- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جيڭگاڭشان رۋحى ماڭگى الاۋلايدى 4
2014.11.28 16:13 كەلۋ قاينارى : شينجياڭ حالىق راديو ستانسياسى تورابى
ءبىزدىڭ ۇيىرمەدەگىلەر جيڭگاڭشانداعى كۇندەردە، قىزىل ارميانىڭ كيىمىن كيىپ، قىزىل ارميا ۇستاعان مىلتىقتى اسىنىپ، قىزىل ارميا جۇرگەن جولدارمەن ءجۇرىپ، قىزىل ارميا وتكەن اساۋ وزەننەن ارقانمەن ءوتتى، قىزىل ارميا شىققان بيىك جارتاستان ورمەلەپ استى. مەيلى قاي جەرگە بارساق تا سوناۋ سوعىس جىلدارى شىرقالعان توڭكەرىستىك اندەردى ەستىپ، توڭكەرىستىك كينولاردى كورىپ، بەينە اعا بۋىن پرولەتارياد توڭكەرىسشىلەرى كۇرەس جاساعان سول جىلداردا ولارمەن بىرگە بولعانداي سەزىمدە بولدى. جيڭگاڭشان توڭكەرىستىك مۇراجايى، جيڭگاڭشان توڭكەرىستىك قۇرباندار قابىرى، حۋاڭياڭجيە شايقاسى بولعان جەردەگى قىزىل ارميانىڭ قۇرباندار زيراتى، شياۋجين قىزىل ارميا شيپاحاناسى، ماۋزىدۇڭ، جۋدى، پىڭ دىحۋاي، چىن-ىي قاتارلى اعا بۋىن-پرولەتارياد توڭكەرىسشىلەرىنىڭ جاتقان ۇيلەرىنە، قىزمەت ىستەگەن ورىندارىنا دەيىن بارىپ، سۋرەتكە ءتۇسىپ، ەستەلىك قالتىردى.
حۋاڭياڭجيە شايقاسى بولعان جەردەگى قىزىل ارميانىڭ قۇرباندار زيراتىنىڭ ماڭىنداعى ماۋزىدۇڭ مەن جۋدىنىڭ نيڭگاڭنان اپكەشپەن استىق كوتەرىپ جۇرگەن جالعىز اياق جولىمەن ءجۇرىپ، ولار كوتەرگەن اپكەشتى كوتەردى. قىزىل ارميانىڭ اۋىر جارالى 130 جاۋىنگەرى گومينداڭ كەرتارتپاشىلارى جاعىنان كەسكىلەنىپ ولتىرىلگەن مايدانعا بارىپ، ولار جاتقان ۇيلەردەگى اعاش توسەكتەر مەن ءشوپ توسەنىشتەردى، ولار پايدالانعان كارەسىن شامداردى كوردى. قىسقاسى، ءبىز سوعىس جىلدارىنداعى قىزىل ارميانىڭ ەلىمىزدىڭ ازاتتىعى جولىندا قانشاما بوداۋ بەرگەندىگىن، اعا-بۋىن پرولەتارياد توڭكەرىسشىلەرىنىڭ قانشاما جاپا-ماشاحاتپەن كۇرەس جاساعاندىعىن كورىپ، توتەنشە اسەرلەندىك. ولاردىڭ قاجىرلى دا قاراپايىم، بۇقارمەن ەتەنە بولاتىن، جاپا كەش جانقيارلىق رۋحى ءبىزدى توتەنشە تەبىرەنتتى. جيڭجۋشانداعى ماۋزىدۇڭنىڭ حالىق ازاتتىق ارمياسىنا «ءۇش ۇلكەن ءتارتىپ، سەگىز ساقتىقتى» جاريالاعان ليداشى دەگەن تاستىڭ ۇستىندە تۇرىپ «ءۇش ۇلكەن تارتپ، سەگىز ساقتىقتى» قايتا شىرقاپ، سوناۋ سوعىس جىلدارىنداعى پارتيانىڭ قاتاڭ اسكەري لۋشيانىنىڭ جەتەكشىلىگىندە قولعا كەلگەن شۇعىلالى جەڭىسىن ەسكە الىپ، پارتيامىزدىڭ كەزەكتە ورىستەتىلىپ وتىرعان بۇقارالىق لۋشيان تاربيەسى مەن شىرىكتەسۋگە قارسى تۇرۋ، پارتيانىڭ پاكتىگىن ساقتاۋ سىندى كورەگەندىك ساياساتىنىڭ دۇرىستىعىن ونان ارى تانىپ سانامىزبەن تانىپ جەتتىك. سونىمەن بىرگە تەمىردەي ءتارتىپ، بۇقاراعا جاناسۋ سىندى داڭىقتى داستۇردەن اۋىتقىماۋدىڭ قاجەتتىلىگىن ونان ىسجۇزىندىك قيمىل ارقىلى ۇعىندىق.
