- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءارقانداي بوداۋ بەرۋدەن تايىنباي، جارالىلاردى بار كۇشپەن قۇتقارايىق
2014.05.23 13:45 كەلۋ قاينارى : ءتاڭىرتاۋ تورابى
«مەن تاڭەرتەڭ كوكونىس ساتىپ الامىن دەپ بارىپ، ءولىپ قالا جازدادىم». 22 - مامىر تاڭەرتەڭ اۆتونوميالى رايوندىق جۇڭگوشا ەمدەۋ شيپاحاناسىنان تۇرنيسا شادات اپايدى كەزىكتىرگەنىمىزدە، ول كىسى CT جايمالاپ تەكسەرۋىن جاساپ بولىپ، ىشكەرىلەي ەمدەلگەلى جاتىر ەكەن.
كەۋدە سۇيەگى، بىلەگى، اياعى كوپ جەردەن سىنعان تۇرنيسا شادات ءۇرىمجى قالاسىندا تۋىلعان «22 - مامىر» اۋىر زورلىقتى كۇش لاڭكەستىك دەلوسىنداعى زيانكەستىككە ۇشىراۋشىلاردىڭ ءبىرى، ول كىسىمەن بىرگە كوكونىس العالى شىققان قىزى ريزۋانگۇل قاسىم دا وسىندا جاتىر، اۋىر جارالانعان ول ەكى قابات ەكەن.
ءارقانداي بوداۋ بەرۋدەن تايىنباي، جارالىلاردى بار كۇشپەن قۇتقارايىق! اۆتونوميالى رايون، ءۇرىمجى قالاسى جەدەل ارەكەتتەنىپ، جارالىلاردى جونەلتۋ جانە ەمدەۋ قىزمەتى 10 مينۋت ىشىندە باستالىپ كەتتى. اۆتونوميالى رايوندىق دەنساۋلىق ساقتاۋ مەڭگەرمەسى مەن ءۇرىمجى قالالىق دەنساۋلىق ساقتاۋ مەكەمەسىنىڭ سايكەسۋىندە، ۇلكەن شيپاحانالار دەرەۋ قولدا بار مۇمكىندىكتەردى ىسكە قوسىپ، ءبىر - بىردەن قۇتقارۋ، ەمدەۋ تالابىنا ساي، ءاربىر جارالىنىڭ ەڭ جاقسى ەمدەۋ شارت - جاعدايىنا يە بولۋىنا كەپىلدىك ەتتى.
«شيپاحاناعا جاتا سالىپ سىنىقتى تاڭدى». سارىگۇل سەيىت جيەنىن مەكتەپكە اپارىپ قويىپ قايتىپ كەلە جاتقان جولىندا وقيعاعا تاپ بولىپتى. وپەراتسيادان ەندى عانا شىققان ول تىلشىگە ءوزىنىڭ ۇرەيلى كەشىرمەسىن بايانداعاندا كوز جاسىنا يە بولا الماي: وسى بۇزىقتاردىڭ قالايشا ادامگەرشىلىكتەن جۇرداي بولعانىنا، ءبىزدىڭ جاقسى تۇرمىس كەشىرۋىمىزگە نەگە جول قويعىسى كەلمەيتىنىنە اقىلىم جەتپەيدى، - دەدى.
«مەن سول كەزدە تاڭعى بازاردا كوكونىس ساتىپ الىپ جاتقان ەدىم، گۇرس ەتكەن جويقىن داۋىستى ەستىپ ەسىمنەن تانىپ كەتتىم... ەسىمدى جيعاندا ءبىر اياق كيىمىمنىڭ قايدا قالعانىن بىلمەي قالدىم». اۆتونوميالى رايوندىق حالىق شيپاحاناسىندا ەمدەلىپ جاتقان 79 جاستاعى تيان جۇيفىڭ كاريا وسىلاردى ايتقاندا، ەكى يىعىنان دەم الىپ، سويلەۋگە شاماسى كەلمەي قالدى.
تيان جۇيفىڭ دەمىن ىشىنە تارتا زىعىردانى قايناپ: زورلىقتى كۇش لاڭكەستەرى بارىپ تۇرعان راقىمسىز، سۇمپايىلار ەكەن، ورتالىق پەن اۆتونوميالى رايوننىڭ بۇل ءىستى ويداعىداي ءبىر جايلى ەتەتىنىنە كامىل سەنەمىن، - دەدى.
اۆتونوميالى رايوندىق جۇڭگوشا ەمدەۋ شيپاحاناسى ەمدەۋ ىستەرى ءبولىمىنىڭ مەڭگەرۋشىسى، قۇتقارۋ، ەمدەۋ قىزمەتىنە قاتىناسقان ليۋ حۇڭشيا: ولاردا ادامگەرشىلىكتەن جۇرناق بولسا، قارتتار مەن السىزدەرگە، ايەلدەرگە ۋلى شەڭگەلىن سالماس ەدى. ەمدەۋ قىزمەتكەرلەرى بولعان ءبىز، ءسوز جوق، جارالىلاردى بار كۇشپەن قۇتقارىپ، زورلىقتى كۇش لاڭكەستەرىنىڭ ولارعا سالعان ازابىن مۇمكىندىكتىڭ بارىنشا جەڭىلدەتۋگە قۇلشىنامىز، -دەدى.
اۆتونوميالى رايوندىق جۇڭگوشا ەمدەۋ شيپاحاناسى دەلو تۋىلعان جەرگە ەڭ جاقىن. ليۋ حۇڭشيا: ساعات 8 دە جوعارى دارەجەلى ورىننىڭ ۇقتىرۋىن تاپسىرىپ الدىق. شۇعىل قۇتقارۋ ورتالىعى شۇعىل جاعدايعا توتەپ بەرۋ دايىندىق جوباسىن دەرەۋ ىسكە قوسىپ، جاپپاي ارەكەتكە كەلدى. 5 مينۋتتىڭ ىشىندە بۇكىل شيپاحاناداعى ەڭ مىعىم ەمدەۋ كۇشى بۇكىلدەي قىزمەت ورىندارىندا شۇعىل قۇتقارۋعا جابدانىپ، ءاربىر جارالىنى شۇعىل قۇتقارۋعا كىرىستى، - دەدى.
اۆتونوميالى رايوندىق حالىق شيپاحاناسى، ءۇرىمجى قالالىق جۇڭگوشا ەمدەۋ شيپاحاناسى سياقتى شيپاحانالار دا بۇل جولعى جارالىلاردى قۇتقارۋ قىزمەتىنە جابال ات سالىستى.
ءۇرىمجى قالالىق دەنساۋلىق ساقتاۋ مەكەمەسىنىڭ جاۋاپتىسىنىڭ ايتۋىنشا، ەڭ العاشقى شۇعىل قۇتقارۋ اۆتوموبيلى دەلو تۋىلعان جەرگە نە بارى ءبىر مينۋتتا جەتىپ بارىپ، جارالىلار 12 مينۋتتا شيپاحانالارعا تەگىس جەتكىزىلىپ بولعان.
22 - مامىردا مەملەكەتتىك دەنساۋلىق ساقتاۋ، جوسپارلى تۋىت كوميتەتى جىبەرگەن 14 ەمدەۋ مامانى ءۇرىمجى قالاسىنا تەگىس جەتىپ، بارلىق جارالىلارعا تاباندا تەكسەرۋ جۇرگىزىپ، جاراقات جاعدايىن ساراپتادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
