- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون ورىنباسار ولكە دارەجەلىدەن جوعارى باسشى كادرلار ءماجىلىسن اشتى
2014.05.27 14:01 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايون 25-مامىر تۇستەن بۇرىن ورىنباسار ولكە دارەجەلىدەن جوعارى باسشى كادرلار ءماجىلىسن اشىپ، «22-مامىر» اۋىر زورلىقتى كۇش لاڭكەستىك دەلوسىن ءبىر جايلى ەتۋ، سوڭعى جۇمىستارىن ىڭعايلاۋ جاعدايىن حابارلاندىرىپ، بۇكىل شينجياڭنىڭ ورنىقتىلىق قىزمەتىن اقىلداسىپ ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلسكە قاتىناستى جانە ماڭىزدى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزى مەن نۇسقاۋىنڭ رۋحىن ىشكەرلەي دايەكتى تياناقتاندىرىپ، جەلىلەس نەمەسە قايتالامالى وقيعالاردىڭ، زورلىقتى كۇش لاڭكەستىك دەلولارىنىڭ، كولەمدى توپتىق وقيعالاردىڭ تۋىلۋىنان باتىل ساقتاۋدى نىسانا ەتىپ، پارمەندى شارا، توتەنشە تاسىلدەر ارقىلى شينجياڭنىڭ كەزەكتەگى قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ كەرەك.ورتالىقتىڭ 11-ارالاپ جەتەكشىلىك ەتۋ گرۋپپاسىنىڭ باستىعى سۇڭ يۇييىڭ، ورىنباسار باستىعى سۋ زىلين ماجىلسكە قاتىناستى.«22-مامىر» اۋىر زورلىقتى كۇش لاڭكەستىك دەلوسى تۋىلعاننان كەيىن، اۆتونوميالى رايوندىق پارتكوم مەن حالىق ۇكىمەتى باس شۋجي شي جينپيڭ مەن ورتالىقتاعى وزگە باسشى جولداستاردىڭ ماڭىزدى نۇسقاۋىنىڭ رۋحىن باتىل دايەكتلەندىرىپ، وقيعا ورنىن تىزگىن ۇشىندا ءبىر جايلى ەتىپ، دەلونى تەكسەرىپ انىقتاۋ قىزمەتىن بار كۇشپەن ويداعىداي جۇرگىزىپ، سوڭعى جۇمىستاردى مۇقيات، دەن قويا ىستەپ، ءۇرىمجى قالاسىنڭ قالىپتى قوعامدىق ءتارتىبى مەن بۇكىل شينجياڭنىڭ قوعامدىق جالپى جاعدايىنىڭ ورنىقتىلىعن ساقتادى.جاڭ چۇنشيان بىلاي دەپ اتاپ كورسەتتى: وسى رەت قازا بولعان جانە جارالانعان جازىقسىز جاندار شينجياڭدى كوركەيتۋگە ەڭبەك ەتىپ، ۇلەس قوسقان جاندار، ولار بولماسا بۇگىنگى شينجياڭدا بولماس ەدى. قازا بولعانداردىڭ وتباسىنداعىلار مەن جارالانعانداردىڭ كوڭىل كۇيىن تەرەڭ ءتۇسىنىپ، سوڭعى جۇمىستاردى ءبىر جايلى ەتۋ قىزمەتىن تەرەڭ سۇيسپەنشىلىكپەن ىستەپ، عالامتوردا ازا ءبىلدىرۋ تەكشەسىن اشىپ، ينتەرنەتتەگى ازا ءبىلدىرۋ قيمىلىنا جەتەكشىلىك ەتىپ، قازا بولعاندار مەن ولاردىڭ قىزمەت ورنىنىڭ رولىن تولىق ساۋلەلەندىرىپ، سوڭعى جۇمىستاردى ءبىر جايلى ەتۋ قىزمەتىن جۇمىلا ويداعىداي جۇرگىزۋ كەرەك. ول بىلاي دەپ باسا دارىپتەدى: نەگىزگى اقپارات قۇرالدارى، مەكەمە ورىندار كادرلار مەن بۇقاراعا زورلىقتى كۇش لاڭكەستەرىنىڭ ۇلتتار قاتىناسىنا ىرىتكى سالماق بولعان قارا نيەتىن ايقىن ءتۇسىندىرىپ، ءار ۇلت كادرلارى مەن بۇقاراسى سابىرلى بولىپ، زورلىقتى كۇش لاڭكەستەرىنە نالەت ايتىپ، شينجياڭنىڭ ورنىقتىلىعى مەن تىنىشتىعىن بىرگە قورعاۋعا جەتەكشىلىك ەتۋ كەرەك. پارمەندى شارا، توتەنشە تاسىلدەر ارقىلى جاۋدىڭ ساعىن سىندىرىپ، اپتىعىن باسۋ كەرەك.