ءبىز جيڭگاڭشاندا بولعان كۇندەرىمىزدە، ايگىلى ماماندار مەن اعا-بۋىنداردىڭ ۇل-قىزدارى، ساقا جاۋىنگەرلەر بىزگە وزدەرىنىڭ كەشىرمەلەرىن كەزىندە قاھارماندار كۇرەس جاساعان قان مايداندا تۇرىپ،توتەنشە تەبىرەنىسپەن اڭگىمەلەپ بەردى. ولاردىڭ ءبارى وڭاي-وسپاق قولعا كەلمەگەن وسى ءبىر باقىتتى تۇرمىستىڭ قادىرىنە جەتىپ،سانسىزداعان اتىسىز جانە اتى ءمالىم قاھارمانداردىڭ قانىمەن قولعا كەلگەن ۇلى جەڭىستى، حالىقتىڭ باقىتتى تۇرمىسىن قاستەرلەۋدى باسا دارىپتەدى.
ءبىز لەكسياسىن تىڭداعان جيڭگاڭشان قالاسى كونە قالا رايونى ورتالىق قارتتاردى كۇتىمدەۋ ورتالىعىنىڭ مەڭگەرۋشىسى 26 جاستاعى لي جيميدىڭ قارتتاردىڭ جۇمىستارىن جالعىز ارقالاپ، ولاردىڭ ءومىرىن الاڭسىز وتكىزۋگە وزىندەگىنىڭ بارىن ارناعان ىزگى ىستەرى؛ 17 جاسىندا، جيڭگاڭشان قالاسىنا كەلىپ، 36 جىلدىق ءومىرىن وسى ارادا ۇرپاق تاربيەلەۋمەن وتكىزگەن ياڭ مۇعالىمنىڭ ىزگى ىستەرى؛سەكسەننىڭ سەڭگىرىنە شىققان ساقا جاۋىنگەر، مەملەكەت قورعانىس ۋنيۆەرسيتەتىنىڭ ۇسىنىس ەتىلگەن وقىتۋشىسى،«اسپان استىنداعى ەڭ ۇلى تاۋ» سياقتى كىتاپتاردىڭ اۆتورى، مەملەكەتتىك «1-مامىر ەڭبەك ەرى»،ەل باسىلارىنىڭ قابىلداۋىندا بولعان ماۋچىڭحۋانىڭ وتكەن ساباقتارى،باستان كەشكەن كەشىرمەلەرى ءبىزدى تەرەڭ ويعا سالدى.
