- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياحات قىزمەتى جونىندەگى جۇمىس باسى ءماجىلىسى اشىلدى
2014.05.22 10:24
ايماقتىق پارتكومنىڭ شۋجيى دىڭ جاڭۋ قاتارلىلار 7-مامىردان 16-مامىرعا دەيىن بۋىرشىن اۋدانىنداعى، قاناس كورىنىس رايونىنداعى، كوكتوعاي اۋدانىنداعى جانە التاي قالاسىنداعى ساياحات نەگىزدىك قۇرىلعىلار قۇرىلىسىنىڭ جاعدايىن سول جەردىڭ وزىندە كوزدەن كەشىرىپ، نەگىزگى ساتىداعى ۇكىمەت پەن ساياحات كاسىپورىندارىنىڭ ساياحات قىزمەتى جونىندەگى ۇسىنىس-پىكىرىن تىڭدادى ءارى جۇمىس باسىندا شەشىم جاساپ، نىسان اتقارۋ بارىسىندا ورىن تەپكەن قينشىلىقتار مەن ماسەلەلەردى شەشۋ جولىن قاراستىردى.
دىڭ جاڭۋ سول جەردىڭ وزىندە كوزدەن كەشىرۋ بارىسىندا مىنالاردى اتاپ كورسەتتى:« ايماعىمىزدىڭ ساياحات قىزمەتى جونىندەگى جۇمىس باسى ءماجىلىسى ايماعىمىزدىڭ ساياحات قىزمەتى ماجىلىسىنەن كەيىنگى ساياحات قىزمەتىن ىلگەرى باستىراتىن تاعى ءبىر ماڭىزدى ءماجىلىس ەسەپتەلەدى، وسى ارقىلى ساياحات نىساندارىن اتقارۋ بارىسىندا ورىن تەپكەن قينشىلىقتار مەن ماسەلەلەردى سول جەردىڭ وزىندە شەشۋدى ماقسات ەتتىك. قازىر ساياحات كاسىبىندە جاپپاي اشۋ، كەڭ-كولەمدە قۇرىلىس جۇرگىزۋ سىندى تاماشا جاعداي جارىققا شىقتى. ۇستەگى جىل ايماعىمىزدىڭ ساياحات كاسىبىن گۇلدەندىرۋ جىلى، سوندىقتان ساياحاتتاعى نەگىزدىك نىسان قۇرىلىسىن ويداعىداي جۇرگىزۋ بيىلعى ساياحات قىزمەتىندەگى ايىرىقشا ماڭىزدى قىزمەت. مەملەكەتىمىزدە ەكونوميكانىڭ دامۋى سايابىرلاپ قىسىم نەداۋىر اۋىر بولعان، قۇرىلىستىڭ وزىندىك قۇنى نەداۋىر تومەن بولعان قازىرگى كەز كەڭ كولەمدى قۇرىلىس جۇرگىزۋدىڭ ەڭ تاماشا مەزگىلى، سوندىقتان اۋداندار مەن التاي قالاسىنداعى، قاناس كورىنىس رايونىنداعى، كاسىپورىندارداعى جولداستار وسىنداي تيىمدى ساتتەن ۇتىمدى پايدالانىپ، سەنىمدى بەكەمدەپ، قارجى قوسۋ تەبىنىن جالعاستى ارتتىرىپ، نىسان قۇرىلىسىن ويداعىداي جۇرگىزۋى كەرەك».