جاڭ چۇنشيان بىلاي دەپ اتاپ كورسەتتى: زورلىقتى كۇش لاڭكەستىك ارەكەتىنە قاتاڭ سوققى بەرۋ قيمىلىن ىشكەرلەي ورىستەتىپ، باتىل سوققى بەرۋدىڭ تەگەۋرىندى كۇيىن تەز قالىپتاستىرۋ قاجەت. پارمەندى شارالار قولدانىپ، قوعامدىق كوڭىل-كۇيدى ورنىقتىرىپ جانە مەڭگەرىپ، پارمەندى شارا، توتەنشە تاسىلدەر ارقىلى جاۋدىڭ اپتىعىن باسىپ، ايباتىمىزدى ايگىلەپ، قوعامنىڭ ادىلدىگىن كورسەتىپ، حالىقتىڭ تىنىشتىعىن جۇزەگە اسىرۋ كەرەك. قوعامدىق ساقتانۋ مەن تىزگىندەۋدى جاپپاي كۇشەيتىپ، لاڭكەستىك جانە ءبۇلدىرۋ ارەكەتتەرىنەن قاتاڭ ساقتانۋ قاجەت. «بىردە-بىرەۋىن قالدىرماي» شارلاپ تىزگىندەۋدى اناعۇرلىم كۇشەيتىپ، ساقشى كۇشىن كورنەكتى نىعايتىپ، قاتاڭ سەس كورسەتۋ كەرەك. ماسەلەگە زورلىقتى كۇش لاڭكەستەرىنىڭ كوزىمەن قاراپ، ءالسىز بۋىنداردى ءبىر شەتتەن تەكسەرىپ، ءتۇيىندى ورىنداردى، ءتۇيىندى تاراۋلاردى، ءتۇيىندى قۇرىلعىلاردى قورعاۋدى كۇشەيتىپ، ساقتىق تانىمى مەن قورعانۋ قابىلەتىن نىعايتۋ كەرەك. اقپارات، ينفورماتسيا قىزمەتىن كۇشەيتىپ، قوعامنىڭ قالىپتى تارتىبىنە كەپىلدىك ەتۋ كەرەك. جاماعات پىكىرىنە جەتەكشىلىك ەتۋدى كۇشەيتىپ، جاماعات پىكىرىنىڭ ارىنىن ساقتاۋ كەرەك. قاتىستى باسشلاردى، وتانشىل ءدىني قايراتكەرلەردى، مامان، وقىمىستىلاردى، قاتارداعى جۇرتشىلىقتى ايقىن پوزيتسيا بىلدىرۋگە ۇزدىكسىز ۇيىمداستىرىپ، زورلىقتى كۇش لاڭكەستەرىنىڭ قانقۇيلى، قىلمىستىق ارەكەتىن جەرىنە جەتە اشكەرەلەپ، قالىڭ حالىق بۇقاراسىن زورلىقتى كۇش لاڭكەستەرىنىڭ ادامزاتقا، قوعامعا، وركەنيەتكە قارسى سۇرقيا تەگىن جەتە تانۋعا تاربيەلەپ، بۇكىل قوعامدا زورلىقتى كۇش ارەكەتتەرىن قاتاڭ جازعىراتىن، لاڭكەستىككە قارسى تۇرۋدى قولداپ-قۋاتتايتىن قۇدىرەتتى جاماعات پىكىرى رايىن قالىپتاستىرىپ، زورلىقتى كۇش لاڭكەستەرىن كىرەرگە تەسىك تابا المايتىن كۇيگە ءتۇسىرۋ كەرەك.جاڭ چۇنشيان بىلاي دەپ اتاپ كورسەتتى: بۇقارالىق لۋشيان تاربيەسى جانە امالياتتىق قيمىلىن، «حالىقتىڭ جاعدايىن ۇعىسۋ، حالىققا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن تىڭعىلىقتى، ويداعىداي ورىستەتىپ، قوعام ورنىقتىلىعىنىڭ نەگىزگى ساتىداعى نەگىزىن بەكەمدەۋ كەرەك. قىستاقتارعا بارعان قىزمەت گرۋپپالارى اۆتونوميالى رايوندى پارتكومنىڭ ورنالاستىرۋى بويىنشا ۇلگىلىك، جەتەكشىلىك رولدارىن شىنايى ساۋلەلەندىرىپ، بۇقاراعا ۇگىت تاربيە جۇرگىزۋ قىزمەتىن بارىنشا ويداعىداي ىستەپ، بۇقارانى زورلىقتى