- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان پارتيا ورتالىق كوميتەتىنىڭ قامقورلىعىن جەتكىزىپ، اپاتتان كەيىنگى قايتا قۇرۋدىڭ ءتۇرلى قىزمەت شارالارىن جاپپاي تياناقتاندىردى
2014.05.22 10:19 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى نۇسقاۋىنىڭ رۋحىن اناعۇرلىم دايەكتى تياناقتاندىرۋ ءۇشىن، 20-مامىر ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان حوتاندا «12-اقپان كۇنگى» كەرياداعى جەر سىلكىنىسىنەن كەيىنگى قايتا قۇرۋ قىزمەتى ءماجىلىستى باسقارىپ اشىپ، پارتيا ورتالىق كوميتەتىنىڭ قامقورلىعىن جەتكىزىپ، اپاتتان كەيىنگى قايتا قۇرۋدىڭ ءتۇرلى قىزمەت شارالارىن جاپپاي تياناقتاندىردى.
بيىل 12-اقپان كۇنى، حوتان ايماعىنىڭ كەريا اۋدانىندا 7.3 بال جەر سىلكىندى. پارتيا ورتالىق كوميتەتى، مەملەكەتتىك كەڭەس بۇعان وسكەلەڭ ءمان بەرىپ، باس شۋجي شي جينپيڭ جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىنگى قايتا قۇرۋ قىزمەتىنە ەكى رەت ماڭىزدى نۇسقاۋ بەردى، لي كىچياڭ، يۇي جىڭشىڭ سياقتى باسشىلار دا اپاتتان قۇتقارۋ جانە قايتا قۇرۋ قىزمەتى جونىندە ماڭىزدى بەكىتۋ جاسادى. اۆتونوميالى رايوندىق پارتكوم اپاتتان قۇتقارۋ جانە اپاتتان كەيىنگى قايتا قۇرۋ قىزمەتىنە ناقتىلى ورنالاستىرۋ جاسادى. 20-ناۋرىز كۇنى، جاڭ چۇنشيان تاعى جاۋىپ تۇرعان قارعا قاراماي اپاتقا ەڭ اۋىر ۇشىراعان كەريا اۋدانىنىڭ اچچان اۋىلىنا بارىپ، اپاتتان قۇتقارۋ جانە قايتا قۇرۋ قىزمەتىن تەكسەردى؛ وسى رەت تاعى حوتانعا ارناۋلى بارىپ، قايتا قۇرۋ قىزمەتى جونىندە تالاپتاردى العا قويدى. جەر سىلكىنىسى اپاتى تۋىلعاننان بەرى ءۇش ايدان ارتىق ۋاقىت ءوتتى، پارتيا ورتالىق كوميتەتىنىڭ، مەملەكەتتىك كەڭەستىڭ وسكەلەڭ ءمان بەرۋىندە، اۆتونوميالى رايوندىق پارتكومنىڭ، ۇكىمەتتىڭ باسشىلىعىندا، مەملەكەتتىڭ مينسيترلىك-كوميتەتتەرى مەن شينجياڭعا كومەكتەسەتىن ولكە، قالالاردىڭ قولداۋىندا، اپات تۋىلعان رايونداعى قالىڭ كادىر مەن بۇقارا تىزە قوسا سەلبەسىپ، قايتا قۇرۋ قىزمەتىندە ماڭىزدى ىلگەرىلەۋشىلىككە قول جەتكىزدى.
