- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گو شىڭكۇن ورتالىق كوميتەتتىڭ تاپسىرۋىمەن ۇرىمجىدە «22 - مامىر» زورلىقتى كۇش لاڭكەستىك دەلوسىن تەكسەرۋ جانە ءبىر جايلى ەتۋ قىزمەتىنە جەتەكشىلىك ەتكەندە مىنانى باسا دارىپتەدى
دەلونى بار كۇشپەن جەدەل تەكسەرىپ انىقتاپ، زورلىقتى كۇش لاڭكەستەرىن زاڭ بويىنشا قاتاڭ جازالايىق پارمەندى شارالار قولدانىپ، ءار ۇلت جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتەيىك
2014.05.23 13:56 كەلۋ قاينارى : ءتاڭىرتاۋ تورابى
22 - مامىردا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەن مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترلىگىنىڭ مينيسترى گو شىڭكۇن قاتارلىلار اۆتونوميالى رايوندىق حالىق شيپاحاناسىنا كەلىپ، «22 - مامىر» زورلىقتى كۇش لاڭكەستىك دەلوسىندا جارالانعان بۇقاراعا امانداسىپ، ولاردان حال سۇرادى.
شينحۋا اگەنتتىگىنىڭ 22 - مامىردا ۇرىمجىدەن بەرگەن حابارى. ءۇرىمجى قالاسىندا «22 - مامىر» زورلىقتى كۇش لاڭكەستىك دەلوسى تۋىلعاننان كەيىن، ورتالىقتىڭ تاپسىرۋىمەن مەملەكەتتىك كەڭەستىڭ مۇشەسى، مەملەكەتتىڭ لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسىنىڭ باستىعى، قوعام حاۋىپسىزدىگى مينيسترى گو شىڭكۇن دەرەۋ شاڭحايدان ۇرىمجىگە كەلىپ، دەلونى تەكسەرۋ جانە ءبىر جايلى ەتۋ قىزمەتتەرىنە جەتەكشىلىك ەتىپ، جارالانعان جۇرتشىلىققا امانداسا باردى ءارى ولاردان حال سۇرادى.
گو شىڭكۇن مىنانى باسا دارىپتەدى: باس شۋجي شي جينپيڭ، لي كىچياڭ زۇڭلي قاتارلى ورتالىق كوميتەتتەگى باسشى جولداستاردىڭ ماڭىزدى نۇسقاۋلارى مەن بەكىتۋلەرىنىڭ رۋحىن تاباندىلىقپەن دايەكتى تياناقتاندىرىپ، جارالانعان جۇرتشىلىقتى بار كۇشپەن قۇتقارىپ، دەلونى جەدەل تەكسەرىپ انىقتاپ، قىلمىستىڭ تامىرىنا بالتا شاۋىپ، زورلىقتى كۇش لاڭكەستەرىن زاڭ بويىنشا جازالاپ، پارمەندى شارالار قولدانىپ، قوعامدىق ساقتانۋ، مەڭگەرۋدى شىنايى كۇشەيتىپ، ءار ۇلت جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىنە، قوعامنىڭ ورنىقتىلىعىنا كەپىلدىك ەتۋ كەرەك.
22 - مامىر كۇنى 7 ساعات 50 مينۋت مولشەرىندە، ءۇرىمجى قالاسى سايباق رايونى باقشا سولتۇستىك كوشەسىندەگى تاڭعى بازاردا اۋىر زورلىقتى كۇش لاڭكەستىك دەلوسى تۋىلىپ، كوپ ادام ءولدى جانە جارالاندى. وقيعا ورنىنداعى دالەل - سىپاتتار مۇنىڭ ءبىر رەتكى الدىن الا جوسپارلانعان، ۇيىمداسقان اۋىر زورلىقتى كۇش لاڭكەستىك دەلوسى ەكەنىن بەينەلەدى.
ءۇرىمجى قالاسى سايباق رايونى باقشا سولتۇستىك كوشەسىندە گو شىڭكۇن دەلو تۋىلعان جەردى مۇقيات قاراپ شىعىپ، دەلونىڭ بارىسىن ەگجەي - تەگجەيلى ۇعىستى. سودان كەيىن اۆتونوميالى رايوندىق قوعام حاۋىپسىزدىگى مەڭگەرمەسىندە ارناۋلى ءماجىلىس اشىپ، دەلونى تەكسەرۋ جانە ءبىر جايلى ەتۋ قىزمەتتەرىنە ارنايى زەرتتەۋ جۇرگىزىپ، ورنالاستىرۋ جاسادى.