كۇش لاڭكەستىك ارەكەتتەرىن پاش ەتىپ، ءدىني ۇشقارىلاردى اشكەرەلەۋگە ۇيىمداستىرۋ؛ بۇقارانى ۇستامدى بولۋعا، توپ قۇرماۋعا، بۇزاقىلاردىڭ شىرعاسىنا تۇسپەۋگە تاربيەلەۋ؛ ستيلدە بۇرىلس جاساپ، «ءتورت ءتۇرلى بۇرىس ستيلگە» قارسى تۇرىپ، ستيلگە جەتەكشىلىك ەتىپ، ستيلدى جەبەپ، تاماشا وبراز ورناتۋ كەرەك. جۇمىلا قورعانىپ، جابال تىزگىندەپ، زورلىقتى كۇش لاڭكەستىك ارەكەتتەرىنە قارسى جاتتىعۋدى كۇشەيتىپ، «3 ءبىر تۇلعالانعان» قىزمەت مەحانيزمىن مۇقيات تياناقتاندىرۋ قاجەت. قالىڭ پارتيالى كادىرلار، اسىرەسە باسشى كادرلار قوعامنىڭ ورنىقتىلىعىن قورعاۋ، ۇلتتاردىڭ ىنتىماعىن نىعايتۋ سياقتى جاقتاردا ۇلگىلىك، جەتەكشىلىك رول اتقارىپ، ءار دارەجەلى پارتكوم مەن ۇكىمەتتىڭ «ءبىرىنشى باسشلارى» ءبىرىنشى جاۋاپكەرشلىكتى شىنايى وتەپ، «ءبىر ورىندا قوس جاۋاپكەرشىلىك ارقالاۋعا» تاباندى بولىپ، ءوز ادامىن ويداعىداي باسقارىپ، ءوز ىسنە قىراعى بولۋى كەرەك.اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءماجىلىستى باسقاردى، ءارى جاڭ چۇنشياننىڭ ماڭىزدى ءسوزىن دايەكتى تياناقتاندىرۋ جونىندەگى تالاپتاردى العا قويدى. ول «ورنىقتىلىق بارلىعىن باسىپ تۇسەدى» دەگەن يدەياعا تاباندى بولىپ، لاڭكەستىككە قارسى تۇرۋ، ورنىقتىلىقتى قورعاۋ تەبىنىن ونان ارى نىعايتىپ، قاشاندا قاتاڭ سوققى بەرۋدىڭ تەگەۋرىندى كۇيىن ساقتاۋ كەرەك. شارا قولدانىپ، ادام توپتاسقان ورىندار مەن ءتۇيىندى سالالارداعى حاۋىپسىزدىكتى قورعاۋ قىزمەتىن ويداعىداي جاقسى ىستەۋ قاجەت. لاڭكەستككە قارسى تۇرۋ، ورنىقتىلىقتى قورعاۋدىڭ بىرىككەن كۇشىن قالىپتاستىرۋ كەرەك،-دەگەندى اتاپ كورسەتتى.اۆتونوميالى رايوندىق پارتكومىنڭ تۇراقتى مۇشەسى،ءۇرىمجى قالالىق پارتكومنىڭ شۋجيى جۋ حايلۇن «22-مامىر» اۋىر زورلىقتى كۇش لاڭكەستىك دەلوسىنىڭ سوڭعى جۇمىستارىن ءبىر جايلى ەتۋدىڭ جاعدايىن حابارلاندىردى؛ اۆتونوميالى رايوندىق پارتكومىنڭ تۇراقتى مۇشەسى، ساياسي-زاڭ كوميتەتىنىڭ شۋجيى شيۇڭ شۋانگو قازىرگى قوعام جاعدايىن حابارلاندىردى.شوكىرات زاكىر، نۇرلان ءابىلماجىن ۇلى، چى جۇن، حان يۇڭ، ليۋ لەي، حۋاڭ ۋي، شاۋكەت يمىن، سۇڭ ايرۇڭ، باي جىجيە،ەركىنجان تۇراحۇن، عانيبات سابىكەي ۇلى، لي شۋەجۇن، ليۋ شينچي جانە اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، ءوندىرىس قۇرىلىس بيىڭتۋانى، اۆتونوميالى رايوندىق جوعارى حالىق سوت مەكەمەسى، اۆتونوميالى رايوندىق حالىق پروكۋراتۋراسى، قارۋلى ساقشى شينجياڭ باس اترەتى سياقتى ورىندارداعى ورىنباسار ولكە دارەجەلى باسشلار مەن اۆتونوميالى رايوننىڭ قاتىستى تاراۋلارىنداعى جاۋاپتى جولداستار ماجىلسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
