- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گو شىڭكۇن شينجياڭدا لاڭكەستىككە قارسى تۇرۋ، ورنىقتىلىقتى قورعاۋ قىزمەتىن تەكسەرىپ، جەتەكشىلىك ەتكەندە زورلىقتى كۇش، لاڭكەستىك ارەكەتتەرىنە زاڭ بويىنشا قاتاڭ سوققى بەرۋدى باسا دارىپتەدى
2014.08.07 14:11 كەلۋ قاينارى : ءتاڭىرتاۋ تورابى
مەملەكەتتىك كەڭەستىڭ مۇشەسى، ورتالىق ساياسي - زاڭ كوميتەتىنىڭ ورىنباسار شۋجيى، قوعام حاۋىپسىزدىگى مينيسترى گو شىڭكۇن باستاعان ورتالىقتىڭ قىزمەت گرۋپپاسى 1 - تامىزدان 4 - تامىزعا دەيىن شينجياڭدا لاڭكەستىككە قارسى تۇرۋ، ورنىقتىلىقتى قورعاۋ قىزمەتىنە جەتەكشىلىك ەتتى ءارى ياركەن اۋدانىنا بارىپ، «28 - شىلدە» اۋىر زورلىقتى كۇش، لاڭكەستىك شابۋىل دەلوسىن ءبىر جايلى ەتۋ قىزمەتىن تەكسەرىپ، جەتەكشىلىك ەتتى. لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە شايقاس جاساپ جاتقان قوعام حاۋىپسىزدىگى حالىق ساقشىلارىنان، قارۋلى ساقشى وفيتسەر - جاۋىنگەرلەرىنەن جانە نەگىزگى ساتىداعى كادرلار مەن بۇقارادان حال سۇرادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قاتىستى ماجىلىستەرگە قاتىناستى.
گو شىڭكۇن ۇرىمجىگە جەتىسىمەن ءماجىلىستى باسقارىپ اشىپ، ورتالىقتاعى باسشى جولداستاردىڭ ماڭىزدى نۇسقاۋىنىڭ رۋحىن جەتكىزدى، دەلونى ءبىر جايلى ەتۋ، بۇلىكشىلەردى قورشاپ ۇستاۋ، قوعامدىق جاعدايدى مەڭگەرۋ قىزمەتتەرى جونىندە ورنالاستىرۋ جاسادى.
وسىدان كەيىن گو شىڭكۇن ياركەن اۋدانىنا ارنايى بارىپ، دەلو تۋىلعان ورىنداردى كوزدەن كەشىرىپ، ءبىر جايلى ەتۋ قىزمەتىن تەكسەرىپ، جەتەكشىلىك ەتتى. ول مىنالاردى اتاپ كورسەتتى: ەڭ باتىل پوزيتسيامەن، ەڭ پارمەندى شارامەن جاۋىزداردى جويىپ، قالقادا تۇرعان قاسكويلەردى قاتاڭ تەكسەرىپ، ىندەتە قۋىپ، قاشىپ جۇرگەن قىلمىس كۇماندىلارىن تەكسەرىپ، قۋعىنداپ، زورلىقتى كۇش، لاڭكەستەرىن زاڭ بويىنشا قاتاڭ جازالاپ، سوتسياليستىك زاڭ - ءتۇزىمنىڭ بەدەلى مەن نامىسىن باتىل قورعاۋ كەرەك. جاي وتىنداي ءتونىپ، زورلىقتى كۇش، لاڭكەستىك ارەكەتتەرىنە قاتاڭ سوققى بەرۋدىڭ تەگەۋرىندى كۇيىن قاشاندا ساقتاپ، زورلىقتى كۇش، لاڭكەستىك ارەكەتتەرىنىڭ دۇركىن - دۇركىن تۋىلۋ جاعدايىن باتىل تيۋ قاجەت.
گو شىڭكۇن جانە ونىڭ ساپارلاستارى لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە شايقاس جاساپ جاتقان قوعام حاۋىپسىزدىگى حالىق ساقشىلارىنان، قارۋلى ساقشى وفيتسەر - جاۋىنگەرلەرىنەن حال سۇرادى. ول بىلاي دەدى: سىزدەر كۇندىز - ءتۇنى لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەبىندە شايقاس جاساپ، قيىنشىلىقتان، حاۋىپ - قاتەردەن، قۇربان بەرۋدەن تايىنباي، قالتقىسىز ۇلەس قوسىپ جاتىرسىزدار. پارتيا مەن حالىقتىڭ ايتسا - ايتقانداي ادال جاۋىنگەرىسىزدەر. ارىپ - شارشاۋدان قورىقپايتىن، ۇزدىكسىز شايقاس جاسايتىن ستيلدى ۇزبەي ساۋلەلەندىرىپ، حالىق بۇقاراسىنا تىعىز سۇيەنىپ، زورلىقتى كۇش، لاڭكەستەرىن شىپ - شىرعاسىن شىعارماي تۇگەل ۇستاپ، شينجياڭنىڭ قوعام ورنىقتىلىعى مەن باياندى تىنىشتىعىنا تىڭ ۇلەس قوسۋلارىڭىزدى ءۇمىت ەتەمىن.
