- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءان - ءبي تەاترى «تيانشانعا مەيىر» بەيجيڭدە قويىلدى
2014.05.21 13:46 كەلۋ قاينارى : ءتاڭىرتاۋ تورابى
«تيانشانعا مەيىر» تەاترىنەن كورىنىس.
مەملەكەتتىك مادەنيەت مينيسترلىگى مەن اۆتونوميالى رايوندىق حالىق ۇكىمەتىنىڭ ۇيىمداستىرۋىمەن، 19 -، 20 - مامىر كۇندەرى مەملەكەتتىك ۇلكەن تەاترحانادا ءان - ءبي تەاترى «تيانشانعا مەيىر» قويىلدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت، بۇرىنعى مادەنيەت مينيسترى ۋاڭ مىڭ، مادەنيەت مينيسترىنىڭ ورىنباسارى دۇڭ ۋي، جۇڭگو ادەبيەت - كوركەمونەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتوراعاسى لي ي، كەدەن باس مەكەمەسىنىڭ ورىنباسار باستىعى حۋ ۋي، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن، اۆتونوميالى رايوننىڭ ورىنباسار ءتوراعاسى ەركىن تۇنياز تارتىمدى تەاتردى كورەرمەندەرمەن بىرگە تاماشالادى.
ءان - ءبي تەاترى «تيانشانعا مەيىر» اۆتونوميالى رايونىمىز ءتۇيىندى تۇردە ءمان بەرگەن ساحنالىق ونەر تۋىندىسى. بۇل تەاتر شىڭگىل اۋدانىنداعى ۇيعۇر شەشەي ءانيپا الىماحۇننىڭ 6 ۇلتتان 19 بالانى باعىپ - قاعىپ ادام قاتارىنا قوسقان شىنايى حيكاياسى نەگىزىندە دايىندالعان. رەاليستىك جاسامپازدىق ءتاسىلى ارقىلى قاراپايىم انانىڭ جانە شينجياڭداعى ءار ۇلت جۇرتشىلىعىنىڭ قالتقىسىز ماحابباتى، ۇلى مەيىرى جىرلانعان، شينجياڭداعى ءار ۇلت حالقىنىڭ ەتەنە بولىپ، بەرەكە - بىرلىكتى ساقتاپ، كورىكتى شينجياڭدى بىرگە قۇرعان ءداۋىر رۋحى تولىق ايگىلەنگەن، وتانشىلدىق تاربيە مەن ۇلتتار ىنتىماعى تاربيەسىنىڭ جاندى وقۋلىعى، شينجياڭنىڭ جۋىق جىلدارداعى مادەنيەت، كوركەمونەر ىستەرىنىڭ دامۋ جەتىستىكتەرىنىڭ شوعىرلى بەينەسى.
ءان - ءبي تەاترى «تيانشانعا مەيىر» «بەتاشار − تيانشان كوكتەمى»، «بالالىق شاق»، «تاڭداۋ»، «ورالۋ» جانە «اقىرعى ءسوز − انا» دەگەن 5 بولىمنەن قۇرالعان، ۋاقىتى 102 مينۋت، 28 اريادان تۇرادى. مەملەكەتتىك 1 - دارەجەلى سەنەرياست جانە رەجيسسەر، جۇڭگونىڭ «كورنەكتى ۇلەس قوسقان ءبيشى» اتاعىنىڭ يەگەرى شيڭ شىمياۋ تەاترگە رەجيسسەرلىك ەتتى، شىعارماشىلىق توپ ورتالىق مۋزيكا ينيستيتۋتىنىڭ پروفەسسورى تاڭ جيانپيڭ، مەملەكەتتىك 1 - دارەجەلى ساحنا جوبالاۋشى، مەملەكەتتىك ۇلكەن تەاترحانانىڭ ساحنالىق باس باقىلاۋشىسى، مادەنيەت مينيسترلىگىنىڭ تاڭداۋلى مامانى گاۋ گۋاڭجيان، تيانشان كينو ستۋدياسىنىڭ سەناريسى جاڭ بيڭ جانە جاس رەجيسسەرلەر شۋە گۋاڭپىڭ مەن دۇڭ جىچياڭ، جاس سەناريست ۋاڭ ليڭيۇن سەكىلدى مامانداردان ۇيىمداستى. اتاقتى ءانشى ءدىلبار مەن جاس ارتيس يۇي يۋەيۋە، ەركىن ابدوللا سياقتىلار رولعا شىقتى. شينجياڭ كوركەمونەر تەاترىنىڭ ءان - ءبي ۇيىرمەسى، شينجياڭ كوركەمونەر تەاترىنىڭ وپەرا ۇيىرمەسى، شينجياڭ كوركەمونەر تەاترىنىڭ ۇلت اسپاپتارى وركەسترى، شينجياڭ مۇقام ۇيىرمەسى، شينجياڭ كوركەمونەر ينستيتۋتى، قوعام حاۋىپسىزدىگى ءورت ءوشىرۋ، ورتتەن ساقتانۋ باس اترەتى ساياسي ءبولىمىنىڭ ويىن - ساۋىق ۇيىرمەسى، ىلە قازاق اۆتونوميالى وبلىستىق تەاتر ۇيىرمەسى جانە جۇڭگو حالىق ازاتتىق ارمياسى اۋە ارمياسى ساياسي ءبولىمىنىڭ ويىن - ساۋىق ۇيىرمەسى تەاتردى دايىنداۋعا قاتىستى. «شينجياڭ گازەتى» ءتىلشى: مايگۇل ايتقازى قىزى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