ماۋچىڭحۋا توڭكەرىستىك قۇرباندار ەسكەرتكىشى سىندى ايگىلى قۇرىلىستارعا قوعامدىق قارجى جيناۋدا ءبىر ميلليون 780 مىڭ يۋان، مەكتەپ سالۋعا ءبىر ميلليون 500 مىڭ يۋان، ۋىنچۋانداعى، يۇشۋداعى جەر سىلكىنىسى سياقتى اپات تۋىلعان رايوندارعا 8 مىڭ يۋان ەرەكشە پارتيا جارناسى، الەۋمەتتىك ورىندارعا 110 مىڭ يۋان، جيىنى 11 ميلليون يۋاننان ارتىق كومەك بەرگەن. ول ساباق كەزىندە: «ءبىز باسقالارعا كومەكتەسۋدى وتە داڭىق سانايمىز، ويتكەنى باسقالارعا كومەك بەرە الساڭ كوڭىلدى بولاسىڭ، سول ءۇشىن جاسىڭ دا ۇزاق بولادى». كەزىندەگى اعا بۋىن توڭكەرىسشى، قىزىل ارميا جاۋىنگەرى، گەنارال-جاۋىرلوۋدىڭ قىزى بۇل كۇندەرى قاراپايىم قىزمەتكەر ەكەن. ول جوعارى دارەجەلى اسكەري باسشى، ۇلكەن گەنارالدىڭ پەرزەنتى بولسادا، ءوزىنىڭ وسىنداي قاراپايىم قىزمەتىن سۇيەتىندىگىن، ىرعىن تۇرىستى كوكسەمەيتىندىگىن، قاراپايىم قىزمەتكەر بولۋ سالاۋاتىمەن جاساۋدى داڭىق كورەتىندىگىن، سونىمەن بىرگە بۇكىل وتباسىنداعىلاردىڭ اكەلەرىنىڭ جوعارى ءمانسابى مەن سىڭىرگەن ەڭبەگىن بۇلداماي، قاراپايىم تۇرمىس كەشىرۋ جاعىن جان تەبىرەنتەرلىكتەي ەتىپ اڭگىمەلەدى. ول لەكسياسىنىڭ سوڭىن:«ادام ومىرىندە جەڭىس پەن جەڭىلىس، تابىس پەن ساتسىزدىك تۋىلىپ تۇراتىندىعىن، جۇرەكتەگى قىزىل تۋىڭدى بيىكتەن جەلبىرەتە بىلسەڭ، ءسوز جوق سوڭىندا تابىسقا جەتسىڭ » دەگەن اقىليالى سوزىمەن دوعاردى.
جيڭگاڭشاننىڭ جۇڭگو توڭكەرىسىنىڭ بەسىگى بولۋى سىندى داڭىقتى ءداستۇردى ساقتاۋى وسى اراداعى قاراپايىم ادامداردان تارتىپ،پارتيا-ۇكىمەت قىزمەتكەرلەرىنىڭ، جوعارى دارەجەلى باسشىلاردىڭ كۇندەلىكتى قىزمەت كۇن تارتىبىنە اينالىپ كەتكەندىگى دە ءبىزدى توتەنشە اسەرلەندىردى. ءبىز وسى ءبىر تاڭداۋلى ءداستۇردى وسى اراداعى ءار ءبىر ازاماتتىڭ بويىنان كورە الدىق. جيڭگاڭشان كادىرلار ينستيتۋتىنىڭ ماڭىنداعى تيانجيە ساۋدا بازارىنا كوبىرەك بارىپ،وسى ارادان ەستەلىك بۇيىمداردى ساتىپ الدىق.وسى اراداعى ساۋدا دۇكەندەرىندەگى ەڭ باعالى بۇيىمدار-ماۋ زىدۇڭنىڭ باعالى ويما سۋرەتتەرى،شاعىن ايكەلدەرى، جازعان شىعارمالارى، ىزىناكتارى، ودان قالسا، كەزىندە جۇڭگو توڭكەرىسىندە ەرەن ەرلىك كورسەتىپ، جاۋ شەبىنە اتويلاپ كىرگەن دۇڭ سۇنرۇي، حۋاڭ جيگۋاڭ جانە 16 جاسىندا جاۋعا باس يمەي قۇربان بولعان لۋ حۋلان قاتارلى توڭكەرىسشىلەر جايلى شىققان كىتاپتار ەكەن. ءبىز بۇدان وسى اراداعى ادامداردىڭ جيڭگاڭشان رۋحىن، جۇڭگو توڭكەرىسىنىڭ رۋحىن ۇگىتتەۋدى وزدىكتەرىنەن ۇستىلەرىنە العان تاڭداۋلى قاسيەتىن دە سەزىندىك. مىنە، وسىلايشا ساعات ستىرەلكاسى توقتاۋسىز اينالىپ 24-قازان تۇستەن كەيىنگى بەيجيڭ ۋاقىتى 19:00 دى كورسەتكەندە،كۋرستىڭ اياقتالۋ سالتى بولاتىندىعى حابارلانىپ، ۇلكەن ءماجىلىس زالىنا جينالدىق. كۇرسانتتار العان اسەرلەرىن،يگەرگەن توڭكەرستىك بىلىمدەرىن ورتاعا سالىپ ارت-ارتىنان ساحناعا كوتەرىلدى. ولاردىڭ اسەرلى اڭگىمەلەرى تۇتاس زالدى دۋمانعا بولەپ، ءالسىن-ءالى قول شاپالاق ءۇنى كەرنەدى. سوڭىندا جياڭشي ولكەلىك جيڭگاڭشان كادىرلار ينستيتۋتىنىڭ باستىعى، شياڭگاڭ قالالىق پارتكومنىڭ مۇشەسى حۋاڭ شۋحۋا توتەنشە اسەرلى سەزىممەن شينجياڭدىق كۇرسانتتاردىڭ وزگە جەرلەردەن كەلگەن كۋرسانتتارعا قاراعاندا كوپتەگەن ارتىقشىلىقتارىنىڭ بارلىعىن تىلگە تيەك ەتىپ، قىزۋ مەرەيمەن كۋرستىڭ اياقتالعاندىعىن سالتاناتپەن جاريالادى.