جاڭ چۇنشيان بىلاي دەدى: «12-اقپان كۇنگى» كەرياداعى جەر سىلكىنىسىنىڭ سىلكىنىس دارەجەسى جوعارى، اپاتقا ۇشىراۋ كولەمى كەڭ بولعانىمەن، ءولىم-ءجىتىم بولمادى. 3 ايدان ارتىق ۋاقىتتان بەرى، جەر سىلكىنىسىنە قارسى اتتانىپ، اپاتتان قۇتقارۋ قىزمەتى جاپپاي ورىستەتىلىپ، اپات جاعدايىن تۇراقتاندىرۋ قىزمەتى دەرەۋ ىستەلىپ، اپاتتان كەيىنگى قايتا قۇرۋ مىندەتى تۇراقتاندىرىلىپ، قايتا قۇرۋ جوباسى جاسالدى. ورتالىق قازىنا قايتا قۇرۋ ارناۋلى قارجىسىن ورنالاستىرىپ، جەرگىلىكتى تۇرعىنداردىڭ ۇيلەرىن قايتا سالۋ جانە مەكتەپ، ەمدەۋ، دەنساۋلىق ساقتاۋ، جول قاتىناس، سۋمەن قامداۋ قۇرىلعىلارى سياقتى الەۋمەتتىك نەگىزگى قۇرىلعى قۇرىلىسىن ءتۇيىندى قامتاماسىزداندىرىپ، اپاتقا ۇشىراعان بۇقارانىڭ ءوندىرىس جانە تۇرمىس شارت-جاعدايىن جاقسارتۋعا جانە جوعارىلاتۋعا پايدالانۋدى تالاپ ەتتى. ءۇيى قۇلاعان جانە اۋىر بۇلىنگەن 13 مىڭ 821 وتباسى تۇگەلدەي بيىلعى اۆتونوميالى رايوننىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى كولەمىنە ەنگىزىلدى. وسىنىڭ ءبارى، پارتيا مەن مەملەكەتتىڭ شينجياڭعا، اپات تۋىلعان جەردەگى ءار ۇلت بۇقاراسىنا دەگەن ەرەكشە قامقورلىعىن تولىق ايگىلەدى. ءبىز پارتيا ورتالىعىنىڭ قامقورلىعىن ەستە بەرىك ساقتاپ، اپاتتان كەيىنگى قايتا قۇرۋدى اسەرلى ءىس رەتىندە قاراپ، ورتالىقتىڭ قامقورلىعىن، بۇكىل ەل حالقىنىڭ كومەگىن، اۆتونوميالى رايوننىڭ قولداۋىن، اسكەري ءبولىمنىڭ كومەگىن كۇش سالا ۇگىتتەپ، ءار ۇلت بۇقاراسىنىڭ «4 مۇراتتاستىق» تانىمىن كۇشەيتىپ، تاماشا مەكەن قۇرۋ قوزعاۋشى كۇشىنە اينالدىرۋىمىز كەرەك.
جاڭ چۇنشيان بىلاي دەپ باسا دارىپتەدى: قايتا قۇرۋدىڭ ءتۇرلى قىزمەتىن ويداعىداي تياناقتاندىرىپ، ءار ۇلت بۇقاراسىنا وزگەرىستى، ءۇمىتتى كورسەتۋ كەرەك. اپاتتان كەيىنگى قايتا قۇرۋدىڭ ءتۇيىنى جەرگىلىكتى تۇرعىنداردىڭ ۇيلەرىن، الەۋمەتتىك قىزمەت وتەۋ قۇرىلعىلارىن، نەگىزگى قۇرىلعىلاردى قايتا قۇرۋ سياقتى ءۇش ءتۇرلى مىندەت. جوبانى عىلمي جاساپ جانە اتقارىپ، جوبادا پارتيا ورتالىق كوميتەتىنىڭ قامقورلىعىن، عىلمي، ءىس جۇزىندىككە ۇيلەستىرۋدى، حالىق جۇرەگىن توعىستىرۋدى ايگىلەۋ قاجەت. تۇرعىن ۇيلەردى قايتا سالۋدا ناقتىلى ونىمدىلىككە قول جەتكىزىپ، حالىق جۇرەگىن توعىستىرىپ، قىس كىرۋدەن بۇرىن اپاتقا ۇشىراعان 12 مىڭ 821 وتباسىنىڭ جاڭا قونىسقا كوشىپ كىرۋىنە كەپىلدىك ەتۋ ءتيىس؛ الەۋمەتتىك قىزمەت وتەۋ قۇرىلعىسى مەن نەگىزگى قۇرىلعىنى قايتا قۇرۋدى جەدەلدەتىپ، بۇقارانىڭ ءوندىرىسى مەن تۇرمىسىنا تىعىز قاتىستى اپات تۋىلعان رايونداعى مەكتەپ، شيپاحانا، جول قاتىناس، سۋمەن، توكپەن قامداۋ جانە قالا-قالاشىقتىڭ نەگىزگى قۇرىلعىلارىن قالپىنا كەلتىرىپ قايتا قۇرۋدى الدىمەن ىلگەرىلەتۋ كەرەك؛ سونىمەن بىرگە وڭتۇستىك شينجياڭ اتقارعان «تەز ءونىم بەرەتىن» نىساندارىنا ۇشتاستىرىپ، ەڭبەككۇش شوعىرلى ءبىر توپ كاسىپ نىسانىن دامىتۋدى قولداپ، كاسىپتەندىرۋ جانە كىرىستى ارتتىرۋ ماسەلەسىن ويداعىداي شەشىپ، اپاتقا ۇشىراعان بۇقارانىڭ جايلى ۇيدە وتىرۋىنا مۇمكىندىك جاراتىپ قالماستان، تاعى ولاردىڭ جاقسى تۇرمىس كەشىرۋىن جۇزەگە اسىرۋ كەرەك!
