- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان قاتارلى باسشىلار ءۇرىمجى قالاسىنىڭ مىندەتتى اعاش ەگۋ قيمىلىنا قاتىناستى
جاسىل جامىلعىنى ايالاۋعا، ورتانى جاسىلداندىرۋعا تاباندى بولايىق
2014.04.14 14:59 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قاتارلى باسشىلار 13 - ساۋىردە ءۇرىمجى قالالىق ميدۇڭ رايونى قاشقار كوشەسىنىڭ شىعىسقا سوزىلعان بولىگىندەگى جاسىلداندىرۋ ينجەنەرياسىنىڭ اعاش ەگۋ ورنىنا بارىپ، پيونەرلەرمەن جانە ءار ۇلت كادرلارىمەن بىرگە ءۇرىمجى قالاسىنىڭ مىندەتتى اعاش ەگۋ قيمىلىنا قاتىناستى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 13 - ءساۋىر كۇنى ءتۇستىڭ الدىندا ءۇرىمجى قالاسىنىڭ كوكتەمگى مىندەتتى اعاش ەگۋ قيمىلىنا قاتىناسقاندا، تۇتاس قوعام جاسىل جامىلعىنى قورعاپ، ورتانى جاسىلداندىرۋعا تاباندى بولىپ، جاراسىمدى، جايلى، كوركەم شينجياڭ قۇرۋ كەرەكتىگىن باسا دارىپتەدى.
تۇستەن بۇرىن ساعات 11 شاماسىندا، جاڭ چۇنشيان اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي - اق ءوندىرىس - قۇرىلىس بيڭتۋانىنىڭ باسشىلارىمەن بىرگە ءۇرىمجى قالاسى ميدۇڭ رايونى قاشقار كوشەسىنىڭ شىعىسقا سوزىلعان بولىگىندەگى جاسىلداندىرۋ ينجەنەرياسىنىڭ اعاش ەگۋ ورنىندا ءۇرىمجى قالالىق 116 - باستاۋىش مەكتەپتەگى پيونەرلەرمەن بىرگە اعاش ەكتى.
ءۇرىمجى قالاسىنىڭ قاتىستى باسشىلارىنىڭ ءۇرىمجى قالاسىنىڭ سوڭعى جىلداردان بەرگى جاسىلداندىرۋ جاعدايى جونىندە تانىستىرۋىن تىڭداعان سوڭ، جاڭ چۇنشيان قولىنا كۇرەك الىپ اعاش ەگەتىن جەرگە بارىپ، ءۇرىمجى قالاسىنىڭ، اۆتونوميالى رايوندىق ورمان شارۋاشىلىعى مەڭگەرمەسىنىڭ جاۋاپتى جولداستارىمەن جانە پيونەرلەرمەن بىرگە اعاش ەگە باستادى. جاڭ چۇنشيان ىركەس - تىركەس 10 ءتۇپ قالامشانى ەگىپ بولدى، ءار ءتۇپ قالامشانى ەگىسىمەن پيونەرلەرمەن بىرگە اعاشتىڭ تۇبىنە سۋ قۇيدى.
جاڭ چۇنشيان اعاش ەگە ءجۇرىپ ءۇرىمجى قالاسىنىڭ، اۆتونوميالى رايوندىق ورمان شارۋاشىلىعى مەڭگەرمەسىنىڭ جاۋاپتىلارىمەن ورمان ءوسىرۋ، جاسىلداندىرۋ قىزمەتىن تىلگە الدى. ول بىلاي دەدى: سوڭعى جىلدارى ءۇرىمجى قالاسىنداعى ۇلكەن وزگەرىس اعاشتار، ءتىپتى، كوبەيىپ، جەر، ءتىپتى، جاسىلدانا ءتۇستى. 2010 - جىلدان بەرى، ءۇرىمجى قالاسىندا جىل سايىن 50 مىڭ مۋداي جەرگە اعاش ەگىلدى، كوگالدانۋ سالىستىرماسى مەن جاسىل جامىلعىمەن كومكەرىلۋ سالىستىرماسى 5. 3 پايىزعا تاياۋ جوعارىلادى؛ بۇكىل شينجياڭدا دا 2010 - جىلدان بەرى 11 ميلليون 200 مىڭ مۋدان استام جەرگە اعاش ەگىلدى. ارينە، بۇل وڭاي شارۋا ەمەس.
