- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وباتى قىستاعىنان كورگەندەرىم
كۇلپان قىتان قىزى
2014.05.22 14:59
جوعارىنىڭ ءبىر تۇتاس ورنالاستىرۋى بويىنشا، 2014- جىلى 3- ناۋرىزدا شىڭگىل اۋدانى ارالتوبە قالاشىعىنىڭ وباتى قىستاعىنا قىزمەت گرۋپپاسىنىڭ ءبىر مۇشەسى بولىپ ءتۇستىم. بۇل قىستاق حانزۋ ۇلتىن نەگىز ەتكەن ەگىنشىلىك قىستاق. باسقا ۇلتتاردان حۇيزۋ ٪20 ءىن، قازاق ٪10 ءىن ۇستايدى. قىستاقتا 113 سەميا، 313 جان سانى، 1900 مۋ ەگىستىك جەرى، 470 مۋ شاپپالىعى بار بولىپ، قىستاۋلىققا قالدىرىلعان مالى 900 باس (تۇياق). قىستاقتا 16 پارتيا مۇشەسى بار.
ءبىزدىڭ قىستاققا كەلگەن كەزىمىز قىستاقتىڭ تارپاڭ تابيعات سيلاعان اق كورپەسىن قىمتانىپ، تىپ- تىنىش كۇيىندە جاتقان مەزگىل ەدى. ءور التايدان حابارى بار ادامعا ءمالىم، بۇل اراعا قىس ەرتە كەلىپ، كەش كەتەدى. ءبىر جازدا 2 رەت ءونىم الاتىن جەرلەرمەن سالىستىرعاندا، ەكونوميكالىق دامۋ جاعىندا قالايدا كەندەلىگىمىز كورىنىپ تۇراتىنى شىندىق. تىپتەن، جىلىندا ارەڭ ءبىر الاتىن ءونىمنىڭ ءوزى تابيعات وزگەرىسىمەن ولشەنىپ جاتادى.
بۇل قىستاقتا تۇرعانىمىزعا ايدىڭ ءجۇزى بولىپ قالدى. ءساۋىردىڭ شۋاقتى ساۋلەسى قىستىڭ ىزعارىن قۋالاپ، جەردىڭ توڭىن ءجىبىتىپ، ەگنشىلەر ۇستەرىنە ەڭبەك كيىمدەرىن كيىپ، قولدارىنا كۇرەكتەرىن الىپ اتىزعا شىقتى. ءساۋىردىڭ ورتا شەنىندە ۇرىق ءسىڭىرىلىپ، اتىز- ارىقتار باپتالىپ بولدى. بۇل قىستاق جونىنەن العاندا، قار سۋىن قالت جىبەرمەي مەڭگەرۋ توتەنشە ماڭىزدى ەكەن. قازىر مايسالار تەگىس كوگەرىپ، الدى توپىراق سۋىن بەرە باستادى. مايسانىڭ شىعۋ تەبىنىنە قاراپ: «بيىل مول ءونىم الۋ ءۇمىتىمىز زور» دەپ تۇيدىك. بۇعان قىستاقتىڭ ءبىر مۇشەسى رەتىندە مەنىڭ دە كوڭىلىم كوتەرىڭكى.
بۇقارانىڭ وندىرىستەن موينى بوساي بەرە، ءبىز سەميا ارالاپ، ولارمەن كەڭەسىپ، حال- جايلارىن ۇعىسۋعا كىرىستىك. وسى بارىستا، ءبىزدىڭ بۇل قىستاقتىڭ كورشى قىستاقتارمەن سالىستىرعاندا، ۇقسامايتىن بىرنەشە ارتىقشىلىعىن اڭعاردىم:
ەڭ اۋەلى، كوكتەم ءوندىرىسى باستالاردان بۇرىن بۇل قىستاق قىس بويى ۇيلەرىندە ۇساق- تۇيەك شارۋامەن عانا اينالىسىپ جاتقان جالپى جۇرتتى شاقىرىپ، قالىپتى ءوندىرىس جۇرگىزۋ، ارتىق ەڭبەككۇشتەرىن 3- كاسىپكە ويىستىرۋ قاتارلى جۇمىستارعا اتتانىسقا كەلتىرۋ بۇقارالىق جيىنىن اشادى ەكەن. جيىن بارىسىندا قىستاق باستىعى ديقانداردىڭ ءوندىرىس قۋاتى، ەگىلەتىن ءبيداي ۇرىعىنىڭ ساپاسى، ۇلكەندى- كىشىلى تراكتور سىندى ءوندىرىس ماشينا- جابدىقتارىنىڭ قامتاماسىزدىعى، ارتىق جەردى كوتەرەگە بەرۋ قاتارلى جۇمىستاردى ديقاندارمەن ەگجەي- تەگجەيلى اقىلداسىپ، ورنالاستىرۋ جاسايدى ەكەن. سوندىقتان دا، وباتى قىستاعىندا جەر داۋى، ۇرىق جەتىسپەۋ، ءوندىرىس سايماندارى تاپشى بولۋ سياقتى جاعدايلار مۇلدە كورىلمەيدى ەكەن.
