- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون ەلەۋلى تۇتقيىل ۋاقيعالارعا شۇعىل توتەپ بەرۋ، ءبىر جايلى ەتۋ مەحانيزمىن ىسكە قوستى
2014.05.26 15:32 كەلۋ قاينارى : شينجياڭ حالىق راديو ستانسياسى تورابى
ءۇرىمجى قالاسى سايباق رايونىنىڭ باقشا سولتۇستىك كوشەسىندەگى تاڭەرتەڭگى بازاردا سيپاتى ەرەكشە ناشار اۋىر زورلىقتى كۇش لاڭكەستىك دەلوسى تۋىلعاننان كەيىن، اۆتونوميالى رايون ەلەۋلى تۇتقيىل ۋاقيعالارعا شۇعىل توتەپ بەرۋ، ءبىر جايلى ەتۋ مەحانيزمىن ىسكە قوستى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان دەرەۋ ورنالاستىرۋ جاسادى، ىلە-شالا اۆتونوميالى رايوندىق پارتكومنىڭ تۇراقتى كوميتەت ءماجىلىسىن باسقارىپ اشىپ، دەلونى ءبىر جايلى ەتۋ، جارالانعانداردى دەرەۋ قۇتقارىپ ەمدەۋ، قوعامنىڭ ورنىقتىلىعىن مەڭگەرۋ جاعىندا ناقتىلى ورنالاستىرۋ جاسادى. جاڭ چۇنشيان مەن نۇر باكىر جەكە-جەكە شيپاحاناعا بارىپ جارالانعان بۇقارانىڭ كوڭىلىن سۇرادى. 22-مامىر تۇستەن كەيىن، جاڭ چۇنشيان اۆتونوميالى رايوننىڭ كادرلار جينالىسىن اشتى. كادىرلار جينالىسى اشىلاردان بۇرىن، جينالىسقا قاتىناسقاندار ورىندارىنان تۇرىپ، وسى رەتكى دەلودا قازا بولعان بەيكۇنا بۇقاراعا قايعىلى ازا ءبىلدىردى.ماجىلىستە باس شۋجي شي جينپيڭنىڭ، زۇڭلي لي كىچياڭنىڭ جانە مەملەكەتتىك ساياسي كەڭەستىڭ ءتوراعاسى يۇي جىڭشىڭنىڭ ماڭىزدى نۇسقاۋىنىڭ رۋحىن جەتكىزىلىپ، ءۇرىمجى قالاسىنداعى «22-مامىر» زورلىقتى كۇش لاڭكەستىڭ دەلوسىنىڭ نەگىزگى جاعدايىن جانە ءبىر جايلى ەتۋ، سوڭعى ىستەردى ىستەۋ سياقتى قىزمەت جاعدايلارى حابارلاندىرىلىپ، كەزەكتەگى قوعامنىڭ ورنىقتىلىق جاعدايىنا تالداۋ جاساپ، تاياۋ مەزگىلدەگى قوعامنىڭ ورنىقتىلىق قىزمەتىنە ورنالاستىرۋ جاسالدى.جاڭ چۇنشيان بىلاي دەپ اتاپ كورسەتتى: ۇرىمجىدەگى «22-مامىر» زورلىقتى كۇش لاڭكەستىك دەلوسى كەزەكتەگى لاڭكەستىككە قارسى كۇرەس جاعدايىنىڭ توتەنشە قاتاڭ دا كۇردەلى ەكەنىن تاعى دا دالەلدەدى، تۇتاس رايونىمىزدىڭ جەر-جەرى قوعام ورنىقتىلىعىن ايرىقشا مىقتى يگەرۋ كەرەك. شينجياڭداعى ءار دارەجەلى پارتيالى كادرلار يدەيانى باس شۋجي شي جينپيڭنىڭ ماڭىزدى ءسوزىنىڭ، نۇسقاۋىنىڭ رۋحىندا بىرلىككە كەلتىرىپ، شىعار