جاڭ چۇنشيان مىنالاردى تالاپ ەتتى: بۇكىل قوعام جاسىل جامىلعىنى ايالاۋعا، ورتانى جاسىلداندىرۋعا تاباندى بولىپ، جاسىل جامىلعى تانىمى مەن ورتانى جاسىلداندىرۋ تانىمىن ارتتىرۋى كەرەك. ەكولوگيالىق وركەنيەت قۇرىلىسىن كورنەكتى ورىنعا قويىپ، اعاش ەگىپ، ورمان ءوسىرۋ سەرپىنىن اناعۇرلىم ارتتىرىپ، قالا، اۋىلداردىڭ قونىس ورتاسىن بارىنشا جاقسارتىپ، جاراسىمدى، جايلى، كوركەم شينجياڭ قۇرۋعا ۇلەس قوسۋى كەرەك.
ارەدىكتە جاڭ چۇنشيان وزىمەن بىرگە اعاش ەگىپ جۇرگەن ءۇرىمجى قالالىق 116 - باستاۋىش مەكتەپ 6 - جىلدىقتىڭ وقۋشىلارى يە لينحانمەن، جاڭ زىجيەمەن شۇيىركەلەسىپ، ولاردىڭ ۇيرەنۋ جانە تۇرمىس جاعدايىن ىقىلاسپەن سۇرادى.
ولاردىڭ ەككەن اعاشتارعا «ىنتىماق اعاشى» دەپ ات قويعانىن ەستىگەندە جاڭ چۇنشيان قاتتى قۋانىپ، ولاردى «جاقسى ات قويىپسىڭدار» دەپ القادى. ول بالالاردىڭ وسى ەگىلگەن اعاشتار سياقتى جايقالا وسۋلەرىن تىلەدى ءارى ولاردى قۇلشىنا ۇيرەنىپ، جاقسى نەگىز قالاپ، احىلاق، اقىل - وي، دەنە، ەستەتيكا جاقتارىنان جاپپاي دامۋعا، قۇلشىنا ءبىلىم ۇيرەنۋمەن قاتار، جاپا - ماشاقاتقا شىداپ، قۇلشىنا ۇمتىلۋ رۋحىن جەتىلدىرىپ، ەسەيگەن سوڭ شينجياڭدى، ۇلى وتاندى كوركەيتۋگە شابىتتاندىردى. اعاش ەگەتىن جەر قىزۋ ەڭبەك دۋمانىنا شومدى.
نۇر باكىر، شوكىرات زاكىر، نۇرلان ءابىلماجىن ۇلى، چى جۇن، حان يۇڭ، پىڭ يۇڭ، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، شيۋڭ شۋانگو، عانيبات سابىكەي ۇلى، لي شۋەجۇن، ليۋ شينچي، سونداي - اق اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلارى كادر - بۇقارامەن، پيونەرلەرمەن بىرگە قىزۋ ەڭبەك ىستەپ، اعاش ەكتى. ءاپ - ءساتتىڭ اراسىندا دالا توسىنە كوپتەگەن جاس قالامشالار قادالىپ، سامال جەلمەن ىرعالا باستادى.
ۇعىسۋىمىزشا، ءۇرىمجى قالاسى سوڭعى 5 جىلدا جاسىلداندىرۋ ىسىنە 5 ميلليارد يۋاننىڭ ۇستىندە قارجى قوسىپ، جاڭادان 272 مىڭ 600 مۋ جەر جاسىلداندىرىلىپ، كوشە بويىندا 454 شاعىن باقشا، كوگالدار جارىققا شىعىپ، 4 باقشا جاڭادان قوسىلعان، 8 ۇلكەن باقشا وزگەرتىلىپ جاسالعان، ءىرى، ورتا باقشانىڭ سانى 26عا جەتكەن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
