- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى قالاسى ءتۇرلى حاۋىپسىزدىك ساقتىق شارالارىن جان-جاقتىلى تياناقتاندىرۋمەن بىرگە، ءتۇرلى شارالاردى تەڭ اتقارىپ حالىق تۇرمىسىن كۇش سالا قامتاماسىزداندىردى
2014.06.11 18:46 كەلۋ قاينارى : شينجياڭ حالىق راديو ستانسياسى تورابى
«22-مامىر» اۋىر زورلىقتى كۇش لاڭكەستىك دەلوسى تۋىلعاننان كەيىن، اۆتونوميالى رايوندىق پارتكومنىڭ ورنالاستىرۋى بويىنشا، ءۇرىمجى قالاسى ءتۇرلى حاۋىپسىزدىك ساقتىق شارالارىن جان-جاقتىلى تياناقتاندىرۋمەن بىرگە، ءتۇرلى شارالاردى تەڭ اتقارىپ حالىق تۇرمىسىن كۇش سالا قامتاماسىزداندىردى.تاڭەرتەڭ ساعات توعىزدان اسقاندا، ءۇرىمجى قالاسىنىڭ باقشا سولتۇستىك كوشەسىندەگى 303-ءنومىرلى جاڭادان سالىنعان كوكونىستەردى تىكە ساتۋ ورنىنداعى سورەگە قويىلعان جاس قيار، پاميدور، بايساي سياقتى كوكونىستەردى تۇرعىندار قىزىعا ساتىپ الدى. ءبىر تۇرعىن: «ءبىر كيلوگرام پاميدوردىڭ باعاسى 3 يۋان 10 فىن، ەرەن بازاردان كوپ ارزان، جارتى قويدىڭ ەتى ەرەن بازاردا 60 تا 70 يۋان بولسا، بۇل جەردە 50 نەشە يۋان، شىنىندا ارزان. ۇكىمەت وسى ورىندى اشىپ ماسەلەمىزدى شەشىپ بەردى، بۇل دۇكەن بولماسا 48 يۋانعا قويدىڭ ەتىن ساتىپ الۋىمىز مۇمكىن ەمەس ەدى»،-دەدى. ورتالىق قالاداعى تاڭەرتەڭگى جانە تۇنگى بازار جابىلعاننان كەيىن، ءۇرىمجى قالاسى ءار قايسى رايون، اۋدانداعى ەجەلدەن بار تاڭەرتەڭگى جانە تۇنگى بازاردىڭ ماڭىندا كوكونىستەردى تىكە ساتاتىن 27 ورىندى اشتى. قازىر وسى كوكونىستەردى تىكە ساتۋ ورنى تولىق تيجارات باستادى. بازار باعاسىنا كەپىلدىك ەتۋ ءۇشىن، ءۇرىمجى قالاسى ديحاندارمەن ەرەن بازاردى ۇشتاستىرۋ قىزمەتىن باستاپ، بۇقارانىڭ 1-دارەجەلى تولايىم بازارىنىڭ ساتىلىم باعاسىنان يگىلىكتەنۋىنە مۇمكىندىك جاسادى. ءۇرىمجى قالاسى تيانشان رايوندىق كوكونىستەردى تىكە ساتۋ ورنى كەڭسەسىنىڭ مەڭگەرۋشىسى ياڭ فان تىلشىگە: « قازىر تيانشان رايونىنىڭ وزىندە ديحانداردان ەرەن بازارعا ەنگەن كوكونىستىڭ مولشەرى 15 تونناعا جەتىپ وتىر. قازىر تىكە ساتۋ ورنىنداعى باعا توڭىرەكتەگى بازاردان %30 تەي ارزان، تۇرعىندار قاجەتىنىڭ ارتۋىنا بايلانىستى، كوكونىستەرمەن قامداۋ جانە جەتكىزۋ تەبىنىن ونان ارى ارتتىرىپ، ءۇزىلىس جاساماۋىنا كەپىلدىك ەتىپ، تۇرعىنداردىڭ الاڭسىز ساپالى، ارزان كوكونىس ساتىپ الۋىنا مۇمكىندىك جاسايمىز»،-دەدى. ءۇرىمجى قالاسى ورىستەتىلىپ وتىرعان پارتيانىڭ بۇقارالىق لۋشيان تاربيەسى جانە امالياتتىق قيمىلىمەن ۇشتاستىرىپ، ءار دارەجەلى پارتيالى كادرلاردى وتباسىلارىن ارالاپ، بۇقارانىڭ ناقتى قيىنشىلىقتارىن شەشۋگە ۇيىمداستىردى. ءۇرىمجى قالاسى شۇيموگۋ رايوندىق قۇرىلىس كوميتەتىنىڭ كادرى ما جۇڭۋىن تىلشىگە، حابارلاسۋعا جاۋاپتى بولعان شينمين كوشەسى ءمالى باسقارماسىنىڭ ەكى الەۋمەتتىك اۋماعىندا كوپتەگەن ماسەلەنى بايقاعانىن، وزدەرىنىڭ 850 مىڭ يۋان قارجى قوسىپ، ونى كونە قالا رايونىن جاڭالاۋعا پايدالاناتىندىعىن ايتا كەلىپ: «17 ءتۇرلى جاعدايدى ۇعىستىق. قازىر ماسەلە ورىن تەپكەن 8 ورىننىڭ قۇرىلىسى جۇرىلۋدە. قازىر تەكسەرۋ-زەرتتەۋ جۇرگىزۋدەمىز جانە تياناقتاندىرىپ حابارلاسۋدامىز، مەجەمەن ماۋسىمنىڭ ورتا شەنىندە قۇرىلىس سالىنىپ بولادى»،-دەدى. قوعام ورنىقتىلىعىن قورعاۋ، لاڭكەستەرگە سوققى بەرۋ، قالا تۇرعىندارىنىڭ قالىپتى تۇرمىس ءتارتىبىن كۇش سالا قامتاماسىزداندىرۋ ءۇشىن، ءۇرىمجى قالالىق پارتكوم، قالالىق ۇكىمەت قولدانعان ءبىر قىدىرۋ ورنىقتىلىقتى قورعاۋ، حالىق تۇرمىسىن جەبەۋ شارالارىنان قالا تۇرعىندارى بولاشاقتاعى دامۋعا زور سەنىم ارتتى. ۇرىمجىدەگى حىتان جولىن كەسىپ وتكەن باتىس ۇلكەن كوپىرىندە فوتو سۋرەت اۋەسكەرى ۋاڭ مىرزا اپپاراتىمەن كوشە كورىنىسىن تۇسىرۋدە ەكەن. ول تىلشىگە: «زورلىقتى كۇش لاڭكەستەرى كوپشىلىكتىڭ وسىنداي تىنىش جاراسىمدىلىعىن، بەيبىت تۇرمىسىن بۇلدىرمەكشى. ءبىز قاسقايا العا شىعىپ، اناعۇرلىم ۇمىتكەرلىكپەن تۇرمىس كەشىرۋىمىز كەرەك. بۇل لاڭكەستەرگە بەرگەن ەڭ كەرەمەت قايتارما سوققى بولماق»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