ءتوراعا ماۋ زىدۇڭ جيڭگاڭشان رۋحىن قاستەرلەۋ جونىندە «قاجىرلىقپەن كۇرەس جۇرگىزۋ رۋحىن جوعالتۋعا بولمايدى، جيڭگاڭشانداعى توڭكەرىستىك رۋحتى جوعالتۋعا بولمايدى» دەسە، دىڭ شياۋپيڭ «جيڭگاڭشان رۋحى قاستەرلى، ونى ساۋلەلەندىرۋ كەرەك»،-دەپ اتاپ كورسەتتى. ال باس شۋجي شي جينپيڭ «جيڭگاڭشان رۋحىن ساۋلەلەندىرىپ، داۋىرمەن تەڭ العا ىلگەرلەيىك»-دەپ باسا دارىپتەدى. اعا بۋىن، توڭكەرىسشىلدەر دە جيڭگاڭشان تۋرالى وزدەرىنىڭ اسەرلەرىن قاعىس قالدىرمادى. دۇڭ بيۋ: «توڭكەرىستىڭ بەسىگى»، گومورو «توڭكەرىستىڭ جانۇياسى» دەسە، حۋشىڭ «رەسپۋبليكا قۇرۋدىڭ نەگىزىن قالادى»-دەپ كورسەتتى. مەمىلەكەتتىك حالىق قۇرىلتايى تۇراقتى كوميتەتىنىڭ كەزىندەگى باستىعى پىڭ جىن: «جيڭگاڭشان جۇڭحۋا حالىق رەسپۋبليكاسىنىڭ ىرگە تاسى»،-دەدى.
قادىرمەندى قاۋىم: مىنە ءبىز بۇدان «جيڭگاڭشان رۋحىنىڭ» ناعىز ءمانىن ۇعىنا الامىز. سوندىقتان دا جاڭا داۋىردە كادىرلەر قوسىنىن «جيڭگاڭشان رۋحىمەن» قارۋلاندىرۋ جانە سومداۋ كەزەك كۇتتىرمەيتىن مىندەت بولىپ وتىر ءارى بۇل ءداۋىردىڭ قاجەتى. سوناۋ توڭكەرىس جىلدارىندا،«جيڭگاڭشان رۋحى» جۇڭگو توڭكەرىسىن جەڭىسكە جەتكىزۋدە قانداي رول اتقارسا، كەزەكتەگى رەفورمانى جاپپاي تەرەڭدەتۋ،جۇڭگوداعى ءار ۇلت حالقىن دوڭگەلەك داۋلەتكە جەتكىزۋدە دە سونداي رول اتقاراتىندىعىنا سەنەمىز. پارتيامىزدىڭ كەزەكتە ورىستەتىلىپ وتىرعان بۇقارلىق لۋشيان تاربيەسى «جيڭگاڭشان رۋحىنىڭ» جاڭا داۋىردەگى جاڭا بەينەسى. ءبىز ءسوز جوق شي جينپيڭ جولداس باسشىلىق ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، «جيڭگاڭشان رۋحىن» اينا ەتىپ، جاڭا داۋىردە جيڭگاڭشان تۋىن بيىك ۇستاپ،جيڭگاڭشان رۋحىن اسقاقتاتىپ، رايونىمىزدىڭ ورنىقتىلىعى مەن باياندى دامۋى سىندى كۇرەس نىساناسىن تەز ارادا جۇزەگە اسىرىپ، رايونىمىزداعى ءار ۇلت حالقىن بۇكىل ەلمەن بىرگە كۇن ىلگەرى دوڭگەلەك داۋلەتكە جەتكىزۋ جولىندا تايىنباي قۇلشىنىۋىمىز كەرەك !!!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
