- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بانكە جاراقسىز قۇجاتىن بەتالدى تاستاماڭىز
2014.11.28 16:20 كەلۋ قاينارى : شينجياڭ حالىق راديو ستانسياسى تورابى
بانكە «جاراقسىز قۇجاتىن» بەتالدى تاستاساڭىز، الدامكوستەر ونى تاۋىپ الىپ، ءسىزدى اۋرە-سارساڭعا ءتۇسىرۋى ابدەن مۇمكىن. نانحاي حالىق سوتى مەكەمەسى جۋىردا عانا تەلەگراف الدامكوستىگىنە قاتىستى مىناداي ءبىر دەلونى تەرگەدى: ءبىر قىلمىستىق توپ بانكە قىزمەتكەرلەرىنە سەزدىرتپەي، قوقىر-قوقسىق شەلەگىنە سالىنعان تۇتۇنۋشىلاردىڭ قاتە تولتىرعان ەسەپ اشۋ، ەسەپ جولداۋ قۇجاتىن قىمقىرىپ، بانكە قىزمەتتەن تۇسۋگە تاياعان شاقتا، بانكە قىزمەتكەرىنىڭ اتىن جامىلىپ، زيانكەستىككە ۇشىراۋشىعا تەلەفون شالىپ، بانكە جۇيەسىنەن كىنارات شىقتى دەپ، ودان تەزىرەك ماڭىنداعى بانكەگە بارىپ سايكەسۋدى تالاپ ەتىپ، كارتىشكاداعى اقشانى «حاۋىپسىز ەسەپ نومىرىنە» جولداتىپ، مول ولجا تۇسىرگەن. سوندىقتان، تۇتۇنۋشىلاردىڭ بانكە كارتىشكاسىنءبىتىرۋ، قورعاۋ جانە قولدانۋ بارىسىندا ەرەكشە قىراعى بولۋى ءتيىس.
وزىڭىزدىڭ بانكە كارتىشكاڭىزعا قاتىستى ينفورماتسيا مەن جەكە باسىڭىزعا قاتىستى ينفورماتسيانى ويداعىداي قورعاڭىز، جەكە ينفورماتسياڭىزدى بەيتانىس سەرىكتەستىككە نەمەسە جەكە ادامعا بەرە كورمەڭىز، عالامتورعا ءوزىڭىزدىڭ ناقتى سالاۋاتىڭىزعا قاتىستى ينفورماتسيانى قالدىرماڭىز، جاڭا كارتىشكا بىتىرگەندە دەرەۋ قۇپيا سيفىرىن وزگەرتىڭىز، بانكە قىزمەتكەرىن قامتىعان ادامداردىڭ جەكە قۇپيا سيفىرىڭىزدى سۇراۋ نەمەسە ءبىلۋ ۇقىعى جوق.
بانكە «جاراقسىز قۇجاتىنا» كوبىندە زيانكەستىككە ۇشىراۋشىنىڭ اتى-ءجونى، ازاماتتىق كۋالىك ءنومىرى، بانكە كارتىشكا ءنومىرى جانە تەلەفون ءنومىرى سياقتى ماڭىزدى جەكە ينفورماتسياسى جازىلادى. تۇتۇنۋشى بانكەگە بارىپ، جۇمىس بىتىرگەندە، وسىنداي «جاراقسىز قۇجاتتى» تاستاي سالماي، الا كەتىپ ءبىرجايلى ەتۋگە ادەتتەنۋى ءتيىس. بانكە دە كۇماندى ادامداردى باقىلاۋ مەن «جاراقسىز قۇجاتتاردى» ءبىر جاقتى ەتۋدى كۇشەيتۋى قاجەت. ايتالىق، قىزمەتكەرلەر «جاراقسىز قۇجاتتاردى» ءبىرتۇتاس ورتەپ جىبەرۋى نەمەسە قاعاز تۋراۋ ماشيناسىنا سالىپ تۋراپ تاستاۋى كەرەك.
اۆتوماتتى اقشا شىعارۋ ماشيناسىن پايدالانعاندا، ماڭىڭىزدا كۇماندى ادام بار ما ؟ قاتاڭ قاداعالاڭىز، اۆتوماتتى اقشا شىعارۋ ماشيناسىنىڭ جانىنا جاپسىرىلعان تەلەفون نومىرگە تەلەفون جالعاي كورمەڭىز، ماشينادان باسىلىپ شىققان قۇجاتتى بەتالدى تاستاماڭىز، ماشينانى پايدالانۋدا باسقالاردىڭ سىزگە كەدەرگى بولۋىنان، قۇپيا سيفىرىڭىزدى ۇرلاۋىنان ساق بولىڭىز.
كۇماندى حات-قاتىناس، ەلەكتروندى جولداما جانە قول تەلەفون كەلتە حاتىن تاپسىرىپ العاندا نەمەسە كۇماندى تەلەفون كەلگەندە انىق-قانىعىنا جەتىڭىز، بولماشى پايدانى كوزدەيمىن دەپ ورعا ءتۇسىپ كەتپەڭىز، ابىرجىپ قورىقپاي، سابىرلى بولىڭىز. توراپ بانكەسى ارقىلى اقشا تولەگەندە، بەيمالىم جالعانىم نەمەسە بەيمالىم ەلەكتروندى پوچتا جولداماسى قامداعان بانكە توراپ بەكەتىنەن پايدالانباڭىز، توراپ تۇتۇنۋ ەستەلىگىن جاقسى ساقتاپ قويىڭىز، ەگەر كارتىشكاڭىزدان بەيمالىم اقشا شىعىن ەتىلسە، دەرەۋ كارتىشكا تاراتقان بانكەمەن حابارلاسىڭىز.
زاۋدەعالام سورىڭىز قايناپ الدامكوستەردىڭ قۇرعان تۇزاعىنا ءتۇسىپ قالساڭىز، دەرەۋ كارتىشكا تاراتقان بانكەمەن حابارلاسىڭىز نەمەسە بانكەگە بارىپ، الدامكوستىك ارەكەتتى اشكەرەلەڭىز، تارتقان زيانىڭىز اۋىر بولسا، دەرەۋ قوعام حاۋىپسىزدىگى ورگانىنا دەلو مالىمدەڭىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
