- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جارالانعانداردىڭ تورتەۋى شيپاحانادان شىعىپ، اۋىر جارالانعانداردىڭ دەنى حاۋىپتەن قۇتىلدى
2014.05.27 14:01 كەلۋ قاينارى : شينجياڭ حالىق راديو ستانسياسى تورابى
25-مامىر «22-مامىر زورلىقتى كۇش لاڭكەستىك» دەلوسىنىڭ تۋىلعانىنىڭ 4-كۇنى. قاتىستى جاقتاردان كەلىپ تۇسكەن حابارعا قاراعاندا، جارالانعانداردىڭ تورتەۋى شيپاحانادان شىعىپ، اۋىر جارالانعانداردىڭ دەنى حاۋىپتەن قۇتىلىپتى.بۇل دەلونىڭ 36 ساعاتتا تەكسەرىپ انىقتالعانىنان كەيىنگى كوڭىلىمىزگە مەدەت بەرگەن تاعى ءبىر حابار بولدى. «22-مامىر زورلىقتى كۇش لاڭكەستىك دەلوسى» تۋىلعانىنان كەيىن، وقىيعا تۋىلعان ورىندى ءبىر جايلى ەتۋ، جارالانعانداردى قۇتقارۋ، دەلونى تەكسەرىپ انىقتاۋ، قوعامنىڭ ورنىقتىلعىن ساقتاۋ، قازا بولعانداردىڭ سوڭعى جۇمىستارىن ويداعىداي ورنالاستىرۋ قىزمەتتەرى بىردەي باستالدى، پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايون، ءۇرىمجى قالاسى، الەۋمەتتىك اۋماقتار سەلبەسە ارەكەتكە كەلىپ، ءتۇرلى كۇشتەر تىعىز ىنتىماقتاسىپ، ءبىر جايلى ەتۋ، قۇتقارۋ، ەمدەۋ، سوڭعى جۇمىستاردى ىڭعايلاۋ قىزمەتتەرى ءونىمدى دە ءتارتىپتى ورستەتىلىپ، جارالى جۇرەكتەرگە مەدەت بەردى.العاشقى توپتاعى شۇعىل جاعدايعا توتەپ بەرۋشى كۇشتەر دەلو تۋىلعان ورىنعا ءبىر مينوتتا جەتىپ ۇلگىردى، كومەكشى كۇشتەر 5 مينوتتا كەلىپ بولدى. جارالانعانداردىڭ بارى 12 مينوتتا شيپاحاناعا جەتكىزىلدى، وقيعا ورنى ءبىر ساعاتتا تازالانىپ بولىپ،اينالانىڭ ءتارتبى قالىپقا ءتۇستى.قوعام حاۋىپسىزدىگى مينىستىرلىگىنىڭ، اۆتونوميالى رايوندىق قوعام جاۋىپسىزدىگى مەڭگەرمەسىنىڭ، ءۇرىمجى قالالىق قوعام حاۋىپسىزدىگى مەكەمەسىنىڭ قىلمىستىق ستەر بويىنشا مامان تەحنيكتەرى مەن قىزمەتكەرلەرىنىڭ ءۇرتىس شايقاس جاساۋىمەن دەلو 36 ساعاتتا اشكەرەلەنىپ، ار ۇلىت بۇقاراسىنىڭ كوڭىلى ورنىقتى.دەلو تۋىلعاننان كەيىن اۆتونوميالى رايون مەن ءۇرىمجى قالاسىنداعى دەنساۋلىق ساقتاۋ تاراۋلارى دەرەۋ اتتانىسقا كەلىپ، قۇتقارۋ قىزمەتىنە بەلسەنە ات سالىستى، شۇعىل قۇتقارۋدىڭ جاسىل ارناسىن اشىپ، ەڭ كۇشتى ەمدەۋ كۇشىن ۇيىمداستىرىپ، قان جانە قاجەتتى ءدارى-دارمەكپەن قامتاماسزداندىرىپ، ەڭ قىسقا ۋاقىت ىشىندە جارالانعانداردى قۇتقارىپ قالدى.ءۇرىمجىنىڭ سوڭعى جۇمىستاردى ويداعىداي ءبىر جايلى ەتۋ جونىندەگى تالابى: ءار ءبىر جارالىنىڭ، قازا بولعانداردىڭ تۋىس تۇعاندارىنا قىزمەت وتەۋ، قامتاماسزداندىرۋ مەن جۇباتۋ، ءجون كورسەتۋ جانە پسحيكالىق جاقتان كەڭەس بەرۋ قىزمەتىن ىستەۋ ؛ءاربىر وتباسىنا بىردەن قىزمەت گۇرپپاسىن ورنالاستىرىپ، قازا بولعانداردىڭ وتباسىنداعىلارعا ويداعىداي قىزمەت وتەۋ، جارالىلار مەن ولاردىڭ تۋىس تۇعاندارىنىڭ، قازا بولعانداردىڭ وتباسىنداعىلار اڭىس ەتكەن ماسەلە مەن تالاپ جونىندە سايكەستى قىزمەتتى بايسالدىلىقپەن، ەگجەي-تەگجەيلى جاقسى ىستەپ، كوڭىلىن اۋلاۋ، كوڭىل كۇيىن ورنىقتىرۋ.زورلىقتى كۇش لاڭكەستىك دەلوسى تۋىلعاننان كەيىن، سول جەردەگى جانە سول ماڭداعى ءار ۇلىت جۇرتشىلىعى، ساۋداگەرلەر، كوشەدەگى جۇرگىنشىلەر ءوزارا كومەكتەستى، كىسىنى اسەرلەندىرەرلىك ەسىمدەر مەن جيكايالار ەل اراسىنا كەڭىنەن تارالدى.قىسقا عانا بىرنەشە كۇندە ءۇرىمجى قالالىق قان ورتالىعى 60 مىڭ ميلليلەترگە جۋىق اقىسىز قان جينادى. ءار ۇلىت جۇرىتشىلىعىنىڭ شىنايى مەيىرى مەن ىستىق ىقىلاسىن جيعان قان تالاي جاننىڭ ومىرىنە اراشاشى بولۋمەن بىرگە، قالتىقسىز سۇيسپەنشىلىك پەن مىزعىماس بەرەكەنىڭ ايعاعىنا اينالدى.قالانى جاڭبىر شايىپ، تالاي جان كوز جاسىن سەلدەتىپ،، اۋىر قايعىعا باتسا دا ءۇرىمجىنىڭ بۋىنى بوساعان جوق، بۇرىنعىداي قاجىماس قايسارلىعىنان جازبادى. دەلونىڭ تەكسەرىلىپ انىقتالۋىنا، زورلىقتى كۇش لاڭكەستىك ارەكەتىنە قاتاڭ، سىلەيتە سوققى بەرۋ ارناۋلى ارەكەتىنىڭ ورىستەتىلۋىنە، كوپتەگەن قىزمەت شارالارىنىڭ شكەرلەري اتقارىلۋىنا، ءۇرىمجىنىڭ قوعامدىق جاعدايىن مەڭگەرۋ قىزمەتى نىعايتىلىپ، ادامدار شوعىرلى ورىنداردىڭ حاۋىپسىزدىگى مەن ءتۇيىندى جەرلەردەگى حاۋىپسىزدىكتى قورعاۋ قىزمەتى كۇشەيتىلۋدە. اناعۇرلىم ىنتىماقتى مىزعىماس كۇش بۇكىل قالادا ۇلكەن تولقىن قالىپتاستىرۋدا!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