جاڭ چۇنشيان بىلاي دەپ اتاپ كورسەتتى: ۇكىمەتتىڭ ۇيىمداستىرۋ، سايكەستىرۋ رولىن جانە اپاتقا ۇشىراعان وڭىردەگى بۇقارانىڭ تۇلعالىق رولىن ويداعىداي ساۋلەلەندىرىپ، جاقسى ءىستى ويداعىداي ىستەۋ كەرەك. ءبىرىنشى، بۇقارا ەڭ كوڭىل بولەتىن ءىستى، مىسالى: تۇرعىن ءۇي قوسىمشا قاراجاتى، ءادىل بولۋ، قۇرىلىس ساپاسى، تۇرعىن ءۇيدىڭ رولى سياقتىلاردى ارقاۋ ەتىپ، جاقسى ءىستى ويداعىداي ىستەۋ؛ ەكىنشى، دەموكراتيانى ساۋلەلەندىرۋ بارىسىندا جاقسى ءىستى ويداعىداي ىستەۋ ءتيىس. ادامدى نەگىز ەتۋ، دەموكراتيالىق يدەياسىن ورناتىپ، بۇقارامەن تىعىز قارىم-قاتىناس جاساۋ؛ ءۇشىنشى، ۇكىمەت ۇيىمداستىرۋ، سايكەستىرۋ بارىسىندا، جاقسى ءىستى ويداعىداي ىستەپ، ءار دارەجەلى كادرلاردىڭ ستيلگە بۇرىلىس جاساۋ اياق الىسىن ىلگەرىلەتۋ؛ ءتورتىنشى، تۇلعالىق رولىن ساۋلەلەندىرىپ، اپاتقا ۇشىراعان بۇقارانىڭ اپاتتان كەيىنگى قايتا قۇرۋ جۇمىسىنا بەلسەنە ىرىقتىلىقپەن ات سالىسۋىنا مۇمكىندىك جاساپ، العا ۇمتىلعان جاعدايدا جاقسى ءىستى ويداعىداي ىستەۋ ورتاسىن ۇزدىكسىز قالىپتاستىرۋ كەرەك.
جاڭ چۇنشيان تاعى بىلاي دەدى: اپاتتان كەيىنگى قايتا قۇرۋ ينجەنەرياسىن حالىق قالاۋىنان شىعۋ ينجەنەرياسىنا، ۇلگى ينجەنەرياسىنا، تاريحتىڭ سىنىنان سۇرىنبەي وتەتىن ينجەنەرياعا، كادرلاردىڭ بۇقارالىق قىزمەتتى ىستەۋ قابىلەتىن جوعارىلاتۋ ينجەنەرياسىنا اينالدىرۋ قاجەت. يدەيانى اناعۇرلىم بىرلىككە كەلتىرىپ، تانىمدى جوعارىلاتۋ؛ باقىلاپ-تەكسەرۋدى كۇشەيتىپ، قايتا قۇرۋ قارجىسىن ويداعىداي باسقارىپ، ءوز ورنىنا جۇمساپ، بەلگىلى دەڭگەيگە جەتكىزىپ، ساپا حاۋىپسىزدىگىنە شىنايى كەپىلدىك ەتۋ كەرەك. قايتا قۇرۋ ينجەنەرياسى ارقىلى ءبىر توپ كادرلاردى تاربيەلەپ، اپاتتان كەيىنگى قايتا قۇرۋ قىزمەتىندە، بۇقارانىڭ ريزا بولعان-بولماعاندىعىنا، قازىنالىق باقىلاۋدىڭ ۇيلەسىمدى بولعان-بولماعاندىعىنا، بەت-بەينەسىندە زور وزگەرىس بولعان-بولماعانىنا، ساپالى بولعان-بولماعانىنا نازار اۋدارىپ، كادرلاردىڭ بۇقارالىق قىزمەتتى ىستەۋ قابىلەتىن جوعارىلاتۋ ءتيىس.