دىڭ جاڭۋ مىنالاردى باسا دارىپتەدى: «كورىنىس رايوندارى دامۋ بارىسىندا مەملەكەت پەن اۆتونوميالى رايوننىڭ نىسان جاعىنداعى قولداۋىنا بەلسەنە قول جەتكىزىپ، نىسان قويماسىن ۇزدىكسىز كەمەلدەندىرۋى قاجەت؛ ساۋداگەر شاقىرىپ، قارجى ەنگىزۋ قىزمەتىنىڭ تەبىنىن ارتتىرۋ مەن بىرگە ساياحات كاسىبىنىڭ دارەجەسىن جوعارلاتاتىن جاڭا نىسان جونىندە جوسپار جاساۋ قاجەت. كاسىپورىندارعا كورىنىس رايونىنداعى جەر باعاسى، ساياحات نىسانىنىڭ پايداسىن بەرۋ، ادام كۇشى بايلىعى، قازىنا جانە فينانىس قاتارلى جاقتاردان بارىنشا قولداۋ كورسەتۋ كەرەك؛ كورىنىس رايوندارىندا ۇگىتتەۋ، تەزدەتىپ ساتۋ جاعىنا كوبىرەك كۇش سالىپ، اناعۇرلىم كوپ ساياحاتشى باۋراۋ قاجەت. كاسىپورىندار ساياحات كورىنىس رايونىن وركەندەتۋ بارىسىندا ساياحات نىسانىن قاتىستى زاڭ-تۇزىمدەر بويىنشا جۇرگىزۋى، نىسان جوباسى ايماعىمىزدىڭ تۇلعالىق جوباسىنا ۇيلەسۋى كەرەك؛ قاتىستى تاراۋلار مەن ورىندارداعى جولداستار قىزمەت وتەۋ ساناسىن كۇشەيتىپ، كاسىپورىنداردىڭ نىسانعا قول جەتكىزۋىنە ىرىقتىلىقپەن كومەكتەسىپ، سايكەستى دامۋىنا قول ۇشىن بەرۋى قاجەت؛ شارت-جاعدايى پىسىپ-جەتىلگەن نىسانداردى جىلدام اتقارىپ، شارت-جاعدايى پىسىپ-جەتىلە قويماعان نىسانداردى ءسوزجوق دالەلدەۋدەن وتكىزگەننەن كەيىن بارىپ اتقارۋ قاجەت، سونىمەن بىرگە جەرگىلىكتى ورىننىڭ ەكولوگيالىق ورتاسىن، شارۋالار مۇددەسىن سونداي-اق جابايى حايۋاناتتار قورىعىنداعى جابايى حايۋاناتتاردى ويداعىداي قورعاۋ كەرەك».
جەرگىلىكتى شارۋالارعا ساياحات ارقىلى پايدا جەتكىزۋ دىڭ جاڭۋدىڭ ەڭ كوڭىل بولگەن ماسەلەسى ەسەپتەلەدى.
دىڭ جاڭۋ بىلاي دەدى:« ساياحات كاسىبىن دامىتۋدىڭ ماقساتى جەرگىلىكتى بۇقارانىڭ كىرىسىن ارتتىرىپ، اۋقاتتاندىرۋ بولعاندىقتان ساياحات كاسىبىن دامىتۋ بارىسىندا، ساياحات ىستەرىن وركەندەتۋ مەن شارۋالاردى كاسىپتەندىرۋدى، شارۋالاردىڭ كەدەيلىكتەن قۇتىلىپ، اۋقاتتانۋىنا كومەكتەسۋدى ۇشتاستىرۋىمىز كەرەك؛ ساياحات كاسىبىن حالىقتى اۋقاتتاندىراتىن كاسىپكە شىنايى اينالدىرۋ ءۇشىن شارۋالاردى ساياحات كاسىبىنە اتسالىستىرۋىمىز قاجەت؛ ساياحات كاسىبىمەن اينالىسۋشىلاردى تاربيەلەۋ تەبىنىن ارتتىرىپ، قىزمەت وتەۋ ساپاسىن ۇزدىكسىز جوعارلاتۋىمىز كەرەك».
ۇعىسۋىمىزشا، جۋىرداعى جىلداردان بەرى ايماعىمىز جاڭ چۇنشيان شۋجيدىڭ التايدا قىزمەت تەكسەرگەندە العا قويعان «بايلىقتى باياندى اشۋ مەن ەكولوگيالىق ورتانى باياندى قورعاۋدىڭ ۇلگىسى بولۋ، ۇلتتار ىنتىماعىنىڭ ۇلگىسى بولۋ، التايدى جەر جانناتىنا اينالدىرۋ» سىندى تالابى بويىنشا، ساياحات كاسىبىن باسقا كاسىپتەر مەن توعىستىرا دامىتۋ تەبىنىن بارىنشا ارتتىرىپ، ساياحات شارۋاشىلىعىنداعى تىڭ كاسىپتىك كۇيدى كۇش سالا جەتىلدىرىپ، ساياحات كاسىبىن باسقارۋداعى جاڭا تۇزىلىستە جاڭالىق اشىپ، ساياحات كاسىبىن دامىتۋدىڭ جاڭا ۇلگىسىن قاراستىرعاندىقتان ايماعىمىزدىڭ ساياحات قىزمەتى كورنەكتى دامۋشىلىقتارعا قول جەتكىزىپتى.
تالعات ۇسەن ۇلى، لان جيڭلي، رازبەك قامزا ۇلى، سۇن بين، ساۋ جى-ۋىن، جاڭ شيانچىڭ قاتارلى ايماق باسشىلارى مەن قاتىستى تاراۋلاردىڭ جاۋاپتىلارى جۇمىس باسى ماجىلىسىنە قاتىناستى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