ءتۇيىندى، تابان تىرەر تياناقتى قوعامنىڭ ورنىقتىلىعى مەن باياندى تىنىشتىعىنا قويىپ، ورنىقتىلىقپەن قاتىسسىز رايون، تاراۋ، ادام بولماۋ تانىمىن بەرىك ورناتىپ، قىراعىلىقتى ارتتىرىپ، قاتاڭ سوققى بەرىپ، ەرەكشە جاعداي قالپىن باستان-اياق ساقتاپ، استە ءتوزىپ تۇرماۋ، بويكۇيەزدىككە سالىنباۋ شاراسى مەن ءادىسى ارقىلى، زورلىقتى كۇش لاڭكەستەرىنىڭ ساعىن سىندىرۋ كەرەك، جاۋلار بۇلىك تۋدىرعان، بۇلدىرگەن، الىنەن اسقان سايىن ءبىز جاۋعا ورتاق قارسى تۇرىپ، قۇرىش قورعان قۇرىپ، ۋاقىتتىق قيىنشىلىقتى بىرگە جەڭىپ، جاۋدىڭ قاستاندىعىنىڭ ىسكە اسۋىنا استە مۇمكىندىك جاراتپاۋىمىز قاجەت.جاڭ چۇنشيان بىلاي دەپ اتاپ كورسەتتى: بارلىق كۇشتى اتتانىسقا كەلتىرىپ، زورلىقتى كۇش لاڭكەستىك دەلوسىن تەز ارادا بارلاۋ، اشكەرەلەۋ كەرەك. استە كوڭىلشەكتىك ىستەمەۋ پوزەتسياسىن جانە شاراسىن قولدانىپ، زورلىقتى كۇش لاڭكەستەرىنە قاتاڭ سوققى بەرىپ، زورلىقتى كۇش لاڭكەستىك ارەكەتىنە سوققى بەرۋدىڭ مىعىم كۇشىن قالىپتاستىرۋ ءتيىس. ۇرەيلەندىرۋ، جانىشتاۋ ارقىلى لاڭكەستەردىڭ ساعىن سىندىرىپ، بۇقارانىڭ كوڭىلىن ورنىقتىرىپ، ينفورماتسيانى ءبىر-بىرلەپ تەكسەرۋدى كۇشەيتىپ، ينفورماتسيانى انىقتاپ، ءبىر تۇتاس جيناۋ ارەكەتىن جۇرگىزىپ، ماسەلە بايقالسا باتىل سوققى بەرىپ، كومەسكى كىناراتتاردى الاستاپ، پەردە ارتىنداعى جوبالاۋشىنى تاۋىپ، سوڭىنا ءتۇسۋ قىزمەتىن كۇشەيتىپ، جاپپاي قولعا ءتۇسىرىپ، بۇزاقىلاردىڭ تامىرىنا بالتا شاۋىپ، زورلىقتى كۇش لاڭكەستىك ارەكەتىنە باتىل تۇبەگەيلى سوققى بەرۋ پارمەندى كۇشىن قالىپتاستىرۋ كەرەك.جاڭ چۇنشيان بىلاي دەپ اتاپ كورسەتتى: جارالىلاردى قۇتقارۋ جانە قازا بولعانداردىڭ وتباسىندىلاردىڭ قىزمەتىن بار كۇشپەن ويداعىداي ىستەۋ كەرەك. كۇشى مىعىم ەمدەۋ قوسىنىن قۇرىپ، ەڭ جاقسى ەمدەۋ شارت-جاعدايىن جاراتىپ، ءارقانداي بوداۋ بەرۋدەن قورىقپاي قۇتقارۋ قىزمەتىن ويداعىداي ىستەۋ قاجەت. ادەتتەگىدەن دە كۇشتى ءادىس جانە شارا قولدانىپ، جارالانعاندار مەن قازا بولعانداردىڭ وتباسىنداعىلاردىڭ كوڭىلىن جۇباتۋ جانە سوڭعى ىستەرىن ءبىر جايلى ەتۋ قىزمەتىن ويداعىداي ىستەپ، جۇرت كوڭىلىن، قوعام ورنىقتىلىعىن ورنىقتىرۋ ءتيىس. سونىمەن بىرگە، ءۇرىمجى