ياركەن اۋدانى ەلىشحۇ قالاشىعى تەرەكلاڭگار قىستاعىنداعى پارتيالى كادرلار زورلىقتى كۇش، لاڭكەستىك ارەكەتىمەن تۋى ايقىن تۇردە كۇرەس جۇرگىزىپ، ءار ۇلت بۇقاراسىنىڭ باس اماندىعى مەن مال - مۇلىك حاۋىپسىزدىگىن پارمەندى قورعادى. گو شىڭكۇن ولاردى «ءىس جۇزىندىك ارەكەتتەرى ارقىلى ەرلىكپەن كۇرەس جۇرگىزەتىن، ادىلەتتى جاقتايتىن وسكەلەڭ رۋح پەن ەرلىكتى، ەل قامىن ويلايتىن تاڭداۋلى قاسيەتتى ايگىلەدى، نەگىزگى ساتى كادرلارى مەن بۇقاراسىنىڭ ۇيرەنۋ ۇلگىسى» دەپ القاي كەلىپ بىلاي دەدى: نەگىزگى ساتى پارتيا ۇيىمدارىنىڭ، قىستاق تۇرعىندار كوميتەتىنىڭ، ساقشىحانانىڭ جانە قىستاقتا تۇراتىن قىزمەت اترەتىنىڭ رولىن تولىق ساۋلەلەندىرىپ، بۇقارانى جابىلا ساقتانۋعا، جۇمىلا وڭاۋعا بەلسەنە ۇيىمداستىرىپ، ولاردى كۇماندى ءجىپ ۇشتارىن دەر كەزىندە بايقاۋعا، اشكەرەلەۋگە شابىتتاندىرىپ، ادىلەت جولىندا ەرلىك كورسەتكەندەردى ماداقتاپ - سيلاپ، لاڭكەستىككە قارسى تۇرۋدىڭ حالىقتىق شايقاسىن ويداعىداي جۇرگىزىپ، ورنىقتىلىقتى قورعاۋدىڭ قۇرىش قورعانىن سوعۋ كەرەك.
يولقىنبۇلاق قىستاعىندا ءمادىرىس ءجاماسى مەشىتىندە گو شىڭكۇن نەگىزگى ساتىداعى ءدىني قايراتكەرلەرمەن شىن ىقىلاستى كەڭەس وتكىزىپ، ولاردىڭ ءىسلام ءدىنىنىڭ وتاندى ءسۇيۋ، ءدىندى قادىرلەۋدەي تاماشا ءداستۇرىن بارىنشا ساۋلەلەندىرۋىن، دىنگە سەنەتىن قاۋىمدى ىنتىماقتاستىرىپ، قوعامنىڭ جاراسىمدىلىعى مەن ورنىقتىلىعىن قورعاۋعا جەتەكشىلىك ەتۋىن ءۇمىت ەتەتىندىگىن ءبىلدىردى.
گو شىڭكۇن شينجياڭدا تەكسەرىپ - زەرتتەۋ جۇرگىزگەن كەزدە لاڭكەستىككە قارسى تۇرىپ، ورنىقتىلىقتى قورعاۋ قىزمەتىن ونان ارى جاقسى ىستەۋ جونىندە اڭگىمە ءماجىلىسىن اشتى، سونداي - اق شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ قاتىستى جاۋاپتى جولداستارىمەن پىكىر اۋىستىردى. ول مىنانى اتاپ كورسەتتى: باس شۋجي شي جينپيڭ قاتارلى ورتالىقتاعى جولداستاردىڭ لاڭكەستىككە قارسى تۇرىپ، ورنىقتىلىقتى قورعاۋ قىزمەتى جونىندەگى ماڭىزدى سوزدەرىنىڭ رۋحىن باتىل دايەكتى تياناقتاندىرىپ، كوز الداعى لاڭكەستىككە قارسى تۇرۋ كۇرەسىنىڭ قيىن دا كۇردەلى جاعدايىن، لاڭكەستىككە قارسى تۇرۋ كۇرەسىنىڭ ماڭىزدىلىعى مەن كوكەي تەستىلىگىن جەتە تانىپ، زورلىقتى كۇش، لاڭكەستىك ارەكەتتەرگە قاتاڭ سوققى بەرۋ ارناۋلى قيمىلىن تاباندىلىقپەن ىشكەرىلەي ورىستەتىپ، حالىق جۇرتشىلىعىنا سۇيەنە وتىرىپ لاڭكەستىككە قارسى تۇرىپ، ورنىقتىلىقتى قورعاۋدىڭ قامالىن بەرىك سوعىپ، زورلىقتى كۇش، لاڭكەستىك دەلولارىنىڭ ءۇرتىس تۋىلۋىن باتىل تەجەپ، زورلىقتى كۇش، لاڭكەس ەلەمەنتتەردىڭ ساعىن سىندىرىپ، اپتىعىن باسىپ، ءار ۇلت حالىق جۇرتشىلىعىنىڭ باس اماندىعى مەن مال - مۇلكىنىڭ حاۋىپسىزدىگىنە جانە قوعامدىق جالپى جاعدايدىڭ ورنىقتىلىعىنا كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر، ورتالىق ساياسي - زاڭ كوميتەتىنىڭ باس حاتشىسى، مەملەكەتتىك كەڭەستىڭ ورىنباسار باس حاتشىسى ۋاڭ يۇڭچيڭ جانە ورتالىقتىڭ قاتىستى تاراۋلارىنىڭ جاۋاپتى جولداستارى جوعارىداعى قيمىلدا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