تاعى ءبىر ارتىقشىلىق: قىستاقتاعى جالپى جۇرت جەرگە ۇرىق ءسىڭىرىپ بولىسىمەن قىستاق باستىعىنىڭ ۇيىمداستىرۋى ارقىلى كومەيگە تاس ءتۇسىرىپ، سۋ قاينارىن بەكەمدەۋ، ارىق- قۇلاقتاردى ارشىپ، سۋ جولدارىن ىركىلىسسىزدەندىرىپ، مول ءونىم الۋعا نەگىز قالايدى ەكەن. سوندىقتان دا، بۇل قىستاقتا سۋ تالاسى، سۋ جەتىسپەۋ احۋالدارى مۇلدە كەزىكپەيدى ەكەن.
وباتى قىستاعىنان ەرەكشە كوزىمە تۇسكەن تاعى ءبىر ءىس: اتىز باپتاعاندا جەردىڭ تەگىستىگىنە ەرەكشە كوڭىل بولەدى. دەمەك، ءوزىمىزدىڭ كادىمگى كولىگىمىز اتقا ديقاندار «تۇيبان» دەپ اتايتىن جەر تەگىستەۋ سايمانىن شەگىپ الىپ، جىرتىلعان جەردى تەگىستەپ شىعادى ەكەن. ال، قاتتى قايىرىمعا كەلمەيتىن قارتتار دا اتىز باسىنا بارىپ تاس- تۇيىرشىكتەردى تەرىپ، قولعابىس تيگىزىپ جاتىر. وسىنداي جاپالى ەڭبەكتىڭ ارقاسىندا، ءار سەميا سۋ وشىرەتى كەلگەندە، 20 مۋ جەردى ءبىر ساعات 30 مينۋت مولشەرىندە سۋارىپ بولادى ەكەن.
قىستاقتاعى ما بايحى اتتى قاريانىڭ ايتقان ءسوزى ادامدى ويلاندىرماي قويمايدى: «بالام، جەر ــ ءبىزدىڭ تىرشىلىك تىرەگىمىز، وسى الاقانداي جەرمەن نەشە اۋلەت وسى قىستاقتا ءومىر ءسۇرىپ كەلەمىز، سول ءۇشىن جەردى ايايمىز، انامىزداي كورەمىز، اسىرەسە، ەگىن ەگەر كەزدە كوپ كۇش شىعارىپ، جەردى تاماشا باپتايمىز. بۇل ءبىزدىڭ مول ءونىم الۋداعى بىردەن-ءبىر جولىمىز».
ەندى ءبىر ارتىقشىلىق: بۇل قىستاقتا ەگىن ەگىلىپ، اتىز-ارىق ارشىلۋ جۇمىستارى اقىرلاسقاننان كەيىن، ديقاندار جالپى بەتتىك قول اربا، كۇرەك، سىبىرتكىلەرىن الىپ كوشەگە شىعىپ، كىشكەنە عانا شاعىن كوشەسىن ايناداي ەتىپ تازالاپ، قوقىر-قوقسىعىن ورتەپ، كومىپ، تەگىستەپ، تراكتور، موتوتسيكلدەرىن رەمونتتاپ، 3-كاسىپكە قالانى، دالانى بەتكە الىپ جۇمىسقا كەتەدى ەكەن. كوشە تاپ-تازا، بالالار الاڭسىز وقۋدا، اۋىل ورتاسى تىنىش، ادامدارى بەرەكەلى، كوشەدەن قۇلاعان، كەتىلگەن قورا-جاي، موڭىرەگەن سيىر، ابالاعان ءيت، دارىلداعان موتوتسيكل، ەلەۋرەگەن جاستاردى كورمەيسىڭ.
وسىنىڭ ءبارى قورىتا كەلگەندە، تەتىك–باسشىلىقتا دەگەندەي، ءبىر قىستاق جونىنەن العاندا، باسقارۋ ورەسى جوعارى، ۇيىمداستىرۋ قۋاتى كۇشتى، ويى ءورىستى، ىنتىماعى جاراسىمدى قىستاق باسشىلىق القاسى مەن ۇيىمشىل دا ەڭبەكشىل بۇقاراسىنىڭ تىعىز سايكەسۋى، بەرەكە- بىرلىگىنىڭ جەبەۋىندە قولعا كەلىپ وتىرعاندىعىندا داۋ جوق.سۋرەتتە: ديقاندار كومەي ارشۋدا.
اۆتوردىڭ ادرەسى: شىڭگىل اۋداندىق قازىنالىق باقىلاۋ مەكەمەسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