قالاسى مەن باسقادا ءتۇيىندى ايماق، وبلىستار ءبىرىنشى دارەجەلى ۇندەۋدى دەرەۋ اتقارىپ، شارلاۋ جۇرگىزىپ، قوعامدىق جاعدايدى مەڭگەرۋ جانە ءتۇيىندى ورىنداردا ساقتانۋدى جاپپاي كۇشەيتىپ، پارتيا مەن ۇكىمەت اتتانىسقا كەلتىرىپ، حالىق جاپپاي قاتىناسىپ، زورلىقتى كۇش لاڭكەستەرىنە قاتاڭ سوققى بەرۋ ارناۋلى قيمىلىن ىشكەرىلەي ورىستەتۋ كەرەك. زورلىقتى كۇش لاڭكەستەرى قولدانۋى مۇمكىن بولعان تاسىلدەرگە قاراتا، ءالسىز بۋىنداردى اناعۇرلىم قاتاڭ تەكسەرىپ، ولقىلىقتاردى تولىقتاپ، ساقتانۋ شاراسىن قاتاڭ تياناقتاندىرۋ ءتيىس. ءبىرىنشى دارەجەلى ساقتانۋعا، جان-جاقتىلى ادىسكە تاباندى بولىپ، سوققى بەرۋ مەن تاربيە بەرۋدى قاتار مىقتى يگەرۋ قاجەت. ادامدار شوعىرلانعان ورىننىڭ حاۋىپسىزدىككە قاتىستى ساقتانۋ شاراسىن كۇشەيتۋ كەرەك. جاڭ چۇنشيان بىلاي دەپ اتاپ كورسەتتى: قوعامدىق پىكىرگە جەتەكىشلىك ەتۋ قىزمەتىن ويداعىداي ىستەپ، زورلىقتى كۇش لاڭكەستىك قىلمىسىن بىرلىكتە جازعىرۋ، استە بەت-الدى جاۋلاسىپ، باسقالاردى قايعىعا باتىرماۋ، قوعامنىڭ جاراسىمدىلىعى مەن ورنىقتىلىعىن كۇش سالا قورعاۋ ءتيىس. ءار دارەجەلى پارتيالى كادرلار ساياساتتى ۇگىتتەپ، جالپى جاعدايعا نازار اۋدارىپ، ساياسي تارتىپتە قاتاڭ بولىپ، اۋىتقىماي، وسەك-اياڭ تاراتپاي، وسەك-اياڭعا سەنبەي، دۇرىس جەتەكشىلىك ەتۋ قىزمەتىن ىرىقتىلىقپەن ويداعىداي ىستەپ، قوعامدىق وڭ ەنەرگيا تاراتۋ ءتيىس. ول بىلاي دەدى: جولداستار، بۇگىن ءبىز تاعى ءبىر كەلتە حات تاپسىرىپ الدىق، ول كىسىنى ەرەكشە تەبىرەنتتەدى. وندا بىلاي دەلىنىپتى: سەن تۇرعان جەر، ءوزىڭنىڭ وتانىڭ، سەن قالاي بولساڭ، وتانىڭ سولاي بولادى، سەن نە بولساڭ، وتانىڭ دا سول، سەن شۇعىلا شاشساڭ، وتانىڭ دا نۇرلانادى، شينجياڭدى قىزۋ سۇيەتىندەر، كۇش-قۋاتتى شوعىرلاندىرىپ، قينشىلىقتى جەڭۋىمىز كەرەك، بۇلت اسپاندى تورلاعانىمەن، كۇن نۇرىن توسا المايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر كادرلار جينالىسىندا ءسوز سويلەپ بىلاي دەپ اتاپ كورسەتتى: لاڭكەستىككە قارسى كۇرەستىڭ قاتاڭدىعىن تولىق تانىپ جەتىپ، يدەيا مەن قيمىلدى ورتالىق كوميتەت پەن اۆتونوميالى رايوندىق پارتكومنىڭ ورنالاستىرۋىندا باتىل بىرىكتىرىپ، لاڭكەستىككە