋىل شارۋاشىلىق ونىمدەرىن ءوندىرۋ بازالارىنىڭ العاشقى باسقىشتاعى مانەرلەۋى ءۇشىن «تەز ءونىم بەرەتىن» نىسانداردى تاڭداپ اتقارىپ، كاسىپ سالاسىنان حالىقتى يگىلىكتەندىرۋ كەرەك. بۇل شارۋالاردىڭ يگىلىك جاراتۋ، كاسىپتەنۋ ءورىسىن كەڭەيتىپ، كىرىستىڭ كوپ نەگىزدە ارتۋىن جەبەپ، اۋىل - قىستاقتارداعى بۇقارانىڭ تۇرمىسىن جاقسارتىپ، قوعام ورنىقتىلىعىن قورعاۋ مەن باياندى تىنىشتىقتى ساقتاۋعا تاجىريبەلەر توپتاپ، شارۋالار قاۋىمىنىڭ كەدەيلىكتەن قۇتىلىپ، اۋقاتتانۋىنا كومەك كورسەتۋدىڭ ۇتىمدى بارىسى. قازىر اۆتونوميالى رايون «2014 - جىلى وڭتۇستىك شينجياڭداعى 3 ايماق، وبلىستان ورىكتى جەلدەتىپ كەپتىرەتىن 1500 ءۇي سالۋ نىسانىن اتقارۋ جوباسىن» جاساپ، نىساندى اتقارۋ ءتارتىبىن بەلگىلەپ، نىسانعا قاجەتتى 120 ميلليون يۋاندى نەگىزىنەن تياناقتاندىرىپ، قۇرىلىس ناقتى مىندەتى اۋدان، قالالارعا دەيىن تياناقتاندىرىپ بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