حوتان ايماعى تاريحتان بەرى بولشەكتەۋشىلىككە، لاڭكەستىككە قارسى تۇرۋدىڭ الدىڭعى شەبى بولىپ كەلدى. جاڭ چۇنشيان مىنانى اتاپ كورسەتتى: قوعام ورنىقتىلىعى مەن باياندى تىنشتىقتى شىن مانىندە شىعار ءتۇيىن جانە تابان تىرەر تياناق ەتىپ، ۇلتتار ىنتىماعى، ءدىننىڭ جاراسىمدىلىعى، قوعام ورنىقتىلىعى قىزمەتىن ويداعىداي ىستەۋ كەرەك. زورلىقتى كۇش لاڭكەستەرىنە ءسوزجوق، قاتاڭ سوققى بەرىپ، قىسىم ءتۇسىرىپ، جانىشتاپ، ۇرەيلەندىرۋ ءتيىس. نيەتىن وزگەرتىپ العا باستىرۋعا كۇش سالىپ، نەگىزگى توپتى كورنەكتىلەندىرىپ، تاربيەلەپ جەتەكشىلىك ەتۋگە ءمان بەرۋ قاجەت. «ەكىدەن باتىل ساقتانۋدى» نىسانا ەتىپ، قانقويلى زورلىقتى كۇش لاڭكەستىك دەلوسىنىڭ تۋىلۋىنان، كولەمدى بۇقارالىق وقيعانىڭ تۋىلۋىنان باتىل ساقتانىپ، قوعامنىڭ ورنىقتىلىعى مەن تىنشىتىعىنا شىنايى كەپىلدىك ەتۋ ءتيىس.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءسوز سويلەپ، بىلاي دەدى: كەرياداعى جەر سىلكىنىسىنەن كەيىنگى قايتا قۇرۋ قىزمەتىنە باسا ءمان بەرىپ، جاپاعا شىداۋ، قاجىرلىقپەن شايقاس جۇرگىزۋ، بار كۇشپەن ۇلەس قوسۋ رۋحىن ساۋلەلەندىرۋ؛ پارمەندى شارا قولدانىپ، ارناۋلى ادام جاۋاپتى بولىپ، ءاربىر شارانى ىشكەرىلەي، مۇقيات، ناقتى ويداعىداي تياناقتاندىرۋ؛ تولىق وي جۇگىرتىپ، ءبولىپ ورنالاستىرىپ، اپاتقا ۇشىراعان بۇقارانىڭ ناقتى احۋالىنا ساي، باعىتتامالى قايتا قۇرۋ نىساناسىن بەلگىلەۋ؛ قايتا قۇرۋ نىساناسى، قوسىمشا قاراجات ولشەمى سياقتىلاردى بۇقاراعا انىق ءتۇسىندىرۋ؛ قارجىنىڭ حاۋىپسىز بولۋىنا شىنايى كەپىلدىك ەتىپ، قارجىنى قاتاڭ باسقارىپ، قۇرىلىستىڭ ساپاسىنا حاۋىپسىزدىگىنە شىنايى كەپىلدىك ەتىپ، پارتيا ورتالىق كوميتەتى مەن مەملەكەتتىك كەڭەستىڭ كۇتكەن ءۇمىتىن اقتاۋ كەرەك.اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي اپاتتان كەيىنگى قايتا قۇرۋ قىزمەتىنە ورنالاستىرۋ جاسادى. اۆتونوميالى رايوننىڭ باسشىلارىنان: باي جىجيە، ۋان حايچۋاندار ماجىلىسكە قاتىناستى. حوتان ايماعىنداعى جاۋاپتى جولداستار اپاتتان كەيىنگى قايتا قۇرۋ قىزمەتىن ويداعىداي ىستەۋ جونىندە ءوز ويلارىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