قارسى تۇرىپ، ورنىقتىلىقتى قورعاۋدى كەزەكتەگى بارلىعىن باسىپ تۇسەتىن ساياسي مىندەت رەتىندە قاراۋ كەرەك. مۇلدە جول بەرمەۋ يدەياسى مەن باتىل پارمەندى شارا ارقىلى قاتاڭ سوققى بەرۋ جاعدايىن ۇزدىكسىز ساقتاپ، زورلىقتى كۇش لاڭكەستەرىنە زاڭ بويىنشا قاتاڭ سوققى بەرىپ، زورلىقتى كۇش لاڭكەستەرىنىڭ الىنەن اسا ەلەۋرەۋىنە باتىل سوققى بەرۋ قاجەت. قوعامدىق شارلاۋ مەڭگەرۋ مەن ماڭىزدى ورىندارداعى ساقتانۋ، مەڭگەرۋدى جاپپاي كۇشەيتىپ، وسىعان قاتىستى اسەر تۋىلۋىنان قاتاڭ ساقتانىپ، قوعام ورنىقتىلىعىن بار كۇشپەن قورعاۋ كەرەك.قازىر جارالانعانداردى قۇتقارۋ ەمدەۋ، قازا بولعانداردىڭ سوڭعى ىستەرىن ءبىر جايلى ەتۋ، دەلونى بارلاپ اشكەرەلەۋ قىزمەتى ءتارتىپتى ورىستەتىلۋدە، ءۇرىمجىنىڭ قوعام جاعدايى تىنىش، ورنىقتى، قوعامدىق ءتارتىبى قالىپتى. 23-مامىر تاڭ سارىدە، جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ كەڭەيتىلگەن ءماجىلىسىن باسقارىپ اشىپ، ءار قايسى جاقتاعى قىزمەتتەردىڭ ىلگەرىلەۋ احۋالىن قورتىندىلاپ، ماسەلەلەردى دەر كەزىندە زەرتتەپ شەشۋدى تالاپ ەتىپ، كەلەسى كەزەكتەگى قىزمەتتەرگە ورنالاستىرۋ جاسادى. جاڭ چۇنشيان بىلاي دەپ اتاپ كورسەتتى، قاتاڭ سوققى بەرۋ جاعدايىنان جازباي، بارلىق كۇشتى اتتانىسقا كەلتىرىپ، دەلونى تەز ارادا بارلاپ انىقتاپ، بۇكىل شينجياڭنىڭ، اسىرەسە ءۇرىمجى قالاسى مەن ءتۇيىندى وڭىرلەردىڭ قوعام ورنىقتىلىعىنا شىن مانىندە كەپىلدىك ەتۋ كەرەك. ورتالىقتىڭ ورنالاستىرۋى بويىنشا، بۇكىل شينجياڭ كولەمىندە لاڭكەستىك ارەكەتىنە قاتاڭ سوققى بەرۋ ارناۋلى ارەكەتىن دەرەۋ ورىستەتىپ، بۇكىل شينجياڭنىڭ قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ ءتيىس.قازىر جارالانعانداردى قۇتقارۋ ەمدەۋ، قازا بولعانداردىڭ سوڭعى ىستەرىن ءبىر جايلى ەتۋ، دەلونى بارلاپ اشكەرەلەۋ قىزمەتى ءتارتىپتى ورىستەتىلۋدە، ءۇرىمجىنىڭ قوعام جاعدايى تىنىش، ورنىقتى، قوعامدىق ءتارتىبى قالىپتى.شوكىرات زاكىر، نۇرلان ءابىلماجىن ۇلى، حان يۇڭ، ليۋ لەي، حۋاڭ ۋي، سۇڭ ايرۇڭ، باي جىجيە، ەركىنجان تۇراحۇن، شيۇڭ شۋانگو، عانيبات سابىكەي ۇلى، لي شۋەجۇن سياقتىلار كادرلار جينالىسىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