گو شىڭكۇن مىنانى اتاپ كورسەتتى: بۇل دەلونىڭ تۋىلۋى بىزگە تاعى ءبىر مارتە ەسكەرتۋ بەردى، زورلىقتى كۇش لاڭكەستىگىنە قارسى كۇرەسكە قاشانداي ساقاداي ساي تۇرىپ، قاتاڭ، سىلەيتە سوققى بەرىپ، بۇكىل شينجياڭ كولەمىندە لاڭكەستىك ارەكەتتەرگە سوققى بەرۋ ارناۋلى ارەكەتىن ورىستەتىپ، زورلىقتى كۇش لاڭكەستەرىنىڭ ساعىن سىندىرىپ، اپتىعىن باسىپ، حالىق جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىن باتىل قورعاۋ كەرەك. گو شىڭكۇن اۆتونوميالى رايوندىق حالىق شيپاحاناسىنا بارىپ، جارالانعانداردان حال سۇراپ، باس شۋجي شي جينپيڭنىڭ، لي كىچياڭ زۇڭليدىڭ شىنايى قامقورلىعى مەن سالەمىن جەتكىزدى. ول قاتىستى تاراۋلار مەن ەمدەۋ قىزمەتكەرلەرىنە ماماندار مەن اسپاپتاردى شوعىرلاندىرىپ، ءتۇرلى ءادىس - امال قولدانىپ، جارالانعان جۇرتشىلىقتى مۇمكىندىكتىڭ بارىنشا قۇتقارىپ، ولاردىڭ ءومىرىن بارلىق بوداۋ بەرە وتىرىپ ساقتاپ قالۋدى تاپسىردى. گو شىڭكۇن قازا بولعان جۇرتشىلىققا قايعىلى ازا ءبىلدىرىپ، جارالانعاندار مەن قازا بولعانداردىڭ وتباسىنداعىلاردى جۇباتۋ، قۇتقارۋ قىزمەتتەرىن دەن قويا، تىڭعىلىقتى ىستەپ، قازا بولعانداردىڭ سوڭعى جۇمىستارىن ويداعىداي ىڭعايلاپ، جۇرتشىلىقتىڭ ءىس جۇزىندىك قيىنشىلىقتاردى ويداعىداي شەشۋىنە كومەكتەسۋدى تالاپ ەتتى.
گو شىڭكۇن مىنانى باسا دارىپتەدى: قوعام ورنىقتىلىعىن قورعاۋ شارالارىن جاپپاي تياناقتاندىرىپ، قوعامدىق ساقتانۋ مەن مەڭگەرۋدى جاپپاي كۇشەيتىپ، ءتۇرلى كومەسكى قاتەردى ىشكەرىلەي تەكسەرىپ، ادامدار شوعىرلانعان ورىندارعا قارۋلى شارلاۋ جۇرگىزۋدى كۇشەيتىپ، قاتەرلى جارىلعىش زات، شەكتەلگەن پىشاق سياقتى ءتۇيىندى بۇيىمداردى ويداعىداي باسقارىپ جانە تىزگىندەپ، اۋىر قىلمىستىق ىستەر قىلمىستارىنا زاڭ بويىنشا قاتاڭ سوققى بەرۋ كەرەك. نەگىزگى ساتىعا مىقتاپ ارقا سۇيەپ، جۇرتشىلىقتى كەڭ كولەمدە اتتانىسقا كەلتىرىپ، بىرلەسىپ ساقتانۋ، بىرلەسىپ مەڭگەرۋ، جابال ساقتانۋ، جۇمىلا جونگە سالۋ، حاۋىپسىزدىكتى قورعاۋدىڭ شار تاراپتى بىردەي قامتىعان بەرىك قامالىن ورناتىپ، زورلىقتى كۇش لاڭكەستىگىنە قارسى حالىقتىق سوعىس جۇرگىزىپ، زورلىقتى كۇش لاڭكەستەرىن كوشەدەن قاشقان تىشقان ۇر - ۇردىڭ استىنا قالادى دەگەندەي كۇيگە ءتۇسىرۋ كەرەك. بۇقارالىق قىزمەتتى ىشكەرىلەي ورىستەتىپ، ءار ۇلت جۇرتشىلىعىن زورلىقتى كۇش لاڭكەستەرىنىڭ قانقۇيلى ارەكەتتەرى مەن ءمانىن جەتە تانۋعا تاربيەلەپ جانە جەتەكتەپ، جاعداي قانشا كۇردەلى بولعان سايىن تۇرعىنى سونشا بەرىك ساقتاپ، سەرگەك ويلى بولىپ، ۇلتتار ىنتىماعىنا، ورنىقتىلىققا ءتيىمدى ىستەردى كوبىرەك ىستەۋ، «دوس كۇيىنىپ، دۇسپان سۇيىنەتىن» ىستەردى استە ىستەمەۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايوننىڭ ءتوراعاسى نۇر باكىر بىرگە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
